1 Pita 4
PNG1 Kɨlais kako nakwoênji olo hwaho lopo nohumentani kako nakwoe wonyomneêno tohino maêmentisofoho. I osoêno nakwo yokumpohnênyo itoênɨngkuhwasi Kɨlais kako maêmentiso hopa nakwo tohino womano. U aêamu fihwo kako Anɨtuye honɨngkanomo itoênohino inɨngkawento yahino wonyo somneêno nɨhuêno ngkilaho neêno lontesoêno nomêne aêamu hofɨko kakimo tohino uyɨwoênɨngkohofofoho. Oso aêamu huhwo sohwo kako honɨngkano wonyo somo nɨhuênahone hohujo nto ikinjaoêmaho. Honɨngkano wonyo hiso oso hwe sohumo apaêno momokosyohumanehoho. 2 Oseso sekwo olo hwaho lopo nohumafɨkuji yoêmayo wonyo sekwoe sɨmeho umo lonto aêamu yonte hopa somo inɨngkakutoho. Oêo, sekwo yoêmayo yahino Anɨtu kakoe sɨmeho wopɨngo umokiyoêne somnohini fiyɨmno. 3 Aêamu Anɨtuye hungkunomo hwotoho fewoênɨngkohofo sofe yahino paênyoso sekwo hohonta imotofofoho. Hofɨkoe yahino hiso olenoho. Apohufo, yoêmayo wonyo somneêno sɨmeho fefoyo, mijo yokumpohnênyo nontɨfi nilohofo, wosopayo engo neêno nɨwoênontɨfi siki humawoênyo, mijo yokumpohnênyo neêno nɨwoênontɨfi fonɨfonyo yahino yontɨfi Anɨtuye hungkunomo hwotoho fewoênyo, hwahoponjo anɨtu hwasyo hwoso sohumo hwomtame ulohofontɨfi kakoe yofe hoênomayo oso yoêmayo yahino wonyo hisoêno sekwo hi semoênɨngkahonɨngki imotofofoho. 4 Olohonta sekwo oso yahino wonyo somneêno hohujo ikinjaofontɨfi oso yahino wonyo homo somo sekwo hofɨkoênji apaêno miyalokuyohofo. Osoêno hofɨko nosehonontɨfi yomo yontɨfi sitofo selalokwofo. 5 Hwangku sohonta Anɨtu oso aêamu hisomo hofɨkoe yahino wonyo homo somneêno hungkuno ikwolofoêne hohwafo sopo humafɨkuji osopo Anɨtuênji hofɨkoe hungkunoso ikwolopitnnefoho. Anɨtu kako oso aêamu songo humalohwone hnênnonji poyo peênɨmentohofo sofe yahino wonyo somneêno yano ilofonehwajiyoêneso ntoêno esyohumaho. 6 Hohonta Kɨlais kako aêamu poyo nto peênɨmentohofo sofepono nowento kakoe hungkuno wopɨngoso uyɨmentisofoho. Oso aêamu hiso hofɨko nakwoe hwaho lopo nohumantɨfi honɨngkano wonyo somo inɨngkawentɨfi aêamu hopiênonohinoso peênɨwoênɨngkohofo hopaso peênɨmentohofofoho. Kɨlais aêamu homo somo uêmanto hofɨkoe huyoêmango Anɨtuênji humafitnneêento kakoe hungkuno wopɨngoso ulɨmentisofoho. 7 Olo hwaho loponjo yoêmayo hopiênonohinoso moiêwo umoênɨmonto yalofoho. Osoêno sekwo yoêmayo wonyo somo monje yasyɨkuji huno ntoêno syafɨsyɨkuji ehohosasesyɨhwosoêno sekwo yoêmayo soêno Mpohumo jomo ulɨwoênɨngkuno. 8 Osoêno nakwo olohonta nohumentanɨngkuhwoni yahino angaênohino nomêne somo yakoloênnyoso olenoho. Aêamu nomêne somneêno huno syafɨsyɨkuji sɨmeho uyɨmno. Sekwo sɨmeho uyɨkujoêno hofɨkoe yahino wonyoso sekumo selohofɨkujoênoêmanji oso wonyo homo somo sekwo sekwoe hohujopo mehoênaopmno. 9 Aêamu nomêneso hofɨko sekumo seêmafɨkujoêno sekwo hofɨkimo hofiyo ulohopmno. Oso syoho nomêne aêamu somo wopɨngo ulohofo soêno iyoho senɨngkuhwaloho. oêo, sɨmeho wopɨngoênjo fiyɨmno. 