ܡܙܡܘܪ̈ܐ 55

1 ܗܲܒ݂ܠܔ ܢܵܬܵ‌ܐ، ܝܵܐ ܐܲܠܵܗܵܐ، ܠܨܠܘܿܬ‌ܝܼ، ܘܠܵܐ ܛܲܫܹܝܬ ܓܵܢܘܼܟ݂ ܡ̣ܢ ܦܲܪܦܲܠܬ‌ܝܼ. 2 ܡܲܨܝܸܬ ܐܸܠܝܼ ܘܓ̰ܲܘܸܒ ܠܝܼ، ܢܲܟܢܘܼܟܹܐ ܝܘܸܢ ܒܬܲܢܲܚܬ‌ܝܼ ܘܛܠܝܼܩܬܵ‌ܐ ܝܠܵܗ̇ ܥܲܠܝܼ، 3 ܡ̣ܢ ܩܵܠܵܐ ܕܕܸܫ̃ܡܸܢ، ܡ̣ܢ ܥܵܘܩܵܢܵܐ ܕܪܲܫܝܼܥܵܐ، ܒܗ̇ܝ ܕܟܹܐ ܡܲܫܦܸܟ݂ܝܼ ܥܲܠܝܼ ܣܸܪܝܘܼܬܵ‌ܐ، ܘܒܚܸܡܬܵ‌ܐ ܟܹܐ ܣܵܢܝܼ ܐܸܠܝܼ. 4 ܠܸܒܝܼ ܟܹܐ ܪܵܓܹܕ ܒܓܵܘܝܼ، ܘܣܘܼܪ̈ܵܕܹܐ ܕܡܵܘܬܵ‌ܐ ܢܦܝܼܠܔ ܠܗܘܿܢ ܥܲܠܝܼ. 5 ܙܕܘܼܥܬܵ‌ܐ ܘܪܲܬܪܲܬܬܵ‌ܐ ܥܒ݂ܝܼܪܗܘܿܢ ܒܝܼܝܼ، ܘܪܓܘܼܕܵܐ ܩܵܡ ܟܲܣܹܐ ܠܝܼ. 6 ܘܐܡܝܼܪܝܼ: “ܛܘܼܒ݂ܵܐ ܕܗܵܘܹܐ ܗܘܵܐ ܠܝܼ ܓܘܼܠܦܵܢܹ̈ܐ ܐܲܝܟ݂ ܝܵܘܢܵܐ، ܕܦܵܪܚܹܢ ܗܘܵܐ ܘܪܵܝܦܹܢ ܗܘܵܐ. 7 “ܗܵܐ، ܒܸܬ ܥܵܪܩܹܢ ܗܘܵܐ ܪܸܚܩܵܐ، ܒܸܬ ܫܵܪܹܝܢ ܗܘܵܐ ܒܠܲܝܠܹܐ ܓܵܘ ܒܲܪܝܼܵܐ. ܣܹܠܵܗ 8 “ܒܸܬ ܡܲܠܝܸܙܸܢ ܠܦܲܪܘܼܩܘܼܗ̇ ܓܵܢܝܼ، ܡ̣ܢ ܦܵܘܚܵܐ ܚܲܝܠܵܢܵܐ ܘܡ̣ܢ ܥܲܠܥܵܠܵܐ." 9 ܒܲܠܒܸܠܔ، ܝܵܐ ܡܵܪܝܵܐ، ܦܲܠܸܥ ܠܸܫܵܢܵܝܗ‌ܝ، ܣܵܒܵܒ ܚܙܹܐ ܠܝܼ ܛܠܘܼܡܝܵܐ ܘܡܲܩܲܪܵܨܘܼܬܵ‌ܐ ܓܵܘ ܡܕܝܼܢ݇ܬܵ‌ܐ. 10 ܐܝܼܡܵܡܵܐ ܘܠܲܝܠܹܐ ܟܹܐ ܚܵܕܪܝܼ ܥܲܠܔ ܫܘܼܪ̈ܘܼܗ̇، ܘܥܵܘܠܵܐ ܘܐܘܼܠܨܵܢܵܐ ܒܓܵܘܘܼܗ̇ ܝܢܵܐ. 11 ܚܪ̈ܵܒܹܐ ܐܝܼܬ ܓܵܘܘܼܗ̇، ܘܠܹܐ ܦܵܪܩܝܼ ܛܠܘܼܡܝܵܐ ܘܦܸܠܡܵܐ ܡ̣ܢ ܫܘܼܩܘܼܗ̇. 12 ܣܵܒܵܒ ܠܹܐ ܝܗܘܵܐ ܕܸܫ̃ܡܸܢ ܕܠܝܼܡ ܠܹܗ ܐܸܠܝܼ، ܕܩܲܒܠܸܢ ܗܘܵܐ. ܠܹܐ ܝܗܘܵܐ ܣܵܢܝܵܢܝܼ ܕܓܘܼܪܘܸܣܵܐ ܠܹܗ ܓܵܢܹܗ ܥܲܠܝܼ، ܕܛܲܫܹܝܢ ܗܘܵܐ ܠܵܗ̇ ܓܵܢܝܼ ܡܸܢܹܗ. 13 ܐܝܼܢܵܐ ܐܲܢ݇ܬ، ܐܢܵܫܵܐ ܐܲܝܟ݂ ܕܝܼܝܼ، ܪܵܚܡܝܼ ܘܝܵܕܥܵܢܝܼ، 14 ܕܥܲܡ ܚܕܵܕܹ̈ܐ ܥܒ݂ܝܼܕ ܠܲܢ ܫܵܘܬܵܦܘܼܬܵ‌ܐ ܚܠܝܼܬܵ‌ܐ، ܓܵܘ ܒܲܝܬܵ‌ܐ ܕܐܲܠܵܗܵܐ ܟܹܐ ܚܵܕܪܲܚ ܗܘܵܘ ܥܲܡ ܟܸܢܫܵܐ. 15 ܐܵܬܹ‌ܐ ܡܵܘܬܵ‌ܐ ܥܲܠܵܝܗ‌ܝ ܡܸܢܫܸܠܬܵܢܹܐ، ܨܵܠܝܼ ܠܫܝܘܿܠܔ ܟܲܕ ܚܵܝܹ̈ܐ، ܣܵܒܵܒ ܒܝܼܫܵܬܹ̈‌ܐ ܐܝܼܬ ܓܵܘ ܒܹܝܬ ܡܲܥܡܪ̈ܵܝܗ‌ܝ، ܒܓܵܘܵܝܗ‌ܝ. 16 ܐܝܼܢܵܐ ܐܵܢܵܐ، ܠܐܲܠܵܗܵܐ ܒܸܬ ܩܵܪܹܝܢ، ܘܡܵܪܝܵܐ ܒܸܬ ܦܲܪܸܩ ܠܝܼ. 17 ܪܲܡܫܵܐ، ܘܨܲܦܪܵܐ، ܘܛܲܗܪܵܐ، ܒܸܬ ܩܵܒ݂ܠܹܢ ܘܬܲܢܸܚܸܢ، ܘܒܸܬ ܫܵܡܹܥ ܠܹܗ ܩܵܠܝܼ. 18 ܒܸܬ ܦܲܪܸܩ ܒܫܠܵܡܵܐ ܓܵܢܝܼ ܡ̣ܢ ܦܠܵܫܵܐ ܕܥܲܠܝܼ، ܣܵܒܵܒ ܪܵܒܵܐ ܝܢܵܐ ܕܲܠܩܘܼܒ݂ܠܝܼ. 19 ܒܸܬ ܫܵܡܹܥ ܐܲܠܵܗܵܐ، ܝܵܬܒ݂ܵܢܵܐ ܕܡ̣ܢ ܙܲܒ݂ܢܹ̈ܐ ܩܲܕܝܼܡܵܝܹ̈ܐ، ܘܒܸܬ ܡܲܠܝܸܨ ܠܗܘܿܢ. ܣܹܠܵܗ ܣܵܒܵܒ ܠܹܐ ܫܲܚܠܸܦܝܼ، ܘܠܹܐ ܙܵܕܥܝܼ ܡ̣ܢ ܐܲܠܵܗܵܐ. 20 ܦܘܼܫܸܛ ܠܹܗ ܐܝܼܕܵܬܘܼ̈ܗ‌ܝ ܥܲܠܔ ܕܐܵܢܝܼ ܕܝܼܢܵܐ ܒܫܠܵܡܵܐ ܥܲܡܹܗ، ܫܡܝܼܛ ܠܹܗ ܩܵܘܠܹܗ، 21 ܟ̰ܘܼܥܝܵܐ ܐܲܝܟ݂ ܟܲܪܥܵܐ ܦܘܼܡܹܗ، ܐܝܼܢܵܐ ܐܝܼܬ ܦܠܵܫܵܐ ܒܠܸܒܹܗ؛ ܪܲܟܝܼܟܹܐ ܚܲܒܪ̈ܘܼܗ‌ܝ ܡ̣ܢ ܡܸܫܚܵܐ، ܐܝܼܢܵܐ ܣܲܝܦܹ̈ܐ ܓܪ̈ܝܼܫܹܐ ܝܢܵܐ. 22 ܕܪܝܼ ܠܵܗ̇ ܥܲܠܔ ܡܵܪܝܵܐ ܟܵܪܬܘܼܟ݂، ܘܗ̇ܘ ܒܸܬ ܬܲܪܣܹܐ ܠܘܼܟ݂، ܠܹܐ ܫܵܒܹܩ ܠܥܵܠܲܡ ܙܲܕܝܼܩܵܐ ܫܵܥܹܫ. 23 ܐܝܼܢܵܐ ܐܲܢ݇ܬ، ܝܵܐ ܐܲܠܵܗܵܐ، ܒܸܬ ܡܲܨܠܹܝܬ ܠܗܘܿܢ ܠܓܘܼܒܵܐ ܕܚܪܵܒ݂ܵܐ، ܫܲܦܟ݂ܵܢܹ̈ܐ ܕܕܸܡܵܐ ܘܥܵܒ݂ܕܵܢܹ̈ܐ ܕܦܸܠܡܵܐ ܠܹܐ ܡܵܛܝܼ ܠܦܲܠܓܵܐ ܕܚܲܝܵܝ̈ܗ‌ܝ؛ ܐܝܼܢܵܐ ܐܵܢܵܐ ܒܸܬ ܣܵܒܪܹܢ ܒܝܼܘܼܟ݂.