Weindahɨfembo 12

1 Ranɨyo asu sünambe moanɨ ranɨ-poanɨmbo moatükunɨ ranai tükümefeyo. Ranɨ-moatükunɨ ranana nɨmorehɨ mamɨ ranaiyo. Ai hüfɨhamɨndɨ hoearɨmbore güde hayamboyo asu amoamo ahandɨ yirüfoendɨ hoarehɨ pare mbura, 12 mupui atɨmbore ahandɨ mbɨroambe kɨkɨfoare hayamboyo tükɨfe manɨÅgo. 2 Nɨmorehɨ ranai ranümbɨyo hayamboyo asu nɨmorɨ wakemɨndɨmbo asübusɨ ranai ahambo tükümefe ndowa asübusɨmbo hoafɨ karɨhoaimarandɨ. 3 Ramefeyowamboyo asu moanɨ ranɨ-poanɨmbo moatükunɨ Ågorü ranai sünambe tükümefeyo. Ranɨ-moatükunɨ ramefeyo ranana moanɨ adükarɨ hamɨndɨ amoasɨrɨ hamburɨyu 7 mbɨroweimbɨ, asu 10 daburüdümbɨyu haya ahandɨ mbɨro mamamɨ ranɨwamɨ at 7 kɨbodɨrɨfoare hayamboyu tüküfi manüÅgu. 4 Ahandɨ sendɨ ranambo Ågɨmɨ bɨdɨfɨrɨ mupui kifihüramündɨ huhüyu asu sünambeahɨndɨ hɨfɨna fɨrɨbadɨ-mafoareandɨ. Ranɨyu asu amoasɨrɨ ranai nɨmorehɨ-mayo ranahandɨ fikɨmɨ manüÅgu nɨmorɨ ra wakɨndamɨndoanɨ mbundɨhe dagadɨ yahuhaya. 5 Ranɨyo asu nɨmorehɨ ranai nindowenihɨ nɨmorɨ wakɨmarɨmɨndo. Nindowenihɨ nɨmorɨ ranai-anɨmbo adükarɨmbondɨfi haya muÅguambo hɨfɨhündɨ nendɨ ranaheimbo ain nɨmɨharɨ ndemündü haya hɨbadarümbui. Nɨmorehɨ ranai nɨmorɨ ra wakɨmaramɨndo-amboyo asu nɨmorɨ ra kosɨründümo houmbo God asu ahandɨ nɨmarɨ-fondɨ sowana mahafomo. 6 Ranɨyo asu nɨmorehɨ ranai fefoai haya nɨmɨ wohɨ furɨkoate-reandühɨ maho. Sapo God ai ahambo 1,260 si ranambe nɨÅgowanɨ hɨfandɨmboane yahuhaya Ågoafɨ dɨdɨboadore hɨnɨÅgɨmareandɨ ranɨnambo. 7 Ranɨyo asu yifiarɨ ranai sünambe pomarɨhoaiyo. Ranɨyo sünambeahɨndɨ nendɨ bogorɨ Maiker ai ahandɨ sünambeahɨndɨ nendɨ-memo ranɨ-babɨdɨmbo amoasɨrɨ afɨndɨ-mayu ranɨ-babɨdɨ yifiarɨmemo. Asu amoasɨrɨ ai asükaiyu ahandɨ nendɨ-babɨdɨmbo hɨhɨrɨyafu yifiarɨmemo. Åga amoasɨrɨ adükarɨ-mayu ranahambo yifiarambe Ågasündüwurɨ houmbo, asu ahandɨ nendɨ-babɨdɨmbo sünambe gedühɨ nɨÅgombo yowanɨ yahomo hemafoarupurɨ. 9 Ranɨyomo Godɨndɨ sünambeahɨndɨ nendɨ-memo ranai amoasɨrɨ afɨndɨ-mayu ranahambo sowarɨndümo hɨfɨna pimarüwurɨ. Amoasɨrɨ ranai ana horombodɨdɨ hondüyu haya ahamboya, “Satan hɨfɨ ndanɨhünda nindou papɨ-hoafɨra-randeimb-ani,” masei. Ai hɨfɨnɨndɨ nindou muÅguambo tɨkai hoafɨyu-randeimb-ani. Ranɨyo ahambo ahandɨ sünambeahɨndɨ nendɨ-memo ranɨ-babɨdɨmbo sünambeahɨndɨ hɨfɨna hemafoarupurɨ. 