10 Sekwo aêamu angaêno angaênohino sokumo Anɨtu kako syoho wopɨngoso sejapmmentisofoho. Osoêno sekwo Anɨtuye yokumpohnênyoso nomafɨkuji nomêne aêamu somo ufoêmapmno. Sekwo ose ikujoêno Anɨtuye syoho ulohofiyo wopɨngo soku sekwo Anɨtuye yahino wopɨngoso yano ulofiyalokwofo. 11 Hwe fihumo Anɨtu kakoe hungkuno lutɨhwayoêne syoho uyo soêmanji kako wolutɨhwano. Anɨtu kako aêamu nomênehumo aêamumo foêmayoêne syoho uyosoêmanji Anɨtu kakoe yokumpohnênyoênji oso hwe huhwo sohwo kako hofiyo ufoêmano. Sekwo ose ikujoêno aêamu hofɨko nosehonɨngkuji ole wolantɨfeho, Jisas Kɨlaisɨye aêamuso wopɨngoênohini iwoênɨngkohofofoho. Ose lɨkuji hofɨko Anɨtuye yofe engo wohoênomantɨfeho. Kakoe yofe engo soênji kakoe yokumpohnênyo soênji neêno nowentɨhwonefoho. 12 Nje aêamu soku yoêmayo tango toho paênyoso sekumo wosemaêmonteêno yalofoho. Sekwo nomêne tango neêmakwoho lɨkuji yomo ikutoho. Oêo, yokumpohnênyo fosyohumamno. 13 Yoêmayo tango seêmalokunjo soêno sekwo sɨmonyo fiyɨmno. Hwapɨngoso oso wonyo sekumo selohofalokwofoso Kɨlais huhumo ulohoêmentohofofoho. Osoêno Kɨlais kako asomo poso sohonta kakoe yofe engoênji kakoe yokumpohnênyo soênji utɨhwaênyopo iêmofapɨhwosoêno sekwo sɨmonyo engo ikuji sɨmeho wopɨngoênji wohumantɨfeho. 14 Sekwo Jisas Kɨlaisɨye yofe aho yokumpohnênyo kemokosyohumalofo soêno aêamu nomêneso hofɨko sekumo sitofo selɨkujoênoêmanji sekwo sɨmonyo engo fiyɨmno. Hwapɨngoso Anɨtuye Towahuno yokumpohnênyo hwofiloênnyo sohwo sekwoênji humaho. 15 Aêamu fihwo kako sekwoênjo ajwo somo humaso sohwo kako aêamu fonjasiyo, yoêmayo yoêmayo hufo, yoêmayo yahino wonyo iyo, aêamufe fosyohumayo somo wonyo imokiyo, oso aêamu huhwo sohwo kako sekwoênji mohumanehoho. Oêo, oso yahino wonyo hopiênono sekwoênjopo wojo soêno tohino malokwofo soêno nakwo mupoênanehwono. Oêo, sekwo oso yahino wonyo somneêno nɨhuêno ikutoho. 16 U hwe fihwo kako Jisas Kɨlaisɨye yofe soêno kako tohino tɨpemasoêmanji wonɨmango munonehoho. Oêo, awonoho. U sekwo aêamu Kɨlais weêe imoênɨmentohofo soêno sekwo kakineêno isamoyoka ulɨkuji Anɨtu kakoe yofe fohoênomapmno. 17 Oso sɨkuno aêamufe yahino somneêno tohino mayoso nto iêmofapohoho. Nakwo Anɨtuye mehomi ne hnênɨmo tohinoso kakiêno woneêmaêmontonoho. I nakumo oso tohino hiso sɨmoêmo neêmasoêmanji aêamu Anɨtuye hungkunomo haloho mapewoênɨngkiyohofoso Anɨtu kako tɨfi noêmo tohino mɨkunɨmposo uyonefoho. 18 Aêamu Anɨtuye hungkuno mtɨêmokumentohofo sohwa ole mtɨêmokumentohofi, Aêamu Anɨtuye hungkunomneêno wopɨngoênohino yɨwoênɨngkiso sohwo kako Anɨtuênji engolopohamo wonyoangkafopo humayoêne oso hwe sohwo itoêno fosyohumayoêne olohonta yoêmayo tohinoso malofoho. I oseêmanji aêamu Anɨtuye hungkunomo hwotoho fewoênɨngkohofoso tɨfi noêmo peho tohino mapitnneto. Ose mtɨêmokumentohofofoho. 19 Anɨtu kako aêamu fihumo tango uêmano losoêmanji oso aêamu huhwo sohwo kako honɨngkano wopɨngoênohini ihwosi kako Anɨtu kakimo umtɨêmokumentisoso oso hwoe ahomo wohumano. Anɨtu kako sekumo asomo wosetɨmaêmonnoho selɨmentiso soêno syafɨsyɨkuji hunoso ole waseyono. Anɨtu kako hungkuno selɨmentisoso ne umoênɨmontonoho. Huno ose waseyono.