Mak 14

1 God ai Israerɨmbo Aboedambo-mareandüra aboedɨ manɨmboei si (Pasofa) asu bret yisɨkoate sesɨmbo si ra tüküfembo yimbu si manɨÅgo. Ranɨyo Godɨmbo sɨhou-rundeimbɨyomo asu ahɨnümbɨ hohoanɨmo yamundurundeimbɨ ai Sisasɨmbo kɨkɨhimündɨ hɨfokoefimbo hohoanɨmomemo. Ranɨyo ai hoafɨyomondühɨ yahomoya, “Sɨhɨrɨ nɨnɨ-süÅgundɨhu Sisasɨmbo wosɨhoaforɨ hoafɨ ndɨhurɨ mbunduhu kɨkɨhɨndɨhurɨmɨndefɨ hoahu hɨfokoamandɨhurɨ,” mehomo. 2 Ai hoafɨyomondühɨ yahomoya, “Sɨhɨrɨ adükarɨ sihɨ ana refepoanɨ, Åga nindou ai Ågɨnɨndɨndeihɨ sɨhefɨ mbusümo yifiarɨ botɨndɨhimboyei,” mehomo. 3 Sisas ai Betani Ågoafɨhü Saimon horombo mɨmanɨho masɨmeimboyoweimbɨ ahandɨ worambe mamaru. Sisas ai nindou ranahandɨ worambe sesühɨ nɨmaruane, nɨmorehɨ mamɨ ai nɨmoei hɨpɨrambe sanda aboedɨ fɨsɨÅarümbü kakɨ afɨndɨ fihɨ semɨndeimbɨ semɨndɨ haya tükümefeyo. Ranɨyo Sisas ai sesühɨ nɨmaruane ai hɨpɨrɨ ra boborehaya sanda ra ahandɨ mbɨrowamɨ kamareando. 4 Åga asu nindou bɨdɨfɨrɨ mamarümo ranai Ågɨnɨndɨyomondühɨ sɨmborɨ hoafɨyomondühɨ yahomoya, “Nɨmboe sanda ra yatɨkɨrɨ-yatɨkɨrɨ aranda? 5 Nindou ai sanda ra kakɨnambo mbasahümündi-mbonana 300 kakɨ hoarɨnambo anɨmbo sahümündihɨ kakɨ ra nindou napokoate-yeimbɨmbo sahundürɨ,” mehomo. Ranɨmboemo ai nɨmorehɨ ranahambo Ågɨnɨndɨmarundɨ. 6 Åga Sisas ai hoafɨyupurühɨ yahuya, “Nɨmorehɨ ra ambe, Åga nɨmboe se ahambo Ågɨnɨndarunda? Ai aboedɨ moatükunɨyo wambo ramareandɨ. 7 Nindou napokoateyeimbɨ ana muÅguambo si sebabɨdɨmbo nɨmandeimboyei. Se nɨnɨ-sɨmboanɨyo aheimbo fehefendürɨmbo hohoanɨmoayei ra fandɨhehindürɨ. Åga ro ana Ågɨrɨ muÅguambo si se-babɨdɨmbo nɨmboahɨ. 8 Nɨmorehɨ ndanai nɨnɨ-moatükunɨyo ai refembomayo ranɨyo ramareandɨ. Ai wandɨ fi sandanambo hundürümarandɨ ra yɨfɨndahanɨ hɨfɨkefendɨrɨmbomayo ranɨmboyo ranɨ boatei ramareandɨ. 9 Ro sɨhamumbo anɨhondümbo-anahɨ hoafehapurɨ, muÅguambo hɨfɨ aboedɨ hoafɨ ra wataporɨmbondundühɨ nɨmorehɨ ai ramareandɨ ranahambo hoafɨndɨmonda ahambo hohoanɨmondeimboyei,” mehu. 10 Ranɨsɨmboanɨ Sisasɨmbo süÅgururü-rundeimbɨ mamɨ Sudas Iskariot ai Godɨmbo sɨhou-rundeimbɨ sowana Sisasɨmbo ahamundɨ warɨhüfimbo mahu. 11 Godɨmbo sɨhou-rundeimbɨ ai ranɨ hoafɨ ra hɨmborɨyomo houmbo hɨhɨfɨ-hɨhɨfɨyomondühɨ Sudasɨmbo bɨdɨfɨrɨ kakɨ segodombo hoafɨmemo. Ranɨyo Sudas ai Sisasɨmbo ahamundɨ warɨhüfimbo nɨnüÅgumandɨhe yahuhayambo hohoanɨmomayu. 