Ruk 16

1 Sisas amboanɨ ahambo süÅgrurü-rundeimbɨmbo hoafɨyupurühɨ yahuya, “Nindou mamɨ ai napo afɨndeimbɨyu hayamboyu asu ahandɨ napo ra hɨfandɨmbo nindou Ågorü serümündü hɨnɨÅgɨmarirɨ. Ranɨyomo asu nindou bɨdɨfɨrɨ ai nindou ranahambo papɨ-hoafɨrürühɨ yahomoya, ‘Bogorɨ, sɨhafɨ napo ra mbirɨmafoareandɨ,’ mehomondo. 2 Ranɨyu asu napo afɨndeimbɨ-mayu ranai ahandɨ napo hɨfandandeimbɨ bogorɨ-mayu ranahambo mborai yahundo hürüheirü mbura düdurirühɨ yahuya, ‘Hoafɨ ra nüÅgurɨyo ro sɨhafɨ ratüpurɨ ranahambo hɨmborɨmayahɨ? Åga se Ågafɨ wandɨ kakɨ ranɨnambo nɨnɨ ratüpurɨyo ramarowandɨ ra sürü papɨnda ndawandɨ, Åga Ågɨrɨ se wandɨ napo hɨfanda-randeimbɨndafɨ,’ mehu. 3 Ranɨyu asu ratüpurɨ hɨfanda-randeimbɨ-mayu ranai aimbo hoafɨyuhɨya, ‘Ro nüÅgumandahe wandɨ bogorɨ ai ratüpurɨ ranambeahɨndɨ raguanambo-areandɨrɨ ra? Roana hɨfɨ hɨrɨmbo Ågɨnɨndɨyahɨpoanɨ asu aheimbo moako-moakombo amoanɨÅgɨmboanahɨ. 4 Ro fɨfɨrɨheamboanahɨ nɨne-moatükunɨ süÅgufeyowanɨ nindou ai wambo semɨndɨndɨrɨ worɨnɨfendɨrɨmbo ra,’ mehu. 5 Ranɨyo napo hɨfandandeimbɨ-mayu ranai ahandɨ bogorɨndɨ kakɨ masowandümo ranahamumbo mborai yahupurɨ hümarɨhepurɨ. Asu weaÅgurühɨndɨdɨdɨ-mayu ranahambo düdurirühɨ yahuya, ‘Se nüÅgunümbɨyo wandɨ bogorɨndɨ-mayo kakɨ masowandɨfɨ?’ mehundowamboyu. 6 Asu ai sɨmborɨ hoafɨyundowohü yahuya, ‘100 adükarɨ hɨpɨrɨ werɨyo,’ mehuamboyo. Asu napo hɨfandandeimbɨ ai hoafɨyuhɨ yahuya, ‘Nɨmehünou sɨhafɨ ndürɨ paiaroweimbɨ pepa ra ndowandɨfɨ hawa 50 adükarɨ hɨpɨrɨ pandowandɨ.’ 7 Asükai Ågorümbo düdurirühɨya, ‘Se ra nüÅgunümbɨyo masowandɨfɨ?’ mehundowamboyu. Asu ai sɨmborɨ hoafɨyundowohü yahuya, ‘100 bek witɨyo,’ mehuamboyo, asu hɨfandɨrandeimbɨ ai hoafɨyundowohüya, ‘Sɨhafɨ ndürɨ parundeimbɨ pepa ra sowandɨfɨ hawa 80 bek pandowandɨ,’ mehu. 8 Ranɨyo asu napo afɨndeimbɨ-mayu ranai anɨhondümbo hoafɨkoate hɨfandɨrandeimbɨ-mayu ranahambo hoafɨyuhɨ yahuya, ‘Se nɨnɨ-moatükunɨyo sɨhambo süÅgunambo tüküfemboayo ranahambo wudɨpoaporo hohoanɨmoayafɨ ra aboed-ane,’ mehu. Åga ro hoafehapurɨ, nindou ai hɨfɨnɨndɨ moatükunɨmbo hohoanɨmoyei arɨhündɨ ranai dɨboadorɨhoeimbɨ nahurai-anei, Åga rananei asu nindou sürühehindeimbɨ ranaheimbo süÅgunambo nɨnɨ-moatükunɨyo tüküfemboayo hohoanɨmo ra Ågasündarɨhindürɨ. 