1 Pita 1
PNG1 Karɨhasɨ-handürɨ, ro Pita Sisasɨndɨ hoafɨ sahamɨndɨ ha-rɨhandeimb-anahɨ. Godɨndɨ nendɨ se hɨfɨ hondü hɨnɨÅgɨrɨhi hehi nou, Pontus, Garesia, Kapadosia, Esia, asu Bitinia hɨfɨ ranɨhü burɨyei wakarɨhindɨ, sɨheimbo pas nda sürü paparɨhandɨ. 2 Ape God ai horombo hondü fɨfɨreandühɨ sɨheimbo ahambohünda dɨbonɨmayundüra Yifiafɨ Aboedɨ ai Godɨmbohünda kafoareandürɨ hɨnɨÅgɨ-mareandürɨ. Se Sisas Kraisɨndɨ hoafɨ süÅgurɨhünda asu ahandɨ horɨna sɨheimbo popoaiyondürɨmbo-hündamboyo God ai dɨbonɨmayundürɨ. God ai sɨheimbo moanɨ hɨpoambo-ndeandürühɨ Ågusüfo afurɨfe kifeimbɨ hohoanɨmo ra afɨndɨ safɨ mbɨsagadüramboane. 3 Awi sɨhɨrɨ sɨhefɨ Adükarɨ Sisas Kraisɨndɨ God asu Ape-ayu ranahambo aboed-ani mbɨsefɨmboane. Ai ahandɨ hɨpoambofe hohoanɨmo afɨndɨ ranɨ-süÅgunambo sɨhefɨmbo yaÅgɨrɨ nɨÅgo hohoanɨmo masemunɨ. Sisasɨmbo yɨfɨhündɨ botɨmarirɨ, ranɨmbo-hündambo-anɨmbo sɨhɨrɨ amboanɨ randɨhu tükündahumboyefɨ sefɨ hohumboanefɨ asu sɨhɨrɨ ranahambo hɨmboayefɨ. 4 Asu sɨhɨrɨ ahandɨ nɨmor-anefɨ, ranɨmbo-hündambo-anɨmbo God ai yaÅgɨrɨ nɨÅgombo hohoanɨmo eÅgoro ra ndemunɨmbui sɨhɨrɨ ranahambo amboa hɨmboayefɨ. Ranɨ-moatükunɨ ra sürühoeimbɨ hamɨndɨyo hayamboane Ågɨrɨ sümbondo asu moendɨndo. MuÅgu moatükunɨ ra God ai sɨhefɨmbohünda sünambe kɨkɨhɨramündü nɨmarümbo-wambo. 5 Se ahambo anɨhondümbo-rɨhorɨ arɨhündɨ, ranɨmboane asu ai sɨheimbo ahandɨ Ågɨnɨndɨnambo güre hɨbadandüra Ågombo asu bɨdɨfɨranambo si tükündɨfemboe. Ra-sɨmboan-anɨmbo ai sɨheimbo aboedambofe-ndürɨmboayu ra weindahɨ-ndɨfemboe. 6 Ranahambo hɨhɨfɨ-hɨhɨfɨyeihaneisɨ, Åga asu se hapondanɨ akɨdou hɨnɨÅgɨfe mamɨkarambo tɨÅɨrɨfo sɨheimbo sowahɨ tüküfehane. Åga ranɨ tɨÅɨrɨfo moatükunɨnambo God ai sɨhei anɨhondümbofe hohoanɨmo ranahambo refe hoeifendürɨmbo yahumboani, gor haiambe mandu hoeiarundɨ nou. Gor ai hepünɨmbü moatükun-ane, Åga ai moendɨndɨmboe. Åga sɨhei anɨhondümbofe hohoanɨmo gorɨmbo Ågasündeamboane. Ranɨmboane asu süÅgunambo Sisas Krais ai weindahɨ tüküfiyu-ambe-anɨmbo God ai sɨheimboya aboed-anei mbüsündürühɨ hɨmboamupuimbo-randeimbɨ dagadüranɨ asu se ndürümbɨ hamɨndɨ-ndeimboyei. 