Hibru 4
PNG1 Åga God ai aheimboya, ai harɨhefe nɨmarɨmbo ranambe Ågeimboyei yahuhaya horombo hoafɨmareandɨ ra yaÅgorombo-wambo sɨhɨrɨ ranɨ-moatükunɨ ranahambo wataporɨmbo-marandɨ ra ndahumɨndemboyefɨ. Awi sɨhɨrɨ ranahambo ndondɨhu hɨbadɨhumboane, Åga nindou mamɨ ai harɨhefe nɨmarɨmbo moatükunɨ ranambe hokoate-ndu haya bodɨboembui. 2 Åga sɨhɨrɨ amboanɨ Godɨndɨ aboedɨ hoafɨ ra hɨmborɨyefɨ-mboanefɨ, sapo amoao mamɨ-mayei ai yarɨhi hɨmborɨmayei nou. Ai hoafɨ ra hɨmborɨmayeiyosɨ, Åga asu ai ranahambo anɨhondümbofe-koateyeihɨ süÅgufekoate-mayei ranɨmbo-wamboyo moai ndoreandürɨ. 3 Nindou sɨhɨrɨ hoafɨ ranahambo anɨhondümbo-rɨhundeimbɨ ana, harɨhefe nɨmarɨmbo ranambe hefɨ-rɨhundeimb-anefɨ. Sapo ranɨ-moatükunɨ ranahambo God ai yare hoafɨyuhü yahuya, “Ro ranaheimbo Ågɨnɨndɨ-yahandürühɨ dabarɨ-yaheandühɨ sahɨya, ‘Ai Ågɨrɨ sapo ro aheimbo harɨhefe nɨmarɨmbo hɨfɨ segudürümbo-mayahɨ ranambe tükündahindɨ,’ masahɨ,” Buk Song 95:11 mehu. Ai Moses nüÅgu-ambe ranɨ hoafɨ ra hoafɨmayu. Åga horombo ai muÅguambo moatükunɨ nafɨramündɨ mbura ahandɨ ratüpurɨ ra muÅgumayo. 4 Åga Baiborambe Ågoründühɨ rühɨ 7 si ranahambo sapo yare hoafɨyowohü yahoya, “God ai ratüpurɨyu humbo 7 si ranɨ-sɨmboanɨyu warɨ hare mamaru,” Stat 2:2 meho. 5 Mare mamɨ ranɨ-moatükunɨ ranahambo asükaiyu yare hoafɨyuhü yahuya, “Nindou ranai Ågɨrɨ sapo wandɨ harɨhefe nɨmarɨmbo hɨfɨ ranambe Ågei,” mehu. 6 Israer nindou ranai weaÅgurühɨ hoafɨ aboedɨ ranahambo hɨmborɨmayei aiana moai harɨhefe nɨmarɨmbo hɨfɨ ranambe hei sapo ai ranɨ-moatükunɨ God ai hoafɨmayu ranahambo anɨhondümbofe-koatemayei ranɨmbo-wambo. Åga asu nindou amurɨ-mayei aiana ranambe Ågeimboyei. 7 Ranɨmbo-hündamboyo asu süÅgunambo God ai asükaiyu Ågorü si ra hɨnɨÅgɨ-mareandɨ, sapo si ranahambo dükareandühɨ “ndanɨ si” mehu ra. Godɨndɨ hoafɨ mbahɨrɨhefe si afɨndɨ hɨmbanɨ ra ho-ane ranɨ mbusümo Defitɨndɨ yafambe süÅgure haya God ai hoafɨyuhü yahuya, “Asu haponda se Godɨndɨ yafambehündɨ hoafɨ hɨmborɨndeihɨ ana, se Ågɨrɨ hɨmbo-sɨhomondɨhehindɨ,” Buk Song 95:7-8 mehu. 8 Åga asu Sosua ai nindou ranaheimbo sapo God ai harɨhefe nɨmarɨmbo hɨfɨ ra horombo hoafɨmayu mbasagadürü-mbonana, asu God ai Ågɨrɨ asükaiyu süÅguna Ågorü si tüküfemboayo ranahambo wataporɨmborandɨ. 