2 Timouti 4

1 Nakwoe Hwe Engo Kɨlais Jisas kako aêamu songo humalofo soênji poyo peênɨmentohofo soênjiye hungkuno ikawlofɨhwosi hofɨkoe yahino somneêno yano ilofone sohwo kako nopɨhwosi aêamu hopiênonohino somo yofe engoênji umokosyohumanefoho. Oso Kɨlais Jisas huhwo sohwoênji kanɨngkwohwo Anɨtuêntnneêno sikoe tɨmopo hungkuno yokumpohnênyo wakilɨmonneêno yohono. 2 Sɨkuno huhwo huhwi kɨko aêamu somo Anɨtuye hungkuno filutɨhwaho. Aêamu Anɨtuye hungkuno upoênano lɨkuji ntoêno esyohumentanɨngkujo sohonta filutɨhwaho. I aêamu Anɨtuye hungkunomneêno mosyafɨsiyoênjo humentanɨngkujo soêntnneêno kɨko Anɨtuye hungkuno yokumpohnênyo uso. Aêamuso hofɨko Kɨlais Jisasɨmo sɨmeho hiêntnnono uyɨfitnneêeno lohoji kakoe hungkuno yokumpohnênyo uso. Aêamu honɨngkano wonyoênjoso hofɨkoe wonyoso nohoênaofɨkuji Anɨtuye yahino wopɨngo somo inɨngkayoêne hungkuno yokumpohnênyo filutɨhwaho. Aêamu honɨngkano wopɨngo somo uyoêne usosofitofohoji ufoêmaho. Aêamu jɨje hungkunomo haloho maposoênjo somo yoka hungkuno nulohotoho. Oêo, hungkuno pompenjiyoênohini filutɨhwaho. 3 Hwangku sohonta aêamu hofɨkoe hunomnohini inɨngkafitnnefoho. Osohonta ole wolantɨfeho. Anɨtuye yahinomo nakwolaho. Oêo, yoêmayo nakwoe sɨmeho wopɨngo namokiyoêne osoênohino upoênano. Ose lɨfijoso aêamu hwasyo hungkuno lutɨhwayo piênɨngoso yoêmayo hungkuno sɨmeho wopɨngo umokiyoêneênohini lutɨhwafitnnefoho. 4 Hofɨko Anɨtuye hungkuno neênjo somneêno haloho pɨjwomokosyohumunɨngkuji aêmane hungkuno somo upaênɨfitnnefoho. 5 I osoêno kɨko sohwosi, yoêmayo tango kuêmasoso jɨje huno ntoêno ehohosakisyɨhwosoêno Anɨtuye yahino somnohini sɨmeho angaênohinoênji ntoêno finɨngkayo. Jɨje syohoso aêamu somo Anɨtuye hungkuno yokumpohnênyo filutɨhwaho. Kɨko Anɨtuye syoho ulohofiyo sohwosi kɨko aêamu somo ufoêmayoso syoho neênjo fiyo. 6 Oso hungkuno kikineêno mtɨêmokohe somo kɨko hofiyo finɨngkayo. Nje sɨkuno weêeneponoho. Aêamu sohwa ngkimo wofonjonɨsyantɨfeêno yalokwofo. Ngko ahwomomno wasɨmne hwoênyoho. 7 Ngko mjakeêwe hnnyoso yokumpohnênyo yohoênonji ne sopo nto iêmofohono. Anɨtumo sɨmeho hiêntnnono uyɨmɨwenji oso syoho Anɨtu ntapmmentisoso moiêwo esojwaofohono. 8 Mjakeêwe hnnyo somjo hoêyangoso nje Hwe Engo ngkineêno ntomoênohino esyohumaho. Hoêyangoso olenoho. Nje Hwe Engo sohwo asomo poso sohonta kako aêamu hopiênonohino sofe yahino somneêno yano ntoênohini ilofɨhwosi kako ngkimo ntonefo, Kɨko hwe wopɨngo hwosoho. Ose ntonefoho. Ngkimnohinɨêmaho. Oêo, aêamu hopiênono Kɨlais Jisasɨmo sɨmeho hiêntnnono uyontɨfi kakoe sɨkuno asomo pesoêno hontohumalofo somo ose ulonefoho. 