Miamun 6

1 Gubuê garam gar yusan da dzarangan mpada sangêa intap santan da rima narun ruas finam yusan, 2 da Anutu narun rusan itsangan garam intap narun rusan finam igi mara rifirif runggan angu da iyu isu i finin rusan isangê maranggan aridagin. 3 Da Yawe itsangan da ini ibiani, “Dzi nifu pauê gangê marantaêan wasangê i mingêa da garam gar ntingan u, i ribarangan garam gar intap angu. Da gan udzufan mpadan wasangê i fayusa 120 u." 4 Mingêa gubuê igi da yaba badan da garam yingêa maraurun tsiraê tsiraê bingan impai intap. Garam igi Anutu narun rusan rima da sagat intap. Ribigi garam ngifa ngants nidzun da miamun bingan ugu. 5 Da Yawe itsangan garam gar santan i nanggan maisan nangan da maran fura nam maisan nidzun angu bida nam bini isu gudzufugun i ribarangan. 6 Da Yawe nugun ibarabin nidzun bingan angu da maran ifur, “Dzi damami tipa garam gar mpada intap da madadaum." 7 Ibinigi da Arangan ini, “Dzi bungê asiat garam gar santan dzi tangindan rai sinungê intap, garam gar da apu marantaêan santan mpada intap da dzufan. Dzi wangungê ibarabin i dzi tangin ribarangan." 8 Da bitsintaê Yawe nugun inuf i Noa angu. 9 Noa nanggan ani. Noa runtaê garam rururungan imingê wasaê i garam santan da gan gubuê gan mpadan da garam watsanga sanab asub mangan wayab i arangan, da arangan itsuwir Anutu i sanaban mararam. 10 Noa irim narun rusan iruê da bits: Sem da Ham da Yafet. 11 Garam intap santan nanggan maisan nangan isu mais imingê Anutu maranggan. Da nam isa ruan idasangê isangê intap santan garam mpada gin. 12 Anutu irarab intap da itsangan nam maisan tsiraê suda gudzufugun i garam gar da tanginda sanab bini rai. 13 Ibinigi da Anutu ini da Noa ibiani, “Dzi marangê ifur i siata garam gar santan rai, i ribarangan isu gudzu uris i ruan iyus. Hai, nan nidzun! Dzi bungê asiat garam gar da nam santan mingêa intap nampruê. 14 Ibinigi da watip madzung i runggam i gai riniurun bini, da wasi kolta i wasaê da manaê. Da watip madzung igi guntiê gan nasangê 140 mitas da maradza gan 23 mitas da yaban gan 14 mitas. Warim i gudzun sib da warim pangê wasaê i gudzun da ringampa gan nasangê 45 sentimitas. Wais tiriang farab nasangê iruê da bits, manga warangê da wasaê da wagungê. Da wais mumai igi wasaê farab farab in i apu mpada gin. Da warim muantsi namingê i ringampa gan. 17 Dzi bungê atangin mpui tsiraê nawaê intap i isa nam marantaêan sib angu funub. Da nam sib angu mingêa intap bungê amamp. 18 Da bitsintaê dzi bungê autus i nan utusa i ruan gin da agu. Nabiani, warut fininggam da narum rusam da gan finin rusan natangê madzung. 19 Da apu santan marantaêan mara maran sib angu iruêrun, arapuê da rinan, naba da agu da natangê madzung nampruê i mpada marataê. 21 Wayu nam gadan mara maran santan da waufum nasangê i agam da apu santan i gadan." 22 Noa inang nam sib angu isangê Anutu nanggan nidan da arangan.