Rom 6

1 Asu refe ana sɨhɨrɨ nüÅgu mambɨsefa? Sɨhɨrɨ moaruwai hohoanɨmo ranɨ yaÅgɨrɨ randɨhu Ågefa Godɨndɨ moanɨ hɨpoambofe hohoanɨmo ranai afɨndɨ tükümbɨfeyo-wamboane, mbɨsefɨ hoafɨmandefɨyo? 2 Ranɨ-moatükunɨ ra ai Ågɨrɨ randɨfeyo, Åga wanɨ! Sapo sɨhɨrɨ moaruwai hohoanɨmo ranahambo yɨfɨ nahuraimayefɨ. Asu nüÅgundɨhu moaruwai hohoanɨmo ra süÅgumandɨhu Ågefa? 3 Sɨhɨrɨ Sisas Krais-babɨdɨ nɨmboefɨmboyefɨ hɨmonɨ hundürɨmayefɨ ra. Ranana asu sɨhɨrɨ ai-babɨdɨ yɨfɨmayefɨ ra se moai fɨfɨrɨhindɨyo? 4 Sɨhɨrɨ hɨmonɨ hundürɨmayefɨ ra ai-babɨdɨmbo yɨfɨyefa asu ai-babɨdɨmbo masamboareamunɨ nou-ane. Ranɨmbo-hündambo Apendɨ Ågɨnɨndɨ afɨndɨ ranɨnambo Kraisɨmbo yɨfɨhündɨ botɨmarirɨ yahurai-ane asu sɨhɨrɨ amboanɨ sɨmborɨ hohoanɨmo yaÅgɨrɨ süÅgundɨhumboane. 5 Sɨhɨrɨ ai-babɨdɨ mamɨ yɨfɨmayefɨ sapo ai yɨfɨmayu nou. Ranana asu sɨhɨrɨ ai-babɨdɨ mamɨ yɨfɨhündɨ botɨndahumboane ai botɨmefiyu nou. 6 Asu sɨhɨrɨ fɨfɨrɨhundɨ nda, sɨhefɨ wamɨndafɨ hohoanɨmo ra ai-dɨbo nɨmɨ keimbɨ karɨhendeimbɨ fihɨ yɨfɨmayo, moaruwai hohoanɨmo sapo sɨhefɨ fiambe hoaÅgohü ratüpurɨyo arandɨ ra ahandɨ Ågɨnɨndɨ ra raguanambo-fembohünda. Asu ranɨmbo-hündambo Ågɨrɨ sɨhefɨmbo moaruwai hohoanɨmo ranai hɨbadamunɨ Ågo. 7 Åga nindou düdi ai yɨfayu ana, asu moaruwai hohoanɨmondɨ Ågɨnɨndɨ ranahambo aboedambofih-ani. 8 Asu sɨhɨrɨ Krais-babɨdɨ yɨfɨ-yefeimbɨhündɨ nouehundɨ ana, ranɨ-moatükunɨ ra sɨhɨrɨ anɨhondümbo-rɨhu fɨfɨrɨhumboanefɨ, ranana awi sɨhɨrɨ ai-babɨdɨ yaÅgɨrɨ nɨmboemboyefɨ. 9 Krais ai yɨfɨhündɨ botɨfi hayambo wambo asükaindu Ågɨrɨ yɨfɨndu. Asu yɨfɨmbo hohoanɨmo ranai Ågɨrɨ ahambo ahandɨ Ågɨnɨndɨnambo hɨbadɨrɨ Ågo. Åga sɨhɨrɨ ranɨ-moatükunɨ ranahambo fɨfɨrɨhumboanefɨ. 10 Sapo ai muÅguambo moaruwai hohoanɨmo ra hɨfɨnambofembo mamɨmbo yaÅgɨrɨ yɨfɨmayu. Åga asu haponda ai yaÅgɨrɨ anüÅgu ranɨmbo kameihɨyo. Åga haponda ai yaÅgɨrɨ anüÅgu ranana God-dɨbo-ani anüÅgu. 11 Mamɨ ranɨ-süÅgumbo-anɨmbo se sɨhei fimbo hohoanɨmondei, se moaruwai hohoanɨmo ranahambo yɨfɨmayei nou asu ahandɨ Ågɨnɨndɨ hoarehɨ moai nɨboadei hei, Åga wanɨ. Åga se sɨhefɨ Adükarɨ Sisas Krais ahandɨ süÅgu God-babɨdɨ yaÅgɨrɨ anɨboadei. 12 Rananɨmbo asu se sɨhei yɨfɨyo-randeimbɨ fi ra moaruwai hohoanɨmo ranai hɨbadarümboe, Åga yowanɨ. Moaruwai hohoanɨmo ranai sɨheimbo hühündeiranɨ asu se sɨhei wamɨndafɨ hohoanɨmo ahandɨ yifirɨ moaruwai ranahambo süÅgundɨhimboyei, Åga yowanɨ. 13 Asu se sɨhei fi mamɨ bɨdɨfɨrɨ amboanɨ moaruwai hohoanɨmo ranahambo hɨnɨÅgɨndowandanɨ ndemɨndɨmboe. Mamɨkarɨ hohoanɨmo moaruwai fɨfanɨÅgareimbɨ ra refembohünda hohoanɨmondeimboyei. Åga se sɨheihoarɨ Godɨmbo ndahündo sapo se nindou yɨfɨhündɨ botɨfi yaÅgɨrɨ anüÅgu nou-anei. Asu sɨhei bɨdɨfɨrɨ fi muÅguambo ra ahambo hɨnɨÅgɨndɨhindo mbumundɨ hohoanɨmo refembohünda. 