1 Joun 3
PNG1 U Mpohwo Anɨtu kako nakumneêno hitoho mɨkunɨmposo nejapmmentisofoho. Kako nakumo nalɨwoênɨngki, Nje mehomi kuyoho. Ose nalɨwoênɨngkiso hweho. Osoêno pisopisaho lɨkuji huno fusyafɨhupmno. Ou, nehopeho. Nakwo Anɨtuye mehomi neênwoho. Aêamu hwahoponjoso Anɨtuneêno huno muyosoêno nakwoêntnneêno hofɨko huno muyofoho. 2 Ou nje aêamu soku, nakwo Anɨtuye mehomi nto imoênɨngkuhwono. Nakwo hwangku pipi imoênanehwono. Oso hiso huno monayoênjofoho. I osoêno nakwo huno ole nayohoho. Jisas kako asomo poso sohonta nakwo kako paênyo imoênanefoho. Hwapɨngoso nakwo Jisas ne sohumo uhwonanefoho. 3 Aêamu fihwo olo hilo soêno hontohumaso sohwo kako honɨngkano wonyo apaêno miyoênjo hweho. Oêo, kako sɨmeho kiho aneênjo Jisas paênyo wohumamtonoho. 4 Aêamu yahino wonyoênjo sohwo kako Anɨtuye hungkunomo hwotoho fewoênɨngkiso hweho. Yoêmayo yahino wonyoso Anɨtuye hungkunomo mtɨhupewoênɨngkisofoho. 5 Sekwo huno ole seyohoho, Nakwoe wonyo wae soêno Jisas kako aêamu imoênɨmentisofoho. Kako wonyo ane hweho. Kako Anɨtuye honɨngkano hungkunomo mamtɨhuposoênjo hweho. 6 Aêamu Jisasɨmo humaso sohwo wonyo miyoênjo hweho. Aêamu fihwo honɨngkano wonyo iwoênɨngkiso sohuneêno nakwo huno ole wonayono, Oso hwe huhwo sohwo Jisasɨmneêno huno muyo hweho. 7 Nje mehomi soku aêamu hwasyo hungkuno sejoênjo somneêno iêwaho fiyɨmno. Aêamu honɨngkano wopɨngoênjo Jisas Kɨlais paênyo sohwo hwe wopɨngoênohino hweho. 8 Hwe wonyo Seten sohwo hohonta nakwoe hwaho mmoênyo sohonta kako wonyoênohini imojo hweho. Aêamu olopo humaso sohwo wonyo neêno yalokuso sohwo Setenɨye mehomi hweho. Anɨtuye hwomu sohwo yoêmayo Seten iwoênɨngkiso soêno wae yaofoêne pmmentisofoho. 9 Aêamu Anɨtuye mehomi imoênyo sohwo kako honɨngkano wonyomo minɨngkayoênjo hweho. Hwapɨngoso Anɨtuye Towahuno kakimo humaho. Osoêno kako wonyo miyoênjo hweho. Oêo, Anɨtuye hwomu hweho. 10 Anɨtuye aêamu neso tɨhwolo. Setenɨye aêamu neso tɨhwolo. Osoêno huno nayɨhwosoênoêmanji olosoêno huno wosyofɨsyano. Aêamu honɨngkano wonyoênjo aêamu nomêne somo sɨmeho muyoênjo osohwo Anɨtuye aêamuêmaho. Oêo, Setenɨye aêamufoho. 11 Sɨmoêmo neêmo sekwo hungkuno ole upaênɨmentohofi, Sekwo aêamu nomêne somneêno sɨmeho uyɨmno. 12 Nakwo aêamu Kein osohwo paênyo miyanehwono. Oso hwe huhwo sohwo Setenɨye aêamu hweho. Konɨngkwaêwehumo fonjahumentisofoho. Pehoêno fonjahumentisoto. Hwapɨngoso ole. Kein kako honɨngkano wonyomo inɨngkamojo hweho. Apel kako honɨngkano wopɨngomo inɨngkamojo hweho. 13 Osoêno aêamu olo hwaho loponjoso sekumneêno nakwolaho selɨfijoêmanji sekwo yomo iyoêeno. 