2 Korin 7

1 Wandafɨ mamɨ, Godɨndɨ-mayo hoafɨ ndanana sapo sɨhefɨmbo hoafɨyu masɨhend-ane. Ranɨ-mayowamboane awi sɨhɨrɨ Godɨmbo yɨhɨmbondefühɨ, sɨhefɨ fiambe-ane asu hohoanɨmoambe-ane nɨne moaruwai hohoanɨmo ra hɨnɨÅgɨndɨhu hohu moanɨ aboedɨ sürühoeimbɨ yaÅgɨrɨ hamɨndɨ nɨmboefomboane. 2 Se wambo sɨhei Ågusüfoambe hohoanɨmo pandɨhindɨrɨ. Roana moai nindou Ågorümbo moaruwai hohoanɨmoyahando rɨhandɨ. Asu ro moai nindou Ågorümbo moaruwai hohoanɨmo süÅgufembo yarɨhe rɨhandɨ. Moai ro nindou Ågorümbo tɨkai hoafɨyahandowohü asu ahandɨ napo kiahe hüsihamɨndɨ rɨhandɨ. 3 Ro sɨhei wamɨ papɨfendürɨ hoafombohünda ndarɨhe hoafɨyahühɨ-yahɨpoanɨ, Åga wanɨ. Åga horombo hoafɨmayahɨ nou sɨheimbo Ågusüfoambe pandɨhurɨ Ågefombo yɨfɨndemboyefɨ. 4 Ro sɨheimbo weindahɨ nda hoafehandürɨ. Roana sɨheimbo hɨhɨfɨ-hɨhɨfɨ nafɨrɨhamɨndɨ-harümboanahɨ! Wambo-so tɨÅɨrɨfo afɨndɨ tükefeyo-amboanɨ, asu ro sɨheimbo hohoanɨmo-yahandürühɨ, asu wandɨ Ågusüfoambe hohoanɨmo fufurɨfoa-reandɨranɨ ranɨmbo ro afɨndɨ hɨhɨfɨ-hɨhɨfɨya arɨhandɨ. 5 Horombo ro sɨheimbo hɨnɨÅgɨrɨhundürɨ hohu Masedonia hɨfɨhü hefɨ tükümehundɨ amboa ranɨhü ro moai fi harɨhu nɨmarefɨ, Åga wanɨ. Åga ranɨhü ana yɨhoefɨmbo-so tɨÅɨrɨfombü hohoanɨmo afɨndɨ ranai tüküfeyowohüyo, nindou Ågorü-babɨdɨ sɨmborɨ hoafɨyefühɨyefɨ Ågusüfoambe yɨhɨmbomaramunɨ. 6 Åga awi God ai nindou düdi ai tɨÅɨrɨfombü hohoanɨmo ahandɨ fiambe tüküfeyoanɨ aboedɨ fufurɨfoare-randeimb-ani. Ranɨyo ranɨ-sɨmboanɨ God ai Taitusɨmbo koamarɨheira yɨhoefɨmbo-so sünɨ tükümefiyuwa asu yɨhoefɨ Ågusüfoambe fufurɨ-mafoareamunɨ. 7 Ai yɨhoefɨmbo sowana masünu ranɨmbo yaÅgɨrɨyefɨpoanɨ ramehundɨ, Åga se ahambo sapo Ågusüfoambe dɨdɨboado-marɨhorɨ hoafɨ ra semündü sünɨ hoafɨmemun-amboyefɨ asu yɨhoefɨmbo God ai Ågusüfoambe fufurɨma-foareamunɨ. Taitus ai yɨhoefɨmbo hoafɨmemunɨ sapo se wambo hoeifendɨrühɨ mamɨ hohoanɨmo süÅgufembo afɨndɨ hohoanɨmomayei asu se wambo fehefendɨrɨmbo sei hehi hohoanɨmoayei habodei. Asu ranɨmboanahɨ ro hɨhɨfɨ-hɨhɨfayahɨ habodɨhɨ. 8 Ro pas sɨheimbo parɨhe koamarɨ-heheandamboyei se moai hɨhɨfɨ-hɨhɨfɨyeisɨ, Åga asu ro moai ranɨmbo afɨndɨ hohoanɨmoyahɨ. Horombo ana ro afɨndɨ hohoanɨmoyahɨsɨ, Åga hapondanɨ ana aboed-anahɨ. Ro fɨfɨrɨheandɨ, pas ra sɨheimbo afɨndɨ hohoanɨmo mbasagadürɨsɨ, Åga ranana moanɨ bodɨfoahü yaÅgɨr-ane. 9 Haponda ro hɨhɨfɨ-hɨhɨfayahɨ se afɨndɨ hohoanɨmomayei ranahambo-yahɨpoanɨ, Åga afɨndɨ hohoanɨmo ranai sɨhei hohoanɨmo ra aboedɨ Ågorü-süÅgumareandüra aboedɨ hohoanɨmoayei ranɨmboanahɨ hɨhɨfɨ-hɨhɨfayahɨ. God ai ahandɨhoarɨ randürɨ sɨheimbo afɨndɨ hohoanɨmo ra masagadürɨ, Åga ranɨmboyo asu wandɨ-mayo hoafɨ ranai moai sɨheimbo moaruwaimbo-reandürɨ. 