ܡܙܡܘܪ̈ܐ 33

1 ܡܲܩܘܸܚܘܼܢ ܠܡܵܪܝܵܐ، ܝܵܐ ܙܲܕܝܼܩܹ̈ܐ، ܠܬܪ̈ܘܼܨܹܐ ܚܫܝܼܚܬܵ‌ܐ ܝܠܵܗ̇ ܬܸܫܒܘܿܚܬܵ‌ܐ. 2 ܫܲܟܪܘܼܢ ܠܡܵܪܝܵܐ ܒܟܸܢܵܪܵܐ، ܒܩܝܼܬܵܪܵܐ ܕܥܸܣܪܵܐ ܣܝܼܡܹ̈ܐ ܙܡܘܿܪܘܼܢ ܐܸܠܹܗ. 3 ܙܡܘܿܪܘܼܢ ܐܸܠܹܗ ܙܡܵܪܬܵ‌ܐ ܚܲܕܬܵ‌ܐ، ܨܦܵܝܝܼ ܡܚܹܝܡܘܼܢ ܥܲܡ ܩܲܘܲܚܬܵ‌ܐ. 4 ܣܵܒܵܒ ܬܪܘܼܨܵܐ ܝܠܹܗ ܚܲܒܪܵܐ ܕܡܵܪܝܵܐ، ܘܒܡܗܘܼܡܢܘܼܬܵ‌ܐ ܝܠܹܗ ܟܠܹܗ ܦܘܼܠܚܵܢܹܗ. 5 ܟܹܐ ܡܲܚܸܒ ܙܲܕܝܼܩܘܼܬܵ‌ܐ ܘܕܝܼܘܵܢ، ܡܠܝܼܬܵ‌ܐ ܝܠܵܗ̇ ܐܲܪܥܵܐ ܛܲܝܒܘܼܬܵ‌ܐ ܕܡܵܪܝܵܐ. 6 ܒܗܹܡܸܙܡܵܢ ܕܡܵܪܝܵܐ ܫܡܲܝܹ̈ܐ ܦܝܼܫ ܠܗܘܿܢ ܥܒ݂ܝܼܕܹܐ، ܒܢܫܲܡܬܵ‌ܐ ܕܦܘܼܡܹܗ ܟܠܹܗ ܚܲܝܠܵܘܵܬܵܝ̈ܗ‌ܝ. 7 ܟܹܐ ܓ̰ܲܡܸܥ ܐܲܝܟ݂ ܩܘܼܚܵܐ ܡ̈ܝܼܵܐ ܕܝܵܡܵܐ، ܟܹܐ ܡܲܬܸܒ݂ ܒܐܲܢܒܵܪܹ̈ܐ ܬܗܘܿܡܹ̈ܐ. 8 ܙܵܕܥܵܐ ܡ̣ܢ ܡܵܪܝܵܐ ܟܠܵܗ̇ ܐܲܪܥܵܐ، ܡܸܢܹܗ ܪܲܬܪܸܬ‌ܝܼ ܟܠܵܝܗ‌ܝ ܥܵܡܪ̈ܵܢܹܐ ܕܒܪܝܼܬܵ‌ܐ. 9 ܣܵܒܵܒ ܗ̇ܘ ܐܡܝܼܪܹܗ ܘܗܘܹܐ ܠܵܗ̇، ܗ̇ܘ ܦܩܝܼܕ ܠܹܗ ܘܟܠܹܐ ܠܵܗ̇. 10 ܡܵܪܝܵܐ ܟܹܐ ܫܵܡܹܛ ܡܸܠܟܵܐ ܕܐܸܡܘܵܬܹ̈‌ܐ، ܟܹܐ ܒܲܛܸܠܔ ܚܘܼܫܵܒܹ̈ܐ ܕܥܲܡܡܹ̈ܐ. 11 ܡܸܠܟܵܐ ܕܡܵܪܝܵܐ ܠܥܵܠܲܡ ܒܸܬ ܟܵܠܹܐ، ܚܘܼܫܵܒܹ̈ܐ ܕܠܸܒܹܗ ܠܕܵܪܵܐ ܘܕܵܪܵܐ. 12 ܛܘܼܒ݂ܵܐ ܠܐܘܼܡܬܵ‌ܐ ܕܡܵܪܝܵܐ ܝܠܹܗ ܐܲܠܵܗܘܼܗ̇، ܥܲܡܵܐ ܕܓܘܼܒܹܐ ܠܹܗ ܠܝܵܪܬܘܼܬܵ‌ܐ ܐܸܠܹܗ، 13 ܡ̣ܢ ܫܡܲܝܵܐ ܓܘܼܫܸܩ ܠܹܗ ܡܵܪܝܵܐ، ܚܙܹܐ ܠܹܗ ܠܟܠܵܝܗ‌ܝ ܒܢܲܝ̈ܢܵܫܵܐ، 14 ܡ̣ܢ ܕܘܼܟܵܐ ܕܝܬܵܒ݂ܬܹܗ ܚܝܼܪܹܗ ܥܲܠܔ ܟܠܵܝܗ‌ܝ ܥܵܡܪ̈ܵܢܹܐ ܕܐܲܪܥܵܐ، 15 ܓܵܒ݂ܠܵܢܵܐ ܕܠܸܒܵܐ ܕܟܠܵܝܗ‌ܝ، ܗ̇ܘ ܕܦܲܪܡܹܐ ܟܠܵܝܗ‌ܝ ܥܒ݂ܵܕܵܝ̈ܗ‌ܝ. 16 ܠܲܝܬ ܡܲܠܟܵܐ ܕܦܝܼܫ ܠܹܗ ܦܘܼܪܩܵܐ ܒܓܘܼܪܘܼܬܵ‌ܐ ܕܚܲܝܠܵܘܵܬܹ̈‌ܐ، ܓܲܒܵܪܵܐ ܠܹܐ ܦܵܐܹܫ ܦܘܼܨܝܵܐ ܒܓܘܼܪܘܼܬܵ‌ܐ ܕܚܲܝܠܹܗ. 17 ܕܘܼܓܠܵܐ ܝܠܹܗ ܣܘܼܣܵܐ ܩܵܐ ܦܲܪܲܩܬܵ‌ܐ، ܘܒܓܘܼܪܘܼܬܵ‌ܐ ܕܚܲܝܠܹܗ ܠܹܐ ܡܵܨܹܐ ܚܲܠܸܨ. 18 ܗܵܐ، ܥܲܝܢܵܐ ܕܡܵܪܝܵܐ ܠܙܕܝܼܥܘܼ̈ܗ‌ܝ ܝܠܵܗ̇، ܠܐܵܢܝܼ ܕܣܵܦܪܝܼ ܠܛܲܝܒܘܼܬܹܗ. 19 ܠܦܲܨܘܼܝܹܐ ܡ̣ܢ ܡܵܘܬܵ‌ܐ ܓܵܢܵܬܵܝ̈ܗ‌ܝ، ܘܠܡܲܚܘܼܝܵܝ ܒܙܲܒ݂ܢܵܐ ܕܟܸܦܢܵܐ. 20 ܓܵܢܲܢ ܣܦܝܼܪܵܗ̇ ܠܡܵܪܝܵܐ، ܗܲܝܲܪܬܲܢ ܘܡܵܛܵܠܲܢ ܗ̇ܘ ܝܼܠܹܗ. 21 ܣܵܒܵܒ ܒܝܼܹܗ ܒܸܬ ܚܵܕܹܐ ܠܸܒܲܢ، ܣܵܒܵܒ ܒܫܸܡܵܐ ܕܩܘܼܕܫܹܗ ܣܒܝܼܪܲܢ. 22 ܗܵܘܝܵܐ ܛܲܝܒܘܼܬܘܼܟ݂ ܥܲܠܲܢ، ܝܵܐ ܡܵܪܝܵܐ، ܕܵܐܟ݂ܝܼ ܕܣܦܝܼܪܲܢ ܐܸܠܘܼܟ݂.