Weindahɨfembo 4
PNG1 Ranɨyahɨ ranɨ-sɨmboanɨ hamɨndɨ ro yafogoadɨnambo nahurai sünambe yipurɨ ranai sübüdɨrɨhoai meÅgorowa hoeimarɨheandɨ. Ranɨyo asu hɨmborɨyahane wambo hoafɨ mamɨ horombo fufuÅɨ nahurai hoafɨmendɨrɨ ranai hoafɨyondɨrühɨ yahoya, “Awi, se ndühɨ sühüfan-anɨmbo ro sɨhambo nɨne-moatükunɨyo süÅgunambo tüküfemboayo ranahambo hoafɨndahanɨnɨ,” mehondɨrɨ. 2 Nɨmehünou Godɨndɨ Yifiafɨ Aboedɨ ranai wandɨ fiambefeyowohüyo asu adükarɨ bogorɨndɨ nɨmarɨfondɨ sünambe hoeirɨheandanɨ, ranɨwamɨ nindou mamɨ dɨdɨmbei ranai mamaru. 3 Nindou adükarɨ bogorɨndɨ nɨmarɨfondɨ ranɨwamɨ mamaru ahandɨ Ågusümboarɨ ana yaÅgɨrasüfo asu hamburɨ sospa asu hamburɨ konirian kakɨ afɨndɨfihɨ semɨndɨmbo nɨmoei nahuraiyowohü tükɨfe manɨÅgo. Refeyowohüyo asu foforahoeimɨ ranai bogorɨndɨ nɨmarɨfondɨ ranahambo wakɨyo türe haya, yaÅgɨrasüfo emerar nɨmoei nahurai hɨmboarambe forɨhoayoweimbɨ manɨÅgowa hoeimarɨheandɨ. 4 Adükarɨ bogorɨndɨ nɨmarɨfondɨ ranahambo 24 adükarɨ bogorɨndɨ nɨmarɨ fondɨ bɨdɨfɨrɨ ranai wakɨyo türe haya burɨmayo. Ranɨyo asu fondɨ ranɨwamɨ 24 boagɨrɨ-memo ranai kɨfohɨ hoearɨ yihuruyomo houmbo gorɨnambo nafümbɨ at kɨbodɨrɨfoaru mburu nɨnoumemo. 5 Adükarɨ bogorɨndɨ nɨmarɨ-fondɨ ranambeahɨndɨ wabürüsü ranai bɨre hɨnɨÅgɨreandühɨyo, nɨmoamonɨndɨ hoafɨ ranai moanɨ puküna pai kameihɨ kɨkɨmarandɨ. Ranɨyo asu adükarɨ bogorɨndɨ fondɨ-mayo ranɨ haÅgɨfoanɨ sɨÅarɨ hai 7 ranai yiyowohü burɨmayo. SɨÅarɨ hai manɨÅgomo ranana Godɨndɨ yifiafɨ 7-yomo burɨmayomo. 6 Asu asükaiyo fondɨ haÅgɨfoanɨ ra mamɨ moatükunɨ sɨrɨwara sürühoeyoweimbɨ grasɨnambo nahurai nafɨyoweimbɨ meÅgoro. Adükarɨ bogorɨndɨ nɨmarɨ-fondɨ ranɨ-mbusümondühɨ asu hɨmborɨ-kɨmɨ ra yaÅgɨrɨ nɨÅgombü moatükunɨ hɨmboarɨ haÅgɨfoanɨ asu daboadanɨ gabudɨfoa-reandeimbɨ ranai nɨnoumayei. 7 WeaÅgurɨhüdɨdɨ yaÅgɨrɨ nɨÅgombü moatükunɨ-mayo ranai adükarɨ pusi ahandɨ ndürɨ raion nahuraiyo. Ranɨ-kɨmɨnɨndɨ yimbu noufimbɨ yaÅgɨrɨ nɨÅgombü moatükunɨ ranai burmakau nahuraiyo. Ågorü ranɨ-kɨmɨ Ågɨmɨ noufimbɨ yaÅgɨrɨ nɨÅgombü moatükunɨ-mayo ranai ahandɨ Ågusümboarɨ ra nindou nahuraiyo. Asu bɨdɨfɨranɨ yimbuyimbu noufimbɨ yaÅgɨrɨ nɨÅgombü moatükunɨ-mayo ranai meso botɨrɨhoai ho-randeimbɨ nahuraiyo. 8 Yimbuyimbu yaÅgɨrɨ nɨÅgombü moatükunɨ mamamɨ ranai 6 mbanendeimbɨyei nɨnoumayei. Aheifihɨ wagabe ragu asu moanambühɨ ra hɨmboarɨnambo yaÅgɨrɨyo gabudɨfoa-reandürɨ haya mamarei. Asu ai nɨmbɨ-nɨmbɨsi ra moai heirü kɨkɨrühümündi, Åga heirü hoafɨna kümerei. Ai rarɨhi heirüyeihɨ seiya: “Adükarɨ God Moanɨ Adükarɨ hondü, Ai Sürühoeimbɨ hondü, Sürühoeimbɨ hondü, Sürühoeimbɨ hond-ani. Ai horombo manüÅgu, haponda anüÅgu asu süÅguna nɨÅgomboayu,” sei heirüyeihɨ kakɨsaorɨhorɨ marɨhündɨ. 9 Yimbuyimbu yaÅgɨrɨ nɨÅgombü moatükunɨ ai nindou koadürümbo-koadürümbo yaÅgɨrɨ nüÅguweimbɨ bogorɨndɨ nɨmarɨfondɨ-wamɨ mamaru ahambo heirünambo kakɨsaorɨhorɨ arɨhündɨ. 10 Ai refembo hohoanɨmo-yomondühɨ ana, sapo bogorɨ nindou 24-memo ranai nindou ai adükarɨ bogorɨndɨ nɨmarɨfondɨ wamɨ mamaru ranahandɨ haÅgɨfoanɨ yirɨyimbu pusɨrundühɨ pɨyomo mamarɨmo. Ai heirünambo koadürümbo-koadürümbo nüÅgumbü-mayu ranahambo kakɨsaomarurɨ. Ranɨyomo nɨmarɨfondɨ ranɨ haÅgɨfoanɨ ahamundɨ adükarɨ bogorɨndɨ at ra pirɨndowohü yaru heirüyomondühɨya, 11 “Yɨhoefɨ Adükarɨ asu God! Awi seana ndürɨ adükarümbɨ asu Ågɨnɨndɨ moatükunɨ semɨndɨmbo ra adükarɨ hamɨndɨ hond-anafɨ. Se-randɨ muÅguambo moatükunɨ eÅgoro ra sɨhafɨ hohoanɨmo süÅgu nafɨmarandɨ,” mehomo.