Lukas 4

1 Marapayam Mararam isisungê Yisu da itangin mpui Yordan rai. Da gubuê arigi Marapayam yutsungê Arangan ifa nam manaê dadauntan. 2 Da Sadang yintsaê Arangan i nigi isangê gubuê 40. Da gubuê igi ntsupan da mangits irut iyus, i Arangan anungê iga nam mangan u. 3 Da Sadang ini da Yisu, “Bida Anutu Narunggan agu, da wani da tauf ani nasu nam gadan." 4 Da Yisu ini i nifunggan mungaê ibiani, “Anutu nanggan akaran rumingê ibiani, ‘Garam gar mangan anungê isangê i mpada marataê i nam gadan angu u.’ “ 5 Da Sadang yutsungê Arangan iyab mamai wagungê mangan da sung angu isantingê i gamp santan mingêa intap da intap. 6 Da ini rutin, “Nam bunump santan u tsangandan ani dzi su wain gin, da dzi bungê atangin da agu i u suda wain gin, da u bungê au bingan tsiraê gin. Da bida dzi riman da mangan da dzi bungê arim. 7 Ibinigi da bida u idzaêa fagam da dzi, da nam santan igi bungê asu agu gam." 8 Da bitsintaê Yisu ini Sadang nifunggan mungaê ibiani, “Anutu nanggan akaran rumingê ibiani, ‘Watsarif gam Nifutsarifam u Anutu gam da wapumuê Arangan runtaê angu.’ “ 9 Da Sadang itip yutsungê Arangan ifa Yerusalem da imunti Ungar Mararam gudzun wagungê da ini, “Bida agu suda Anutu Narunggan da watup waruê. 10 I Anutu nanggan akaran rumingê ibiani: ‘Arangan bungê awat angira gan i rima agu sib. 11 Da ribarangan bungê amagangê agu i banginggan sinungê tauf, da wasangê i u utuda fagam u.’" 12 Da bitsintaê Yisu ini, “Anutu nanggan akaran mangan ini binaê, ‘U anungê intsaêa i agada Nifutsarif u Anutu gam i atsungêa nan ragada sib ugu u.’" 13 Gubuê Sadang intsaêa Yisu sib da itangin Arangan rai, da Sadang ifangê i gubuê mangan i tipa intsaêan. 14 Yisu tipa fada Galili da isisungê i Marapayam nampanggan, da Arangan sisingê gan ipuê idzarangê gamp santan mingêa Galili. 15 Arangan iyung ifis i nan imingê ungar mpruêa ruan gin da garam santan itsarif Arangan. 16 Arangan itip ifa Nasaret, gan gampan wain aru yingêa gin ugu. Yisu yatangê ungar mpruêa ruan gin da Sabat, gubuê mararam mpada asap, ibi musa nangan da gubuê Sabat santan. Da imunti iyab i faringêa nan mingêa Anutu nanggan. 17 Da garam mangan irim papiar profet Aisaia nanggan kakaran mingêa gin da Arangan. Ibuadza da iwaê da nan da ifaringê ibiani: 18 “Nifutsarif Marapayaman irut dzi, i Arangan ipiriangê dzi i fisa i gan sisingê bini gan da garam sauda runggan. Itangin dzi iba i nida nan wasi i garam karabus ruas bungê atangin karabus rai, da maran gampaman bungê atsanga nam, da rib mpada wasaê i barabin mpada nugu nufan, 19 da nida Nifutsarif gubuê gan suda maraampi da gan garaman da aruani." 20 Da Yisu yipingê nan kakaran da itip irim ifan da garam mpada tayangê gin da impa iruê. Da garam santan mpada ungar wasaê igi intrung maran i Arangan. 21 Da Arangan ini da ribarangan ibiani, “Aruani da nan agam ringanta gin ani isu nidzun." 22 Da garam santan irunt fafun da itsauê i nan bini bingan Yisu nidan, da ini nan bini angu i Arangan. Da bitsintaê itip ini da ruan, “Ibianungê da arangan ifis i nan ibinigi? Yosef narunggan angu igi!" 23 Da Yisu ini da ribarangan, “Nan nidzun, agam bungê ani nan bida ani da dzi, ‘Dudaê, watip runggam!’ Da agam bungê ani nabiani, ‘U madanang nam u nanga mingêa Kapenaum, da aga ringantagin ugu, damingê gam gampam ani?’ 24 “Da bitsintaê, dzi nani nan nidzun da agam, profet mangan garam gampan anungê itsarif imingê gan gampan wain u. 25 Dzi nani da agam nabinigi, i Eliya gubuê gan ugu da gubuê ifus isangê udzuf 3 da ukam 6 da nam mangits tsiraê iwaê intap Israil santan. Da gubuê aru nigi, sagat yaruf ampi bingan impa Israil. 26 Da bitsintaê Anutu anungê itangin Eliya ifan da gan mangan u, itangin arangan ifan da sagat yaruf mangan imingê gamp Tsarefat mingêa Saidon. 27 Da profet Elisa gubuê gan mpadan, da diginting itiri i garam ampi bingan. Da Anutu anungê irim garam Israil mangan sib u, da irim Naiman garam Siria sib." 28 Da garam santan mpada ungar mpruêa ruan gin igi ringanta i Yisu nanggan nidan igi da nugun itsakia tsiraê. 29 Da ribarangan yuriê iyab da iyut Arangan iwaê ifa sinungê gamp igi da ifa gangar ringan i yuta Arangan ruêa gangar, i gamp Nasaret igi imingê mamai wagungê. 30 Da bitsintaê Arangan idziri ribigi santan wasaê da ifa gan arun. 31 Da Yisu iyung iruê Galili gampan mangan nida Kapenaum. Da ifis i nan da garam da gubuê Sabat. 32 Tuasarangan irunt fafun i nan Yisu fisagin igi, i nanggan isangê garam nifutsarif nanggan fisagin. 33 Da garam mangan marapayam maisan yantsangan impai ungar mpruêa ruan gin igi impruê, inuê nifun tsiraê ibiani, 34 “Ai, Yisu garam Nasaret! U ni mantuda i agai? U maba i wayada agai? Dzi tsangan wa, i Anutu Garaman Mararam agu." 35 Da Yisu ini nan babampafan, “Wasimprim nifum da wawaê sinungê arangan!” Da marapayam maisan iyut garam arangan iruê ribigi maranggan, da iwaê sinungê arangan da anungê irim tsakia mangan da garam igi u. 36 Da garam santan irunt fafun gin da ini da ruan, “Nan gan fisagin ani ibianungê? Garam ani ini nan nampang isangê garam nifutsarif da marapayam maisan iringantin da irunt sinungê!" 37 Da nam Yisu nangan igi sisingê gan ipuê idzarangê isangê gamp santan mingêan nigi. 38 Da Yisu itangin ungar mpruêa ruan gin rai da ifa Saimon Petrus ungaran. Da gubuê igi Saimon bunggan finam igingê rinin ruta rinin sasusan tsiraê bingan, da ribarangan igut i Yisu i rima sib. 39 Da Yisu imunti sagat igi rabiê gan ringan da impiê rinin sasusan da itangin arangan rai. Da sung angu sagat igi yuriê iyab da irim nam gadan da ribarangan. 40 Da gubuê ruêan da garam ampi bingan iyu garam rinin gingêan mara maran iba da Yisu i tipan. Da irim bangin ragun i bitsintaê bitsintaê da rinin idaum. 41 Da marapayam maisan iwaê sinungê garam ampi bingan da inuê tsiraê ibiani, “Agu Anutu Narunggan!” Da bitsintaê Yisu ipaê ribarangan i anungê nida nan u, i ribarangan isruê i Arangan Kristus, Garam Anutu Ragadan. 42 Da gubuê pisan da Yisu runtaê iyung ifa mumai mangan garam maêa gin. Da garam ampi bingan isau Arangan isangê bawaêan da Arangan i nigi, da imunti sib i Arangan i anungê tanginda ribarangan rai u. 43 Da bitsintaê Yisu ini, “Imaê, dzi bungê afa gamp fain naga nampruê i fisa i sisingê bini Anutu nanggan mpada tayangê gan garaman, i wain aru nigi da Anutu itangin dzi iba." 44 Ibinigi da Yisu iyung ifis i sisingê bini wasi imingê garam Yuda ungaran mpruêa ruan gin santan.