10 Ranɨyo asu ro hɨmborɨyahane sünambeahɨ hoafɨ ranai puküna yare hoafɨyowohü yahoya, “Hapo-ana God ai sɨhefɨmbo aboedambofe-munɨmbo ra ndeara tüküfemboane. Hapo-ana nindou God ai dɨbonɨyu hɨnɨÅgɨmarirɨ ranahambo bogor-ani yahu nafuiyumboani! Sapo nindou düdi ai Godɨndɨ hɨmboahü nüÅgumbo sɨhefɨ wandafɨ mamɨ nɨmbɨ-nɨmbɨsi papɨ-hoafɨrandürɨ arandɨ ranahambo sünambeahɨndɨ hɨhairündümo masafoarüwurɨ. 11 Sɨhefɨ wandafɨ-mamɨ ana Sipsip Nɨmorɨndɨ horɨ asu ahandɨ hoafɨ anɨhondümbo wataporɨmborɨhü marɨhündɨ ranɨnamboyei ai amoasɨrɨ-dɨbo yifiarɨyei taborɨ-marɨhehindɨ. Nindou ranɨ-mayei ranai ahei fimbo hohoanɨmo-koate asu hoafɨ anɨhondümbo wataporɨmbo-marɨhündɨ ranɨnamboyei amoasɨrɨ-dɨbo yifiarɨyei taborɨ-marɨhehindɨ. Nindou ranɨ-mayei ranai yɨfɨmbo yɨhɨmbokoate-mayei. 12 Ranɨmbo-hündambo-anɨmbo sünü asu sünambeahɨndɨ nend-anemo se hɨhɨfɨ-hɨhɨfɨndɨmo! Åga hɨfɨ asu sɨrɨwara se hɨpoanɨmboembou-anafe. Satan ai ndeara ranɨhü kusümbo wambo asu ahambo Ågusüfo asürɨrühane. Ai ranɨhü nɨÅgombo ra gedühɨyopoanɨ, Åga bodɨfo-ane ranɨmbo fɨfɨreamboani,” meho. 13 Amoasɨrɨ adükarɨ-mayu ranai ahambo hɨfɨna hemafoarüwurɨ ra ndare hoeireandanɨ mayoamboyu asu sapo nɨmorehɨ nindowenihɨ nɨmorɨ wakɨmarɨmɨndo ranahambo pare wamara hu. 14 Åga asu nɨmorehɨ ranahambo meso mbanendɨ nahurai masahündo. Mbanendɨ yimbu ranambo-anɨmbo ai nindou nɨÅgokoate-reandühɨ amoasɨrɨ adükarɨ ranahambo dɨdɨmombo diboai haya Ågomboe. Asu ranɨhü Ågo nɨÅgowan-anɨmbo Ågɨmɨ hɨmbanɨyo haya 6 amoamo ahambo hɨbadɨhündühɨ sesɨ ndahündomboyei. 15 Ranɨyo asu nɨmorehɨ ranahamboya hohoambu ranambo semɨndɨ mbɨhowamboane yahuhaya amoasɨrɨ ahandɨ yahamonɨndɨ hohoambu kamafoareandɨ. 16 Ai ramareandɨyosɨ, Åga asu hɨfɨ ranai nɨmorehɨ ranahambo mafarɨhendɨ. Hɨfɨ ranai yafadü boamareanda amoasɨrɨndɨ yahamonɨndɨ hoe tükümefeyo ra sɨrɨmafoareandɨ. 17 Ranɨyo asu amoasɨrɨ adükarɨ ranai yare hoeireanda mayowa nɨmorehɨ ranahambo Ågɨnɨndɨmarandɨ. Asu ai nɨmorehɨ-mayo ranahandɨ ahuirɨhoandɨ-mayei, sapo nindou dɨdɨyei Godɨndɨ ahɨnümbɨ hoafɨ asu Sisasɨndɨ hoafɨ süÅgurɨhi-rɨhündeimbɨ, ranaheimbo sowana ai-babɨdɨmbo yifiarɨmbo yahuhaya mahu.