14 Åga moaruwai hohoanɨmo ranai sɨheimbo hɨbadarü Ågomboe, Åga yowanɨ. Nɨmboe sapo ahɨnümbɨ hohoanɨmo ahandɨ hoarehɨ se moai nɨboadei, Åga se Godɨndɨ moanɨ hɨpoambofe hohoanɨmo ranahandɨ hoarehɨ anɨmboei. 15 Ranana asu sɨhɨrɨ ra nüÅgumandahuwa? Haponda sɨhɨrɨ ahɨnümbɨ hohoanɨmo meÅgoro ranɨ hoarehɨ nɨÅgokoate, Åga sɨhɨrɨ Godɨndɨ moanɨ hɨpoambofe hohoanɨmo ranɨ hoarehɨ anɨmboefɨ. Asu ranɨmbo-hünda sɨhɨrɨ ra moaruwai hohoanɨmondefɨ mandɨhundɨyo? Ranɨ hohoanɨmo ra sɨhɨrɨ Ågɨrɨ randɨhundɨ, Åga wanane! 16 Se nindou Ågoründɨ hoarehɨ nɨboadeimbo ahandɨ hoafɨ hɨmborayei ana, asu se ahandɨ moanɨ ratüpurɨyei-rɨhündeimbɨ nahurai-anei. Asu se moai ranɨmbo fɨfɨrɨhindɨyo? Se moaruwai hohoanɨmondɨ hoafɨ süÅguarɨhündɨ ana, asu ranɨmbo yɨfɨndeimboyei, Åga se Godɨndɨ hoafɨ süÅguarɨhündɨ ana, asu ranɨmbo ahandɨ hɨmboahü mbumundɨ nɨmandeimboyei. 17 Yɨnɨ, horombo ana se moaruwai hohoanɨmo ranahandɨ moanɨ ratüpurɨyei-rɨhündeimbɨ nindou manɨmboei-anei. Åga asu hapondanɨ ana se anɨhondü yamundɨfe hoafɨ masahümündi ra sɨhei muÅguambo hohoanɨmo ra süÅgurɨhindühanei. Åga ranɨmbo-hündambo-anɨmbo God ahambo hɨhɨfɨndɨhurɨmboane! 18 Seana moaruwai hohoanɨmondɨ Ågɨnɨndɨ ranambeahɨndɨ aboedamboyahi hehimboane asu mbumundɨ hohoanɨmo ranahandɨ ratüpurɨyei-rɨhündeimbɨ nindou-yahimboanei. 19 Ranɨ hoafɨ ranai hɨmborɨmbo sɨheimbo tɨÅümb-ane ranɨmboane asu ro moanɨ nindou sɨhefɨ hohoanɨmonambo ndarɨhe hoafayahandürɨ. Horombo ana sɨhei fi ra moaruwai hohoanɨmo refembohünda rarɨhi hɨnɨÅgɨrɨhi hehimbo moaruwai hohoanɨmo ra rasüÅgumarɨhi hei. Mamɨ yahurai-ane hapondanɨ ana sɨhei muÅguambo fi ra randɨhi hɨnɨÅgɨndɨhindɨ mbumundɨ hohoanɨmo asu sürühoeimbɨ hohoanɨmo refembohünda. 20 Horombo se moaruwai hohoanɨmo ranahandɨ ratüpurɨ moanɨ ratüpurɨyeiambe se moai aboedɨ mbumundɨ hohoanɨmo ranahandɨ ratüpurɨyei-rɨhündeimbɨ nɨboadei. 21 AmoanɨÅgeimbɨ moatükunɨ se ramarɨhinda ra-süÅgumbo asu nɨne moatükunɨ aboedɨ tükümefoyowa? Hohoanɨmo ranɨhündɨ yɨfɨ yaÅgɨr-ane tükefe arandɨ. 22 Åga hapondanɨ ana se moaruwai hohoanɨmo ranambeahɨndɨ aboedamboyahi tüküyahi hehi Godɨndɨ moanɨ ratüpurɨyei-rɨhündeimbɨ yaÅgɨrɨ nindou tüküyahimboanei. Hohoanɨmo ranɨhündɨ se sürühoeimbɨ hohoanɨmo sahümündi asu yaÅgɨrɨ koadürümbo-koadürümbo nɨÅgombo hohoanɨmo ra tüküfeyondürɨ arandɨ. 23 Åga moaruwai hohoanɨmo ra ahandɨ ratüpurɨyei-rɨhündeimbɨ ahei ratüpurɨ süÅgu ranɨ takɨnɨ sagadürɨ arandɨ, sapo takɨnɨ ra ai yɨfɨ hohoanɨmo ranane. Åga asu God ai moanɨ sɨhefɨmbo sai arandɨ ahandɨ moanɨ saimbo moatükunɨ ra sapo yaÅgɨrɨ koadürümbo nɨÅgombo ranane, sɨhefɨ Adükarɨ Sisas Kraisɨndɨ süÅgu.