Yona 4

1 Da bitsintaê Yona nugun anungê inuf i Yawe nanggan maran ntuêa rib Niniwe u, da arangan nugun itsakia nidzun angu gin. 2 Ibinigi da arangan yugin da Yawe ibiani, “O Yawe! Gubuê dzi rungê mpada gamp ugu da dzi sruê gin sib ibi U bungê anang nam bida nigi. Ibinigi da dzi runt sinungê Agu i fada gamp Tarsis. I dzi sruê gin i Agu Anutu maraampi da maran gaiban. U anungê inang da isantingê nugu sasusam sung u, da maran aridan wain Agu. Da U nang da U parim i uwayantam i anungê wayada garam u. 3 Ibinigi da wais dzi funub, O Yawe, i dzi bugin i rungê mpada marataê. Ngarubini bingan i dzi mampan." 4 Da Yawe ini arangan nanggan mungaê ibiani, “U yu wangum iyaê? Nigi madaum?" 5 Da Yona iwaê manaê sinungê gamp tsiraê igi da ifa mpa imingê gubuê yaban. Da mingêan nigi da arangan itip marayawaê mangan da impa yaung gin. Da impa ifangê i tsanganda nam idzuwai bungê awaê i gamp tsiraê igi. 6 Da Anutu Yawe itangin bruê mangan da intap iyab da irim yaung i Yona gudzunggan i rima arangan sib. Da Yona nugun inufin. 7 Da pisa maratait da Anutu itangin apu uruai mangan da igara bruê da imayangê gin. 8 Gubuê impa wasaê da Anutu irim manis sasusan imingê gubuê yaban iba. Gubuê tsiraê itai Yona gudzun, da maran ididirunt da inang i mampa asub. Da arangan ini ibiani, “Ngarubini bingan angu i dzi mampan. Dzi bugin i rungê mpada marataê!" 9 Da Anutu ini da Yona ibiani, “Nigi madaum i u uda wangum i bruê maringêan igi?” Da Yona ini binaê, “Hai, idaum! Dzi gurungur iyus da dzi ni mampan!" 10 Da Yawe ini da arangan, “Bruê ani runggan iyab da idziang mangan, da imaringê da idziang mangan. Da u anungê isu gum asap asap in ma irim sib i rungê dzufan u. Da u maram intuê i nam isiê arigi. 11 Da bitsintaê gamp Niniwe gamp tsiraê bingan da rib mpadan nigi iyus 120 tausen, impruê da apu pakra ampi bingan. Ribigi anungê isruê i nam bini da maisan u. Da nam idzuwai bumais i dzi marangê ntuêa gamp tsiraê igi?"