8 Asu se moai awi ahambo hoeirɨhorühɨ-yeipoanɨ, Åga se ahambo afɨndɨ hohoanɨmoyahündo arɨhündɨ. Hapondanɨ ana ahambo se hoeirɨhorühɨ-yeipoanɨ, Åga asu se ahambo Ågusüfo parɨhorɨ arɨhündɨ. Ndanɨ hɨhɨfɨ-hɨhɨfɨ ndanana hɨfɨ ndanɨhündambo-yopoanɨ, Åga nüÅgundɨhu ranahambo hoafɨndefɨ sefɨ, Åga wagabeahɨndɨ moatükun-ane. 9 Se Godɨmbo anɨhondümbo-arɨhorɨ ranɨmboane asu ai sɨhei yaÅgɨrɨ nɨÅgombo aboedambo-reandürɨ arandɨ ranahambo se hɨhɨfɨ-hɨhɨfayei. 10 God ai nindou aboedambo-fembo horombo ahandɨ hoafɨ hoafɨyomo-rundeimbɨ aiyomo wudɨpoaporu türüfoaru marundɨ. Ai God sɨheimbo aboedambo-ndearümbui ranahambo hoafɨmemo. 11 Kraisɨndɨ Yifiafɨ ai ahamundɨ fiambe nɨmarɨmboyo horombo boatei yahoya, “SüÅgunambo Krais ai tɨÅɨrɨfo hohoanɨmo ndemündü mbundambo asu ndürɨ adükarümbɨ-ndümbui,” mehopurɨ. Ranɨyomo ai ranɨ-moatükunɨ ra nɨnɨ-sɨmboanɨ nüÅgu-nahurai tükümandɨfe yahomo houmbo ranahambo tümaru hoaÅgomo. 12 God ai ahamumbo nafuimepurɨ, Åga asu ahandɨ aboedambofe-munɨmbo hohoanɨmo ra ahamundɨ fimbo fehefepurɨmbo-yopoanɨ, Åga hoafɨ ra sɨheimbo farɨhefe-ndürɨmbo-hündamboane. Åga aboedɨ hoafɨ ra hoafɨ sowandümo homo-rundeimbɨ ai haponda sɨheimbo masabundürɨ ranahamboane hoafɨmemo. God ai sünambeahɨndɨ Yifiafɨ Aboedɨ koamarɨhenda kosowühɨyo asu ranɨ Ågɨnɨndɨnambo ai aboedɨ hoafɨ ra sɨheimbo hoafɨmemo. Ranɨ-moatükunɨ ranahamboanemo sünambeahɨndɨ nendɨ ranai-amboanɨ fɨfɨrɨndɨhu yahomo houmbo hohoanɨmoemo. 13 Ranɨmboane haponda se dɨboado-ndühümündi nɨmandei. Rananɨmbo Sisas ai süÅgunambo weindahɨ tüküfihümbo ranɨ-sɨmboanɨ God ai aboedambofe-ndürɨmbo ranahambo se muÅguambo anɨhondümbo-ndɨhindühɨ hɨmbondei. 14 Dɨbafɨ hoafɨ hɨmborɨyeimbɨ nɨmorɨ nahurai Godɨndɨ hoafɨ hɨmborɨndei. Horombo ahandɨ-mayo hohoanɨmo ra sɨhei fikɨmɨ yaÅgorɨkoate-yoambe wamboyei asu se sɨhei Ågusüfoambe hohoanɨmo moaruwai tüküfe-randeimbɨ hohoanɨmo ra süÅgurɨhi-marɨhündɨ. Åga awi hapondan-ana ranɨ hohoanɨmo ra se süÅgundɨhi-mboyei. 15 Åga se aboedɨ sürühehindeimbɨ hamɨndɨndei, God sɨheimbo dɨbonɨ-mayundürɨ ranai aboedɨ sürühoeimbɨ hamɨndayu nou. 16 Sapo Godɨndɨ hoafɨ hoafɨyohü yahoya, “Roana sürühoeimbɨ hamɨndɨ hond-anahɨ ranɨmbo asu se sürühehindeimbɨ hamɨndɨndei,” Wok Pris 11:44-45 meho. 17 Asu Ape ai mamɨ hohoanɨmo süÅgu-ane mamamɨ nindou yɨboboreamunɨ arandɨ. Asu se ahambo Ape seihü dɨdɨbafɨyahindo arɨhündɨ ana, asu se ndɨfo nindou hɨfɨ ndanɨhü nɨboadei-ambe Godɨmbo hohoanɨmo-ndahündo sɨsɨrɨ-sɨsɨrɨndahindühɨ hɨbadɨhümbo hahabodei. 