Weindahɨfembo 10

1 Ranɨyahɨ asu ro hoeirɨhinane, sünambeahɨndɨ nendɨ Ågɨnɨndɨ mamɨ ranai sünambe tüküfi haya makusu. Ai mburüÅgainambo gabudɨfoarerɨ haya asu ahandɨ mbɨro wafusɨfoahü foforahoeimɨ ranai wakɨyo tümarerɨ. Ahandɨ Ågusümboarɨ ana hüfɨhamɨndɨ nahuraiyo asu ahandɨ tɨÅarɨ yimbu ana hai nahuraiyo. 2 Ai ahandɨ warambe buk akɨdou skror ra, Ågure waramberamündü hayamboyu. Ranɨyu ahandɨ warɨhondü tɨÅarɨ ra sɨrɨwara-ambe türeandɨ asu kadüdɨ tɨÅarɨ ra hɨfɨwamɨ tümareandɨ. 3 Asu ai puküna hamɨndɨ raion hoafayo nou hoafɨmayu. Ai hoafɨyu hayamboyu-ane asu nɨmoamondɨ-hoafɨ 7-ambe ramɨndeimbɨmbo hoafɨmayu. 4 Nɨmoamondɨ-hoafɨ ranai hoafɨmayuwa ranɨ-sɨmboanɨ ro ndeara ahei hoafɨ ra sürü papɨmbo yaÅgɨrɨmayahɨ. Åga asu sünambeahɨndɨ hoafɨ mamɨ ranai hoafɨyohü yahoya, “Nɨmoamondɨ-hoafɨ 7 hoafɨmayo ra se weindahɨndo-wamboyafɨ, Åga dɨbonapɨ-ndowandɨ. Asu se bukɨfihɨ hoafɨ ra sürü papɨndamboyafɨ,” mehondɨrɨ. 5 Ranɨyu sünambeahɨndɨ nendɨ sɨrɨwara-ambe tɨÅarɨ türe asu hɨfɨhü türe maranda hoeimarɨhinɨ-mayu ranai sünambe ahandɨ warɨhondü warɨ nɨmoamore mbura God koadürümbo-koadürümbo anüÅgu ahandɨ ndürɨnambo anɨhondümbo hoafɨmayu. Ai sünü, hɨfɨ, sɨrɨwara asu muÅgu moatükunɨ ranambe eÅgoro ra nafɨmarandɨ. Sünambeahɨndɨ nendɨ ai hoafɨyuhü yahuya, “Ndeara God ai muÅgu-moatükunɨ moendɨfemboayu si ra muÅgumbo yahomboane, Åga asu Ågɨrɨ ai gedühɨ hɨbada Ågu. 7 Åga asu 7 noufimbɨ sünambeahɨndɨ nendɨ-mayu ranai ahandɨ fufuÅɨ fufuÅɨnduan-anɨmbo, asu God ai ahandɨ hohoanɨmoyu dɨbo masɨhendɨ ra moendɨ-ndeambui. Ranɨ-moatükunɨ ranahamboyu ai ahandɨ ratüpurɨyomo-rundeimbɨ asu hoafɨ hoafɨyɨmo-rundeimbɨ-memo ranahamumbo wataporɨmbo-marapurɨ,” mehu. 8 Sünambeahɨndɨ hoafɨ ro horombo hoafɨmayowa hɨmborɨ-marɨhamɨndɨhɨ ranai asükaiyo hoafɨyondɨrühɨ yahoya, “Se Ågafɨ buk akɨdou skror sünambeahɨndɨ nendɨ tɨÅarɨ sɨrɨwara-ambe türe asu hɨfɨhü türe haya anüÅgu ranahandɨ warɨwamɨ boare anaÅgo ra ndowandɨfɨ,” meho. 9 Ranɨyahɨ asu ro sünambeahɨndɨ nendɨ-mayu ranahambo sowana ha buk akɨdou ra mbɨsenda sahehea düdumeheando. Ranɨyu asu sɨmborɨ wambo hoafɨyundɨrühɨ yahuya, “Se buk akɨdou ra ndowandɨfɨ mbunda dowadɨfɨ. Ranɨ-moatükunɨ ra sɨhafɨ bodoambe dɨdɨhamɨndɨmboe. Åga asu sɨhafɨ yafambehü ana efu hoe nahurai aboedɨ aparɨndɨmboe,” mehundɨrɨ. 10 Ranɨyahɨ asu ro ahandɨ warambeahɨndɨ buk akɨdou-mayo ra sahamɨndɨ hehea sahasɨhane, ranɨ-moatükunɨ ranai efu hoe nou wandɨ yafambehü aboedɨ aparɨmayo. Åga asu sahasɨ hɨnɨÅgɨrɨhe heheamboyahane asu wandɨ bodoambe dɨdɨhamɨmayo. 11 Ranɨyu asu wambo yare hoafɨyundɨrühɨ yahuya, “Asükaindafɨ se muÅguambo sɨrɨhündɨ, hɨfɨhündɨ hoafɨ asu bogorɨ nindou afɨndɨ ranaheimbo nɨnɨ-moatükunɨ tüküfemboayo ra wataporɨmbondandɨ,” mehundɨrɨ.