Hibru 1

1 Horombo God ai afɨndɨmbo afɨndɨ moatükunɨ süÅgure haya sɨhefɨ amoao mamɨ ranaheimbo ahandɨ hoafɨ hoafɨyomo-rundeimbɨ-yomondɨ yafambe süÅgure haya hoafɨyundürɨ marandɨ. 2 Åga asu hapondanɨ bɨdɨfɨranɨ si ndanambe-ane God ai ahandɨ Nɨmorɨndɨ yafambe süÅgure haya hoafɨyumunɨmboani. Nɨmorɨndɨ süÅguyu God ai muÅguambo moatükunɨ sünü hɨfɨ ra nafɨmarandɨ. Ranɨyu asu ai Nɨmorɨmboya, ai muÅguambo moatükunɨ ra ahandɨ yaÅgɨrɨmbeyo-wamboane yahuhaya kafoarirɨ hɨnɨÅgɨmarirɨ. 3 Ranani asu Nɨmorɨ ranai God ahandɨ si adükarɨ ranambe hɨmboamupui-randeimb-ani. Ranani asu ai Afɨndandɨ fi wusɨndamündümbo nou anüÅgu. Ranane asu ahandɨ hoafɨndɨ Ågɨnɨndɨ ranambo muÅgu moatükunɨ ra kɨkɨhamɨndɨ anɨÅgo. Ranane asu sɨhefɨ moaruwai hohoanɨmo foafoefembo ratüpurɨ ra moendɨre haya süÅgunambo hafu Bogorɨ Hondündɨ warɨ hondü waranɨ bogorɨ hondümbofi mamaru. 4 Godɨndɨ Nɨmorɨ ai adükarɨmbofi tüküfiyuane asu sünambeahɨndɨ nendɨ ai ranɨ hoarehɨ tükümefundɨ. Mamɨ yare ra nou-ane Ape God ai ahambo ‘Wandɨ Nɨmorɨ’ yahu dükarirühɨ adükarɨ ndürɨ ra sagadowohü asu sünambeahɨndɨ nendambo ndürɨ akɨdou masagapurɨ. 5 Åga God ai mamɨ-sɨmboanɨ moai sünambeahɨndɨ nendɨ ranahamumbo mamɨmbo amboanɨ hoafɨyuhüya, “Hapo ro sahea, ‘Seana wandɨ nɨmor-anafɨ, Åga haponda ro sɨhafɨ Apembo-yaheamboanahɨ,” ’ asahɨ, Buk Song 2:7 yahu. Asu asükai moai sünambeahɨndɨ nendɨ mamɨmbo yahuya, “Ro ahandɨ afɨndɨndamboyahɨ, Åga asu ai-amboanɨ wandɨ nɨmorɨndümbui,” 2 Samueɨ 7:14 yahu. 6 Åga ndeara ai ahandɨ amoÅgo nɨmorɨ mamɨ hɨfɨna koafoefimbo yahuhaya hohoanɨmoyuhü nɨmarümbo, asu ai mamɨ yare hoafɨyuhü yahuya, “MuÅguambo sünambeahɨndɨ nendɨ ranɨ amboanɨ moanɨ ahambo yaÅgɨr-anɨmbo hohoanɨmo-ndɨmondowohü, ‘Ai yaÅgɨr-ani adükarayu,’ mbɨsɨmo,” Æo 32:43 mehu. 7 Hoafɨ nda ndahuraiyo ai sünambeahɨndɨ nendambo yare hoafɨyuhü yahuya, “Aiana sünambeahɨndɨ nendambo werɨ nahurai nafɨrapurühɨ, asu ahandɨ ratüpurɨyomo-rundeimbɨ ranahamumbo hai imami nahurai nafɨrapurɨ-randeimb-anemo,” Buk Song 104:4 mehu. 8 Åga ahandɨ Nɨmorɨ ranahambo God ai yare hoafɨyuhü yahuya, “O God, sɨhafɨ Ågɨnɨndɨ hɨfandarandɨ ranana koadürümbo-koadürümbo hohane, Se sɨhafɨ nendɨ ranaheimbo mbumundɨ hohoanɨmo süÅgu anandɨ hɨfandɨrandürɨ arandɨ. 9 Seana nɨne-moatükunɨ mbumundayo ranahambo yafohorowandühanafɨ, Åga asu nɨne-moatükunɨ farɨfarümbayo ranahambo yɨboaruko-rowandühanafɨ. Ranɨmbo-hündamboyo sɨhafɨ God ranai Adükarɨmbore dɨbonɨyunɨnɨ hɨnɨÅgɨmareanɨna hɨhɨfɨ-hɨhɨfayafɨ, sapo sɨhafɨ wandafɨ mamɨmbo yahurai hɨhɨfɨ-hɨhɨfɨ segopurɨkoate-a,” Buk Song 45:6-7 mehu. 10 Ai asükaiyu Nɨmorɨmbo yare hoafɨyuhü yahuya, “O Adükarɨ, horombo bɨdɨfɨranɨ hondü se hɨfɨ nafɨra mbura asu sɨhafɨ warɨnambo nɨmoamo sünü ra nafɨmarandɨ. 11 Ranɨ-moatükunɨ ranai ana awandɨhoemboe, Åga seana moanɨ rando yahurai yaÅgɨrɨ nɨmboamboyafɨ. Ranɨ-moatükunɨ ranai ana muÅguambo sapo hoearɨ rawefeyo nou yahurai wonɨmbɨndɨmboe. 12 Asu se warambeimbɨ hoearɨ momondefeyo nou rando ranɨ-moatükunɨ ra momondo-wamboyafɨ. Asu se randowandanɨ ranɨ-moatükunɨ ranai nindou hoearɨ Ågorü güdeandanɨ Ågorü hɨmboayu nou randɨfemboe. Asu seana Ågɨrɨ Ågorüpoanɨ findafɨ, Åga moanɨ koadürümbo-koadürümbo yahurai yaÅgɨrɨ nɨmbafɨmboanafɨ,” Buk Song 102:25-27 mehu. 13 Åga God ai moai sünambeahɨndɨ nendambo mamɨmbo amboanɨ yare hoafɨyuhüya, “Wandɨ warɨ hondü waranɨ se nɨmarɨfɨ, Åga rananɨmbo asu süÅgunambo sɨhafɨ hürütümbɨ nindou ranaheimbo sɨhafɨ yirümbo hoarehɨ hɨnɨÅgɨndɨheandüranɨ, asu se yirɨ pühɨndafɨ nɨmandɨfɨ,” Buk Song 110:1 yahu. 14 Sünambeahɨndɨ nendɨ ra asu nɨnemoa? Aiana Godɨndɨ dɨborɨhɨndɨ nend-anemo. Aiana Godɨndɨ ratüpurɨ ratüpurɨyomo-rundeimbɨ yaÅgɨr-anemo, asu ai koamarɨhepur-anemo sapo nindou aboedambofe-ndürɨmboayu ranaheimbo farɨhefe-ndürɨmbohünda.