Weindahɨfembo 7

1 MuÅguambo ranɨ-moatükunɨ ranai refehayambo-yoane, asu ro hoeirɨheandane, sünambeahɨndɨ nendɨ yimbuyimbu ranai hɨfɨ muÅguambo yimbuyimbu ranɨ hɨmboranɨ-kɨmɨ waranɨründümo manɨÅgomo. Ranɨyomo asu yimbuyimbu werɨ ra kɨkɨhɨründümo warambe manɨÅgomo. Rananɨmbo asu werɨ ranai Ågɨrɨ mamɨ ai-amboanɨ hɨfɨ ranɨh-ane, sɨrɨwara ambe-ane, hoe-ane asu nɨmɨ ranɨwam-ane ra Ågɨrɨ werɨndo yahomo houmbo. 2 Ranɨyahɨ asu ro hoeirɨhinane, sünambeahɨndɨ nendɨ mamɨ ranai hüfɨhamɨndɨ süfuanɨpoedɨ God yaÅgɨrɨ nüÅgumbündɨ-mayo sürü pare-randeimbɨ semündü haya masüfu. Asu ranɨyu sünambeahɨndɨ nendɨ yimbuyimbu-memo sapo God Ågɨnɨndɨ masagapura hɨfɨ asu sɨrɨwara moaruwai-mbofembo-memo ranahamumbo puküna mɨÅgɨyu hoafɨyuhü yahuya, “Awi se hɨfɨ, sɨrɨwara, asu nɨmɨ napo ranahambo nɨmai yowanɨ moaruwaimbo-fepoanɨ. Åga yɨhoefɨ Godɨndɨ ratüpurɨyei-rɨhündeimbɨ ranaheimbo ahei gɨrɨbodɨ hamɨndɨwamɨ sürü pare-randeimbɨnambo pandɨhundan-anɨmbo, se ranɨ moatükunɨ moaruwaimbo-ndundɨ,” mehu. 4 Nindou ranaheifihɨ sürü apaiaro ra hɨmboyahane, 144,000-mayo. Nindou ranai ana 12 mamɨsɨrɨ Israerɨhündɨ-yei asu ai mamamɨ mamɨsɨrɨ ranambeahɨndɨ 12,000-yei. 5 Sudandɨ sɨrambeahɨndɨ 12,000, Rubenɨndɨ 12,000, Gadɨndɨ 12,000, 6 Asandɨ 12,000, Naptarindɨ 12,000, Manasendɨ 12,000, 7 Simionɨndɨ 12,000, Rifaindɨ 12,000, Isakarɨndɨ 12,000, 8 Seburunɨndɨ 12,000, Sosepɨndɨ 12,000 asu Bensaminɨndɨ 12,000. Ranɨ nindou ranaheimboyo God ai wand-anei yahu sürü pamareandɨ. 9 Ranɨ-moatükunɨ ranai refehayambo-yoane, asu asükaiya hoeirɨheandane, nindou afɨndɨ hamɨndɨ ranai manɨmboei asu ranaheimbo Ågɨrɨ mamai amboa tapuindürɨ. Nindou ranai ana muÅguambo hɨfɨhündɨ, muÅguambo sɨrɨ, muÅguambo fi-hoearɨ, asu muÅguambo hoafümbɨ-yei manɨmboei. Ai Godɨndɨ nɨmarɨfondɨ Sipsip Nɨmorɨ-mayu ranahandɨ haÅgɨfoanɨ-yei kɨfohɨ hoearɨ yihuruyei mburɨhü asu hɨhɨfɨ-hɨhɨfɨyeihɨ mbeyemü waramberɨhümündi hehi burɨmayei. 10 Ai puküna hoafɨyeihɨ seiya, “Yɨhoefɨ God ai adükarɨ bogorɨndɨ nɨmarɨ-fondɨwamɨ amaru asu Sipsip Nɨmorɨ-dɨbo yɨhoefɨmbo aboedambo-rɨneamunɨ arɨnandɨ,” masei. 11 Sünambeahɨndɨ nendɨ muÅguambo ai bogorɨ nindou-yomo asu yaÅgɨrɨ noÅgoweimbɨ moatükunɨ yimbuyimbu-mayei ranɨyei ai Godɨndɨ nɨmarɨ-fondɨ ranahambo wakɨrɨhi hehi burɨmayei. Ranɨyei asu ai Godɨndɨ nɨmarɨ-fondɨ ranɨ haÅgɨfoanɨ pütapɨyei amoyareimbo Godɨmbo hohoanɨmo-rɨhorühɨ aboed-ani masahündo. 12 Ai seiya, “Anɨhond-ane! Yɨhoefɨ God ranahambo hoafɨyefɨhüya, ‘Ai hɨmboamupui-randeimbɨ, aboedɨ fɨfɨreandeimbɨ, ndürɨ adükarümbɨ, asu hɨfandɨmbo Ågɨnɨndeimb-ani. Koadürümbo koadürümbo ahambo hɨhɨfɨndɨhurühɨ aboed-ani,’ mbɨsefɨmboane,” masei. 13 Ranɨyo asu boagɨrɨ mamɨ ai wambo hoafɨyundɨrühɨ yahuya, “Nindou dɨdɨyei hoandarɨ hoearɨ kɨfohɨ ra güdɨmarɨhinda? Ai nahanɨ-poedɨyeia?” mehu. 14 Ro sɨmborɨ hoafɨyahɨndowohü sahɨya, “Ape, se fɨfɨrarowandɨ,” masahɨ. Ai yahuya, “Nindou ranai tɨÅɨrɨfoyo asu asübusɨ afɨndɨ ranambeahɨndɨ aboedambo tükümehindɨ. Ai Sipsip Nɨmorɨndɨ horambe ahei hoandarɨ hoearɨ boboemarɨ-hünda kɨfohɨmayo. 15 Ranɨmbo-hündamboane, ai Godɨndɨ nɨmarɨ-fondɨ haÅgɨfoanɨ anɨmboei. Ai ahandɨ worambe nɨmbɨ-nɨmbɨsi ratüpurɨyei arɨhündɨ. 16 Ai Ågɨrɨ asükaindei wembombondei asu amɨndanɨÅo-mbondei. Hüfɨhamɨndɨ ranai Ågɨrɨ aheimbo tagɨndandürɨ, asu hüfü amboa Ågɨrɨ tagɨndandürɨ. 17 Nɨmboe sapo sipsip nɨmorɨ adükarɨ bogorɨndɨ nɨmarɨ-fondɨ mbusümondühɨ anüÅgu ai ahei hɨfandɨrandürɨ-randeimbɨ-ndümbui. Ai aheimbo ndemündündürɨ Ågu yaÅgɨrɨ nɨÅgombo hoe sowahɨ tükündahimboyei. Asu God ai ahei hɨmboar-ambeahɨndɨ aranɨhɨmboaho gedüherümbui,” mehu.