Weindahɨfembo 18

1 Ranɨ-moatükunɨ ranai refehayamboyoane, sünambeahɨndɨ nendɨ Ågorü ranai sünambeahɨndɨ tüküfi makusuwa hoeimarɨhinɨ. Ai Ågɨnɨndɨ hamɨndɨ hondüyu haya asu ahandɨ Ågɨnɨndɨ hamɨndɨ si ranambo muÅguambo hɨfɨ ra si boakɨma-foareandɨ. 2 Asu ai puküna hoafɨyuhü yahuya, “Adükarɨ Ågoafɨ Babiron ai hɨfɨnɨ pɨmayo! Ai hɨfɨnɨ pɨmayo! Ai moaruwai nendɨ ranahei Ågoaf-ane. Ranɨ-poanɨmbo ranɨ-poanɨmbo moaruwai ndu ranai-amboanɨ ranɨhü amarei. 3 Nɨmorehɨ Babiron ranɨ-babɨdɨmbo muÅguambo nindou ranai moaruwai hohoanɨmomemo nindou ai wain hoe sɨmɨndɨmo houmbo mamɨkarɨ hohoanɨmomemo nou. MuÅguambo adükarɨ bogorɨ nindou hɨfɨ ndanɨhündambo amboanɨ ai-dɨbo moaruwai hohoanɨmomemo. Asu kakɨ semɨndɨ ratüpurɨ ratüpurɨyomo-rundeimbɨ nindou amboanɨ ahandɨ-mayo moaruwai hamɨndɨ hohoanɨmo ranɨ-fihɨndɨ kakɨ afɨndɨ sowandümo houmbo kakɨ afɨndeimbɨ nindou tükümefundɨ,” mehu. 4 Ranɨyo asu hoafɨ mamɨ sünambeahɨndɨ makosowa hɨmborɨyahane, ai yare hoafɨyowohü yahoya, “Wandɨ nindou se Ågoafɨ ranambeahɨndɨ aboedühɨ tüküyahi! Se ai moaruwai hohoanɨmoayo ranɨsüÅgu-ndɨhimboyei, Åga yowanɨ. Asu se ai tɨÅɨrɨfo asemɨndo ranambe-ndahimboyei, Åga yowanɨ! 5 Ahandɨ moaruwai hohoanɨmo ratüpurɨmayo ra nɨmoamo sünü Ågasünde-amboane. Ranane asu God ai nɨmorehɨ ranahandɨ moaruwai hamɨndɨ hohoanɨmo ranahambo moai mɨtanɨramündu. 6 Ai sɨheimbo ramareandürɨ ranɨ-sɨmogodühɨ sɨmborɨ se ahambo randɨhindɨ. Nɨmorehɨ ranai sapo muÅguambo moatükunɨ moaruwai ramareandɨ ranɨ-sɨmogodühɨ nandɨhi ndahündo. Nɨmorehɨ ranai sɨheimbo wain hoe ra Ågɨnɨndɨ hamɨndɨ kare masagadürɨmbo asu se ahambo wain yimbumbore Ågɨnɨndɨ hamɨndɨ kandɨhi ndahündo. 7 Nɨmorehɨ ranai ahandɨ borɨyohü asu napo afɨndeimbɨ-mayo ranɨ-sɨmogodühɨ ahambo asübusɨ afɨndɨ ndahündoanɨ aranɨmbeyo-wamboane. Ai ahandɨ fi ranɨmbo borɨyohü yahoya, ‘Roana adükarɨ bogorɨmbo-yaheamboanahɨ nda amarɨhɨ! Ro Ågɨrɨ aranɨndahɨ, Åga wanɨ,’ meho. 8 Ranɨmbo-hündambo-anɨmbo awi Ågorü-sɨmboanɨ ana ahambo moaruwai hamɨndɨ moatükunɨ, masɨmei, aranɨ-hoafɨ, sesɨ-koate nɨmarɨ, muÅguambo ranɨ-moatükunɨ ranambo nɨkonda dɨgemboe. Asu hai ahambo tɨkɨrɨndamboe sapo Adükarɨ God ai-anɨmbo ahambo yɨbobondeambui ai Ågɨnɨndɨ hamɨnd-ani. 9 Hɨfɨ ndanɨhündambo adükarɨ bogorɨ nindou-memo ranai nɨmorehɨ ranɨ-babɨdɨmbo nɨmorehɨ sɨsɨhɨmo-yomondühɨ ai moanɨ moaruwai hamɨndɨ afɨndɨ sowandümo manɨÅgomo. Ranɨmbo-hündambo-anɨmbo adükarɨ bogorɨ nindou ranai nɨmorehɨ ranahambo hai tɨkɨrɨrandühɨ ranahandɨ hasɨheimɨ ahafo ranahambo hoeindundanɨ-wanɨ aranɨndɨmondühɨ Ågusüfohü warɨ purükɨndümboemo. 