10 Wanɨ, Åga afɨndɨ hohoanɨmo God ai sɨheimbo rareandürɨ arandɨ ranana se Ågorü-süÅgurɨhindanɨ asu ai sɨheimbo aboedambofe-ndürɨmboayu ranɨmboane rareandürɨ arandɨ. Ranɨmboane se ranahambo afɨndɨ hohoanɨmoyo hoaÅgopoanɨ. Åga hɨfɨ ndanɨhündambo afɨndɨ hohoanɨmo ranai nindoumbo moaruwaimbore arandɨ. 11 God ai sɨheimbo afɨndɨ hohoanɨmo masagadürɨ ranɨnamboyo sɨheimbo aboedɨ hohoanɨmo tükümefeyo. Afɨndɨ hohoanɨmo ra sɨheimbo botɨmareandüra se botɨyahi sɨhei hoafɨ ra dɨdɨboadofembo hohoanɨmomayei. Asu nindou ai moaruwai hohoanɨmomayu ranahambo Ågɨnɨndɨ hoafɨmayahündo asu se Godɨmbo yɨhɨmboyei marɨhündɨ. Asu se wambo nɨmai hoafendɨrɨmbo hohoanɨmomayei. Asu nindou moaruwai hohoanɨmomayu ranahambo tɨÅɨrɨfo saimbo hohoanɨmoayei habodei. Ranɨyo asu sɨhei hohoanɨmo ra yare weindahɨ tükümefeyo: Asu seana sɨheihoarɨ hütiyeipoanɨ. 12 Ro horombo pas ra sɨheimbo parɨhe koamarɨheheandɨsɨ. Åga asu roana moai nindou moaruwai hohoanɨmomayu asu Ågorümbo moaruwaimbo-marirɨ ranahambo hohoanɨmo-yahahüyapoanɨ hoafɨyahɨ. Se yɨhoefɨmbo hohoanɨmoehümunɨ habodei ra God ai sɨheimbo nafuimbohünda ro pas sɨheimbo parɨhe koamarɨheheandɨ. 13 Ranane asu sɨhei ranɨ hohoanɨmo süÅguyo yɨhoefɨmbo Ågusüfoambe afurɨmareamunɨ. Ro Ågusüfoambe afurɨhu kürɨhu mamarefɨ yaÅgɨrɨyosɨ, Åga asu ro hɨhɨfɨ-hɨhɨfɨmayefɨ amboanɨ. Sapo muÅguambo se Taitusɨmbo hɨhɨfɨ-hɨhɨfɨ-yahündowohü dɨdɨboado-marɨhorɨ ranɨmboyu ai-amboanɨ hɨhɨfɨ-hɨhɨfɨmayu. 14 Ro Taitusɨndɨ hɨmboahü sɨheimbohünda borɨmayahɨ asu se ahambo aboedɨ hohoanɨmomehündo ranɨmboyei se moai wambo amoanɨÅgɨyahündɨrɨ. Roana sɨheimbo moanɨ anɨhondü hoafɨ hondüyo hoafɨyahandürɨ marɨhandɨ. Ranɨ-süÅgumboyo sɨheimbohünda Taitusɨmbo borɨmayahɨ ra anɨhondümayo. 15 Taitus ai sɨheimbo sowahɨ tükümefiyuwa se yɨhɨmboyeihɨ hɨhamɨndarɨyei ahambo masahorɨmɨndei. Ranɨyei asu muÅgambo se ahandɨ hoafɨ ra süÅgumarɨhindɨ. Se ahambo ramarɨhorɨ ranɨmbo hohoanɨmoyuhüyu ai sɨheimbo afɨndɨ hohoanɨmo-marandürɨ hu. 16 Ro fɨfɨrɨheamboanahɨ se aboedɨ hohoanɨmo ranɨ yaÅgɨrɨ süÅgundɨhi Ågeimboyei. Åga ranɨmboanahɨ ro sɨheimbo hɨhɨfɨ-hɨhɨfɨ nafarɨha-mɨndɨhandürɨ.