12 Bret yisɨkoate sesɨmbo si ranai weaÅgurühɨ tükümefeyo. Ranɨsɨmboanɨ ra Pasofa sipsip nɨmorɨ sesɨmbohünda hɨfokoarɨhi arɨhündɨ. Asu Sisasɨmbo süÅgururü-rundeimbɨ ai düduyafundowohü yahomoya, “Se hohoanɨmoyafanɨ ro sesesɨmbo ra sɨhambo nahü Ågefɨ dɨdɨboado-mandɨhunda?” mehomondamboyu. 13 Asu Sisas ai ahambo süÅgururü-rundeimbɨ yimbu koarɨhepɨrühɨ yahuya, “Se adükarɨ Ågoafɨnambo Ågafanɨ. Ranühɨ nindou mamɨ hoe hɨpɨrambe ndemündü haya nafɨnɨ düdɨ tükündüfimbui. Ahambo anɨmbo se süÅgundɨnɨrɨ. 14 Se hoeindɨneranɨ nɨnɨ-worɨnamboyu afarɨfiyu ra se worɨ aharambürɨ ranahambo düdundafɨneandühɨ anɨmboya, ‘Nindou yamunde-randeimbɨ ai düdufihɨya, ‘Worɨ nahanambe Pasofa si sesɨ ra sesesɨmandefɨ?’ mehuamboanehɨ,’ mbɨsafanɨ. 15 Rananɨmbo adükarɨ nɨmoamondɨ worɨ nafɨrɨndümo hɨnɨÅgɨmarundɨ ra nafuindümbui. Ranühɨ anɨmbo se sesɨ ra sɨndɨndɨneandɨ,” mehu. 16 SüÅgurɨnerɨ-rɨnandeimbɨ ranai hafanɨ Ågoafɨ ranühɨ hoeirɨneandane, muÅgu-moatükunɨ ai hoafɨmayu süÅgure meÅgoro. Ranɨyo ranühɨ sesesɨmbo sesɨ ra sɨndɨmarɨneandɨ. 17 Ndeara nɨmbɨhoafɨ-mayoamboyo Sisas ai ahandɨ süÅgururü-rundeimbɨ 12 ranɨbabɨdɨmbo mahomo. 18 Ai sesɨ sowasümondühɨ nɨmarɨmombo Sisas ai hoafɨyupurühɨ yahuya, “Ro sɨhamumbo anɨhondümbo-anahɨ hoafehapurɨ. Nindou mamɨ seambeahɨndɨ anɨmbo wambo hürütümbɨ nindou-yomondɨ warɨhündeandɨrɨmbui. Nindou ranai hapondanɨ ro-dɨbombo sesɨ asesu,” mehu. 19 SüÅgururü-rundeimbɨ ranai ranɨ hoafɨ ra hɨmborɨyomo houmbo Ågusüfoambe moaruwaimarapurɨ. Ranɨyo mamai mamaiyomondühɨ düdururühɨ yahomoya, “Awi rombayahɨpoanɨ?” ranɨranɨmemo. 20 Sisas ai hoafɨyupurühɨ yahuya, “Nindou ranana seambeahɨndani. Ai bret semündü haya rodɨbo hɨpɨrambe afoarɨhoandɨ. 21 Anɨhondane Nindou Hondü ai yɨfɨmbiyuamboane. Baiborambe hoafɨyohüya, yɨfɨndümbui, meho süÅgu. Åga nindou düdi Nindou Hondü hürütümbɨ nindou-yomondɨ warɨharirɨ ranai hɨpoanɨmboembouani. Mamɨharɨ hondɨ ai ahambo ana wakemündɨkoate mbeyowamboyo.” mehu. 22 Sowasümondühɨ nɨmarümombo Sisas ai bret semündü hɨfɨtɨre Godɨmbo hɨhɨfɨrürɨ mbura ahambo süÅgururü-rundeimbɨmbo yimbumareapurɨ. Asu ai hoafɨyupurühɨ yahuya, “Se sowandümo, Åga nda wandɨ fi safane,” mehu. 23 Asükai wain hoe kapambe semündü Godɨmbo hɨhɨfɨrürɨ mbura masagapura ai muÅguambo masɨmɨndɨmo. 