Korosi 1

1 Ro Por Sisas Kraisɨndɨ hoafɨ sahamɨndɨ ha-rɨhandeimb-anahɨ. God ai ahandɨ hohoanɨmonambo wambo Kraisɨndɨ hoafɨ semɨndɨ hombohünda kafoare hɨnɨÅgɨ-mareandɨrɨ. 2 Wandɨ wandafɨ, Timoti dɨboanehɨ pas nda sürü papɨrɨho Godɨndɨ nendɨ Sisasɨmbo anɨhondümbo-rɨhoreimbɨ Korosi Ågoafɨhü amarei sɨheimbo koararɨhehoandɨ. Sɨhefɨ Ape God ai sɨheimbo moanɨ hɨpoambo-ndearühɨ Ågusüfoambe afurɨfe kifimbɨ hohoanɨmo mbɨsagadür-amboane. 3 Yɨhoehɨ dɨdɨbafɨfe hoafɨ ranambe sɨheimbohünda muÅguambo si Godɨmbo sɨhefɨ Adükarɨ Sisas Kraisɨndɨ afɨndɨ ranahambo hɨhɨfɨrɨhorɨhü hoafɨyahoando rɨhoandüh-anehɨ. 4 Se Sisasɨmbo anɨhondümbo-rɨhorühɨ asu Godɨndɨ nendɨ amurɨ anɨmboei aheimbo Ågusüfo parɨhi marɨhündɨ hoafɨ ra ro hɨmborɨmayehɨ ranɨmboyehɨ ro Godɨmbo hɨhɨfɨmarɨhorɨ. 5 Nɨmboe sapo se anɨhondü hoafɨ asu aboedɨ hoafɨ ranai tüküfeyoanɨ aboedɨ moatükunɨ God ai sünambe masɨhendɨ ranahambo hɨmborɨyei hehi semɨndɨmbohünda anɨhondümborɨhi nɨmoamo hɨmboyei arɨhündɨ. Asu ranana sɨhei hɨpoambofe asu Ågusüfo pefe hohoanɨmo ranahandɨ nɨmɨndɨhane. 6 MuÅguambo hɨfɨhü ai bokamarɨhoemo ranɨyo nɨmorehɨ nindowenihɨ afɨndɨ anɨhondümbo-rɨhindühɨ süÅgumarɨhindɨ asu ranɨyo ahei hohoanɨmo ra aboedɨ tükümefeyo sɨheimbo rawareandɨ nou. Aboedɨ hoafɨ ra weaÅgurühɨ sɨheimbo sowahɨ tükümefeyoa hɨmborɨyeihɨ asu ranɨmbo Godɨndɨ moanɨ hɨpoambofe hohoanɨmo ra anɨhondümbo fɨfɨrɨmarɨhindɨ. 7 Epafras ai Godɨndɨ-mayo moanɨ hɨpoambofe hohoanɨmo hoafɨ ra yamundɨ-mareandürɨ ra se fɨfɨrɨhimboanei. Nindou ranai ro-dɨbo Sisasɨndɨ ratüpurɨyefɨ-rɨhundeimb-ani asu ai yɨhoehɨmbo farɨhemunɨ arandɨ ahambo Ågusüfo pamarɨhorɨ. 8 Yifiafɨ Aboedɨ ranai sɨheimbo nindou Ågorümbo Ågusüfo pefe hohoanɨmo masagadürɨ ra Epafras ai yɨhoehɨmbo wataporɨmbo-marandɨ. 9 Ranɨmbo-hündamboyehɨ ro sɨheimbo hɨmborɨye hohoa muÅguambo si ra sɨheimbohünda Godɨmbo dɨdɨbafɨye arɨhoandɨ. Ranɨyehɨ ro Godɨmboya ai Yifiafɨ Aboedɨndɨ-mayo aboedɨ fɨfɨrɨfe dagadüranɨ asu se nɨnɨ-moatükunɨ ai yifirayu ra fɨfɨrɨ-mbɨrɨhinda se hohoa dɨdɨbafɨ-yahoando arɨhoandɨ. 10 Ranɨmbo-hündambo-anɨmbo asu se Adükarɨndɨ nendɨ nahurai hahabodeihü asu nɨnɨ hohoanɨmo se rawarɨhindɨ ra hɨhɨfɨ-hɨhɨfɨndümbui. Rananɨmbo asu se nɨmboeimbo ahandɨ-mayo aboedɨ ratüpurɨ ranɨ yaÅgɨrɨ süÅgundɨhi ndühündɨ asu sɨhei Godɨmbo fɨfɨrɨfe ra Ågombo adükarɨndɨmboe. 