Apousel 12
PNG1 Hohosohonta hwe yofe engoênjo Helout osohwo aêamu Jisas Kɨlaisɨmo inɨngkawoênɨngkohofo somo wonyo umokumentisofoho. 2 Hwe huhwo sohwo kakoe aêamu itokusoênjo sohwamo uhwojahonɨngki hofɨko Jounɨye kolaêwehwo Jemɨs oso hwi hosɨmnoênji fahumentohofofoho. 3 Fahumentohofo soêno aêamu Juta nuhwonontɨfi sɨmeho wopɨngo umoênɨngkahonɨngki Helout nuhwononto aêamu Jutafe sɨmeho wopɨngo umoênyoêne Pitamo impoêangomo intofahumentisofoho. Hohosohonta aêamuso Sɨkuno Engo uhwonɨmotofofoho. Oso sɨkuno soêno ole lɨmotofo. Sɨkuno hiso wopayo engo kamoênnyoso ane nyoênefoho lɨmotofofoho. 4 Osohonta Pitamo aho kento impoêangomo intofasyonto hwe itokusoênjo mtitofo osofosofahuênohino sohwamo umentisofoho. Hofɨko Pitamo uhwontohumayoêne hwafoho. Oso mtitofo angaênohino sohwa aêamu osofosofahuênohino hwafoho. Helout huno ole unɨmento, Olo Anɨtu Aêamu Isɨlael somo Uyakoloêmentiso somneêne Syafɨsiyo Sɨkuno Engo moiêwo imoênɨngkuhwosoêno ngko Pita sohumo hwe moyaêmife tɨmopo uhwatɨmo. Ose syafɨhuêmentisofoho. 5 Pita impoêangomo nohumentanɨngki aêamu Jisas Kɨlaisɨmo inɨngkawoênɨngkohofoso Pitamneêno Anɨtumo jomo yokumpohnênyo ufoêmayoêne ulɨmentohofofoho. 6 Oso Sɨkuno Engoso moiêwo umoênɨmonteêno yahonɨngki Helout huno ole syafɨhuêmento, Moênɨngka ngko Pitamo hungkuno ulɨmo. Ose lɨmentiso sohonta sɨkwoêmiyo somo Pita aêamu itokusoênjo sohwaêuênjo ajwoêmo saho fosyowentanɨngki ahwomo nano hufaêuênji intoêmentohofofoho. Hwe nomêne itokusoênjo sohwa hokuêyopo aêamu impoêangomjo sohwamo uhwontohumayoêneêentɨfi lohoêmentohofofoho. 7 Aêamu ahwomomjo sohwo noponto impoêangomo humentisofoho. Noswahonɨngki iyohohopa longkonɨmentisofoho. Aêamu huhwo sohwo Pitafe hupepo hwanɨngo ufonjonto ulɨmento, Komoêno filɨkaho. Ose ulahonɨngki ahwomo nano hufaêuyoso Pitafe aho mtaêni isɨhuto hmmokwajɨmentisofoho. 8 Oso aêamu huhwo sohwo ulɨmento, Jɨje ahuloho yohoji sɨfɨkwongofosyo fiyo. Ose ulahonɨngki Pita yahonɨngki ulɨmento, Jɨje manjiêmofo yohoji tɨfi nnɨngkape. 9 Ose ulahonɨngki Pita hwe sohumo tɨfi inɨngkowahonɨngki impoêangomo ulɨkoêmaêmentisiyefoho. Oso hiso hwe ahwomomjo sohwo imentiso soêno Pita huno itoêno muyɨmmentisofoho. Wojo hopa honɨngkonɨmentisofoho. 10 Siko nowenji aêamu itokusoênjo sɨmoêmjo sohwa impoêangomjo somo uhwontohumayo sohwa nohumentanɨngkofi uyakolofonji nomêne aêamu itokusoênjo ayo soponjo sohwamo uyakolofonji hokuêyo ahwomo yokinoênohinoso siki hwosampoênɨngkahonɨngki mempo hohntaêni swolɨkofawenji honɨngkanomo umentisiyefoho. Osohonta hwe ahwomomjo sohwo Pitamo komoêno uhwotɨêmaêmentisofoho. 11 Nuhwotɨêmofahonɨngki Pita kako huno itoêno uyahonɨngki ole lɨmento, Ngko huno niyohoho. Anɨtu kakoe aêamu ahwomo mtaêango uhwajiso sohwo Heloutɨye aho mtaêni isɨhutofonɨmakwoho. Aêamu Juta sohwanji Heloutɨjonji yoêmayo wonyoso wontohofantɨfi imalofoso ne mmoênɨngkohoyohoho. 12 Huno ose uyahonɨngki Joun Makɨye konaêwohi Maliyafe angomno umentisofoho. Oso ango somo aêmu piênɨngo nuhuêmokontɨfi Anɨtumo jomo ulontanɨngkofi, 13 Pita hokuêyo mempo mongkihntaêni hwanɨngo fonjahonɨngki aêmu syoho ulohofiyosi kakoe yofe Louta, hokuêyo uhwosampoêmo lonto pmmentisofoho. 14 Pitafe mampaho upaênonto ole lɨmento, U, olo Pitafoho. Ose lonto kakoe sɨmeho wopɨngo umoênɨmentisofoho. Osoêno mɨhwosampoêmmentisofoho. Oêo halohoêno mupaênonto hano kuntoêno swonto ulɨmento, Pita hokuêyopo lohofoho. Ntopohoho. 15 Ose ulahonɨngki ulɨmentohofi, Kɨko iloênnyo kiyoho. Ose ulahonɨngkofi kako yokumpohnênyo imoênonto ulɨmento, Awonoho. Kako nehopi pohoho. Nɨhuêno nehopi selohono. Ose ulahonɨngki hofɨko ulɨmentohofi, Kakoe huyoêmangofoho. 16 Ose lontanɨngkofi Pita hokuêyopo hwanɨngo neêno fongkuêmentisofoho. Hofɨko hano hwosampo lohofontɨfi uhwonɨmentohofoso Pita nohumentanɨngki uhwonontɨfi yomo yomo imentohofofoho. 17 Mampiênyo wohumafento Pita kakoe aho hoênomaêmentisofoho. Mampiênyo humahonɨngkofi Pita ulɨmento, Anɨtu impoêango mtaêni isɨhutofonɨhwatiso hwoênyoho. Osoêno ulonto ulɨmento, Sekwo Jemɨsɨênji nomêne sohwanjimo olo hilo soêno ulɨmno. Ose ulonto mempo swaponto nomêne ango kengopono umentisofoho. 18 Hwangku imɨngoênji mofehiênyo siêmofape soênji aêamu itokusoênjo sohwa yomo yontɨfi ole hnnɨmentohofi, Pita ntɨêmto. 19 Ose hnnɨngkahonɨngkofi Helout ulɨmento, Sekwo Pitamneêno hafɨhafe fɨtɨpmno. Ose ulahonɨngki wonyopi tɨpmmentohofofoho. Osoêno Helout nomêne aêamu itokusoênjo sohwamo ulɨmento, Aêamu Pitamo itoêno momokosyohumayoênjo imalofo sohwamo fonjahumno. Osohonta Helout hwaho Jutiya ulɨkoêmanto Sisaliyaêno wento osopo humamentisofoho. 20 Osopo nohumanto Helout aêamu Taiyaênji Saitoun ntnneêno yoka ulɨmentisofoho. Oso aêamu huhwo sohwa huno ole syafɨhuêmentohofi, Helout nakumneêno sɨmano hintotohino umnalokusoso nakwo kakoe hwaho mtaêango wopayo mpe pipi yanehwono. Ose syafɨsyontɨfi nuhuêmokontɨfi Helout kakoe hungkunoso pompengo wonamofono lontɨfi lɨmentohofofoho. Sɨmoêmo hofɨko Mpɨlasɨtosɨênji hungkuno itoêno melɨhwatɨmentohofofoho. Mpɨlasɨtos huhwo sohwo kako Heloutɨye ango engo somo mokosyohumayo hweho. Hofɨko oso yokaso wopeênono lontɨfi jomo ulɨmentohofofoho. 21 Oseso Helout aêamu soênji nuhuêmokuhwasi hungkuno laneêento sɨkuno hoênahumentisofoho. Oso sɨkuno somo Helout aêamu mnokino engoênjo sohwafe hwapɨfe wonyoangkafoso paênonto epohumayo wopɨngo engo sopo nohumanto hungkuno sawemo ulɨmentisofoho. 22 Ose lontanɨngki aêamu sohwa joho ulɨmentohofi, Olo hwe lohwo aêamuêmaho. Oêo Anɨtu paênɨngo hweho. 23 Helout ose upaênonto huno syafɨhuêmento, Ou Anɨtu paênyo hwoênyoho. Oso kakoe huno hiso Anɨtu nuhwononto aêamu ahwomomjo sohwo Heloutɨyepono uhwojahonɨngki Helout sohumo hwanɨngo fongkuêmentisofoho. Nofonjahonjo sohonta pihnnyo Heloutɨye aêapaho nolongkwopmmokosyahonɨngki poyo peênɨmentono. 24 Anɨtuye hungkuno angoêmeemo hoênɨngkahonɨngki aêamu piênɨngo engoso Jisasɨmo inɨngkamentohofofoho. 25 Mponopasɨênji Soulɨênji Jelusalemneêno hamniyoho motawenji osopo syoho moiêwo esojwaofonji Joun Makênji Antiyoukɨmneêno umentisiyefoho.