24 Asu Sisas ai hoafɨyupurühɨ yahuya, “Nda wandɨ horane God hoafɨ fɨramündü masɨhendɨ ra Ågɨnemɨndɨmbo. Wandɨ horɨ karefoendɨ ra muÅguambo nindoumbo fehefembo-hündamboane. 25 Ro sɨhamumbo anɨhondümbo-anahɨ hoafehapurɨ, Ro Ågɨrɨ asükainda wain hoe ndɨmɨndɨhɨ, Åga moanɨ Åga Ågambo God Ågɨnɨndɨ hɨfandarandɨ ranambe sɨmborɨ wain hoe ndɨmɨndɨmboyahɨ,” mehu. 26 Ranɨyo herü mamɨ herüyomondühɨ adükarɨ Ågoafɨ ra hɨnɨÅgɨru houmbo Orif hɨfɨ wafuanambo mahafomo. 27 Sisas ai ahambo süÅgururü-rundeimbɨmbo hoafɨyupurühɨ yahuya, “Se muÅguambo sɨhamundɨ anɨhondümbofe hɨnɨÅgɨndumboemo. Nɨmboe sapo Baiborambe yare hoafɨyowohü yahoya, ‘Ro sipsip hɨfandɨrandeimbɨ nindou hɨfokoandɨhina asu sipsip ai buküründahimboyei,’ Sekaraia 13:7 meho. 28 Åga yɨfɨhündɨ botɨndahe hehea roboakorɨ Gariri hɨfɨnambo Ågümboyahɨ,” mehu 29 Pita ai hoafɨyundühɨ yahuya, “MuÅguambo nindou ai sɨhambo anɨhondümbofe hohoanɨmo ra hɨnɨÅgɨndumboemo. Åga roana Ågɨrɨ hɨnɨÅgɨndɨheanɨnɨ,” mehu. 30 Sisas ai hoafɨyundühɨ yahuya, “Ro sɨhambo anɨhondümboanahɨ hoafehanɨnɨ, ndanɨ nɨmbokoanɨ kakaro ai yimbumbo hoafɨkoateayuambe anɨmbo se Ågɨmɨmbo hoafɨndafühɨya, ro moai ahambo fɨfɨrɨhinɨ mbɨsamboyafɨ,” mehundo. 31 Åga Pita ai hoafɨyuhɨ yahuya, “Ro Ågɨrɨ moai fɨfɨrɨhinɨ mbɨsahɨ, Åga sedɨbo yɨfɨndamboyahɨ,” mehuamboemo. Asu bɨdɨfɨrɨ süÅgururü-rundeimbɨ ai-amboanɨ mamɨ yahurai hoafɨmemo. 32 Ai homo Getsemani seiarɨhündɨ ranühɨ tüküyafu ahambo süÅgururü-rundeimbɨmbo hoafɨyupurühɨ yahuya, “Se ndühɨ nɨmandümo, Åga ro Godɨmbo dɨdɨbafɨnda samboanahɨ,” mehupurɨ. 33 Asu ai Pita, Sems, Son ahamumbo yaÅgɨrɨ sepurɨmündü haya mahu. Ranɨyu asu Sisas ai Ågusüfo pukɨrɨrɨhü Ågusüfoambe moaruwai hohoanɨmomarɨrɨ. 34 Ranɨyu hoafɨyupurühɨ yahuya, “Wandɨ Ågusüfoambe pukɨrandɨrühɨ yɨfɨmbo yaÅgɨrayahɨ. Åga se ndühɨ ndondu nɨmandɨmo hɨbadündɨ,” mehu 35 Ai akɨdou sühüfi hu hɨfɨnɨ amoembü amoearümbo nafɨ yagodohü ana, tɨÅɨrɨfo ra gübüsɨmbɨfoareandɨra yahu haya dɨdɨbafɨmefiyu. 