Efesus 1

1 Ro Por, Sisas Kraisɨndɨ hoafɨ sahamɨndɨ ha-rɨhandeimb-anahɨ. God ai ahandɨ hohoanɨmonambo wambo ahandɨ hoafɨ semɨndɨ hombohünda kafoare hɨnɨÅgɨ-mareandɨrɨ. Se Efesusɨhündɨ Sisas Kraisɨmbo anɨhondümbo-rɨhoreimbɨ sɨheimbo God ai wand-anei, yahuenüÅgu kamafoareandür-anei. 2 Sɨhefɨ Ape God asu Adükarɨ Sisas Krais ai sɨheimbo moanɨ hɨpoambo-ndɨneandüra, asu sɨhei hohoanɨmo afundɨhi kündɨhi hehi mbɨmariya samboanahɨ. 3 Sɨhɨrɨ sɨhefɨ Adükarɨ Sisas Kraisɨndɨ God asu Ape-mayu ranahambo aboed-ani, mbɨsefɨmboane. Sɨhɨrɨ Krais-babɨdɨ manɨmboefamboyu asu God ai sɨhefɨ hohoanɨmoambe sünambeahɨndɨ moatükunɨ muÅgu ranɨmbo aboedɨ-aboedɨreamunɨ arandɨ. 4 Sapo God ai hɨfɨ, sünü nafɨkoateyu-ambeahɨyu sɨhefɨmbo ahandɨ sürühehindeimbɨ nindou-yeihɨ asu ahandɨ hɨmboahü hütikoate-mbeyeiya yahuhaya dɨbonɨmayumunɨ. 5 Horombo hondü God ai ahandɨ hɨpoambofe süÅgu sɨhefɨmbo Sisas Kraisɨndɨ süÅguyu ahandɨ nɨmorɨmbore kamafoareamunɨ. Ahandɨ-hoarɨ yifirɨmayu rasüÅgu ramefeyuwa asu ai hɨhɨfɨ-hɨhɨfɨmayu. 6 Ai ahandɨ Ågusüfo parireimbɨ nɨmorɨndɨ süÅgu sɨhefɨmbo hɨpoambo-mareamunɨ ranɨmbo-anɨmbo asu sɨhɨrɨ ahandɨ ranɨ-poanɨmbo hondü moanɨ hɨpoambombofe ranahambo aboed-ane, mbɨsefɨmboane. 7 Krais ai yifɨyuhüyu, asu ahandɨ horɨnambo sɨhefɨ moaruwai hohoanɨmo ranahambo God ai amboawiyei yahuhaya aboedambo-mareamunɨ ai sɨhefɨmbo afɨndɨ hamɨndɨ hɨpoambo-reamunühɨ-wambo. Åga Godɨndɨ moanɨ hɨpoambofe hohoanɨmo ra adükarɨ hamɨndɨ hond-ane! Horombo God ai Kraisɨndɨ warɨ-süÅgu ro randɨheamboyahɨ mehu ra dɨbo meÅgoroyosɨ, Åga ai dɨboadore fɨfɨreandühɨ yifiriyuhü ahandɨ hohoanɨmo ra sɨhefɨmbo weindahɨ-mareamunɨ. 10 God ai ahandɨhoarɨ aboedɨ hohoanɨmo nda yare hohoanɨmoyu masɨhend-ane, Åga rasɨmboanɨ refembo si tükündɨfeyoanɨ muÅguambo hɨfɨnɨndɨ asu sünambeahɨndɨ moatükunɨ ra mamambe-ndeandüh-anɨmbo asu Krais ai bogorɨmbondɨfi hɨbadarümbui, mehu. 11 Nɨnɨ-moatükunɨ God ai yifirɨyu haya hohoanɨmoyu masɨhendɨ ra yare-randa tüküfe arandɨ. Horombo God ai hohoanɨmoyu masɨhendɨ ra hapondanɨ ana rasüÅgureandühɨ asu Kraisɨ-babɨdɨ Suda yɨhoefɨmbo ahandɨ nendɨmbore kamafoareamunɨ. 12 Ranane asu Suda ro boatei Kraisɨmbo hɨfandɨrɨhurɨ manɨmboefɨ ra God ai wambo aboedɨ hamɨndɨ ndürɨ adükarümb-ani mbɨsei, yahuhaya kamafoareamunɨ. 