1 Koulin 8
PNG1 Aêamu fehohnjoso hofɨko hwasyo anɨtuneêno yahu fonjokisasyɨwoênɨngkohofo soêno sekwo ngkimo oso yahu hisoêno hungkuno ntohonɨmalofo kuyoho. Osoêno sekwo ngkimo ole ntɨmalofo. Olo yahu loso nakwo Anɨtuye aêamu ne hnênwi wonantantaho. Manyoênjo uyantantaho. Ose ntɨmalofofoho. Olo hilo soêno aêamu huno kengo kengo mokosyohumalofo. Aêamu fihwo kako huno ole syafɨsyɨhwoloho. Nje hunoso ntoênohinofoho. Aêamu huno kengoênjoso hofɨkoe hunoso ntoênohinɨêmaho. Aêamu kako huno ose syafɨsyoso sohwo kako yokumpohnênyo imoênonto nomêne aêamuso monje esyalofoho. Oêo, kɨko huno oloêno fɨsyafɨsyo. Aêamu olo hilo soêno huno kengo kengoênjo soênji nakwo sɨmeho uyano. Oso yahino wopɨngo huhwo sohwo nakumo yokumpohnênyo wonasosofitoêmtonoho. 2 Aêamu fihwa hofɨko huno ole syafɨhuêmalofi, oloso nakwo yoêmayo hopiênonohino soêno huno nayohoho. Oso aêamu huhwo sohwafe hunoso ntoêno mosyafɨsiyofoho. Fehohnjoso huno motɨpemasoênjo humalofo. 3 U, aêamu fihwo kako Anɨtumo sɨmeho uyɨwoênɨngkiso oso huneêno Anɨtu kako huno ntoêno uyohoho. Nje aêamu ne hwosoho ulalofoho. 4 Oseso oso yahu anɨtu hwasyo sohuneêno fonjokisasyɨwoênɨngkohofo soêno ole selalokweno. Aêamu nakwoe Anɨtu ne sohumo minɨngkayoênjo sohwa hofɨko ole lɨwoênɨngkohofo, Yoêmayo ahwomomjo soênji hwahoponjo soênji nakwoe hwe engo anɨtuyoho. Ose lontɨfi oso hwamneêno hofɨko inɨngkawentɨfi hwomtame ulohofɨwoênɨngkohofofoho. I nakwo hnênwiye Mpohwo Anɨtu kako angaênohinohwo humaho. Kako yoêmayoso hwapɨngo hweho. Oseso nakwo kakoeênwoho. Anɨtu kakoênji humane soêno nakumo namtɨêmokumentisofoho. Jisas Kɨlais kakoênohini nakwoe Hwe Engo hweho. Kako yoêmayo yoêmayo hopiênonohinoso mtɨêmokumentiso hweho. Nakwoe songo humayoso kakintaêangofoho. Oseso nakwo oso hwasyo anɨtu sohuneêno nakwo huno ole nayohoho, neso anefoho. Anɨtu piênɨngo mohumuyoho. Oêo, nakwoe Anɨtu songo neêno humayoêne sohwo kakoênohini humaho. 7 Oseso aêamu fehohnjo hofɨko hohonta hwasyo anɨtumo inɨngkamotofoso hofɨko olohonta nakwoe Anɨtu ne sohumo kahopi inɨngkowalokwofo. Osoêno hofɨko hwasyo anɨtu ne anefoho esoêno huno ntoêno muyofoho. Oseso hofɨko ole syofɨsyalokwofo, aêamu hofɨko oso yahu hwasyo anɨtumneêno fonjokisasyɨwoênɨngkohofoso hofɨko nifijoso u hofɨko oso hwasyo anɨtu sohwoe yofeso hoênomalokwofo. Ose syofɨsyalokwofo. Osoêno hofɨko ole lalokwofo. Aêamu hofɨko hwasyo anɨtu sohuneêno yahu fonjokisasyɨwoênɨngkohofoso oso yahu hiso nakwo nasoêmanji u nakwo yahino wonyo yalokuhwono. 8 Osoêno huno waseyono. Nakwo oso yahuso nasoêmanji Anɨtu kako nakumo ole monalonefoho. Oso yahinoso wonyofoho. U, nakwo oso yahuso manyoênjo yasoêmanji Anɨtu kako nakumo ole monalonefoho. Oso yahinoso wopɨngofoho. Ose monalonefoho. 9 I osoêno sekwo nomêne aêamu somneêno huno fɨsyafɨhupmno. Anɨtuye aêamu ne fehohnjoso hofɨko Anɨtumo sɨmeho weêeênohini uyalokwofoso hofɨko huno ole syofɨsyalokwofo. Hwasyo anɨtumneêno yahu fonjokisasyohofoso nakwo nasoêmanji oso wonyofoho. Ose syofɨsyalokwofo. I sekwo soku sekwo huno ole syofɨsyalokwofo. Oso yahu hiso nakwo nasoêmanji oso wopɨngofoho. Honɨngkano wonyo anefoho. Ose syafɨsyɨkuji oso yahu hiso sekwo nonontanɨngkuji oso aêamu sɨmeho weêe unyoso hofɨko nosehonɨngkuji ole wolantɨfeho, U, hofɨko yahu nalokwofo. Osoêno ngko huhwoênnonji wonano. Ose ko lɨkuji yahu nifijoêmanji u hofɨko hofɨkoe sɨmeho moêmo hungkuno hnnyoso hwotoho wofeentɨfeho. Ose ikujoêno Anɨtu kako wonyofoho ulɨmontonoho. 10 Sekwo aêamu yoêmayo soêno huno ntoênohinoênjɨênwoho lɨwoênɨngkohofo soku sekwo oso hwasyo anɨtuye ango somo nosyukuji yahu nɨngkahonɨngkuji aêamu nomênehwo kako sɨmeho moêmo huno angaênohino yokumpohnênyo mutoênyoso huno kengo kengo syafɨhuênyo sohwo kako nosehonɨngkuhwosi kako oso yahu hwasyo anɨtu oso huneêno fonjokisasyohofoso kako huhwoênji yahu hiso wonantɨfeho. 11 Ihwoni, senɨngkwaêwehwo huhwo sohwo oso hwe sohumneêno Kɨlais kako asomo utɨmayoêne poyo peênɨmentiso oso hwe huhwo sohumo sekwoe huno wopɨngo soênji sekwo kakimo wonyo umokantɨfeho. 12 Oso aêamu sɨmeho moêmo huno angaênohino yokumpohnênyo mutoênyo sohumo sekwo wonyo umokufijo soêno sekwo Kɨlais huhumo wonyo ulohofantɨfeho. 13 Oseso ngko yahu fehohnjoso nonɨêmoho. Hwapɨngoso ngko oso yahu hiso nɨmeso nje nɨngkwahwoe honɨngkanoso wonyo umokumesoêno ngko oso yahuso apaêno manɨmnehono.