Miamun 23

1 Sara impai udzufan isangê 127. 2 Da arangan imamp imingê gamp Kiriat-Arba (nida Hibron), imingê intap Kanan. Abraham irang igampun ruan i fininggan imingê ungar wasaê. 3 Arangan irang sib da itangin fininggan rai da ifa ni da garam Hit ibiani, 4 “Dzi maragab garam marawampua ani impa wasaê i agam. Agam warim intap mangan da dzi da dzi narim fininggangê gin." 5 Da garam Hit ini binaê, 6 “Garam tsiraê, aga marangê ifur ibiani: U garam nifutsarif impa wasaê i agai. Bida u wangunggam uda tauf bampun rima badzabin mangan mingêa aga gin, da warim fininggam in. Aga manga wasangê i nida nan intiê i tauf bampun u rima fininggam in u." 7 Da Abraham iraê i ruan da irim antungê da irasu ruan iruê garam Hit igi maranggan. 8 Da ini da ribigi ibiani, “Bida agam mpruêa wangum i dzi rima fininggangê i nani, da dzi marangê ifur ibiani: isangê agam uda dzi nifunggangê da guta i Tsohar narunggan Efron, 9 i rima tauf bampun mingêa Makpila mingêa arangan intapan idzintsuts ringampa angu da dzi. Da nani nam bunump gudzunggan rururungan i dzi rima nam ntsuman gin mingêa agam maranggam. Da nigi nasu dzi intapangê rima badzabangê gin." 10 Efron impa wasaê i gan garaman Hit igi imingê gamp tsiraê muantsi nifunggan da ini Abraham nanggan mungaê imingê santan igi maranggan ibiani, 11 “Garam tsiraê, dzi marangê ifur ibiani: dzi bungê arim intap mungaê arigi santan nampruê da tauf bampun mingêa gin ani namingê dzi ampan gangê maran da agu. Da warim fininggam gin." 12 Da Abraham itip irim antungê da irasu ruan iruê garam gamp igi maran 13 da ini da Efron imingê ribigi maranggan ibiani, “Dzi gaib runggangê da agu i u ringanta i dzi wangunggangê. Dzi bungê arim nam bunump gudzunggan rururungan i intap igi. Wau nam bunump igi da dzi bungê arim fininggangê gin." 14 Efron ini Abraham nanggan mungaê ibiani, 15 “Dzi garam tsiraê gangê, ariê waringantin: intap igi nam bunumpan gudzunggan isangê 400 silva, da bitsintaê nam bunump igi nam utaê bingan i garam tsiraê bida agu da dzi. Warim fininggam gin." 16 Abraham iyu Efron nam bunumpan runggan nidan igi iyab da irants 400 silva da irim da Efron imingê garam nidzun santan Hit maran. 17 Ibinigi da Efron intapan mingêa Makpila mingêa uts da Mamri igi impruê da gum da tauf bampun da gai santan mingêa gin isu Abraham nanggan imingê garam Hit santan mpruêa ruan gin igi maranggan. 19 Nan tipan ntsupan da Abraham irim fininggan Sara i tauf bampun mingêa Makpila imingê uts da Mamri (Hibron gampan isiê mangan) mingêa intap Kanan. 20 Ibinigi da garam Hit intapan marafain arigi mpruêan da tauf bampun isu Abraham gampan rima badzaban gin.