36 Ai ndare dɨdɨbafɨfihɨ yahuya, “Ape, wandɨ Ape, se yifirayafɨ ana wambo tɨÅɨrɨfoembü moatükunɨ ra raguanambo-ndowandɨ. Åga se yowanɨ wandɨ yifirɨ süÅgufepoanɨ, Åga sɨhafɨ yifirɨ süÅgundowandɨ,” mehu 37 Ai hɨhɨrɨfi hu hɨmboyuwane ahambo süÅgururü-rundeimbɨ ranai mapomondamboyu. Ai Pitambo hoafɨyundowohü yahuya, “Saimon, se apafühɨyafɨ? Asu se awi mamɨ awa amboanɨ yaÅgɨrɨ nɨmarɨmbo ra wanɨyo?” mehu. 38 Asu ai hoafɨyupurühɨ yahuya, “Se hɨbadu nɨÅgomombo dɨdɨbafɨndafundɨ, Åga sɨhamumbo refe hoeifepurɨmbo tükündɨfeyoanɨ pɨndɨmboemo. Anɨhondane, Ågusüfo ana refembo hohoanɨmoayosɨ, Åga fiane nɨmborayo,” mehu. 39 Asükai Sisas ai hɨhɨrɨfi hüfo weaÅgurühɨ dɨdɨbafɨmefiyu nahurai dɨdɨbafɨmefiyu. 40 Ai asükai hɨhɨrɨfi hu hɨmboyuwanɨ ahambo süÅgururü-rundeimbɨ ai yapombo hɨmbomarapura mapomo. Ranɨyo yaÅgɨrɨmareapura, asu moai nɨnɨ-hoafɨ ahambo hoafɨmbo fɨfɨrundɨ. 41 Sisas ai asükai Ågɨmɨ noufimbɨ hɨhɨrɨfi sünɨ hɨmboyuwane ahambo süÅgururü-rundeimbɨ ai apusɨmemo. Ranɨyo hoafɨyupurühɨ yahuya, “Awi se fiharu apomomboemo? Ndearambo ranɨ-moatükunɨ ranai tüküfehü Nindou Hondümbo moaruwai hohoanɨmoyomondeimbɨ-yomondɨ warɨhü-rüwurɨmboanemo. 42 Hoeiru, nindou-yomondɨ warɨhüfendɨrɨmbo nindou-mayu ranai tüküfimboani. Åga botɨyafu houmbo Ågefo,” mehu. 43 Sisas ai wataporɨmborandühɨ nüÅguane Sudas süÅgururü-rundeimbɨ 12 ambeahɨndɨ mamɨ ai tükümefiyu. Godɨmbo sesɨ sɨhou-rundeimbɨ bogorɨ nindouyomo asu Suda-yafe bogorɨ nindouyomo ranai nindou afɨndɨ safɨ ranahamumbo koamarɨhoupura pisao yihɨmɨndɨ asu nɨmɨharɨ fufuründümo houmbo ahɨnümbɨ hohoanɨmo fɨfɨrundeimbɨ babɨdɨmbo mahomo. 44 Nindou sapo Sisasɨmbo nindouyomond warɨhüfimbomayu ranai nindou afɨndɨ ranahamumbo dɨbo hoafɨyupurühɨ yahuya, “Nindou ro wakɨkɨhɨndɨhünanɨ anɨmbo aiani, Åga se ahambo mbundürɨndɨmo houmbo ndondu hɨbadürɨ Ågomo,” mehupurɨ. 45 Ranɨyo Sudas ai nɨmehünou hu Sisasɨmbo hoafɨyundowohü yahuya, “Yamundo-randeimbɨ,” yahuhü wakɨkɨhɨmarürɨ. 46 Ranɨyo nindou ranai Sisasɨmbo warɨyomo homo mbumaründümo. 47 Nindou akɨmɨ burɨmemo ranambeahɨndɨ mamɨ ranai ahandɨ pisao hüramündɨ haya Godɨmbo sɨhai-randeimbɨ adükarɨ bogorɨndɨ ratüpurɨyu randeimbɨmbo harɨmeindo. Ranɨyo ahandɨ Ågorü hɨmbo hoearɨ mafoafoareando. 