Ratüpurɨ 18

1 SüÅgunambo Por ai Atens Ågoafɨ hɨnɨÅgɨre haya Korin Ågoafɨna mahu. 2 Ranɨhü ai Sudahündɨ mamɨ ahandɨ ndürɨ Akwira hoeimarirɨ. Aiana Pondus-hündɨyu. Nindou ranɨyu ai ahandɨ nɨmorehɨ Prisira-dɨbo Itari hɨfɨ hɨnɨÅgɨrɨne hena asu Korinɨna mahafe. Nindou mamɨ Rom Ågoafɨhü adükarɨ bogorɨmbofi nɨmarümbɨ ahandɨ ndürɨ Krodius ai Sudahündɨ nindou muÅgu aheimbo yahuya, “Se Rom Ågoafɨ nda hɨnɨÅgɨndɨhi hehimbo Ågorü hɨfɨna-ndahindɨ,” mehuamboyafe ai Korinɨnambo mahafe. Ranɨyu asu Por ai ahafembo ranɨhü hoeifepɨrɨmbo mahu. 3 Nindou yimbu ranai Por-babɨdɨ mamɨ ranɨ ratüpurɨ ra ratüpurɨyei rɨhündeimbɨ wamboyu Por ai, ai-dɨbo nüÅgumbo serɨ worɨ kakɨyei marɨhündɨ. 4 MuÅguambo moanɨ Ågoafɨmbo nɨmarɨmbo si Por ai Suda-yafe rotu worambe kefuai hüfu nüÅgumbo Sudahündɨ nindou ranaheimbo wataporɨyu marandɨ. Nindou Sudahündɨ asu Grikɨhündɨ aheimboya ahei Ågusüfoambe botɨndɨheiranɨ asu Sisasɨmbo anɨhondümbo-mbɨrɨhinda yahuhayamboyu hüfu hoafɨmendürɨ. 5 Sairas asu Timoti ai Masadonia hɨfɨ ra hɨnɨÅgɨrɨne hena Korin Ågoafɨna kosafandanɨ Por ai Sudahündɨ ranaheimbo aboedɨ hoafɨ yamundeandürühɨ manüÅgu. Ai Suda-mayei aheimbo anɨhondümbo hoafɨyundürühɨ yahuya, “Sisas ana nindou God ai nindou aboedambofembo kafoarirɨ hɨnɨÅgɨmarir-ani,” mehu. 6 Åga ai ahandɨ hoafɨ ra sahümündi pirɨhi mburɨhü asu ahambo tɨrɨfoarɨhorɨ hoafɨmehündo. Ranɨyu asu Por ai ahandɨ hoearɨ fihɨndɨ düdübudɨ püpürüfɨ-foareandühɨ sɨmborɨ hoafɨyundürühɨ yahuya, “Se hoafɨ ra hɨmborɨkoate-yeihɨ awararɨhehindɨ ana, ro hütirɨharüpoanɨ, Åga sɨheihoar-anei. Åga haponda ndühünda ro-ana sɨheimbo hɨnɨÅgɨndɨhearü hehea asu nindou sɨhefɨ ndɨfo sowana, Ågamboyahɨ,” mehu. 7 Ranɨyu asu ai rotu worɨ ra hɨnɨÅgɨre haya worɨ akɨmɨ Titius Sastusɨndɨ worɨna mahu. Nindou ranai ana Suda-yafe ndɨfoyu, Åga asu Godɨndɨ hoafɨ süÅgure randeimbɨyu. 8 Suda-yafe rotu worɨ hɨfanda-randeimbɨ ahandɨ ndürɨ Krispusɨyu asu ahandɨ fikɨmɨnɨndɨ-yei ai Adükarɨmbo anɨhondümbo-marɨhorɨ. Asu nindou afɨndɨ Korin Ågoafɨhündɨ ranai Porɨndɨ hoafɨ ra hɨmborɨyei mburɨhü anɨhondümbo-marɨhinda aheimbo hundürümarandürɨ. 9 Por ai mamɨ nɨmbokoanɨ ranɨpoanɨmbo moatükunɨ yafogoadɨnambo nahurai hoeireandane, God ai hoafɨyundühɨ yahuya, “Se yɨhɨmbo-ndamboyafɨ, Åga hoafɨndafɨ ndandɨ. 