Matyu 19

1 Sisas ai ranɨ hoafɨ wataporɨmbomarandɨ ra moendɨre haya asu ai Gariri hɨfɨ ra hɨnɨÅgɨre haya Sudia hɨfɨna Sodan hoe Ågorü goesürɨnɨ barɨhoei mahu. 2 Ranɨ-sɨmboanɨ nindou afɨndɨ safɨ ranai ahandɨ süÅgu maheia asu aheimbo ranühɨ aboedɨmarearü. 3 Ranɨyomo asu Farisi nindou bɨdɨfɨrɨ ai Sisasɨmbo-so tüküyafu ahambo refi hoeifimbo yahomo houmbo düdururühɨ yahomoya, “Nindou mamɨ ahandɨ hohoanɨmo yaÅgɨrɨ ahandɨ nɨmorehɨ hɨnɨÅgɨfembo ehu ana, asu sɨhefɨ ahɨnümbɨ hohoanɨmo ranahambo waÅgeimandɨyo?” mehomondamboyu. 4 Asu Sisas ai sɨmborɨ hoafɨyuhü yahuya, “Awi se moai Baiborambe hoeirundɨyo sapo hoafɨ ranai yare hoafɨyowohüya ‘WeaÅgurühɨ hondü Nafɨra-randeimbɨ ai nɨmorehɨ nindowenihɨ nafɨmarapɨrɨ,’ meho ra? 5 Sapo God ai yare hoafɨyuhü, ‘Ranɨmbohündambo anɨmbo nindou ahandɨ hondɨ afɨndambo hɨnɨÅgɨndeapɨrɨ haya ahandɨ nɨmorehɨ ranɨ dɨbo mamɨ tapeimbɨ nɨmbafeihɨ asu yimbu ai moanɨ mamɨ tükündafɨne nɨmboambo-yafe,’ mehu. 6 Asu Ågɨrɨ ai yimbundafe, Åga ai fi mamanafe. Sapo God ai mamambere hɨnɨÅgɨmareandɨ ra asu nindou ai yükürübɨfepoanɨ,” mehupurɨ. 7 Ranɨyomo asu Farisi nindou ai Sisasɨmbo düdururühɨ yahomoya, “Nɨmboe asu nindowenihɨ ranai ahandɨ nɨmorehɨ ranahambo moei-yaho hɨnɨÅgɨfe ranahambo Mosesɨndɨ ahɨnümbɨ hohoanɨmo ranambe yare hoafɨyohüya ‘Se sɨhafɨ nɨmorehɨ hɨnɨÅgarowandɨ ana, ahambo moei yahombo sürü pando dabado,’” mehomondamboyu. 8 Asu Sisas ai asükaiyu sɨmborɨ ahamumbo hoafɨyuhü yahuya, “Se afɨndafɨndeimbanemo ranɨmboane asu Moses ai sɨhamundɨ nɨmorehɨ hɨnɨÅgɨfembo hohoanɨmo ranahambo moanɨ yare hɨmboana wamarapurɨ. Åga asu horombo hondü muÅgu-moatükunɨ God ai nafɨrandambe ana hohoanɨmo yahurai moai yaÅgoro. 9 Asu ro sɨhamumbo hoafehapurɨ nda, nindou mamɨ ai ahandɨ nɨmorehɨ ra nindowenihɨ Ågorü-dɨbo hoanepoanɨ, Åga ai moanɨ hoaÅgɨre haya nɨmorehɨ ranahambo moei yahu hɨnɨÅgɨre haya, asu ai nɨmorehɨ Ågorü asemündu ana, nindou ranai nɨmorehɨ semɨndɨ hohoanɨmomayo ra moaruwaimbo-reandühani." 10 Sisasɨmbo süÅgururü-rundeimbɨ ai ahambo hoafɨyomondowohü yahomoya, “Asu nindowenihɨ nɨmorehühɨfembo hohoanɨmo yahurai rawefeyo ana, asu nindowenihɨ nɨmorehühɨfe-koate ra aboedane,” mehomondamboyu. 