2 Koulin 4
PNG1 Anɨtu kako nakumneêno hitoho ulofahonɨngki kako kakoe hungkuno wopɨngo nomêne aêamu somo ujoêne syoho wonyoangkafoso nejapmmentisofoho. Osoêno nakwo olo syoho hilo somneêno pisoêmoênyo miyalokuyɨhwono. Oêo, yokumpohnênyo yohoênalokuhwono. 2 Yoêmayo yahino wonyo aêamu hiyasoêmo yɨwoênɨngkohofoso wonɨmango nanyo soêno nakwo hohujo ikinjaofontane hnênwi nɨhuêno nakwolaho lɨmentɨhwonefoho. Aêamu Anɨtuye hungkunomo inɨngkafitnneêentani Anɨtuye hungkuno soêno yoêmayo yahinoso yoêmayo hwasyo hungkunoso iwoloêmokontani moselalokuyɨhwono. Oêo, nakwo Anɨtuye tɨmo utɨhwaênyo lopo lohofontani Anɨtuye hungkuno nehopiênohini lɨjwasemofɨwoênɨngkuhwonefoho. Osoêno aêamu hungkuno homo somo upaênɨngkuji huno ole wosyofɨsyantɨfeho. Hungkuno hiso nehopiênohinofoho. Syoho hiloso neênjofoho. Ose wosyofɨsyantɨfeho. 3 Olo hungkuno wopɨngo lɨjwaofɨwoênɨngkuhwone hilo soêno aêamu fiso hofɨkoe huno mehohosasiyoêmanji oso aêamu hiso hofɨko tɨkanomo walokwofo. 4 Seten kako olo hwaho lopo yokumpohnênyo mokosyohumawoênɨngkisoso kako oso aêamu Kɨlaisɨye hungkuno wopɨngo somo sɨmeho hiêntnnono munyo sofe tɨmomo pijiyoêmeehumentiso soêno hofɨko huno mehohosahinyofoho. Kɨlaisɨye hungkuno wopɨngo somjo pomponahoso oso aêamu homo somo ko lɨsyahonɨngki hofɨko muhwonyoênjo iwoênɨngkohofofoho. Kɨlais kako hofɨkimo hitoho ulofahonɨngki wopɨngo ulohoêmentiso soêno hofɨko huno muyofoho. Oseso hofɨko Kɨlais sohuneêno Anɨtuyoho eso huno muyofoho. 5 Oso hungkuno lɨwoênɨngkuhwoneso nakwo nakwoe huno mtaêniêmaho. Oêo, ole lɨwoênɨngkuhwono. Kɨlais Jisas kako nakwoe Hwe Engo hweho. Nakwo kakoe hungkunomo tɨfi inɨngkawowoênɨngkuhwone hnênwi nakwo sekwoe syoho selohofiyoênnwoho. 6 Hwapɨngoso hohonta Anɨtu ole lɨmento, Sɨkwoêmjoho soêmo pomponaho wolasyono. Anɨtu ose lɨmentiso sohwo kakoe pomponahoso nakwoe sɨmeho moêmo losyalofoho. Oso pomponaho lonesyalokuso soêno nakwo huno ole nayohoho. Anɨtuye pomponaho engoso Kɨlaisɨye sɨmoêmango weho. 7 Hwakwontohoêne pahnnɨmo hungkuno soêno fɨsyafɨhupmno. Hwakwontoho sohwo kako weêenehwo nowehwosi moiêwo umoênɨmontonoho. Nakwo oso paênyo ko hoênwi Anɨtuye pomponahoso nakwoe sɨmeho moêmo lonesyalofoho. Oseso aêamu hofɨko huno ole uyono. Oso yokumpohnênyoso Anɨtuye yokumpohnênyofoho. Aêamufeêmaho. Oêo, nakwo hwakwontoho paênyiênwoho. Yokumpohnênyo aneênwoho. Ose wosyofɨsyantɨfeho. 8 U yoêmayo tango wonyoso ko neêmanteso nakwo mopɨwasiyofoho. Nakwoe syoho somneêno nakwoe hunoso iwoloêmo iwoloêmɨngo ko nalohofonteso nakwo Anɨtuye syoho somo musɨkwajiyofoho. 9 Nakwoe mango sohwa nakumo wonyo wonelohofantɨfeêno ko nafotofontɨfeso Anɨtu kako monesɨkwajiyofoho. Aêamu nakumo ikujoho ko nafonjontɨfeso hofɨko nakumo wonyo nɨhuênahone monamokiyofoho. Oêo, awonoho. 