1 Korin 13
PNG1 Asu ro nindou ranaheimbo nindou-yei hoaf-ane, asu sünambeahɨndɨ nendɨ-yomondɨ hoafɨ ranane ra hoafɨyahandürühɨ, asu ro nindou ranaheimbo Ågusüfo pefekoate-ayahɨ ana, asu ro nümüsɨ fandɨyoanɨ, moanɨ hoafayo hoaÅgo nahurai-ndamboyahɨ. 2 Asu ro Godɨndɨ hoafɨ hoafɨndahandürühɨ, Godɨndɨ hohoanɨmo dɨbo eÅgoro ra muÅguambo fɨfɨrarɨheand-ane, asu muÅguambo fɨfɨrɨfe ra fɨfɨrarɨheand-ane, asu Ågɨnɨndɨ hamɨndɨ anɨhondümbo-rɨheandühɨ asu nɨmoei-wafu nɨmaroanɨ hoafɨyahanɨ gorügoanɨnɨ aho-ane, asu ro nindou ranaheimbo Ågusüfo pefekoate-ayahɨ ana, asu ro moan-anahɨ. 3 Ro wandɨ napo muÅguambo masɨheheandɨ ra napokoate-yeimbɨ nindou fehefendürɨmbo yimbondɨhe, asu wandɨ fi ra hɨnɨÅgɨ-ndɨheandanɨ nindou ai wambo haiambe mandundɨranɨ hai tɨkɨrɨnda-ndɨrɨmboesɨ, Åga asu ro Ågorü nindoumbo Ågusüfo pefekoate-ayahɨ ana, ra Ågɨrɨ wambo aboedɨ fandɨhendɨrɨ. 4 Ågorümbo Ågusüfo pare-randeimbɨ ai warɨ hoafeandüh-reandühɨ farɨhendürɨ arandɨ. Asu ai moai nindou Ågorümbo Ågusüfoambe moaruwai hohoanɨmoyu randɨ, asu ahandɨ fimbo moai borɨyu randɨ, asu moai ahandɨ fimbo hɨhɨfɨ-hɨhɨfɨyu randɨ. 5 Ai moai afɨndɨ-afɨndɨyurandɨ. Asu ai moai ahandɨ moatükunɨmbo yaÅgɨrɨ hohoanɨmo pare randɨ, asu moai nɨmehünou Ågɨnɨndɨyu randɨ. Asu ai moai nindou ahambo moaruwaimbo-marɨhorɨ ranahambo hohoanɨmoyu randɨ. 6 Asu Ågorümbo Ågusüfo pare-randeimbɨ aiana nɨne-moatükunɨ moaruwai-ayo ranahambo moai hɨhɨfɨ-hɨhɨfɨyu randɨ, Åga aiana anɨhondü hohoanɨmo ranahamboane hɨhɨfɨ-hɨhɨfɨyu arandɨ. 7 Ai ana muÅguambo tɨÅɨrɨfo aho ra moanane yahu arandɨ, asu muÅguambo si aho ra Godɨmbo anɨhondümbo-rirɨ randühani. MuÅguambo si aho ra God ai fandɨhendɨrɨmbui yahuhaya, hɨfandandühɨ asu muÅguambo tɨÅɨrɨfo ra tüküfeyoanɨ, ai Ågɨnɨndɨ nüÅgumboani. 8 Ågorümbo Ågusüfo pefe hohoanɨmo ra ai Ågɨrɨ awarɨndɨhoayo. Åga Godɨndɨ hoafɨ hoafombo hohoanɨmo ranana kɨkɨndamɨndɨmboe. Ranɨ-poanɨmbo hoafɨna hoafɨ hohoanɨmo ranana moendɨndɨmboe. Fɨfɨrɨfe hohoanɨmo ranana awarɨndɨhoemboe. 9 MuÅgu-moatükunɨ aho ra moanɨ bɨdɨfɨrɨ-bɨdɨfɨrɨ yaÅgɨr-ane fɨfɨrɨhumboayefɨ. Godɨndɨ hoafɨ hoafɨmbo ranamboanɨ awi moanɨ bɨdɨfɨrɨ yaÅgɨr-ane hefɨ hoafɨyefɨ arɨhundɨ. 10 Åga süÅgunambo nɨne-moatükunɨ aboedɨ hamɨndɨ-mayo ranai tükündɨfeihɨ anɨmbo, asu nɨne-moatükunɨ moanɨ bɨdɨfɨrɨ-bɨdɨfɨrɨ yaÅgɨrɨ hohoanɨmomayefɨ ranai awarɨndɨhoemboe. 11 Horombo ro nɨmorɨ-yahambe ranɨ-sɨmboanɨ wandɨ hoafɨ, hohoanɨmo, fɨfɨrɨfe ranɨ-moatükunɨ ra nɨmorɨ nou rasüÅgumarɨheandɨ. Åga hapondanɨ ana ro adükarɨ-yahühɨ nɨmoakɨdɨbou-yei hohoanɨmo ra hɨnɨÅgɨ-rɨheamboanahɨ. 12 Haponda muÅguambo moatükunɨ awi moai sɨhɨrɨ ndorɨhu fɨfɨrɨhundɨ, Åga hoehɨmboambe nahurai-ane hoeirɨhu arɨhundɨ. Åga süÅgunambo anɨmbo sɨhɨrɨ Godɨmbo ndondɨhurɨ ahandɨ Ågusümboarɨ ra hoeindɨhumboyefɨ. Hapondanɨ ana moanɨ bɨdɨfɨrɨ yaÅgɨr-ane fɨfɨrarɨheandɨ. Åga süÅgunambo-anɨmbo ro ahambo ndondɨhinɨ fɨfɨrɨndɨ-hinɨmboyahɨ, ai wambo haponda ndore fɨfɨrareandɨrɨ nou. 13 Åga haponda Ågɨmɨ moatükunɨ nda, Godɨmbo anɨhondümbofe hohoanɨmo, Godɨmbo anɨhondümbofehü hɨmboyondombo hohoanɨmo, asu nindou Ågorümbo Ågusüfo pefe hohoanɨmo ra moanɨ koadürümbo-koadürümbo yagodɨmboe. Åga Ågɨmɨ hohoanɨmo ranahandambo, Ågorümbo Ågusüfo pefemboane ai adükarɨ hamɨndayo.