11 Asu Sisas ai sɨmborɨ hoafɨyuhü yahuya, “Ndanɨ hoafɨ nda muÅguambo nindou ranahamumbo hoafɨyowohüyopoanɨ, Åga nindou sapo ahamumbo God ai ranɨ Ågɨnɨndɨ masagapurɨ ranahamumboane hoafɨ ra. 12 Åga ranɨ-poanɨmbo hohoanɨmomboane nindou ai sapo nɨmorehɨ semɨndɨ-koate anɨÅgo ra. Nindou bɨdɨfɨrɨ ra nɨmboe sapo ai moanɨ yahurai nɨÅgombo boagɨrɨ ai masahüpurɨmɨndei, asu nindou bɨdɨfɨrɨ ra nɨmboe nindou ai ahamumbo moanɨ-poanɨmbo mbɨnüÅguwa seihehi tɨmoefɨ kamarɨhorɨ. Asu nindou bɨdɨfɨrɨ ai moanɨ God hɨfandarandɨ ranahambo hohoanɨmombo yaÅgɨrɨwambo ranɨmboane nɨmorehɨ semɨndɨkoateyomo arundɨ. Nindou düdi ndanɨ yamundɨfe hoafɨ ra semɨndɨmboayu ana, ai moanɨ mbɨsemündu-wamboane,” mehupurɨ. 13 Ranɨyei nindou ai Sisas sowana nɨmoakɨdɨbou ra fufurühmündi-hündürɨ tükümehindɨ, ai aheimbo ahandɨ warɨ nandearühɨ dɨdɨbafɨmbɨfindüra sei hehi. Åga asu ahambo süÅgururü-rundeimbɨ-memo ranai nindou ranaheimbo Ågɨnɨndɨmarundürɨ. 14 Åga asu Sisas ai hoafɨyuhü yahuya, “Nɨmoakɨdɨbou ra ndühɨ aheimbo hɨnɨÅgɨrɨhindüra wambo sowana mbɨsühüsi, Åga Ågɨrɨ güdüwurɨ. Åga God Ågɨnɨndɨ hɨfandarandɨ ra nindou nɨmoakɨdɨbou ndahuraiyei-ane,” mehu. 15 Ranɨyu ai aheiwamɨ warɨ nandeandürɨ mbura asu ndamefiyu. 16 Nindou mamɨ ai mamɨmbo Sisasɨmbo-so tükümefiyu. Ai ahambo düdufi hoafɨyundühɨ yahuya, “Yamundo-randeimbɨ, ro yaÅgɨrɨ koadürümbo nɨÅgombo ra semɨndɨmbo mbɨsambo asu nɨnɨ aboedɨ moatükunɨ ramandɨhea?” mehundo-amboyu. 17 Asu Sisas ai ahambo hoafɨyundühɨ yahuya, “Se ra nɨmboe wambo nɨnɨ-moatükunɨ ai aboedayo ranahambo hoafɨyafühɨ düduwefoandɨr-a? Aboedɨ mamɨ-yaÅgɨrani moanɨ aboedayu. Se gedühɨ aboedɨ yaÅgɨrɨ nɨÅgombo hohoanɨmondafühɨ ana, se moanɨ sapo ahɨnümbɨ hohoanɨmomayo muÅgu ranɨmbo kɨkɨhɨsafɨndandɨfɨ,” mehundo-amboyu. 18 Asu nindou-mayu ranai düdufinduhɨ yahuya, “Nɨne ahɨnümbɨ hoafɨ rana?” mehundo-amboyu. Asu Sisas ai sɨmborɨ hoafɨyundühɨ yahuya, “Se nindou hɨfokoefepoanɨ, se nɨmorehɨ sɨsɨhɨmopoanɨ, se hümbuhünɨpoanɨ, se nindou Ågorümbo tɨkefehefe papɨ hoafɨpoanɨ, 19 se sɨhafɨ meapembo ndondondɨwapɨrühɨ ahafe hoafɨ hɨmborɨndafɨ, se sɨhafɨ wandafɨ mamɨmbo Ågusüfo pandoworü sɨhafɨ fimbo Ågusüfo pararowandɨ nou,” mehuamboyu. 20 Asu nindou hoarɨfɨmayu ranai sɨmborɨ ahambo hoafɨyundühɨ yahuya, “Ro muÅguambo ranɨ ahɨnümbɨ hoafɨ ranahambo hɨmborɨya süÅgurɨheambo-anahɨ. Asu Ågorü nɨnɨ-moatükunɨ ramandɨhe-a?” mehundo-amboyu. 