Taitus 3

1 Watip wani nan marafur da rib muarutsan i atangêa warangê i gabman garam gudzun rusan da ringanta i nanggan, da nugun puêa i nanga nam bini angu, 2 da anungê rima ub ma nida nan maisan i mangan u, da tsanganda ruan bini, da maran fura rib fain aga suda miamun, da yafada nan angu i ampan santan. 3 I wain ibiani, mungê ugu da agi binigi isu garam bururiêan, da imami ringanta i nan, da yatsungê nan umpur. Da isu mamaê gum utaê i nam wangun akatsan intap ani gan da nam mara maran rima nugun tsiaêan da riniuriats. Da agi mpa wasaê i nam maisan da nugun ruaêa i ruan da buginda ruan maiê maiê. 4 Da bitsintaê gubuê Anutu, aru rima agi sib, maraampi gan da maran aridan gan kupisa ruan wasi, 5 da Arangan irim agi sib, i wain, anungê agi sanabangê bini nangan mangan u, imaê, Arangan nanggan gaiban angu. Irim agi sib i sanab bida ani: i Yisus Kristus, Garam rima agi sib, nanggan mampan angu da Anutu iyats Marapayam Mararam isisungê agi i adzuêa agi nanggangê maisan rai da nanga agi wangunggangê suda faê da rima nam maran taêan faê da agi. 7 Anutu inang ibinigi iyab i maraampi gan angu, i faringêa agi bida garam rururungan da agi suda i gan narun rusan da rima marangê i ruta Arangan mpada ratar ntingan angu. 8 Nan igi nan nidzun bingan. Ibinigi da dzi ni da agu i u dziwara i nan santan igi babampafan angu, i rib muarutsa Anutu ugu rima uwayantan santan i nanga nam bini. Nan igi bini iyus da bungê arim rib santan sib. 9 Da bitsintaê agu anungê mingêa wasaê i nan brabruêan da branga ruan ma nan ufuai ragida tafan ruas ma mpiêa ruan i nan faidagin, i nan igi nidzunggan bini imaê da wasangê i rima garam gar sib u. 10 Da waradzungê garam branga ampan muarutsan, da bida mamida i ringanta i nan, da watip waradzungê, da maêan, da watiri arangan rai da warim barum rutin. 11 I u tsanga sib wa, nam maisan yis marawafir i garam bida nigi da iwaya i uwayantan, da gan nanggan maisan nangan irim arangan rai. 12 Gubuê dzi tanginda Atemas ma Tikikus biawaêan da agu, da waintsaê i rima runggam santan i bawaêan da dzi mingêa gamp Nikopolis, i dzi ni biaêan i mpada nigi da gubuê nam rangarang. 13 Waintsaê i nanga nam santan i rima Dzinas, garam gudzupuê i nan faidagin, da Apolos sib i gan sanaban yunga fadan, i anungê sauda ruan i nam mangan u. 14 Agi ampan gangê muarutsan narim uwayantan santan i nanga nam bini i rima rib sauda runggan sib, i ribarangan suda garam kapa nidzun bini. 15 Rib santan ruta dzi mpadan ani irim nanggan nufan ibiaê da agu. Warim aga nanggangê nufan da rib muarutsan maran arida i agai mpada nigi. Nifutsarif maraampi gan narut agam sib angu.