18 Horombo sɨhei amoaoyei-mayo ndorɨhefekoate hohoanɨmo ranɨ-süÅgu mahahabodei-anei. Åga hapondan-ana sɨheimbo ranambeahɨndɨ aboedambo-mareandürɨ. Åga se fɨfɨrɨhindɨ, God ai moai awarɨhefimbɨ moatükunɨ gor asu sirfa nahurai ranɨnambo aboedambo-reandürɨ, Åga wanɨ. 19 Åga ai Kraisɨndɨ horɨ aboedɨ Ågasündeandeimbɨ ranamboyu aboedambo-mareandürɨ. Krais aiana hohoanɨmo moaruwai-koateimbɨ sipsip nɨmorɨ nɨnɨ moaruwai moatükunɨ nɨmarɨkoate aboedɨ hamɨndayo nahurai-ani. 20 God ai hɨfɨ nda nafɨ-koate-yuambe boateiyu ai Kraisɨmbo dɨbonɨyu hɨnɨÅgɨmarirɨ sɨheimbo yɨfɨmbohünda. Åga ho-hombo hapo bɨdɨfɨranɨ-mboyu-ambe sɨheimbo farɨhefe-ndɨrɨmbohünda ranai weindahɨ hɨfɨ ndanɨhü tükümefiyu. 21 Ahambo ranɨmbo-hündamboanei Godɨmbo anɨhondümbo-arɨhorɨ. God ai Sisas ranahambo yɨfɨhündɨ botɨrirɨ haya bogorɨmborirɨ hɨnɨÅgɨmarirɨ. Ranɨmboanei se Godɨmbo anɨhondümbo-rɨhorühɨ hɨmboayei. 22 Seana Godɨndɨ hoafɨ hondü ranɨ hohoanɨmo süÅgurɨhindühɨ ranɨmboanei asu sɨhei Ågusüfoambe hohoanɨmo aboedɨ mbumundɨ ranai tükümefeyondürɨ. Ranɨmbo-anɨmbo se wandafɨ mamɨmbo anɨhondümbo hondü Ågusüfo pandɨhindürɨ. Ranɨ hohoanɨmo rananɨmbo se kɨkɨhɨ-safɨndühümündi nɨmboeimbo sɨhei Ågusüfoambe sürühoeimbɨ hohoanɨmo ranambo afɨndɨ sɨmborɨ Ågusüfo pefirɨndei. 23 Godɨndɨ hoafɨ sesɨ hoarɨ aboedɨ nahurai-ane, Åga se ranɨnambo sɨmborɨ yaÅgɨrɨ nɨÅgombo tükümehindɨ. Hoarɨ ra yɨfɨmbo nɨmɨndɨhɨyopoanɨ, Åga yaÅgɨrɨ nɨÅgombo nɨmɨndühane. Hoarɨ ra Godɨndɨ hoaf-ane, Åga ai yaÅgɨrɨ gedühɨ nɨÅgo Ågomboe. 24 Yɨnɨ, Åga Godɨndɨ hoafɨ hoafɨyowohü yahoya, ‘Nindou muÅguambo aiana nenewohɨ nahuraiyei hehimboanei, asu ahei yihuru napo, muÅguambo moatükunɨ ranana nenewohɨ ahurɨ nahurai-anendürɨ. Ranane nenewohɨ ranai yapataparɨyo pütapɨyohane, Åga asu Adükarɨndɨ hoaf-ana koadürümbo-koadürümbo yare yaÅgoromboane,’ Aisaia 40:6-8 meho. Åga ndanɨ hoafɨ ranana sapo sɨheimbo aboedɨ hoafɨ hoafɨmemondürɨ ranane.