Miamun 4

1 Adam irut fininggan Ifa impai da arangan fininggan iwangun da yapingê Kein. Da Ifa ini, “Yawe irim dzi sib da dzi yapingê narungê marub." 2 Raiyi da Ifa itip irim Kein rainggan Abel. Gubuê Abel yingêa sib da inang guman mpada tayangê dumpa da nuning, da Kein inang guman rafa gum. 3 Gubuê mangan da Kein iyu nam gadan fain imingê guman da irim dangki gin ifan da Yawe. 4 Da Abel ibinigi iyu apu bini imingê dumpa gan fain narun miamun gin da isaf da iyu nagaran bini da irim isu dangki ifan da Yawe. Yawe nugun inuf nidzun angu i Abel impruê da gan dangki gan, 5 da bitsintaê nugun wanuf i Kein da gan dangki gan u. Ibinigi da Kein nugun itsakia nidzun da igurungur tsiraê bingan. 6 Da Yawe igut i Kein, “Wain idzuwai da u nugum itsakia? Wain idzuwai da u gurungur? 7 Bida u nanga nam bini da u nugum bungê atsiaê. Da bitsintaê bida u nanga nam maisan da nam maisan itapatip sib u muantsi nifunggam i prutsan da garada u funub. Ini suda wain i agu, da bitsintaê wamunti babampafan i rasudan." 8 Da Kein ini da rainggan Abel ini binaê, “Abel, agi yunga rai rai angu waêa gum.” Gubuê ribarangan waêa sib gum, da Kein yitam i ruan da yis rainggan funub. 9 Raiyi da Yawe igut i Kein ini binaê, “Da u rainggam Abel anungê?” Da arangan ini, “Dzi wasruê gin u. Mai! Dzi masu wain i mpada tayangê rainggangê?" 10 Da Yawe ini, “Ibianungê da u bunang sanab maisan ibiani i rainggam? U rainggam Abel biê gan nifunggan nuêan mingêa intap iwaê da dzi ibi nifun nuêan i nanga nam mungaê. 11 Aruani da maisan narut agu da napaê agu rai i intap aru daganga nifun da numa u rainggam biêgan u banginggam yatsa rai ugu. 12 U nida rafa gum da intap wasangê i rima nam nidzun mangan da agu u. Da u bungê asu garam kupa i asub rampan angu yungan sangêa intap angu fadan." 13 Kein ini da Yawe ini binaê, “Dzi asubangê mungaê gan u riman da dzi ani tsiraê bingan iyus dzi. 14 Da waringantin! Aruani da u wat dzi rai i intap gum da gam maranggam. Da dzi bungê asu garam kupa i asub rampan angu yungan, da bida manga tsanganda dzi da bungê ais dzi funub." 15 Da bitsintaê Yawe ini, “Imaê. Bida manga isa agu funub da bungê abuaringê barabin mungaê maisan angu nasangê 7 nayus agu i mungaê gan.” Ibinigi da Yawe irim ampap mangan iyab i Kein i garam tsangandan ma waêan da arangan anungê isangê isa arangan funub u. 16 Ibinigi da Kein itangin Yawe maranggan rai da ifa mpa intap Nod imingê gubuê yaban i Iden. 17 Kein irut fininggan impai da fininggan iwangun da irim narunggan marub Inok. Da Kein irim gamp tsiraê mangan da ifaringê narun Inok bingan iyabin. 18 Raiyi da Inok irim Irad. Da Irad irim Mehudzael. Da Mehudzael irim Metusael. Da Metusael irim Lamek. 19 Lamek iyu sagat iruêrun, Ada da Tsila. 20 Ada iwangun da irim Dzabal. Dzabal tafan rusan isu garam mpada tayangê apu pagraê bida makau da dumpa da nuning da tumuangêa ungar tipa i apu rini gangan angu yungan. 21 Dzabal rainggan binganggan Dzubal. Dzubal isu garam rima musik i gita da yamungê tafanggan. 22 Tsila iwangun da irim narun marub binganggan Tubal Kein. Arangan garam bangimurun i tipa nam mara maran i bras da ain. Da arangan nafunggan binganggan Nama. 23 Gubuê mangan da Lamek itsarif runggan da finin rusan ibiani, “Ada da Tsila, waringant i gabunggam dzi, Lamek, nanggangê! Dzi bungê ais garam mangan funub bida rima biê da dzi. Da bungê abinigi angu bida mamaê rinifaê mangan intingêa dzi. 24 Bida garam mangan isa Kein funub da arangan bungê abuaringê barabin nayus 7. Da bida manga nanga bangin yaba i dzi, Lamek, da arangan bungê abuaringê barabin tsiraê angu nayus 77." 25 Raiyi da Adam itip irut fininggan Ifa impai da fininggan iwangun da irim narun marub, da ifaringê arangan binganggan Set (wainggan ibi ‘irim’) da ini, “Anutu irim mamaê narun mangan da dzi i uda Abel faganggan aru Kein isa funub ugu." 26 Raiyi da Set irim narunggan marub mangan da ifaringê i binganggan Inos. Mingêa arangan gubuê gan arigi da fadan da garam gar iyugin da nifun itsaf Anutu da ifaringê i binganggan Yawe.