ܡܙܡܘܪ̈ܐ 61

1 ܫܡܹܥ، ܝܵܐ ܐܲܠܵܗܵܐ، ܠܡܲܩܘܲܚܬ‌ܝܼ، ܨܘܼܬ ܠܨܠܘܿܬ‌ܝܼ. 2 ܡ̣ܢ ܦܪܵܩܬܵ‌ܐ ܕܐܲܪܥܵܐ ܒܸܬ ܩܵܪܹܝܢ ܐܸܠܘܼܟ݂ ܟܲܕ ܕܘܼܪܕܸܫ̃ܵܐ ܠܸܒܝܼ، ܡܗܲܕܝܼ ܠܝܼ ܠܐܝܼܨܵܪܵܐ ܒܘܼܫ ܪܵܡܵܐ ܡܸܢܝܼ. 3 ܣܵܒܵܒ ܗܘܹܐ ܠܘܼܟ݂ ܒܹܝܬ ܓܵܘܣܵܐ ܐܸܠܝܼ، ܒܘܼܪܓ̰ܵܐ ܙܲܪܒܵܢܵܐ ܩܲܕܡ ܕܸܫ̃ܡܸܢ. 4 ܒܸܬ ܥܵܡܪܹܢ ܓܵܘ ܡܲܫܟܢܘܼܟ݂ ܠܥܵܠܡܝܼܢ، ܒܸܬ ܫܵܩܠܹܢ ܓܵܘܣܵܐ ܒܣܸܬܵܪܵܐ ܕܓܘܼܠܦܵܢܘܼ̈ܟ݂. ܣܹܠܵܗ 5 ܒܗ̇ܝ ܕܐܲܢ݇ܬ، ܝܵܐ ܐܲܠܵܗܵܐ، ܫܡܝܼܥ ܠܘܼܟ݂ ܢܸܕܪ̈ܝܼ، ܩܵܡ ܝܵܗܒܹܬ ܠܝܼ ܝܘܼܪܬܵܢܵܐ ܥܲܡ ܙܕܝܼ̈ܥܹܐ ܕܫܸܡܘܼܟ݂. 6 ܝܵܘܡܵܢܹ̈ܐ ܒܸܬ ܡܲܙܝܸܕܸܬ ܥܲܠܔ ܝܵܘܡܵܢܹ̈ܐ ܕܡܲܠܟܵܐ، ܫܸܢܘܼ̈ܗ‌ܝ ܒܸܬ ܗܵܘܝܼ ܠܕܵܪܵܐ ܘܕܵܪܵܐ. 7 ܒܸܬ ܝܵܬܹܒ݂ ܠܥܵܠܲܡ ܩܲܕܡ ܐܲܠܵܗܵܐ، ܦܩܘܿܕ ܛܲܝܒܘܼܬܵ‌ܐ ܘܫܪܵܪܵܐ ܠܸܢܛܵܪܵܐ ܐܸܠܹܗ. 8 ܗܵܕܟ݂ܵܐ ܠܫܸܡܘܼܟ݂ ܒܸܬ ܙܵܡܪܹܢ ܠܥܵܠܲܡ، ܟܲܕ ܬܲܡܘܼܡܹܐ ܢܸܕܪ̈ܝܼ ܝܵܘܡܵܐ ܒܝܵܘܡܵܐ.