9 Ra rawefeyo nou-ane asu Godɨndɨ nendɨ ranaheimbo amboanɨ harɨhefe nɨmarɨ si ra awi mbanɨÅgondürɨ sapo God 7 sihɨ warɨ hare mamaru nou. 10 Nindou düdi ai sapo Godɨndɨ harɨhefe nɨmarɨmbo hɨfɨ ranambe ahu ana, nindou ranai ahandɨhoarɨ ratüpurɨ moendɨre haya nɨmarümboani sapo God ai-amboanɨ muÅgu moatükunɨ nafɨra humbo warɨ hare mamaru nou. 11 Ranɨmbo-hündambo-anɨmbo awi sɨhɨrɨ amboanɨ ranɨ harɨhefe nɨmarɨmbo moatükunɨ hɨfɨ ranambe tüküfembo hüti-hütindefɨmboane. Rananɨmbo asu nindou mamɨ ai-amboanɨ Ågɨrɨ sɨhɨrɨ ranambeahɨ tüküfembo gübüsɨ-boadeamunɨ sapo nindou ai aheihoarɨ Godɨndɨ hoafɨ ranahambo süÅgufekoate-yeihɨ bodɨmefoehindɨ nou. 12 Godɨndɨ hoafɨ ranane yaÅgɨrɨ nɨÅgombo Ågɨnɨndɨ ratüpurɨ ratüpurɨyohü anɨÅgo. Aiana yihɨmɨndɨ hamɨndɨyo hayamboane asu pisao yɨboboanɨ yihɨmɨndɨ-yoweimbɨ ranahambo Ågasündeamboane. Godɨndɨ hoafɨ ranai ana ragu safambe kefoendühɨ sapo yifiafɨ asu yaÅgɨrɨ nɨÅgombo hohoanɨmo ahafe mamambe-marɨneandɨ, hamɨndɨ türiand-ambe asu efu nɨmaro-ambe amboanɨ ragu keboemboe. Ranane asu ai nindou-yafe Ågusüfoambe hohoanɨmo ragu amaro ranahambo türüfoare arandɨ. 13 Ågɨrɨ nɨnɨ-moatükunɨ Godɨndɨ hɨmboahü dɨbonapɨndɨfe yagodo. Nindou muÅgu God ai nafɨmarandɨ ranai ana ahandɨ hɨmboahü weindahɨ yaÅgɨr-ane. Åga God ai süÅgunambo sɨhefɨ hohoanɨmo muÅgu yɨbobondeambui. 14 Sɨhefɨ Godɨmbo sai-randeimbɨ bogorɨ adükarɨ Sisas, Godɨndɨ Nɨmorɨ, ranai sapo God amaru ranambe nɨmoamo mahafu. Åga awi sɨhɨrɨ ranɨmbo-anɨmbo nɨnɨ-moatükunɨmboyo anɨhondümbo-rɨhundühɨ weindahɨ wataporɨmborɨhu arɨhundɨ ranahambo Ågɨnɨndɨ-safɨ kɨkɨhɨndɨ-humɨndefɨmboane. 15 Sɨhɨrɨ sɨhefɨhoarɨ ana moaruwai hohoanɨmo ranahambo hɨfɨnambofembo Ågɨnɨndɨ-yefɨpoanɨ. Åga asu sɨhefɨ Godɨmbo sai-randeimbɨ nindou ranai ana sapo nindou sɨhefɨmbo hɨpoambofemunɨ-koatemayu ra nahuraiyupoanɨ, Åga wanɨ. Åga ranɨ-moatükunɨ ra yahurai-ane, nindou ranai-amboanɨ sɨhɨrɨ rawehundɨ nou afɨndɨ mamɨkarambo moatükunɨ ranai yare hoeimarerɨyosɨ, Åga ai moai moaruwai hohoanɨmoyu. 16 Ranɨmboane awi sɨhɨrɨ moanɨ mbɨro-koate God moanɨ hɨpoambore-randeimbɨ hɨfanda nɨmaruwanɨ ahambo sowana Ågefɨmboane. Ranambe anɨmbo sɨhɨrɨ amboawiyei yaho hohoanɨmo asu moanɨ hɨpoambore arandɨ ra sɨhefɨmbo fehefembohünda ndahumündemboyefɨ sapo sɨhɨrɨ semɨndɨmbo hohoanɨmoayefɨ amboanɨ.