Rom 2
PNG1 Ranɨmboane asu nindou dɨdɨyei nindou Ågorümbo papɨ-hoafɨrɨhündüranɨ, se Ågɨrɨ ro hütiyefɨpoanɨ mbɨsei. Åga se Ågorümbo papɨ-hoafɨrɨhündüranɨ se sɨhei-fimbo amboanɨ papɨ-hoafɨrühɨ arɨhündɨ, nɨmboe se ranɨ moatükunɨ ai rawarɨhindɨ ra sapo se-amboanɨ rawarɨhindɨ ranɨmbo wambo. 2 Nindou sapo moaruwai hohoanɨmo rahurai rawarɨhindɨ ranaheimbo God ai papɨ-hoafarandürɨ, Åga ahandɨ yɨbobofe hohoanɨmo ra mbumundɨ saf-ane, ra sɨhɨrɨ fɨfɨrɨhundɨ. 3 Åga se nindou bɨdɨfɨrambo ai hohoanɨmo rahurai hohoanɨmoayu ranahambo papɨ-hoafɨrɨ-hündühaneisɨ, Åga se-amboa sɨheihoarɨ ranɨ hohoanɨmo rahurai rarɨhindühanei, Åga se nüÅgurɨhi ranahambo hohoanɨmo-yeihɨyeia? Asu se Godɨndɨ yɨbobofe tüküfeyowambe ra aboedambo-ndahumboyefɨ seimboyei? 4 God ai sɨheimbo hohoanɨmo aboedɨ safɨ hohoanɨmoyundürühɨ sɨheimbo nɨmai yɨbobofe-ndürɨkoate gedühɨ hɨfandarandürɨ. Åga ahandɨ hohoanɨmo ra se moanane seimboyei? Godɨndɨ aboedɨ hohoanɨmo ra sɨheimbo dɨdɨboado-fendüranɨ asu se hɨhɨrɨfe ahambo süÅgufimbo-hündamboane, Åga se ranahambo moai fɨfɨrɨhindɨyo? 5 Åga se afɨndɨ-afɨndeimb-anei asu Ågɨrɨ sɨhei moaruwai hohoanɨmo ra hɨnɨÅgɨndɨhindɨ. Mamɨ ranɨ hohoanɨmo süÅgu Godɨndɨ-mayo Ågɨnɨndɨ hamɨndɨ hohoanɨmo ra sɨheiwamɨ papɨrɨhündühɨ nou-anei. Asu se süÅgunambo God ai Ågɨnɨndɨndühɨ ahandɨ mbumundɨ hohoanɨmo süÅgu yɨboboreandambe anɨmbo ranɨ-sɨmboanɨ weindahɨ tükündɨfeyoanɨ asübusümbɨ hohoanɨmo ra ndahümündimboyei. 6 Åga nindou mamamɨ nɨne-moatükunɨ ai rawarɨhindɨ ranɨ sɨmogodɨhümbo anɨmbo God ai aheimbo yɨbobondearümbui. 7 Nindou bɨdɨfɨrɨ dɨdɨyei aboedɨ hohoanɨmo ra süÅguarühɨ hei ana, sapo God sɨhefɨmbo ndürɨ adükarɨmboane asu sümbokoate yaÅgɨrɨ nɨÅgombo ranane muÅguambo ranɨ-moatükunɨ mbɨsemuna seimboanei rawarɨhindɨ. Nindou rahurai ranaheimbo-anɨmbo God ai yaÅgɨrɨ koadürümbo nɨÅgoweimbɨ ra dagadürɨmbui. 8 Åga asu nindou bɨdɨfɨrɨ dɨdɨyei ai ahei fimbo yaÅgɨrɨ hohoanɨmoyeihɨ anɨhondü hohoanɨmo ranahambo yɨboaruko-rühindühɨ asu nɨne hohoanɨmo moaruwai meÅgoro ra süÅgufembo hohoanɨmoayei ranaheimbo-anɨmbo God ai Ågɨnɨndɨndühɨ tɨÅɨrɨfo afɨndɨ dagadürɨmbui. 9 Ranɨ-sɨmboan-anɨmbo nindou muÅguambo sapo hohoanɨmo moaruwai meÅgoro süÅguarɨhi hei ranaheimbo tɨÅɨrɨfo-ane asu asübusɨ afɨndɨ ranane ranɨ-moatükunɨ ra dagadürɨmbui. Ranɨ-moatükunɨ ra Sudahündɨ aheimbo-so boatei tükündɨfendürɨ mbundambo-anɨmbo asu süÅgunambo muÅguambo nindou amurɨ-mayei aheimbo-so amboanɨ tükündɨfendürɨmboe. 10 Åga asu nindou muÅguambo dɨdɨyei ai sapo hohoanɨmo aboedɨ ra-süÅguarɨhindɨ ranaheimbo-anɨmbo God ai ahandɨ hɨmboamupui-randeimb-ane, ndürɨ adükar-ane asu Ågusüfo afurɨfe kife-ane muÅguambo ra dagadürɨmbui. Ranɨ-moatükunɨ ra Suda aheimbo boakorɨ dagadürɨ hayambo-anɨmbo asu nindou amurɨ-mayei ranaheimbo amboanɨ dagadürɨmbui. 