Miamun 16

1 Gubuê aru Abram mpada Kanan sangêa udzuf 10 sib da arangan fininggan Sarai warim narun mangan u. Ibinigi da Sarai ini da Abram ibiani, “Yawe yudzu dzi wangunggangê sib da dzi warim narungê mangan u. Da dzi rim Hagar, sagat Idzip dzi sagat gumangê ugu, da agu i u ruta gingêan. Da bida arangan rima narun rusan da nigi bungê autus i ruan i dzi binganggangê.” Ibinigi da Abram iringant i fininggan nanggan da iyu Hagar isu i fininggan 4 da irut igingê da arangan iwangun. Da gubuê Hagar sruêagin bida arangan wangundan, da itsarif runggan iyus da sagat gudzunggan Sarai. 5 Da Sarai ini da Abram ibiani, “Barabin waêan da dzi isu u asubam. Hai, dzi runggangê irim sagat gumangê igi da agu. Da bitsintaê aruani da arangan isruê gin ibi arangan iwangun sib da imus itsarif runggan da dzi. Yawe nararu mangan i asub igi, dzi ma agu." 6 Da Abram ini, “Ngarubini bingan! Da bitsintaê waringantin, nigi u sagat gumam rururungan da imingê da agu. U su wain gin. Nam u tsanganda bida dauman sangêa u maranggam aridan, wanang da arangan.” Ibinigi da Sarai inang Hagar nanggan mpadan imais wasi, da arangan irunt sinungê Sarai. 7 Da Yawe angira gan iwaê da Hagar imingê mpui maran mingêa nam manaê dadauntan sanab fada Sur. 8 Da ini, “Hagar, Sarai sagat guman, u mingê anungê iba, da u ni fada bida anungê?” Da arangan ini angira nanggan mungaê ibiani, “Dzi runt sinungê sagat gudzunggangê Sarai." 9 Da angira ini, “Watip wafan da rinunggam Sarai da watangê warangê i arangan nanggan santan nidan. 10 Dzi bungê anang u yanginggam nawaê nasisungê nayus da wasangê i farisa sib u." 11 Da itip ini, “Waringantin! U wangun sib da u bungê arim narun marub. Da wafaringê arangan binganggan Ismail, i wain ibiani, Yawe iringant i u wangu barabin gam sib. 12 Da u narunggam igi bungê ampa nabi dongki buman mangan, da wasangê atangêa warangê i garam mangan u. Aranga bungê ais garam santan, da garam santan bungê ais arangan nabinigi. Da wasangê i ruta rain rusan mpada bini u." 13 Hagar ini da runggan, “Ai! Dzi matsanga Anutu Aru Tsanganda Dzi sib ugu da dzi rumpa marataê?” Ibinigi da irim bingan da Yawe aru nida nan da arangan ibiani, “Agu Anutu Aru Tsanganda Dzi." 14 I wain igi da ifaringê mpui maran igi binganggan Bir-Lahai-Roi, wainggan ibiani, ‘Mpui Anutu Marantaêan Tsanganda Dzi’. Mpui maran igi rumingê wasaê i gamp Kades da Beret. 15 Impai raiyi da Hagar irim Abram narunggan marub, da Abram ifaringê i binganggan Ismail. 16 Iwaê gubuê aru nigi da Abram udzufan isangê 86.