Apousel 24

1 Sɨkuno aho fehohnjo hopiênonohino memjaofahonɨngki hwe yofe engoênjo tajo ango syohoênjo Anonaiyas oso hwoênji nomêne hwe engo sohwanji hwe nomêne hofɨkoe hungkuno joêne yofe Tetulos oso hwoênji Sisaliya iêmofapmmentohofofoho. Hofɨko hwe yofe engoênjo Felikɨsɨênjo sopo lohofontɨfi Poulɨmneêno hungkuno ulɨmentohofofoho. 2 Felikɨs Poulɨmneêno lɨhwojahonɨngki nopahonɨngki Tetulos sohwo aêamu Juta sohwafe hungkuno Poulɨmneêno ulɨmento, Hwe engo Felikɨs sohwosi, Kɨko nakumo wonyoangkafo nemokosyohumawoênɨngkino hwosoho. Nakwo ikujoho mafongkiênyoso sɨmeho pompenjiyo itoêno humalohwono. Nakwoe hwaho lopo yoêmayo wonyo imoênyoso kɨko huno wopɨngo syafɨsyonji itoêno mtɨêmokuwoênɨngkino hwosoho. 3 Oseso nakwo sɨmeho wopɨngo nemoênɨngkahonɨngki isamoyoka wokilantaneêno yalokuhwono. 4 Ngko huno ole niyohi, Kɨko syoho engoênjo hwosoho. Osoêno hungkuno tɨfoênohino wakilɨmneêno yohono. Kɨko aêamufe hungkuno upaênɨwoênɨngkino sohwosi nje hungkuno upaênyo. 5 Olo hwe Poul lohwo kako aêamu Jutamneêno wonyo uyɨwoênɨngkiso hweho. Angoêmeemo nowento aêamuênjopo yokaênji ikujohoênji ulɨkafɨwoênɨngkiso hweho. Nakwoe aêamu Juta fehohnjo hotɨku lohofontɨfi honɨngkano nomênemo inɨngkowalokwofo sofe yofe Nasaletɨyoho. Olo hwe lohwo hofɨkoe hwe engo hweho. 6 Kako aêamu temtitofo kengo sohwa nakwoe Anɨtuye ango engo somo wonyo imokiyoêne ipemotapmmasofoho. Ose uhwonontani Poulɨmo aho kaêmalohwonefoho. [Nakwo nakwoe yahinomneêno Poulɨmo itoêno womɨhwojantani ko yahonɨngkuhwoni 7 hwe itokusoênjo yofe engoênjo Lisiyas osohwo noponto nakwoe aho mtaêni usɨhutoêmto yokumpohnênyo imoênonto utɨmaêmasofoho. 8 Nutɨmanto nalɨma, Sekwo olo hwe lohumneêno hungkuno hiênjo hwasɨêmanji sekwo Felikɨsɨyepono motawomno. Lisiyas ose nalɨmasofoho.] I osoêno kɨko Lisiyas sohumo ulohonyo. Kakoe hungkuno nupaênɨngkohoji huno wakiyono. Yoêmayo ulɨmalohwone soêno wakilono. Tetulos ose ulɨmentisofoho. 9 Aêamu Juta hopiênonohinoso sɨmeho inontɨfi ulɨmentohofi, Hungkuno nehopi kilohoho. Ose ulɨmentohofofoho. 10 Hwe engo sohwo Poulɨmneêno hungkuno joêne uhwonɨngkahonɨngki Poul ulɨmento, Kɨko nakwo aêamu Juta sohwonaênɨmo hungkuno itoêno mɨhwojontanɨngkino soswo piênɨngo neyakoloêmojofoho. Osoêno ngko nje hungkuno kilɨmne soêno sɨmeho wopɨngo nɨmoênɨngkohoho. 11 Sɨkuno aho hopiênono sɨfe mtaêni hufaêu mmoênyo sohonta ngko Anɨtumo jomo ulɨmo lonji Jelusalem iêmofapmmalefoho. Kɨko hofɨkimo olo hisoêno ulohojoêno nehopeho wakilɨfe. 12 Aêamu Juta Anɨtuye ango engo somo nomêne aêamu sohwanji hungkuno ikujoho hopa fongkiênontanɨngkuhwoni monahonyoênjo imalofofoho. Hofɨko ango uhuêmokiyo sopo angkuhwafo engo sopo hwe moyaêmi ikujoho soêno ulɨkofontanɨngko manohonyoênjo imalofofoho. Awonoho. Ngko miyo hwoênyoho. 13 Oso hungkuno yoêmayo imale soêno kilohofoso hungkuno hwapɨngoso ne anefoho. Osoêno hofɨko kikimo olo hungkuno loso nehopi pipi kitɨhwafitnnehofo. Oêo, yoêmayo ngkineêno kilohofoso muhwonɨmmalofɨhwafoho. 