9 Timouti sohwosi, kɨko ngkiyepono komoêno fɨpe. 10 Upaênyo Ntemas kako ngkimo nto nɨhwotɨêmoêmaho. Kako hwahoponjo yahino somneêno umoênɨngkahonɨngki ango Tesolounikaêno nto umaho. Kɨlesenɨs kako ango Ngkolesiyaêno nto umaho. Taitas kako ango Ntalɨmesiyaêno nto umaho. 11 Luk kakoênohini ngkoênji humalohwoyo. Kɨko Mak nutɨmahoji ngkiyepono fɨpinyo. Kako nje syohoso wanɨfoêmaêmontonoho. 12 Ngko Tikikosɨmo Efesos neêno nto lɨhwajɨmaleno. 13 Kɨko wapmmo lohoji ango Tɨlouas nje manjiêmofo sawemoso Kaposɨye angomo ulɨkoêmaêmentohe soênji nje iyoswo soênji nɨmotape. Nomêneso yahwopaho somo hungkuno mtɨêmokinyo soêno nɨmoênɨngkohoho. Osoênji nɨmotape. 14 Alekɨsanta kako ahwomo yokino syohoênjo sohwo kako ngkimo wonyo engo ntohoêmaso soêno Anɨtu kako tango engo uyonefoho. 15 Kɨko huhwosi oso hwe huhwo sohumneêno iêwaho ntoêno fiyo. Kako nakwoe hungkunomo hwotoho nafewoênɨngkiso hweho. 16 Aêamu Loummjo sofe ango hungkuno ntoêno mɨhwajiyoêne sopo ngko nolohofonji nje hungkuno sɨmoêmjo ulahonɨngko nomêne aêamuso ngkimo monɨfoêmayoênjo imentohofofoho. Oêo, aêamu hopiênono ngkimo nɨhwotɨêmoêmentohofofoho. Oso ntohofo soêno Anɨtu kako tango muyoênjo iyo soêne jomo ulalokweno. 17 I nje Hwe Engo kako ngkoênji nohumanto kakoe yokumpohnênyo ntopahonɨngki Anɨtuye hungkuno wopɨngoso hofɨkimo lutɨhwamentohefoho. Aêamu Jutaso aneponoho. Aêamu Loummjoso hofɨko Anɨtuye hungkunomo upaênɨmentohofofoho. Anɨtu nɨfoêmaêmentiso soêno hofɨko mofonjanɨsiyoênjo imentohofofoho. Oseso olohonta ngko wopɨngo humaleno. 18 Aêamu sohwa ngkimo yoêmayo wonyo wontohofantɨfe yalokwofo somtaêni Anɨtu ngkimo nontɨmahwosi ahwomomjo ango kako mokosyohumaso sopo womenɨhumajɨêmontonoho. Osopo nohumahmêmo kakoe yofe neêno wohoênomahmêmonnoho. Nehopeho. 19 Hungkuno nomêne wakilɨmonneêno yohono. Kɨko nje aêamufo eso aêamu Akwilaênji kakoe ape Pɨlisilaênji Ounesifoulosɨêmontohwantnneêno uso. 20 Elasɨtos kako ango Koulin sopo neêno humaho. Tɨloufimos kako mnokino tɨpemahonɨngki ngko kakimo ango Miletos sopo ulɨkoêmaêmentohefoho. 21 Kɨko komoêno fɨpe. Kɨko ifoyo hamnoso mêmofape sohonta kɨko jefo somo komoêno fɨpe. Olo aêamulo kikineêno nakwoe aêamuhwe kilalokwofo. Hofɨkoe yofeso Yupulos, Piyutenɨs, Linos, Kɨloutiya oso hwanji aêamu Kɨlais Jisasɨmo sɨmeho hiêntnnono uyɨwoênɨngkohofo olopo humalofo sonji kilalokwofo. 22 Nakwoe Hwe Engo Anɨtu kɨkoênji wohumano. Kakoe hitoho soênji sekumo wosemokosyohumano. Olo hungkuno loso ngko Poulɨêni mtɨêmokohono. Osohopeho.