11 Ro rarɨho dɨdɨbafɨ-yahoandühɨ sehɨya: God ai sɨheimbo ahandɨ hepünüfeimbɨ Ågɨnɨndɨnambo Ågusüfoambe Ågɨnamɨndürɨ-mboane. Ranɨmboane asu Ågɨnɨndɨ nɨmboeimbo muÅguambo tɨÅɨrɨfo ranahambo moanane mbɨseihü hɨhɨfɨ-hɨhɨfɨndeihɨ Godɨmbo hɨhɨfɨndɨhorɨ asehɨ. 12 Ai sɨheimbo ramareandüra se aboedɨ hohoanɨmo süÅgurɨhi arɨhündɨ ranɨmboane asu aboedɨ moatükunɨ semɨndɨmbo dɨbonɨyu masɨhendürɨ ranɨnambo süÅgunambo ndahümündimboyei. Rananɨmbo Godɨndɨ nendɨ muÅguambo si God hɨfandɨrandɨ ranɨfihɨ anɨmboei ranɨ-babɨdɨ ranɨ-moatükunɨ ra se ndahümündimboyei. Ranahambo se Godɨmbo hɨhɨfɨndɨhorɨ. 13 God aiyu sɨhefɨmbo nɨmbɨ nɨmarɨwanɨpoedɨ hüramündümunɨ tüküfi aboedambo ahandɨ nɨmorɨ mamɨ ranahandɨ Ågɨnɨndɨ hɨfandɨrand-ambe hɨnɨÅgɨ-mareamunɨ. 14 Ahandɨ süÅguyefɨ sɨhɨrɨ aboedambo tüküyahundühɨ sɨhefɨ moaruwai hohoanɨmo ranahambo amboawiyei mehumunɨ. 15 Godɨndɨ nɨmorɨ Krais-ana sapo God hoeifekoate-ayefɨ yahurai sɨsamɨ hamɨnd-ani. Aiana weaÅgurühɨ hondü tüküfi haya asu muÅguambo moatükunɨ God ai nafɨmarandɨ ra ai Ågasündɨfe nɨmɨndɨhani. 16 Ahandɨ süÅguyo God ai muÅgu moatükunɨ nɨmoamo sünambe asu hɨfɨnɨ ra nafɨmarandɨ. Ai hoeifeimbɨ asu hoeifekoateimbɨ moatükunɨ Ågɨnɨndɨ muÅguambo nafɨmarandɨ. Ranɨyu muÅgu moatükunɨ ra ahandɨ süÅgu ahambohünda nafɨmarandɨ. 17 Ranɨyu Sisas Krais ai boatei muÅgu moatükunɨ tüküfekoate-yoambe manüÅgu asu ranɨ-moatükunɨ ranai ahandɨ Ågɨnɨndɨnambo aboedɨ tüküfe eÅgoro. 18 Ranɨmboane asu ai ahandɨ nendɨ-yafe fi ranahambo mbɨroyuhü asu fi ranahambo yaÅgɨrɨ nɨÅgombo nɨmɨndɨhayu. Ai boatei weaÅgurühɨ tükümefiyu asu muÅgu moatükunɨ ranahambo bogorɨ nɨÅgombohünda ai boatei yɨfɨhündɨ botɨmefiyu. 19 God ai ahandɨ muÅguambo yaÅgɨrɨ nɨÅgombo hohoanɨmo asu Ågɨnɨndɨ ra ahandɨ Nɨmorɨndɨ fiambe mbɨmarowamboane mehu. 20 MuÅgu moatükunɨ hɨfɨ ndanɨhünda asu sünambeahɨndɨ ra Godɨmbo hürütimb-anei, Åga ahandɨ nɨmorɨndɨ süÅguyu ai muÅgua moatükunɨ ra ai randeambui asu God-babɨdɨ wudɨndeimboyei. Ranɨmboyo Sisasɨndɨ horɨ ranai nɨmɨ keimbɨ karɨhendeimbɨ fɨhɨ kamefoenda asu God ai sɨhefɨ hürütimbü hohoanɨmo ra hɨfɨnambo-mareandɨ. 21 Horombo ana God ai aÅgunɨ manüÅgu asu se aÅgunɨ manɨmboei. Ranɨyei asu se ahambo hohoanɨmoambe hürütümarɨhorɨ. Sapo se moaruwai hohoanɨmo ra süÅgurɨhindühɨ wambo. 