14 Nakwo aêamu nomêne Jisasɨmo sɨmeho uyɨwoênɨmotofo somo sɨmeho uyɨwoênɨngkuhwoneêmanji nakwo huno ole, Mpohwoe tojo somo humalohwono huno nto nayohoho. Hwapɨngo ole, Nakwo Setenɨye hantojo tɨkano honɨngkano somo ulɨkoêmentani Anɨtuye hantojo songo neêno humayoêne somo humalohwono. Olo hilo soêno huno pipi nayohoho. Aêamu fihwo kako aêamu nomêne somo sɨmeho muyoênjo yoso sohwo kakoe songo neêno humayoso tohino mɨkunɨmposo neêno umnonefoho. 15 Aêamu konɨngkwaêwehumneêno sɨmeho tohino umnoso sohwo wofonjahumonneêno yohono loso sohwo paênyo hweho. Sekwo huno moiêwonoho. Aêamu nomêne sohumo wofonjahumonneêno yohono loso sohwo Anɨtuênjopo songo neêno mohumanefoho. 16 Jisas olo hwaho lopo nakumneêno imentiso soêno nakwo huno nayohoho. Jisas nakumneêno poyo peênɨmentisofoho. Osoêno nakwo nakwoe aêamumo ufoêmayoêneêno nakwoe songo humayoso hofɨkimo uyano. Nakwoe aêamu somo ufoêmehwaso hnênwi poyo peênasoso wopɨngofoho. Jisas hnneêefoho. 17 Aêamu olo hwaho loponjo hamniyoho hiênjo sohwo konɨngkwaêwehwo umofonyo yalofonjo sohumo hitoho mulofeênjoêmanji kako ole lososo pehoêneto, Ngko Anɨtumo sɨmeho uyɨwoênɨngkohe hwoênyoho. Ose pehoêno lalofoho. Mangoênohino hweho. 18 Nje mehomi soku, nakwo nomêne aêamu somno namoênyoso mangoênohini ulɨhwaloho. Oêo, nakwo hofɨkineêno hitoho nalofɨhwosoêno hofɨkimo wopɨngo ulohofano. 19 Sɨmeho uyo yahino neênji utɨhwehwasi nakwo Anɨtuye honɨngkanomo nehopi humalohwoneso huno wonayono. Osoêno nakwo Anɨtuênjopo lohofɨhwasi nakwo wonɨmango monanonefoho. 20 I osoêno jɨje sɨmeho moêmo wonyo hwoênyoho hnnɨwoênɨngkinoêmanji Anɨtu jɨje sɨmehomo yakoloênnyo hweho. Kako yoêmayo hopiênonohino soêno huno hwapɨngoênjo hweho. Oso wonyo hiso kako wae nto kilohoêmaho Anɨtu huno uyohoho. 21 Ou, nje aêamu soku, nakwoe sɨmeho moêmo oso hungkuno monajoêmanji nakwo Anɨtuye sɨmanopo wonɨmango ane yokumpohnênyo wolohofano. 22 Nakwo kakoe hungkunomo tɨfi inɨngkawowoênɨngkuhwoneêmanji yoêmayo iwoênɨngkuhwone soêno Mpohwoe sɨmeho wopɨngo umoênɨngkisoêmanji yoêmayo soêno Mpohumo jomo ulasoso wonejapmmontonoho. 23 Anɨtuye hungkunoso olenoho. Nakwo kakoe Hwomu Jisas Kɨlaisɨye yofe somo sɨmeho hiêntnnono uyɨhwasi nomêne aêamumo sɨmeho uyɨhwano. Oso hiso kako nalinyofoho. 24 Aêamu Jisasɨye hungkunomo tɨfi inɨngkawowoênɨngkiso somo Anɨtu kakimo ufoêmalofoho. Anɨtu kako hwe huhwo sohumo humaho. Anɨtu kakoe Towahuno Wopɨngoso nejopahonɨngki Towahuno sohwo ole netɨhwalofoho. Anɨtu nakumo humaho.