10 Nindou ranai aÅgunɨ safɨ ahandɨ fikɨmɨ nɨÅgokoate nɨÅgomboemo sapo ai asübusɨ ranambefembo yɨhɨmbombo. Asu ai hoafɨndomondühɨ anɨmboya, ‘Hɨpoanɨmboembou-ane! Hɨpoanɨmboemou-ane! Babiron Ågoafɨ adükarɨ ra! Se Ågoafɨ adükarɨ hamɨndɨ-yafɨ hawa asu Ågɨnɨndɨ hamɨnd-anafɨ! Nɨmehɨnou God ai sɨhambo tɨÅɨrɨfo saganɨnɨmboani,’ mehomo. 11 Hɨfɨ ndanɨhündambo nindou kakɨ semɨndɨmbo ratüpurɨ ratüpurɨyomo-rundeimbɨ-memo ranai-amboanɨ ahambo aranɨndɨmboemo sapo nindou ahamundɨ napo ra semɨndɨmbo wanɨmewambo. 12 Sapo ahamundɨ napo ranana ini nda: gor, sirfa, nɨmoei kakɨ adükarɨ hamɨndɨfihɨ semündümbɨ, aboedɨ hamɨndɨ yamaÅɨ, kɨfohɨ hoearɨ Ågɨnɨndɨ aboedɨ, ranɨ-poanɨmbo hoearɨ hamburɨ, sirika Ågɨnɨndɨ hoearɨ. Asu ranɨ-poanɨ nɨmɨ fɨsɨÅarü aboedümbɨ, muÅguambo aboedɨ moatükunɨ erefan yahafɨnambo nafɨyo-weimbɨhündɨ, muÅgu moatükunɨ nɨmɨ kakɨ afɨndɨfihɨ pemɨyo-weimbɨhündɨnambo nafɨyo-weimbɨhündɨ. Asu Ågɨnɨndɨ kapa bras, ain asu nɨmoei aboedɨ sürü-sürüyo-weimbɨnambo nafɨyo-weimbɨhündɨ. 13 Asu bɨdɨfɨrɨ napo yahurai. Sesɨ fɨsɨÅarümbɨ moatükunɨ sinamon, kosendɨ mbai, fɨsɨÅgɨrümbɨ mbɨmbɨrai, wowondümbɨ moatükunɨ aboedɨ fɨsɨÅgɨrümbɨ, sanda, wain, sesɨmbo wer, kɨfohɨ praua asu nɨmbandɨ praua, burmakau, sipsip, hos, ahandɨ nɨmarɨfondɨ kameihɨ, nindou kakɨ-koate ratüpurɨyomo-ndeimbɨ asu nindou yifiarambe sowandümo-ndüreimbɨ muÅguambo moatükunɨ ra Ågɨrɨ asükai pemɨndomo. 14 Kakɨ semɨndɨmbo ratüpurɨyomo-rundeimbɨ ranai nɨmorehɨmbo hoafɨyomondowohü yahomoya, ‘MuÅgu aboedɨ moatükunɨ se sɨhoefɨ hawa wand-ane masafɨ ranana ndeara sɨhambo hɨnɨÅgɨreanɨnɨ haya dɨbonapɨ-mefeyo. Asu muÅguambo aboedɨ sesɨ kakɨ afɨndɨfihɨ semündümbɨ asu muÅguambo yihuruyɨmɨndɨ napo aboedɨ sɨhafɨ meÅgoro-mayo ranamboanɨ ndeara sɨhambo hɨnɨÅgɨreanɨnɨ haya awarɨmarɨhoayo. Asu muÅguambo ranɨ-moatükunɨ ra Ågɨrɨ se yahurai asükaindafɨ hoeindowandɨ,’ mehomo. 15 Sapo kakɨ semɨndɨ ratüpurɨ ratüpurɨyomo-rundeimbɨ ai adükarɨ Ågoafɨ ranɨhü nɨÅgomombo ranɨ-fihɨndɨ kakɨ afɨndeimbɨ-memo ranai Ågoafɨ ra aÅgunɨ safɨ nɨÅgomboemo ai afɨndɨ tɨÅɨrɨfo asemɨndo ranambefembo yɨhɨmbombo wambo. 16 Åga asu aiana aranɨyomondühɨ afɨndɨ hohoanɨmomemo. Ai randu hoafɨ-ndɨmondühɨ anɨmboya, “Hɨpoanɨmboembou-ane! Hɨpoanɨmboembou-ane! Adükarɨ Ågoafɨ ra. Horombo ai kɨfohɨ hoearɨ aboedɨ, ranɨ-poanɨmbo hoearɨ hamburɨ yihururamɨndɨ, asu gor, nɨmoei ranambo nafɨyo-weimbɨ moatükunɨ, aboedɨ hamɨndɨ yamaÅɨ yihururamɨndɨ raraora-hayambo manɨÅgomayo-ane! 17 Asu nɨmehünou muÅguambo aboedɨ Ågɨnɨndɨ moatükunɨ ra awarɨmarɨhendɨ!” mbɨsɨmboemo. MuÅguambo sip sowandümo homo-rundeimbɨ, nindou sipambe fareahi Ågorü Ågoafɨnɨ hei-rɨhündeimbɨ, sipambe nɨmarɨmombo, sip ranahambo hɨfandɨru homo-rundeimbɨ asu nindou dɨdemo sɨrɨwara-ambe kakɨ semɨndɨ ratüpurɨ ratüpurɨyomo-rundeimbɨ nindou muÅguambo ai Babiron Ågoafɨ ranɨ-kɨmɨ nɨÅgo-koate aÅgunɨ-safɨ manɨmboei. 