10 Åga ro se-dɨbo nɨmboamboanahɨ ranɨmboane asu sɨhambo nindou Ågorü ai Ågɨrɨ moaruwaimbo-ndeanɨnɨ. Åga wandɨ nendɨ afɨndɨ ai adükarɨ Ågoafɨ ndanɨhü nɨmandeimboyei,” mehu. 11 Ranɨmboyu Por ai mamɨ hɨmbanɨ asu 6 amoamo ranɨhü nüÅgumbo Godɨndɨ hoafɨ aheimbo yamundeandürɨ marandɨ. 12 Gario ai Akaia-yomondɨ gafman bogorɨmbofi nüÅguambeahɨyo asu Suda ai mamɨhüyafu mburümbo Porɨmbo Ågɨnɨndɨmarurɨ. Ranɨyomo ai ahambo sowaründümo hoafɨ dɨdɨboadofe worɨna mahomo. 13 Ai yahomoya, “Nindou ndanai ana nɨmorehɨ nindouwenihɨ aheimbo Godɨmbo hohoanɨmombo ra ranɨpoanɨmbo yamunde-andürühani asu ai ahɨnümbɨ hohoanɨmo hɨfɨnambo-mareandɨ,” mehomo. 14 Por ai sɨmborɨ ahamumbo hoafɨyupurɨmbo yahuhayamboyusɨ, Åga Gario ai Sudambo hoafɨyupurühɨ yahuya, “Nindou ndanai sɨhefɨ gafmanɨ-yafe hohoanɨmo ra hɨfɨnamboreandühɨ moaruwai hohoanɨmombei-mbonana ro sɨhamundɨ hoafɨ ra hɨmborɨya. 15 Åga Suda se-ana sɨhamundɨ hoafɨ, ndürɨ asu sɨhamundɨ hohoanɨmo ranɨmboanemo se wambo sɨfomo düduefundɨrɨ, Åga ambe, ranɨ-moatükunɨ ana sɨhamundɨhoarɨ Ågomo dɨdɨboadondundɨ. Ro-ana yahurai hoafɨ hɨmborɨyo mburɨmbo yɨbobofembo-yahɨpoanɨ, Åga wanɨ,” mehu. 16 Ranɨyu asu ai ahamumbo hoafɨ dɨdɨboadofe worɨ ranambeahɨndɨ koamarɨhepurɨ. 17 Ranɨyomo nindou bɨdɨfɨrɨ ai nindou ahandɨ ndürɨ Sostenis, Suda-yomondɨ rotu worɨ hɨfanda-randeimbɨ bogorɨ, ranahambo kɨkɨhɨrundümo mburu hoafɨ dɨdɨboadofe worɨ ranɨ haÅgɨfoanɨ harɨmemondo. Åga asu Gario ai moai ranɨ-moatükunɨ ranahambo afɨndɨ hohoanɨmoyu, Åga wanɨ. 18 Por ai Korin Ågoafɨhü afɨndɨ si nüÅgu mbura asu ai anɨhondümbo-rɨhindeimbɨ aheimbo hɨnɨÅgɨreandürɨ haya Senkrianambo mahu. Ranɨyo Prisira asu Akwira ai Porɨndɨ süÅgu mahafe. Horombo Por ai Godɨmbo hoafɨyunduhü yahuya ro mamɨ moatükunɨ randɨheamboyahɨ mehu. Ranɨmbo nafuimbohünda ai ahandɨ mbɨro ra tüpurɨmarandɨ. Ranɨyei asu ai Sirianambo sipambe farɨyahi hehi mahei. 19 Ai hei Efesus Ågoafɨhü tüküyahi mburɨhümboyei asu ranɨhü Prisira Akwira hɨnɨÅgɨreapɨrɨ haya ai yaÅgɨrɨ Suda-yafe rotu worɨ ranambe kefuai hüfu nüÅgumbo Godɨndɨ hoafɨ ai-babɨdɨmbo wataporɨmayu. 