11 God aiana Ågɨrɨ nindoundɨ sɨrɨ ranahambo hohoanɨmondu, Åga muÅguambo mamɨ hohoanɨmo süÅgu türüfoa-reandürɨhani yɨboboareandürɨ arandɨ. Åga nɨne-moatükunɨ nindou ai rawarɨhindɨ ranɨ-süÅgu yaÅgɨrɨ anɨmbo ai türüboadeandühɨ yɨbobondeambui. 12 Åga nindou dɨdɨyei Mosesɨndɨ-mayo ahɨnümbɨ hohoanɨmo ranahambo fɨfɨrɨfekoate-mayei-aneisɨ, Åga moaruwai hohoanɨmo süÅgurɨhindanɨ God ai ahɨnümbɨ hohoanɨmo ranahambo hohoanɨmokoate-nduhü aheimbo randeandüra awandɨhehimboyei. Asu Suda ai ahɨnümbɨ hohoanɨmo fɨfɨrɨhindɨsɨ, Åga asu dɨdɨyei moaruwai hohoanɨmo süÅgurɨhindanɨ ahɨnümbɨ hohoanɨmo ranɨ-süÅgu yɨbobondearümboe. 13 Åga nindou dɨdɨyei ahɨnümbɨ hohoanɨmo ranahambo hɨmborɨmayei ranɨ-yeipoanɨ ai Godɨndɨ hɨmboahü aboedɨ mbumundɨ nindou anɨmboei, Åga wanɨ. Åga nindou ai ahɨnümbɨ hohoanɨmo ranai hoafɨmayo ranahambo süÅgurɨhindühɨ rawarɨhi hei ranai-anɨmbo Godɨndɨ hɨmboahü aboedɨ mbumundɨ nindou tükündahimboyei. 14 Åga nindou Suda-yafe ndɨfo aiana moai ahɨnümbɨ hohoanɨmo ra fɨfɨrɨhindɨsɨ, Åga bɨdɨfɨrɨ ai moanɨ ahei hohoanɨmonambo yaÅgɨrɨ aboedɨ moatükunɨ ahɨnümbɨ hohoanɨmo ranai hoafɨmayo ranɨ-süÅgu-anei ratüpurɨyei arɨhündɨ. Ai ahɨnümbɨ hohoanɨmo ra fɨfɨrɨfekoate-ayei amboanɨ asu ai aboedɨ hohoanɨmo ra aheihoarɨ purɨhümündihü hohoanɨmoyeihanei. 15 Ranɨ hohoanɨmo ai ranɨ-süÅgurɨhi hohoanɨmoyei arɨhündɨ asu ahei aboedɨ hohoanɨmo ranai-ane ahei Ågusüfoambe ahɨnümbɨ hohoanɨmo sürü apaiaro ranahambo nafuiarandɨ. Ranɨyei asu ahei Ågusüfoambe ranai-amboanɨ ahɨnümbɨ hohoanɨmo ra purarɨhümündi ranahambo nafuiayo, Åga Ågoambo yiboarukureandürɨ asu Ågoambo ndoreandürɨ randühane. 16 Yɨbobofe si ra tüküfe sɨmboan-anɨmbo muÅgu-moatükunɨ sapo rahurai hamɨndɨ nindou aheimbo-so tükündɨfendürɨmboe God ai Sisas Kraisɨndɨ warɨ-süÅgu nindou-yei hohoanɨmo dɨbo meÅgoro ra türüboadeandühɨ yɨbobondea-ndürɨmbui. Hoafɨ yahurai ranane ro sɨheimbo aboedɨ hoafɨ hoafayahɨndürühɨ bokarɨhehe arɨhandɨ. 17 Asu se nüÅgu-mandahia? Se hoafɨyeihɨya, roana Suda-anefɨ, Åga ranɨmbo-hündambo ahɨnümbɨ hohoanɨmo ra fɨfɨrarɨhundɨ ranɨmbo wambo Godɨndɨ yɨbobofeambe sɨhefɨmbo aboedambo-ndeamunümbui asei. Asu se ro-anefɨ Godɨndɨ nindou-ayefɨ sei hehi ranahambo borɨyei arɨhündɨ. 18 Sapo se ahɨnümbɨ hohoanɨmo ra yamundɨhi mburɨhü fɨfɨrɨhi hehimbo wambo God ai nɨne aboedɨ hohoanɨmo-ane ehu ra fɨfɨrarɨhindɨ asu mbumundɨ hohoanɨmoayo ranahamboane yifirayei. 