48 Asu Sisas ai hoafɨyupurühɨ yahuya, “Se pisao asu nɨmɨharɨ fufuründümo houmbo wambo kɨkɨhemɨndɨrɨmbo masɨfomo ra hümbuhünümbɨ nindoumbo kɨkɨhimɨndɨmbo nahuraianemo. 49 Ro si mamamɨ-rɨhandühɨ sebabɨdɨmbo nɨmarɨmbo Godɨndɨ worambe nindou yamundɨhearü marɨhandɨ ra asu se moai wambo kɨkɨhɨründümondɨrɨ. Åga Baiborambe hoafɨmayo ra anɨhondü tükümbɨfeyoamboane,” mehu. 50 Ranɨyo ahambo süÅgururü-rundeimbɨ ranai hɨnɨÅgɨrüwurɨ houmbo pomefoundɨ. 51 Nindou hoarɨfɨ mamɨ ai kɨfohɨ hoearɨ yaÅgɨrɨ güde haya Sisasɨmbo süÅgumarürɨ hüfu. Asu ahambo kɨkɨhɨrundümondane hoearɨ yaÅgɨrɨ kɨkɨhɨmaründümonda safɨ yaÅgɨrɨ mafifoendɨ. 53 Sisasɨmbo mburündümo mburumbo Godɨmbo sɨhai-randeimbɨ adükarɨ bogorɨ hondündɨ worambe, Godɨmbo sɨhou-rundeimbɨ, bogorɨ nindou asu ahɨnümbɨ hohoanɨmo fɨfɨrundeimbɨ gugureafu nɨmarɨmondanɨ sowaründümo mahomo. 54 Sowaründümo mahomondamboyo Pita ai akɨdou aÅgunɨsafɨ süÅgumarapurɨ hu. Ai hu Godɨmbo sɨhou-rundeimbɨ-yomondɨ bogorɨ hondündɨ worambe kefuai prisman babɨdɨmbo haihü mamarɨmo. 55 Godɨmbo sesɨ sɨhou-rundeimbɨ bogorɨ asu muÅguambo kansɨr ai nɨnɨ-moaruwai moatükunɨrandɨ Sisas ai ramareandɨ ra fɨfɨrɨfembo-hünda kokomarundɨ. Ahambo hɨfokoefimbo-hünda ahandɨ moaruwai hohoanɨmo fɨfɨrɨfembo-hünda kokomarundɨ, Åga ai moai nɨnɨ-akɨdou amboanɨ moaruwai rareanda fɨfɨrundɨ. 56 Nindou afɨndɨ ahambo tɨkarɨhorɨ hehi papɨ hoafɨmarɨhorɨ, Åga ahei hoafɨ ra yimbusümoane. 57 Nindou bɨdɨfɨrɨ ai Sisasɨmbo papɨ hoafɨmbo yahomo houmbo nɨÅgomombo hoafɨyomondühɨ yahomoya, “Ro hɨmborɨyefanɨ ai hoafɨyuhɨ yahuya, ‘Godɨndɨ worɨ nindou ahamundɨ warɨnambo worɨmbomarundɨ ra bɨrɨboadɨheamboyahɨ. Asu ro Ågɨmɨ si yaÅgɨrɨ asükai nindou warɨna worɨmbokoateyeimbɨ worɨ ra worɨmbondɨhamboyahɨ,’ mehu,” mehomo. 59 Åga asu ahamundɨ hoafɨ wataporɨmbomarundɨ ranai sɨmogodühɨ hoafɨkoate mamɨkarɨ wataporɨmboru wakɨmarundɨ. 60 Godɨmbo sɨhai-randeimbɨ adükarɨ bogorɨ ai kansrɨyomondɨ hɨmboahü botɨfi nüÅgumbo Sisasɨmbo düdurirühɨ yahuya, “Nɨmboe papɨ hoafarunɨnɨ ranahambo sɨmborɨ hoafɨkoateayafa?” mehundo. 