21 Asu Sisas ai ahambo hoafɨyundühɨ yahuya, “Asu se moanɨ aboedɨ nindou hondü nɨÅgombo mbɨsafombo ana, se Ågafɨ sɨhafɨ muÅgu-moatükunɨ masɨhoefɨ ra nindou Ågorümbo fufundawandühɨ ranɨ-fihɨndɨ kakɨ ndowandɨfɨ mbunda, nindou moaruwai napokoate-mayei ranaheimbo kakɨ ra dabadürɨ. Rananɨmbo asu se sünambe napo afɨndeimbɨ-ndamboyafɨ. Åga asu se mborai wandɨ süÅgu,” mehundo. 22 Ranɨyu asu nindou hoarɨfɨ-mayu ranai ranɨ hoafɨ ra hɨmborɨyu haya afɨndɨ hohoanɨmo kapeihɨ ndamefiyu sapo ahandɨ napo afɨndɨ ranɨmbo wambo. 23 Ranɨyu asu Sisas ai ahambo süÅgururü-rundeimbɨmbo hoafɨyupurühɨ yahuya, “Ro nda sɨhamumbo anɨhondümboanahɨ hoafehapurɨ, nindou napo afɨndeimbɨ ranai God Ågɨnɨndɨ hɨfandarandɨ ranambe kefoefembo ana, awi tɨÅümbɨ safane. 24 Asükai ro sɨhamumbo hoafehapurɨ nda, kemor, adükarɨ nɨnɨhondɨ hos nahurai, ranai ana hoearɨ kakɨmbo nür ambe akɨdou ranɨ nafɨ kefoefembo ana, ahambo tɨÅümb-ane, Åga nindou napo afɨndeimbɨ ai God Ågɨnɨndɨ hɨfandarandɨ ranambe kefoefe hɨfombo tɨÅümbɨ safane,” mehupurɨ. 25 Asu ahambo süÅgururü-rundeimbɨ ai ranɨ hoafɨ ra hɨmborɨyomo houmbo asu ranɨmbo mahepünafundɨ. Ranɨyomo asu ai ahambo düdururühɨ yahomoya, “Asu nindou dɨdɨ ai refe ana, aboedambomandɨfi?” mehomondamboyu. 26 Sisas ai ahamumbo hɨmboarɨ pareapurühɨ sɨmborɨ hoafɨyuhü yahuya, “Ndanɨ moatükunɨ ranana nindou ai refembo tɨÅümbɨ safane, Åga God ai refembo ana, muÅgu-moatükunɨ ra tɨÅümbɨyopoanɨ,” mehuamboyu. 27 Ranɨyu asu Pita ai hoafɨyuhü yahuya, “Awi se ndühɨ hɨmboyafɨ, ro muÅguambo moatükunɨ rarɨhu kokosɨfoarɨhu hohu sɨhafɨ süÅgufemboanefɨ, Åga nɨnɨ takɨnɨ mandahumɨndefa?” mehuamboyu. 28 Sisas ai ahamumbo hoafɨyupurühɨ yahuya, “Ro sɨhamumbo anɨhondümbo-anahɨ hoafehapurɨ nda, hɨfɨ sɨmborɨ tüküfemboayo ranɨ sihɨ Nindou Hondü ranai sürühoeyoweimbɨ nɨmarɨ fondɨ ranɨwamɨ nɨmanduanɨ, asu wambo süÅgurundɨrɨ-rundeimbɨ se-amboanɨ mamɨ nɨmarɨ fondɨ 12 ranɨwamɨ nɨmandɨmboemo 12 mamɨsɨrɨ Israerɨhündɨ ranaheimbo hɨfandɨyondürɨmbohünda. 29 Rananɨmbo asu nindou muÅguambo dɨdɨyei ai ahei worɨ, akohoandɨ, rehɨ mamɨ, hondafɨndɨ, nɨmorɨ, asu nümbürɨ ra wambohünda rarɨhi hɨnɨÅgarɨhindɨ ana, asu ai 100 yimbumbondɨhi ndahümündihɨ asu aheimbo yaÅgɨrɨ koadürümbo nɨÅgombo-mayo ra God ai dagadürɨmbui. 30 Åga nindou afɨndɨ dɨdɨyei ai haponda adükarɨmbofemboayei ana, süÅgunambo ai akɨdoumbo-ndahimboyei, Åga asu nindou afɨndɨ dɨdɨyei ai haponda akɨdou-mboehindɨ ana, asu ai süÅgunambo adükarɨmbo-ndahimboyei,” mehu.