Taitus 3

1 Se nɨmorehɨ nindowenihambo Ågusüfoambe botɨndowandürɨ ndandan-anɨmbo, ai gafman asu gafmanɨ-yafe ratüpurɨyomo-rundeimbɨ-yafe hoarehɨyeihɨ ahamundɨ hoafɨ süÅgurɨhindühɨ nafɨndɨhümündi nɨmandeimbo aboedɨ ratüpurɨ ratüpurɨmbeyei-amboane. 2 Åga asu ai Ågɨrɨ nindou Ågorümbo moaruwai hoafɨndei. Asu ai Ågɨrɨ yifiarɨndei, Åga ai wudɨ-wudɨndeihɨ nindou-yafe hɨmboahü ahei fi hɨfɨnambo-ndɨhindɨ. 3 Åga se fɨfɨrowandɨ, horombo sɨhɨrɨ amboanɨ Ågusüfokoate-yefɨ, hoafɨ hɨmborɨkoate-yefɨ asu Satan ai sɨhefɨmbo tɨkai hoafɨmemunɨ. Sɨhɨrɨ afɨndɨ moatükunɨ moaruwai hohoanɨmo Ågusüfoambe botɨrea-ndeimbɨ, ranɨ-hoarehü manɨmboefɨ. Sɨhɨrɨ nindou moaruwaimbofe hohoanɨmo süÅgurɨhu asu napo hohoaÅɨrɨhu marɨhundɨ. Asu sɨhefɨhoarɨ amboanɨ sɨmborɨ Ågɨnɨndürɨyefɨ rɨhundühɨ manɨboadefɨ. 4 Åga asu God Aboedamboreamunɨ-randeimbɨ ai sɨhefɨmbo hohoanɨmo-yumunühɨ hɨpoambo-mareamunɨ ra weindahɨ tükümefeyo. 5 Sɨhɨrɨ moai aboedɨ hohoanɨmoyefanɨ-yupoanɨ ai sɨhefɨmbo aboedambo-mareamunɨ, Åga wanɨ. Åga ahandɨ hɨpoambofe ranamboyu sɨhefɨmbo aboedambo-mareamunɨ. Ai sɨhefɨmbo popoai-marɨhemuna, sɨhɨrɨ nɨmorɨ aboedɨ tükümehunda asu Yifiafɨ Aboedɨ ai sɨhefɨmbo sɨmborɨ yaÅgɨrɨ aboedɨ nɨÅgombo masemunɨ. 6 Sisas Krais Aboedamboreamunɨ-randeimbɨ ahandɨ süÅguyo God ai sɨhefɨmbo Yifiafɨ Aboedɨ afɨndɨ masemunɨ. 7 Kraisɨndɨ hɨpoambo ra sɨhefɨmbo mbumundɨ nindou yaho dükamareamunɨ. Ranɨmboane asu yaÅgɨrɨ koadürü-koadürümbo nɨÅgombohünda sɨhefɨmbo kamafoareamunɨ. Ranahambo anɨhondümbo-ndɨhundühɨ hɨbadɨhu nɨmboefɨmboane. 8 Ranɨ yamundɨfe ra anɨhond-ane. Åga se ranahambo hoafɨndafanɨ nindou aboedɨ fɨfɨrɨmbɨrɨhind-amboane samboanahɨ hoafayahɨ. Rananɨmbo asu Godɨmbo anɨhondümbo-rɨhindeimbɨ ai aboedɨ hohoanɨmo süÅgufembo tɨÅɨrɨfombeyei-amboane. Ranɨ-moatükunɨ aboed-ane asu muÅguambo nindou fandɨhe-ndürɨmboe. 9 Åga asu mamɨkarambo hɨhɨndɨ hoafɨ ra ai düdu-düduyei wakɨrɨhi-rɨhündühɨ, amoao mamɨ-yei ndürɨmbo wataporɨmborühɨ, asu Ågɨnɨndɨyeihɨ Mosesɨndɨ-mayo ahɨnümbɨ hohoanɨmo ranahambo hoafɨna sɨmborɨ-sɨmborayei, Åga ranahambo se Ågasündowandɨ. Åga sɨhɨrɨ fɨfɨrɨhundɨ ranana Ågɨrɨ sɨhefɨmbo fandɨhemunɨ asu ai Ågɨrɨ sesɨ aboedɨ hɨsɨndo. 10 Nindou yikürübü-reandeimbɨ ahambo mamɨmboyo yimbumboyo ahɨnɨ hoafɨndafɨndo. Åga ai hoafɨ hɨmborɨkoate-nduanɨ, se ahambo daboadɨ hɨhɨndɨworɨ. 11 Se fɨfɨrowandɨ, nindou yahurai ra ai nafɨ aboedɨ hɨnɨÅgɨrundühɨ moaruwai hohoanɨmoyomo arundɨ. Asu ahamundɨ moaruwai hohoanɨmo ranai ahamumbo papɨ-hoafɨmarapurɨ. 12 SüÅgunambo Artemasɨyu asu Tikikusɨyu sɨhambo sowana koandɨhe-hinɨmboyahɨ, Åga se wambo sowana Nikoporis Ågoafɨnambo sɨfombo tɨÅɨrɨfondafɨ. Åga se fɨfɨrowandɨ, Ågɨsɨharɨ tükɨfeyo-ambe ro Nikoporisɨhü nɨmboamboanahɨ masahɨ ra. 13 Se ahɨnümbɨ fɨfɨrundeimbɨ Sinas weimbo Aporosɨ yimbu ahafanɨmbo nafɨ ho ra wudɨndo fandɨhawapɨra ai Ågɨrɨ nɨnɨ-moatükunɨmbo mbonɨmbo-ndandɨfanɨ. 14 Sɨhefɨ nindou ai aboedɨ ratüpurɨ ranɨwamɨ nɨboadeimbo ra fɨfɨrɨmbɨrɨhind-amboane. Asu nindou mbonɨmbo-arɨhümündi, ranaheimbo mbɨfarɨhe-hindür-amboane, asu ai hɨfɨ ndanɨhü Ågɨrɨ moanɨ nɨmboei. 15 MuÅguambo nɨmorehɨ nindowenihɨ ro-babɨdɨ anɨboadei nda ai sɨhambo hɨhɨfarɨhünɨnɨ. Anɨhondümbo-rɨhindeimbɨ ai yɨhoefɨmbo hohoanɨmo-ayahümunɨ ranaheimbo hɨhɨfɨndandürɨ. Åga moanɨ hɨpoambo hohoanɨmo ra muÅguambo se-babɨdɨ mbeyaÅgoro-wamboane.