9 Ro sɨheimbo hoafehandürɨ hɨfɨ ndanɨhündambo kakɨ napo ranɨ süÅgumbo se nɨmorehɨ nindowenihɨ babɨdɨ Ågunindɨmboehindɨ, Åga süÅgunambo kakɨ semɨndɨmbo ra muÅguyoambe sɨheimbo ndemündündürɨ worɨnɨndeiranɨ asu se koadürümbo koadürümbo nɨmandeimboyei. 10 Nindou düdi ai akɨdou moatükunɨ ndore hɨfandarandɨ ana, asu adükarɨ moatükunɨ amboanɨ ndonde hɨbandambui. Åga asu ai akɨdou moatükunɨ ndofe hɨfandɨkoate-ayu ana, asu Ågɨrɨ adükarɨ moatükunɨ amboanɨ ndonde hɨbandandɨ. 11 Asu se kakɨ napo hɨfɨ ndanɨhündambo moaruwai ra ndofe hɨfandɨkoate-ayei ana, asu se Ågɨrɨ napo hondü ra hɨbadɨhündɨ. 12 Se nindou Ågoründɨ napo ndofe hɨfandɨkoate-ayafɨ ana, asu se Ågɨrɨ napo sɨhei hondü ra ndondɨhi hɨbadɨhündɨ. 13 Nindou Ågorü ai Ågɨrɨ yimbu bogorɨ nindouyafandɨ ratüpurümbɨ nüÅgu. Åga nindou ranai ana bogorɨ Ågorü ranahambo moaruwaimbo-ndirühɨ asu Ågorü bogorɨ ranahambo Ågusüfo pandirümbui. Se Ågɨrɨ kakɨmbo ratüpurɨ asu Godɨndɨ ratüpurɨ yɨboboambo Ågusüfo pandowapɨrɨ." 14 Farisi nindou, kakɨmbo yaÅgɨrɨ Ågusüfo parundeimbɨ-memo, ranai ranɨ hoafɨ hɨhɨmborɨyomo houmbo asu Sisasɨmbo tɨkɨfɨnambo-marurɨ. 15 Ai sɨmborɨ hoafɨyupurühɨ yahuya, “Seana nindouyei hɨmboahü aboedɨ hɨmboyomondühanemo, Åga God ana sɨhamundɨ hohoanɨmo ra fɨfɨreapurɨmbo-ani. Nɨne nindouyei hɨmboahü aboedɨ hamɨndayo ra Godɨndɨ hɨmboahü ana moaruwai hamɨndane. 16 Mosesɨndɨ ahɨnümbɨ hohoanɨmoyo asu Godɨndɨ hoafɨ hoafɨyomo rundeimbɨ-yomondɨ hoafɨ ra wataporɨmboru sɨnɨmombo asu Son ai tüküfi nüÅguambe kaimayo. Åga Son nüÅguambe peyo haya asɨno ndanana God Ågɨnɨndɨ hɨfandarandɨ aboedɨ hoafɨ ra muÅguambo Ågoafɨ tükefeyo. Ranane asu God hɨfandarandɨ ranambe kefoefembo muÅguambo nindou ai hamɨndɨ tütüÅgarɨhehindɨ. 17 Hɨfɨ sünü ranai muÅgundɨmboe, Åga Godɨndɨ-mayo ahɨnümbɨ hohoanɨmo ranana Ågɨrɨ akɨdou-amboanɨ awarɨndɨhoeyo." 18 “Nindou düdi ai ahandɨ nɨmorehɨ hɨnɨÅgɨre haya asu Ågorü asemündu ana, ai moaruwai wosɨhoaforɨ hohoanɨmoyumbo-ani. Asu nindou düdi ai nɨmorehɨ horombo ahandɨ nindowenihɨ ai moei yahumbü asemündu ana ai-amboanɨ moaruwai wosɨhoaforɨ hohoanɨmoyumbo-ani." 19 Sisas ai hoafɨyuhɨ yahuya, “Nindou mamɨ ai kakɨ napo afɨndeimbɨyu haya asu ai hoearɨ aboedɨ-aboedɨ yihuruyu haya muÅguambo si sesɨ aboedɨ sesühɨ nɨmarü marandɨ. 