2 Joun 1
PNG1 Ngko Anɨtuye mehomi somo mokosyohumawoênɨngkohe sohwoêni olo iyoswo loso mtɨêmokalokweno. Kɨko aêmu siki, Anɨtu kakoe syohomneêno kuhwosopoêmentiso sikinonji jɨje mehomi sohwantnneêno olo iyoswo loso semtɨêmokiyalokweno. Yahino nehopiênohino somo ngko kakineêno sɨmeho kijopalokweno. Oso hiso ngkoênohinɨêmaho. Oêo, aêamu hopiênono Anɨtuye hungkuno neênjo somo hunoênjo soênji hofɨko sekuneêno sɨmeho umoênalofoho. 2 Jisas Kɨlaisɨye hungkuno neênjoso nakwoe sɨmehomo wojo soêno nakwo sekuneêno sɨmeho namoênɨwoênɨngkohoho. 3 Mpohwo Anɨtuênji kakoe Hwomu Jisas Kɨlaisɨênji siko nakumneêno wopɨngo nalohofohosɨsi hitoho ulofɨhwosoêno humayo wopɨngo nejapohosɨsoêno nakwo hungkuno nehopiênohini hnnɨngkuhwasi sɨmeho afa unantanoho. 4 Jɨje mehomi fehohnjoso hofɨko Anɨtu kako yahino ne soêno nalɨmentiso hopaso hofɨko kakoe honɨngkano ne somo inɨngkowalokwofo. Oso hisoêno nupaênonji ngko sɨmonyo yalokweno. 5 Oso hisoêno ngko, nje nampohwo siki, olo soêno wakilɨmonneêno yohono. Nakwo nomêne aêamu somneêno sɨmeho uyo yahino hiso songoêmaho. Oêo, nakwo Anɨtuye hungkunoso sɨmoêmo upoênomaêmentɨhwone oso mtaêangofoho. 6 Hitoho ulofo yahinoso olenoho. Nakwo Anɨtuye honɨngkanomo tɨfi unɨngkowano. Hohonta olo honɨngkano loso upaênɨmentɨhwoni, Sekwo nomêne aêamumneêno sɨmeho umoênyo yahino somo finɨngkamno. 7 Aêamu piênɨngo engoso hofɨko nakumo hwasyo hungkuno nelaneêentɨfi angoêmeemo lɨkuêmofalokwofo. Osoêno hofɨko nakumo ole nelalokwofo. Jisas Kɨlais Anɨtu sohwo kako nakwoe hwaho lopo aêamu imoênɨmentisoêmaho. Hofɨko nakumo ose nelalokwofo. Oso aêamu hiso hofɨko hwasyo hungkuno lɨwoênɨngkohofoso Kɨlaisɨye mango hwafoho. 8 Sekwo soku, oso aêamu ose sohwamneêno iêwaho ntoêno fiyɨmno. Hwapɨngoso sekwo Anɨtuye syoho yokumpohnênyo iwoênɨngkohofo soêno Anɨtu kako ngko sekumo yoêmayoso wosejapmmo selɨmentisoso sekwo hwasyo hungkuno homo somo inɨngkafijoêmanji sekwo momapitnnehofo. Oêo, sekwo Anɨtuye hungkunomo ntoêno inɨngkafijoso u sekwo yoêmayoso womantɨfeho. 9 Aêamu fihwo kako Kɨlaisɨye hungkunomo aho yokumpohnênyo mokesyohumayoênjo yoso sohwo kako hungkuno nomêne kengomo inɨngkawesoêmanji osohwo Anɨtu kakoênji mohumuyoho. Hwe fihwo kako Kɨlaisɨye hungkunomo aho yokumpohnênyo kemokosyohumaso osohumo Anɨtuênji kakoe hwomu Kɨlaisɨênji sikoêmontaêi siko kakoênji humasiyo. 10 U hwe fihwo kako sekumo seêmaso sohwo kako sekumo Kɨlaisɨye hungkuno masejoênjo ihwosi kako nomêne hungkuno kengo selɨhwosoêno osohumo sekwo kakimo sekwoe angoêmno ipemotakutoho. Sekwo nakwoe aêamuhwe eso nulɨkutoho. 11 Aêamu fihwo kako oso aêamu hwasyo hungkunoênjo osohumo nje aêamuhwe uloso sohwo kako oso hwe hwasyo hungkunoênjo sohwoe syoho somo ufoêmalofoho. 12 Ngko hungkuno sawemo waselɨmonji ko yoheso u olo hungkuno hiloso ngko iyoswomo mamtɨêmokumnehono. Oêo, ngko sekumo seêmahmêmo ngko sekwoênji hungkuno hnnɨngkuhwasi nakwoe sɨmehoso wopɨngo wonamoênɨmontonoho. 13 Anɨtu kakoe syoho somne uhwosopoêmentisoso jɨje nanohwo esɨênji kakoe mehomi soêntnneêno nakwoe aêamufo selalokwofo. Nje hungkuno osohopeho. Ngko Jounêni mtɨêmokohono.