Garesia 1
PNG1 Ro Por-anahɨ. Nindou ai moai ahei hohoanɨmonambo wambo Kraisɨndɨ hoafɨ ndowandɨfɨ Ågafɨ ndandɨ sei hehi kafoarɨhindɨrɨ mburɨhü koarɨhehindɨrɨ, Åga wanɨ. Åga Sisas Krais asu Ape God sapo yɨfɨhündɨ botɨmarirɨ ranɨ dɨboyafanɨ wambo ahafandɨ hohoanɨmonambo ahandɨ hoafɨ semɨndɨ ho rambohünda kafoare hɨnɨÅgɨ-mareandɨrɨ. 2 MuÅguambo anɨhondümbo-rɨhindeimbɨ ndanɨhü ro-babɨdɨmbo anɨboadei ai-amboanɨ Kraisɨndɨ nendɨ Garesia hɨfɨhü amarei sɨheimbo hɨhɨfarɨhündürɨ. 3 God sɨhefɨ Ape asu Adükarɨ Sisas Krais ai sɨheimbo moanɨ hɨpoambo-ndɨneandürühɨ asu Ågusüfo afurɨfe kife hohoanɨmo ra mbɨsabɨnandür-amboane. 4 Sɨhefɨ moaruwai hohoanɨmo raguanambo-fembohünda asu nɨne moaruwai hohoanɨmo hɨfɨ ndanɨhü eÅgoro ranambeahɨndɨ aboedafe-munɨmbohünda Krais ai sɨhefɨ Ape Godɨndɨ yifirɨ süÅguyu ahandɨ fi masagado. 5 Ranɨmboane asu sɨhɨrɨ muÅguambo si aho ra Godɨmbo aboed-ani mbɨsefɨ hohoanɨmo-ndefɨmboane. Åga anɨhond-ane. 6 God ai sɨheimbo Kraisɨndɨ moanɨ hɨpoambofe süÅguyu dɨbonɨyu-ndürühɨya, wand-anei mehuyosɨ, Åga asu moai se gedühɨ hoafɨ ra süÅgurɨhindɨ. Åga asu Ågorü ranɨ-poanɨmbo aboedɨ hoafɨ ra süÅgurɨhindühɨ asu ahandɨ fikɨmɨ nɨÅgokoate-mayei. Ranɨyo asu ro ranɨ-moatükunɨ ramarɨhindɨ ranahambo mahepünaheandɨ! 7 Anɨhond-ane, moai Ågorü ranɨ-poanɨmbo aboedɨ hoafɨ yaÅgoro. Åga nindou bɨdɨfɨrɨ ai sɨhei hohoanɨmo ra mamɨkarɨyo wakɨfihɨ asu ai Kraisɨmbo aboedɨ hoafɨ ra Ågorü-süÅgu Ågorü-süÅgufe wakɨfembo hohoanɨmoyomo arundɨ. Ranɨmboanahɨ ro ndarɨhe hoafayahɨ. 8 Åga ro-anefɨ asu sünambeahɨndɨ nend-ani aboedɨ hoafɨ ra hoafɨnduanɨ sapo sɨheimbo hefɨ hoafɨmayefɨ yahurai hoafɨkoate ranɨ-poanɨmbo fiyoweimbɨ hoafayu ana, nindou ranahambo God ai hai Ågoafɨ moaruwai ranɨnambo koambɨrɨheir-amboane. 9 Sɨheimbo ranɨ hoafɨ ra horombo hoafɨyahundüreimb-anesɨ, Åga asükaiya ro hapondanɨ sɨheimbo hoafehandürɨ: Nindou Ågorü ai Ågu sɨheimbo aboedɨ hoafɨ ra, sapo horombo ro hoafɨmefa se anɨhondümbo-marɨhindɨ, yahurai hoafɨkoate moanɨ ranɨ-poanɨmbo hoafeyundürɨ ana, nindou ranahambo God ai hai Ågoafɨ moaruwai ranɨnambo koambɨrɨheir-amboane. 10 Ro ndanɨ hoafɨ hoafayahɨ nda, nindou wambo aboed-ani yahombohündamboyo? Wanɨ, Åga Godɨmbo yaÅgɨr-anahɨ. Ro ranɨ-moatükunɨ ra anɨhondü refembo sahehea rambarɨhea-mbonana, asu ro Kraisɨndɨ ratüpurɨya-rɨhandeimbɨ nindouyahɨpoanɨ. 11 Wandafɨ mamɨ, awi sɨheimbo randɨhe hoafɨndahandürɨ, ro sɨheimbo aboedɨ hoafɨ ra ha hoafɨyahandürɨ arɨhandɨ ranana nindou-yafe hohoanɨmonambo hoafɨyopoanɨ. 12 Ranɨ-moatükunɨ ra nindou-yei-mayo moai sahamɨndɨhɨ asu moai nindou mamɨ ai wambo yamundeandɨrɨ, Åga wanɨ. Åga Sisas Krais ahandɨhoarɨ randɨrɨ ranɨ hoafɨ ra wambo weindahɨ-mareandɨrɨ. 13 Ro horombo Suda-yafe Godɨmbo hohoanɨmo ranɨ-süÅgu yaÅgɨrɨ süÅgurɨhandühɨ nɨmboahambe ana, ro Kraisɨndɨ nendɨ ranaheimbo moaruwaimbo-rɨhearühɨ muÅgunambo awarɨhefendürɨmbo hohoanɨmomayahɨ. Ranɨ hoafɨ ra se horombo hɨmborɨyeimb-ane. 14 Wandafɨ mamɨ, Sudahündɨ ranahei mbusümo nindou akohoandɨ ro dɨbombo-memo ranahamumbo Ågasündɨ-heapurɨmboanahɨ. Roana moanɨ Suda-yafe hohoanɨmo hondü ranahambo süÅgufembo nindou hamɨndɨyahɨ ranɨ-poanɨmbo manɨmboahɨ. Ranɨyahɨ asu ro moanɨ yɨhoefɨ amoao-yafe hohoanɨmo ranɨmbo yaÅgɨrɨ süÅgufe hombo Ågusüfo pamarɨheandɨ. 15 Åga asu ro nɨÅgokoate-yahambeahɨyo God ai wambo moanɨ hɨpoambo-reandɨrühɨ ahandɨ ratüpurɨ ratüpurɨmbohünda kafoare hɨnɨÅgɨmareandɨrɨ. 16 Ranɨyo asu ro ahandɨ-mayo aboedɨ hoafɨ ra semɨndɨ ho Suda-yafe ndɨfo ranaheimbo bokarɨ-hefembohünda ahandɨ nɨmorɨ wandɨ hohoanɨmoambe ndore korɨmafoareandɨrɨ. Ro moai nindou Ågorümbo-so dɨdɨboadore hoafɨmbiyundɨrɨ sahehea tüküyaheandɨ. 17 Asu ro moai Serusaremɨnambo Kraisɨndɨ hoafɨ horomboyafu sowandümo homo-rundeimbɨ ranahamumbo sowana ndüfosimbo hahühɨ. Åga roana nɨmehünou Arebia hɨfɨnambo yaÅgɨrɨyahɨ ha mburɨha asu asükaiya Damaskus Ågoafɨna hɨhɨrɨma-rɨheheandɨ. 18 Ranɨyo asu Ågɨmɨ hɨmbanɨ hoane, ranɨ mbusümo ro Serusarem Ågoafɨnambo Pitandɨ-mayo bɨdɨfɨrɨ wataporɨ hɨmborɨmbo mahahühɨ. Ranɨyahɨ asu ro ranɨhü ai-dɨbo yimbu wik yaÅgɨrɨ manɨmboahɨ. 19 Ranɨhü ro moai Adükarɨndɨ hoafɨ sowandümo homo-rundeimbɨ hoeirɨheapurɨ, Åga Sems Adükarɨndɨ akɨdɨ yaÅgɨrɨyu hoeimarɨhinɨ. 20 Ro sɨheimbo pasambe nda anɨhondümboanahɨ hoafayahɨ. God ai hoafɨ ranahambo fɨfɨreamboani, Åga ro tɨkai hoafɨyahühɨ-yahɨpoanɨ! 21 Ranɨyahɨ asu süÅgunambo ranɨhünda botɨyahe hehea Siria, Sirisia hɨfambe mahahɨ. 22 Asu Kraisɨndɨ nendɨ Sudia-yafeambe amarei ranai moai wambo ndorɨhi fɨfɨrɨhindɨrɨ. 23 Åga nindou bɨdɨfɨrɨ ai wambo hoafɨ yaÅgɨrɨ hɨmborɨmayei. Bɨdɨfɨrɨ ai hoafɨyeihɨya, nindou sapo ndan-aiyu sɨhefɨmbo moaruwaimbo-reamunɨ marandɨ ranani anɨhondümbofe hohoanɨmo ra awarɨhefembo yahuhaya hohoanɨmomayu. Åga asu ranane haponda ai ranɨ hoafɨ ra bokarɨhai arandɨ, masei. 24 Ranɨyei asu ai wandɨ süÅguyo Godɨmbo aboed-ani masei.