14 I osoêno hungkuno angaêno kilohofoso nehopeho. Ole. Aêamu Juta fehohnjo hotɨku lohofontɨfi Honɨngkano songomo inɨngkowalokwofo. Oso Honɨngkano somo ngko tɨfi inɨngkawenji neyakwosafe Anɨtumo sɨmeho hiêntnnono uyalokweno. Mousesɨye honɨngkano hungkuno soênji aêamu Anɨtu hungkuno uyahonɨngki lɨmotofo sohwafe hungkuno somo inɨngkowalokweno. 15 Anɨtu aêamu wopɨngoênji wonyoênji poyo peênyo somo ulɨkafone soêno sɨmeho hiêntnnono uyonji oso hisoêno aêamu loênji hontohumalohwono. 16 Ngko nje honɨngkano wopɨngomneêno syoho engo iwoênɨngkohe hwoênyoho. Osoêno Anɨtuênji aêamu sohwanji ngkimo wonyo hwosoho mantɨfitnnehofo. Oêo, hwe wopɨngo hwosoho ntɨfitnnefoho. Ngko ole hnnɨmnefoho. Honɨngkano wopɨngoênjo hwoênyoho hnnɨmnefoho. 17 Hohonta ngko Jelusalem ulɨkoêmanji soswo fihwo nɨyokolofahonɨngki ngko hwaho kengo kengopo emoyonji Jelusalemno asomo pmmale hwoênyoho. Aêamu hamniyoho umofonyo iyo somneêno hamniyoho motaponji Anɨtuneêno yahu umalefoho. 18 Ose yonji ngko Anɨtuye ango engo somo nohumanji oso hiso kihoêmaso imokiyo soêno yontanɨngko nohonɨmalofofoho. Ngko aêamu osofosofahuênohinoênji nohumentani yoêmayo itoênohino imalohwonefoho. Aêamu piênɨngo nakwoênji mohumulofo. 19 I osoêno aêamu Juta fehohnjo hwaho Esiyantaêango sohwa nohumantɨfi ngkimo aho nɨkoêmalofofoho. Oso aêamu huhwo sohwa ngkineêno hungkuno hiênjo hwaêmanji jɨje sɨmanopo lohofɨkuji ngkineêno hungkuno ntɨfitnneêno mapeênjo pehoêneto. 20 Mapeênjo soêno ngko kaunɨsolɨênjopo nohumentanɨngko sohonta kaunɨsol sohwa peho wonyo imaleêno mtitoêmalofo. Olo hwe lohwa wantɨfe. 21 Olo hungkuno loênohinotɨkeno. Ngko hofɨkoênji nohumanji ngko joho ole ulɨmale, Aêamu poyo peênyo somo Anɨtu apaêno songo ulɨkafo soêno sɨmeho hiêntnnono uyalokweno. Oso hisoêno hofɨko ngkineêno hungkuno kontalokwofo. Poul ose ulɨmentisofoho. 22 Felikɨs kako aêamu Jisasɨmo inɨngkamotofo sofe honɨngkano soêno huno umentiso hweho. Osoêno kako aêamu Juta somo ulɨmento, Ntaênoho. Sekwo fohontohumamno. Hwe itokusoênjo yofe engoênjo Lisiyas sohwo nopɨhwosoêno sekwoe hungkuno itoêno womesehwatɨmonnoho. 23 Ose ulonto aêamu impeênjo sohwamo mokosyohumayo sohumo ulɨmento, Kɨko Poulɨmno fohontohumaho. Kako pawesoso wopɨngofoho. Kakoe aêamu jomo uêmafɨkuji yoêmayo uyɨfijoso wopɨngofoho. Ose ulɨmentisofoho. 24 Sɨkuno nomêne fihwa memjaofahonɨngki Felikɨs kakoe ape Ntɨlusilaênji pmmentisiyefoho. Oso aêmu hisi Juta apefoho. Felikɨs Poulɨmneêno kakoe hungkuno upaênyo soêne luhwajɨmentisofoho. Poul aêamu Jisasɨmo sɨmeho hiêntnnono uyosoêno lutɨhwamentisofoho. 25 Kako honɨngkano wopɨngo tɨpemayo soêno yoêmayo wonyo hoênaofo soêno hwangku Anɨtu aêamufe hungkuno ikwolofo soêno lutɨhwamentisofoho. Ose ulahonɨngki Felikɨs iyoho unɨngkahonɨngki ulɨmento, Ntaênoho. Olohonta kɨko mpano. Sɨkuno nomênemo ngko iyoho humame sohonta nekwo apaêno wolaho. 26 Ose ulonto ole syafɨhuêmento, Poulɨmo usɨhutoêmesoêno hamniyoho wontapmmontolɨkeno. Ose syafɨsyonto sɨkuno piênɨngo somo Poulɨmneêno lɨhwajɨwoênonto Poulɨênji hungkuno hnnɨmentisiyefoho. 27 Soswo hufaêu uyokolofahonɨngki hwe nomêne Pousiyos Fesɨtos oso hwo Felikɨsɨye hwaho mokosyohumayo syohoso maêmentisofoho. Felikɨs huhwo sohwo aêamu Juta afofo umokumonto yonto Poulɨmo impoêangomo humentanɨngki musɨhutofeênjo yonto ulɨkoêmaêmentisofoho.