61 Åga Sisas ai ahamumbo moai nɨnɨ akɨdou amboanɨ hoafɨyupurɨ. Asükai sesɨ sɨhai-randeimbɨ ai düdurirühɨ yahuya, “Se God aboedani sei rɨhündeimbɨ ahandɨ nɨmorɨ Kraisɨ-yafɨ, wanɨyo?” mehu. 62 Asu Sisas ai hoafɨyuhɨya, “Rananahɨ. Rananɨmbo se muÅguambo hoeindɨhoranɨ Nindou Hondü ai God Ågɨnɨndeimbɨndɨ warɨhondü waranɨ nɨmandümbui asu sünambeahɨndɨ mburɨÅgai dɨbonde kudümbui,” mehu. 63 Godɨmbo sɨhai-randeimbɨ adükarɨ bogorɨ ranai ahandɨ fihɨndɨ hoearɨ hɨreandühɨ hoafɨyupurühɨ yahuya, “Ågɨrɨ nindou Ågorü ai moaruwai ramareandɨ ranahambo hoafɨndu. 64 Se hɨmborɨ-yomondanɨ ai Godɨmbo tɨrɨfoefe hoafɨmayu. Se hohoanɨmoyomondanɨ sɨhɨrɨ ahambo nɨnɨ-nünüÅgu-mandɨhura?” mehuamboemo. Asu muÅguambo ai hoafɨyomondühɨ yahomya, “Ai moaruwai ramareandɨ ranɨmbohünda yɨfɨmbiyu-wamboane,” mehomo. 65 Bɨdɨfɨrɨ ai Ågurɨ tɨfɨyafundo asu hoearɨnambo hɨmboarɨ gabudɨfoaru mburumbo harɨmemondo. Ai hoafɨyomondühɨ yahomoya, “Hoafɨyafɨ düdi sɨhambo harɨmayu ra,” mehomo. Ranɨyo asu prisman ai sowaründümo houmbo harɨmemondo. 66 Pita ai hoafɨ yɨbobofe worɨ ginɨrɨ mbusümondühɨ nɨmaruwane Godɨmbo sɨhai-randeimbɨ adükarɨ bogorɨndɨ ratüpurɨyo randeimbɨ yihoarɨfɨ ai tükümefeyo. 67 Ai hoeirerane Pita ai haihü mamaruwa hɨmboarɨ parerɨ nɨÅgombo hoafɨyohü yahoya, “Seamboanɨ Sisas Nasaretɨhündɨ dɨbombo manɨmbafane,” mehoamboyu. 68 Asu Pita ai wanɨ yahu hoafɨyuhɨ yahuya, “Se hoafayafɨ ranana ro moai fɨfɨrɨheandɨ,” yahu haya worɨ yipurɨkɨmɨ mahu. 69 Asu ratüpurɨyo randeimbɨ ranai asükai hoeirerɨ haya nindou akɨmɨ manɨÅgomo ranahamumbo hoafɨyopurühɨ yahoya, “Nindou ndanai amboanɨ ai dɨborɨhɨndani,” meho. 70 Åga asükaiyu Pita ai dɨdɨmoyuhü wanɨ mehu. Akɨdou hɨhɨnɨÅgɨre mbura nindou manɨÅgomo ranai Pitambo hoafɨyomondühɨ yahomoya, “Anɨhondü, seamboanɨ Garirihünd-anafɨ, Åga se ai dɨborɨhɨnd-anafɨ,” mehomo. 71 Asu asükai ai dabarɨfihɨ yahuya, “Se nindou wataporɨmboarɨhorɨ ranana ro moai fɨfɨrɨhinɨ,” mehu. 72 Ai ranɨ hoafɨ ra hoafɨyu hayamboyuane, nɨmehünou kakaro ai asükai hoafɨmayu. Ranɨyo Sisas ai Pitambo hoafɨyundowohüya, “Kakaro ai yimbumbo hoafɨkoate-ayuambe anɨmbo Ågɨmɨmbo wamboya moai fɨfɨrɨhinɨ mbɨsamboyafɨ,” mehu ra hohoanɨmoyuhɨ asu Pita ai afɨndɨ aranɨmayu.