EPISTULAE AD EUCHERIUM (LATIN)
Latin text from the Open Greek and Latin project (CC BY-SA 4.0) · SermonIndex
Hilary of Arles · c. AD 403–449

Source: Open Greek and Latin project, stoa0149c.stoa001.opp-lat1.xml. Licence CC BY-SA 4.0.


EPISTULAE AD EUCHERIUM

II. DOMINO BEATISSIMO ET MERITO SUSCIPIENDO ET IN CHRISTO DEUINCTISSIMO PAPAE EUCHERIO EPISCOPO HLLARIUS EPISCOPUS
[1]
Cum me libellos tuos mecum relaturum praecedentibus litteris indicassem, instantiam et exactionem pueri quem miseras lentare nullatenus potui. emisi itaque florulenta beatitudinis tuae opera non parum anxius, ne necdum descripta tam iugiter tam grauiter ruentibus imbribus labefactarentur. percurri ea semel tantum uniuersa miratus. concedat dominus, ut speciosa haec in Christo instructionum nostrarum gloriae tuae opera te in paginis tuis duce aliquando percenseam. hoc unum precor, ne me diu his institutionibus fraudari feras, sed unum me de iuuenibus tuis, quorum haec eruditioni ordinasti, habens hoc instantius habere me haec uelis, quo me magis aeui senium cum iuuentae imperitia premit. memorem te mei dominus ad profectum ecclesiae suae diu semet, beatissime papa.

------------------------------------------------------------
https://www.sermonindex.net/fathers/hilary-of-arles-epistulae-ad-eucherium-latin/