22 Åga asu Sisas ai nɨmɨ keimbɨ karɨhe-ndeimbɨfihɨ yifɨyuhü ranɨ-süÅgunamboyu God ai-dɨbo nɨÅgombo mamambe-mareandürɨ. Sɨheimboya, ai wambo sowana sühüsihümbo asu ai aboedɨ sürühehindeimbɨ nɨmboeimbo moaruwai hohoanɨmo ra nɨmarɨkoate-mbeyondürɨ yahuhayamboyu ramareandɨ. 23 Se anɨhondümbofe hohoanɨmo ranɨnambo kɨkɨhɨsafɨ-rɨhümündihɨ moanɨ Ågɨnɨndɨ anɨmboei ana, ranɨ-moatükunɨ sɨheimbo tükündɨfemboe. Åga moaruwai ratüpurɨ hohoanɨmo ranai sɨheimbo hühündeiranɨ asu se aboedɨ hoafɨ hɨmborɨyei hehi anɨhondümbo-marɨhindɨ ra hɨnɨÅgɨ-ndɨhimboyei. Ro Por aboedɨ hoafɨ ranahandɨ ratüpurɨya-rɨhandeimb-anahɨ asu hɨfɨ ndanɨhü nindou muÅguambo ranaheimbo ranɨ hoafɨ ra hoafɨya marɨhandɨ. 24 Haponda ro sɨheimbo farɨhefendürühɨ nɨne tɨÅɨrɨfo ra wandɨ finambofe semɨndɨmbo hɨhɨfɨ-hɨhɨfeheandɨ. Roana Kraisɨndɨ nendɨ ahandɨ fi nouayo ranɨmbo fehefembo samboanahɨ. Kraisɨndɨ asübusɨ ahandɨ nendɨ ranaheimbo farɨhefembo ra awi mbeÅgorɨ. Asübusɨ ra ro semɨndɨmboayahɨ nda Sisasɨndɨ asübusɨ ranɨ-dɨbo sɨmoÅgorɨndɨhea samboanahɨ. 25 God ai ahandɨhoarɨ kamafoareandɨr-amboyahɨ ro Kraisɨndɨ nendɨ-yafe ratüpurɨyo-rambo sɨheimbo farɨhefe-ndürɨmbohünda tükümeheandɨ. Ranɨmbo-hündambo-anɨmbo asu ro Godɨndɨ hoafɨ eÅgoro ra muÅgu wataporɨmbo-ndɨhamboyahɨ. 26 MuÅguambo si maho ra horombo ana hoafɨ ra muÅguambo nindou ranahei hɨmboahü dɨbo meÅgoroyo. Åga hapondanɨ ana Godɨndɨ nendɨ ranahei hɨmboahü weindahɨ hamɨndɨ tüküfemboane. 27 God ai hoafɨ dɨbo eÅgoro ra Suda-yafe ndɨfo ranaheimbo nafuimbo yahumboani. Hoafɨ dɨbo hamɨndɨ meÅgoro, Åga God ai weindahɨmareandɨ ra ndahurai-ane: Sisas ai se-babɨdɨ manüÅgu-wamboanei asu se ahambo hɨfandarɨhorɨ. Nɨmboe ai sɨheimbo semɨndɨndürɨ hafo ai-babɨdɨ aboedɨ napo ahandɨ-mayo sünambe eÅgoro ra semɨndɨmbohünda. 28 Roana Sisasɨndɨ aboedɨ hoafɨ ra muÅguambo nindou mamamɨ ranaheimbo hoafɨyefɨ-rɨhundeimb-anefɨ. Rananefɨ ro nindou muÅguambo ranaheimbo wudɨpoaporɨhu yamundɨrɨhurühɨ ahɨnɨ hoafɨyefɨ arɨhundɨ. Asu ro aboedɨ hamɨndɨ fɨfɨrɨfenambo yamundɨhundürɨ arɨhundɨ sapo ai Ågɨnɨndɨ hamɨndɨ süÅgurɨhindeimbɨ tükündahindanɨ asu ro Godɨmbo sowana semɨndɨndürɨ hombohünda. 29 Ranɨmbo-hündamboane asu ro Adükarɨndɨ Ågɨnɨndɨnambo tɨÅamboyahühɨ ratüpurayahɨ. Krais aiyu ranɨ Ågɨnɨndɨ ra wandɨ fiambe hɨnɨÅgɨ-mareandɨrɨ.