13 Aboedɨ hoafɨ ndanambo-anɨmbo Suda-yafe ndɨfo sɨheimbo amboanɨ God ai aboedambo-ndɨheandürɨ-mboyahɨ mehu. Se hoafɨ ra hɨmborɨyei hehi, anɨhondümbo-marɨhindɨ asu se Krais-babɨdɨ mamɨ anɨmboei. God ai horombo hoafɨre masɨhendɨ süÅgu sɨheimbo wand-anei mehu ra nafuimbohündambo ahandɨ Yifiafɨ Aboedɨ masagadürɨ. 14 God ai sɨhefɨmbo ahandɨ nouehundɨ ranɨmbo muÅgu aboedɨ moatükunɨ horombo hoafɨmareamunɨ, Åga asu ai ndaiamunümbui. Åga ranɨmboanefɨ sɨhɨrɨ hɨfandarɨhundɨ ra fɨfɨrɨfembo-hündambo ahandɨ Yifiafɨ Aboedɨ masemunɨ. SüÅgunambo ai sɨhefɨmbo aboedɨndeamuna aboedɨ hamɨndɨ nɨÅgomboayefɨ rasɨmboanɨ ndahumündemboyefɨ. Ranɨmbo-anɨmbo süÅgunambo ai ndürümbɨndühɨ asu ahambo aboedɨ hamɨnd-ani mbɨseimboyei. 15 Ranɨmboyahɨ asu se Adükarɨ Sisasɨmbo anɨhondümbo-rɨhorɨ arɨhündɨ, asu ahandɨ nendɨ muÅguambo hɨpoambo-rɨhindürɨ arɨhündɨ, ranɨ-hoafɨ ranahambo hɨmborɨya hehea, sɨheimbohündambo Godɨmbo hɨhɨfɨ hoafɨ kɨkɨrɨhamɨndɨ hɨmboyahühɨ-yahɨpoanɨ. Nɨmbɨ-nɨmbɨsi sɨheimbo hohoanɨmoyahühɨ Adükarɨ Sisas Kraisɨndɨ God asu sɨhefɨ Aboedɨ Hamɨndɨ Ape ahambo dɨdɨbafɨ-yaheandühɨ sahɨya, ‘Se aheimbo sɨhafɨ Yifiafɨ Aboedɨ dabadürühɨ, ranambo asu aheimbo dɨboadorɨhoeimbɨ hohoanɨmo dagadürühɨ, asu sɨhafɨ hohoanɨmo nafui-ndafɨndüranɨ rananɨmbo asu sɨhambo dɨboadondɨhi fɨfɨndɨhi-nɨnɨmboane. 18 Ape, se aheimbo Ågusüfoambe sürühoeimbɨ hohoanɨmo dabadüranɨ anɨmbo asu se nɨnɨ-moatükunɨmboyo hoafɨmayafɨndürɨ ra ai hɨmboayei ranahambo fɨfɨrɨmbɨrɨhind-amboane. Ape, se sɨhafɨ nendɨ ranaheimbo aboedɨ hamɨndɨ nɨÅgombo dɨbonɨyafɨ hɨnɨÅgɨ-marɨwandürɨ ranahambo fɨfɨrɨfembo-hündambo fandɨhawandürɨ. 19 Asu sɨhafɨ Ågɨnɨndɨ adükarɨ hamɨndɨ anɨhondümborɨhi-rɨhündeimbɨ nindou ranaheimbo fehefembohünda ratüpurɨyo arandɨ ranahambo fɨfɨrɨfembo-hündambo fandɨhawandürɨ.’ Yahurai sɨheimbohündambo Godɨmbo dɨdɨbafɨyahe arɨhandɨ. Asu Godɨndɨ Ågɨnɨndɨ ra akɨdouyo, Åga adükarɨ saf-ane. 20 Ågɨnɨndɨ ra sɨhefɨmbo ratɨpurayo ra rahurai-ane, God ai ranamboyu Krais yɨfɨhündɨ botɨrirɨ haya, bogorɨmborirɨ ahandɨ warɨhondü waranɨ sünambe hɨnɨÅgɨmarira amaru. 21 Krais ai nɨmoamo saf-ani, Åga sünambeahɨndɨ moatükunɨ Ågɨnɨndeimbɨ, bogorɨ, ndürümbɨ ra muÅguambo ahandɨ hoareh-ane. MuÅgu-moatükunɨ ndürümbayo ranamboa, ahandɨ hoareh-ane, hapondanɨ asu süÅgunambo amboanɨ. 22 God ai muÅgu moatükunɨ ra Kraisɨndɨ hoarehɨ sɨhai mbura asu ahandɨ nend-ayei ranaheimbo bogorɨmborirɨ hɨnɨÅgɨmarirɨ. 23 Kraisɨndɨ nendɨ ra ahandɨ fi-ane, Åga ai ahei mbɨro-ani. Ai muÅgu moatükunɨ nafɨramündümboani asu ahandɨ nendɨ ahambo amboanɨ nafɨrɨhorɨ-mɨndeimboanei.