19 Asu se hoafayeihɨya ahɨnümbɨ hohoanɨmo ranambe fɨfɨrɨfe hohoanɨmo asu anɨhondü hoafɨ ra muÅgu fɨfɨrarɨhundɨ asei. Ranɨmbo-hündambo anɨmbo hɨmboatɨharɨ-mayei ranaheimbo nafɨ nafuinda-hundürɨmboyefɨ asu nindou nɨmbɨ nɨmaroanɨ anɨboadei ranahei si rahurai-anefɨ. Asu roana sapo Ågusüfokoate nindouyei dɨdɨboadorɨhundürɨ-rɨhundeimbanefɨ asu nɨmoakɨdɨbou yamundɨhundürɨ-rɨhundeimb-anefɨ muÅguambo rasei arɨhündɨ. 21 Se nindou bodɨmondambo yamundarɨhindürɨ ana, asu nɨmboe sɨhei fimbo yamundɨfekoate-ayeia? Se hoafɨyeihɨya, se hümbuhünɨpoanɨ, asei-anesɨ, Åga asu se ra sɨheihoarɨ hümbuhünɨyeihɨyei wanɨyei? 22 Se hoafɨyeihɨya, se nɨmorehɨ sɨsɨhɨmo, nindowenihɨ bɨrabɨrɨpoanɨ, asei-anesɨ, Åga asu se sɨheihoarɨ ra raweyahindühɨyei wanɨyei? Se sɨsamɨ god ranahambo yiboarukoarɨhündɨsɨ, Åga asu se sɨsamɨ godɨndɨ worambeahɨndɨ napo hümbuhünɨyei rɨhündai wanɨyeiai? 23 Se ahɨnümbɨ hohoanɨmo ranahambo ro fɨfɨrɨhumboanefɨ seihü ranahambo borɨyei rɨhündühaneisɨ, Åga se hohoanɨmo ra süÅgufekoate-yeihɨ asu rananɨmbo se Godɨndɨ ndürɨ moaruwaimbo-rɨhindühɨyei wanɨyei? 24 Åga ranahambo Bukambe hoafɨ ranai yare hoafɨyowohü yahoya, ‘Suda sɨhei süÅguna nindou Ågorü sɨrɨhündɨ ranai Godɨndɨ ndürɨ ranahambo moaruwaimborɨhi hoafɨyei arɨhündɨ,’ meho. 25 Asu Suda se ahɨnümbɨ hohoanɨmo ranahambo süÅguarɨhi hei ana, sɨhei hoearɨ kefe tɨrɨhefe hohoanɨmo ra mbumundɨ saf-ane. Åga asu se hohoanɨmo ranahandɨ süÅgufe hokoate-yeianɨ hoearɨ kefe tɨrɨhefe hohoanɨmo ranai refekoate hɨmbondeimboyei. 26 Asu nindou Ågorü sɨrɨhündɨ sapo dɨdɨyei ahei fihoearɨ ra kefe tɨrɨhefekoate-aneisɨ, Åga asu ai ranɨ ahɨnümbɨ hohoanɨmo ra süÅguarɨhi hei ana, nindou ranaheimbo God ai nindou ranai ana fihoearɨ kefe tɨrɨhefimbɨ hɨmboyeimboanei mambüsɨyo? 27 Yɨnɨ, asu Suda seana ahɨnümbɨ hohoanɨmo ra Bukambe mbeÅgorɨndürɨsɨ asu sɨhei fihoearɨ kefe tɨrɨhefe hohoanɨmoyeimb-aneisɨ, Åga asu se ahɨnümbɨ hohoanɨmo ranahambo süÅgufekoate-yei arɨhündɨ. Åga nindou Ågorü sɨrɨhündɨ aiana moai ahei fihoearɨ karɨhi tɨrɨhehi rɨhündɨsɨ, Åga asu ahɨnümbɨ hohoanɨmo ra süÅguarɨhindɨ ana, nindou rahurai ana ahei aboedɨ hohoanɨmonambo sɨheimbo papɨ-hoafarandürɨ. 28 Åga nindou ai moanɨ fi yaÅgɨrɨ Sudahünd-ani ranai ana Suda hondüyopoanɨ. Asu fihoearɨ kefe tɨrɨhefe hohoanɨmo hondü ranana moanɨ fi ranahambo hohoanɨmo yaÅgɨrɨyopoanɨ. 29 Åga nindou düdi ai Godɨndɨ-mayo moatükunɨ ra ahandɨ Ågusüfoambe amarondo ana, ai Suda hond-ani. Fihoearɨ kefe tɨrɨhefe hohoanɨmo hondü ranana ai Ågusüfoambeahɨndɨ hohoanɨmo yaÅgɨr-ane. Ranɨ hohoanɨmo ranana moanɨ fimbo hohoanɨmoyopoanɨ, Åga Yifiafɨndɨ hohoanɨmo-ane. Nindou rahurai ai nindouyei hɨmboahü ndürümbɨ adükarɨyopoanɨ, Åga Godɨndɨ hɨmboahü ndürümbɨ nindou-ane.