10 Sɨkuno huhwo huhwi aêamu Jisasɨmo wofonjosyantɨfi imentohofo hopaso sɨkuno huhwo huhwi aêamu sohwa wofonjonesyantɨfeêno yalokwofo. Osoêno nakwo songo humalohwone soêno aêamu hofɨko huno ole uyono. Jisas kako nakumo songo nehumaho. Huno ose uyono. 11 Ou, nehopi. Nakwo Jisasɨye syoho yalokuhwone soêno nakwo songo nohumentanɨngkuhwoni aêamu nakumo poyo wonemokantɨfeêno yalokwofo. Nakwoe aêapaho songo weêenehwo nohumahwosi moiêwo umoênontani ko yontaneso Jisas kako nakumo songo nehumaho. Aêamu nakumo poyo wonemokantɨfeêno yontɨfe soêno nakwo hano emoyontani Jisasɨye yokumpohnênyoso utɨhwalokuhwono. 12 Nakwo Anɨtuye hungkuno wopɨngoso aêamu somo lutɨhwawoênɨngkuhwone soêno aêamu fehohnjoso nakumo poyo wonemokantɨfeêno yalokwofo. I osoêno nakwo Anɨtuye hungkuno losetɨhwamentɨhwone soêno sekwo songo neêno humayoêne nto tɨpemaêmentohofofoho. 13 Hwe fihwo kako Anɨtuye hungkuno mtɨêmokumentiso sohwo ole mtɨêmokumentisofoho. Ngko Anɨtumo sɨmeho hiêntnnono uyalokwe soêno hungkuno lɨjwaofalokweno. Ose mtɨêmokumentisofoho. Oso paênyoso nakwo Jisasɨmo sɨmeho hiêntnnono uyalokuhwone soêno nakwo kakoe hungkunoso aêamu sɨmeho hiêntnnono muyo somo wolɨjumofano. 14 Nakwo huno ole nayohoho. Anɨtu kako Jisasɨmo songo ulɨkaêmentiso sohwo kako nakwo Jisasɨmo ufohiênɨngkuhwasoêno songo nelɨkafɨhwosoêno kako nakwo hinjohoênɨmo sekwoênji mehuêmokonasyɨhwosoêno nakwo kakoe sɨmanopo lohofɨhwasi kakoênji neêno nohumentɨhwanefoho. 15 Yoêmayo tango wonyo ko neêmanteso Anɨtu sekumo sefoêmalofoho. Osoêno aêamu piênɨngo engo Jisasɨye hungkuno upoênalokwofo. Aêamu piênɨngo engo Jisasɨmo inɨngkafijoêmanji aêamu piênɨngo engo Anɨtumo isamoyoka ulɨkuji hofɨko Anɨtu kakoe yofeso wohoênomantɨfeho. 16 Oseso nakwo Anɨtuye syoho somneêno iyoho monanɨngkiyohoho. Nakwoe aêapahoso wonyo umoênɨmonto ko yohonjoso nakwo iyoho monanɨngkiyohoho. Hwapɨngoso sɨkuno huhwo huhwi nakwoe huyoêmango Anɨtu mtaêango yokumpohnênyo nomanto songo paênyo imoênɨwoênɨngkisofoho. 17 Ihwoni. Yoêmayo tango olohonta neêmaso somjoso tohino weêenepi wehwosoêno moiêwo umoênɨmontonoho. I osoêno nakwo tohino malokuhwone soêno Anɨtu kako tɨfi noêmo kakoe yofe engoênji kakoe yokumpohnênyo engo soênji wonejapmmontonoho. Oso hiso engolopohamo neêno nowentɨhwonefoho. Oso wonyoangkafo tɨfi noêmo manesoêno nakwo huno ole syofɨsyalokuhwono, Olo tango malokuhwoneso engoêmaho. Weêefoho, syofɨsyalokuhwono. 18 Oseso tango neêmante somo nakwo tɨmo ko uhwonalokuhwoneso nakwo oso hisoêno huno mosyafɨsiyoênjo yalokuhwono. Oêo, yoêmayo wonyoangkafo tɨfi noêmo manesoêno tɨmo muhwonyoêne hontohumalohwono. Yoêmayo olopo tɨmo uhwonalokuhwoneso weêenepi moiêwo umoênɨmontonoho. I yoêmayo wonyoangkafo olopo tɨmo muhwonyoênjo yalokuhwoneso engolopohamo neêno nowentɨhwonefoho.