20 Ranɨyomo asu ai ahambo hoafɨyomondowohü yahomoya, “Awi se ndanɨhü gedühɨ nɨmbafɨ,” mehomondo, Åga “Ågɨrɨndahɨ,” mehu. 21 Asükaiyu ahamumbo hɨnɨÅgɨfepurɨmbo yaÅgɨrɨ hoafɨyupurühɨ yahuya, “God ai yifirayu ana, awi ro asükainda hɨhɨrɨndahe dɨdɨmboyahɨ,” mehu. Ranɨyu asu ai sipambe farɨfi mbura Efesus Ågoafɨ hɨnɨÅgɨre haya mahu. 22 Ranɨyo asu sip ai ho Sisaria Ågoafɨhü tükümefeyo-wamboyu asu Por ai kusɨfoai haya hafu Serusarem Ågoafɨhü anɨhondümbo-rɨhindeimbɨmbo hɨhɨfɨrɨrü haya Andiokɨnambo mahanu. 23 Ranɨyu asu Por ai Andiok Ågoafɨhü gedühɨ nüÅgu mburamboyu Garesia asu Frisia-yafeambe Ågoafɨ daburɨ wakɨreandühɨ ranɨhü Sisasɨmbo anɨhondümbo-rɨhindeimbɨ amarei aheimbo kɨkɨmɨ-foefendürɨmbo mahu. 24 Nindou mamɨ, ahandɨ ndürɨ Aporos Sudahündɨ, Areksandria Ågoafɨhündɨ Efesus Ågoafɨhü manüÅgu. Nindou ai-ana hoafɨ aboedɨ hoafɨyu-randeimbɨ asu Godɨndɨ hoafɨ ra aboedɨ hamɨndɨ ndore fɨfɨreandeimbɨyu. 25 Horombo ahambo Adükarɨmbo süÅgufi hombo ranɨ hohoanɨmo ra yamundɨ-marɨhor-ane. Ranɨyu asu ai Ågusüfoambe botɨreirühɨ nɨmorehɨ nindowenihɨ ranaheimbo hoafɨ aboedɨ sagadürühɨ Sisas ai nindou God koamafoarirɨ ranahambo wudɨpoapore hoafɨyundürɨ marandɨ. Åga ai moai Sisasɨndɨ hoafɨ aboedɨ muÅgua fɨfɨreandɨ, Åga Son hundürü-marandürɨ ranahambo yaÅgɨrɨ fɨfɨrɨmareandɨ. 26 Asu ai hüfu Suda-yafe rotu worambe kefuai nüÅgumbo yɨhɨmbokoate pɨyu haya Godɨndɨ hoafɨ hoafɨmayundürɨ. Prisira asu Akwira ai ahandɨ hoafɨ hɨmborɨyafe hena ahambo sowarɨndɨfe hüfe ahafe worambe Godɨmbo süÅgufimbo hohoanɨmo ra ndorɨne hoafɨmefɨnando. 27 Ranɨyu asükai Aporos ai Akaia-yafe hɨfɨna Åga yahu haya ramefiyu-wamboyei, Efesusɨhündɨ ai ahambo farɨhehorɨ hehi Aporos ai tükündɨfiyuanɨ ndahorɨmɨndei sei hehi Godɨndɨ hoafɨ süÅgurɨhi-ndeimbɨmbo pas sürü papɨmarɨhündɨ. Ranɨyu Aporos ai hu Akaia hɨfambe tüküfi mbura asu nindou ranɨhünda God ai aheimbo hɨpoambo-mareandüra anɨhondümbo-marɨhindɨ ranaheimbo afɨndɨmbo aboedɨ mafarɨhendürɨ. 28 Ai Suda-babɨdɨ sɨmborɨ-sɨmborɨyuhɨ ndore hoafɨyuhü ahei hoafɨ hɨfɨnambo-mareandɨ nɨmorehɨ nindowenihɨ-yafe hɨmboahü. Ai Godɨndɨ Bukambe hoafɨ ranɨnambo Sisas ra God ai nindou aboedambo-fendürɨmbo kafoarirɨ hɨnɨÅgɨmarir-ani yahu hoafɨyuhü nafuimayundürɨ.