18 Rananɨmbo asu ai Babiron ranahambo hai imaminambo tɨkɨrɨrandühɨ hasɨheimɨ ahafo ranahambo hoeirɨhindanɨ mayowa hasɨhei-mayei. ‘Moai Ågorü Ågoafɨ adükarɨ Babiron yahurai naÅgo!’ masei. 19 Ai ahei mbɨrowamɨ düdübudɨ pütiyahindühɨ aranɨ-hɨmboahoyeihɨ seiya, ‘Hɨpoanɨmboembou-ane! Hɨpoanɨmboembou-ane! Babiron Ågoafɨ adükarɨ! Moaruwai hamɨndɨ ahambo tükɨmefeyo. Nindou dɨdemo ai sip sɨhoundeimbɨ-memo ranai sɨrɨwara-ambe sowandümo homondühɨ kakɨ afɨndeimbɨ nindoumbo-yafu tükümefundɨ Ågoafɨ ranahandɨ kakɨ afɨndɨ ranambo! Asu muÅguambo moatükunɨ afɨndɨ ahandɨ ra awarɨ-marɨhoayo,’ masei. 20 God ai Babiron ranahambo moaruwaimbo-mareandɨ ranɨmboane asu sünü se-anafɨ, Godɨndɨ nindou se-anei, Kraisɨndɨ hoafɨ sowandümo homo-rundeimbɨ nindou-anemo, Godɨndɨ hoafɨ hoafɨyomo-rundeimb-anemo muÅguambo se hɨhɨfɨ-hɨhɨfɨndei. God ai ahambo tɨÅɨrɨfo masagado sapo sɨmborɨ sɨheimbo ramareandürɨ süÅgumbo,” meho. 21 Ranɨyu sünambeahɨndɨ nendɨ-mayu ranai wit nokoyo-rambo nahurai afɨndɨkokoe nɨmoei semündü botɨre haya sɨrɨwara-ambe pireandühɨ hoafɨyuhü yahuya, “Ndahurai-anɨmbo Babiron Ågoafɨ adükarɨ ranamboanɨ puküna pindɨfeyowanɨ gadowohümbo Ågɨrɨ asükaindo hoeindɨhindɨ. 22 Babiron se, nindou gita fandu, heiründei, mbonɨ faifaindɨmo asu inafoaindɨmo rarao-ndundanɨ sɨhafɨ mbusümo Ågɨrɨ nindou ai asükaindei hɨmborɨndei ndühündɨ! Ranɨ-poanɨmbo ratüpurɨyomo-rundeimbɨ ai sɨhafɨ mbusümo ranɨ ratüpurɨndɨmo ndunda Ågɨrɨ asükaindo hoeindɨfeyo. Asu wit nɨkombo nɨmoei ranai Ågɨrɨ asükaindo sɨhafɨ mbusümo wit nɨkondandühɨ hoafɨndowanɨ hɨmborɨndei ndühündɨ. 23 Asu sɨhafɨ mbusümo Ågɨrɨ asükaindo ram hai ranai sindoanɨ hoeindɨfeyo. Sɨhafɨ mbusümo nɨndouwenihɨ ai nɨmorehɨ semɨndɨmboayu-ane asu nɨmorehɨ ai nindowenihɨ semɨndɨmboayo-ane hoafɨ ra Ågɨrɨ asükai tükündɨfeyowanɨ hɨmborɨndo ndandɨ. Sɨhafɨ kakɨ semɨndɨmbo ratüpurɨ ratüpurɨyomo-rundeimbɨ nindou ranai ana muÅguambo hɨfɨ ranahambo Ågasündu houmbo ndeara moanɨ Ågɨnɨndɨ hamɨndɨ hond-anemo. Åga asu se sɨhafɨ tɨbagɨ Ågɨnɨndɨ ranamboyafɨ muÅguambo hɨfɨhündɨ nindou ranaheimbo wosɨhoaforɨ hoafɨ-mayafɨndürɨ! 24 Godɨndɨ hoafɨ hoafɨyomo-rundeimbɨ-yomondɨ horɨ asu Godɨndɨ nindou ranahei horɨ ranai Babiron Ågoafɨ ranɨhü meÅgoro. Yɨnɨ, sapo nindou aheimbo ai hɨfɨ ndanɨhü hɨfokoa-mareandürɨ ranahei horɨyo Ågoafɨ ranɨhü meÅgoro,” mehu.