20 Nindou mamɨ napo-koate ahandɨ ndürɨ Rasarus ai ahandɨ fi masɨmei yaÅgɨrɨyu haya napo afɨndeimbɨndɨ yipurɨ nafɨtambeihü nɨmarü marandɨ. 21 Ai napo afɨndeimbɨndɨ-mayo sesɨ fu fondɨwamɨnɨndɨ pɨndoanɨ dagadɨ yahuayamboyu ramefiyu. Ranɨyo asu yaforɨ ai hei ahandɨ masɨmei ra moÅgoarühɨ marɨhündɨ. 22 SüÅgunambo Rasarus ai yɨfɨmayuamboyo asu sünambeahɨndɨ nendɨ ai sowaründümo hafomo Abrahamɨ-dɨbo hɨnɨÅgɨmarüwurɨ. Asu napo afɨndeimbɨ-amboanɨ yɨfɨmayuwa hɨfɨ kamarɨhorɨ. 23 Asu yifiafɨ Ågoafɨhü napo afɨndeimbɨ-mayu ranai asübusɨ afɨndɨ masemündu. Asu ai hɨmboyuane aÅgunɨ goagu Abraham ai Rasarus parümündü haya manɨmbafanɨ. 24 Ai hoafɨyuhɨya, ‘Abraham, wambo hɨpoambo-rowandɨrɨ! Se Rasarus koarɨhaworanɨ hoe warɨ foare hüramündɨ süfo wandɨ amɨndasümo kusɨmbɨreandɨrɨ, Åga wambo hai hüfɨnambo muÅgunambo-arandɨrɨ,’ mehu 25 Abraham ai hoafɨyuhɨ yahuya, ‘Wandɨ nɨmorɨ, se yaÅgɨrɨ nɨmbafambe aboedɨ moatükuneimbɨ-mayafɨ, Åga asu Rasarus ai moaruwai mamaru. Åga asu ai haponda ndanɨhü aboedɨ mamaruwa asu se asübusɨ asowandɨfɨ. 26 Ågorü-moatükunɨ ra ai hoe apoarɨ afɨndɨ mbusümondühɨ kɨkɨreamunɨmboane, Åga Ågɨrɨ dɨdai badɨhoei ndühɨ düfu asu Ågɨrɨ dɨdai badɨhoei rühɨ düfu,’ mehu. 27 Asu napo afɨndeimbɨ ai hoafɨyuhɨ yahuya, ‘Ape, refe ana Rasarus koandɨhaworanɨ apendɨ worɨna mbɨhuwamboane. 28 Ro hondahüfeimbɨ akohoandeimb-anahɨ rananɨmbo Rasarus ai hoafɨnduanɨ asübusɨ afɨndɨ semɨndɨ nafɨ kosɨkoate-mbeyomo-ndamboane,’ yahuhaya hoafɨmayu. 29 Abraham ai hoafɨyuhɨya, ‘Ai ana Mosesɨndɨ-mayo ahɨnümbɨ hohoanɨmo asu Godɨndɨ hoafɨ hoafɨyomo-rundeimbɨ sürü papɨmarundɨ ra hoeindundühɨ fɨfɨrɨndumboemo.’ 30 Napo afɨndeimbɨ ai hoafɨyuhɨ yahuya, ‘Wanɨ, Ape Abraham! Nindou düdi yɨfɨhündɨ ahamumbo sowana ahu ana, ai ahamundɨ moaruwai hohoanɨmo Ågorü süÅgundundühɨ asu anɨhondümbo-ndumboemo.’ 31 Abraham ai hoafɨyundowohü yahuya, ‘Asu ai Mosesɨndɨ hoafɨ hɨmborɨkoate-yomo, Godɨndɨ hoafɨ hoafɨyomo-rundeimbɨ-yomondɨ hoafɨ hɨmborɨkoate-ayomo ana, asu Ågɨrɨ nindou yɨfyeimbɨ-yei hoafɨ amboanɨ hɨmborɨndomo,’” mehu.