Apousel 3

1 Sɨkuno fihwi Pitaênji Jounênji siko Anɨtuye ango engo somno sɨmentisɨyofoho. Osopo akupoênyo soênji (3 kɨlouk) aêamu piênɨngoso Anɨtumo jomo ujoêne uhuêmokumotofofoho. 2 Kuso somneêno ole lɨwoênɨngkohofi wonyoangkafoponoho. Hopo sopo hwe fihwo sɨfe kokatoênnyoênjo konaêwohi aswo mtaêni osenohini maêmentiso sohwo humunyoponoho. Sɨkuno huhwo huhwi huhwo sohwoe aêamuso intokwasontɨfi osopo itofasiyoênohini imotofɨhweho. Aêamu ango engo somo nohotoswahonɨngkofo sohonta hwe huhwo sohwo hamniyoho jomo ulɨmojo hweho. 3 Osopo sɨfe wonyoênjo sohwo nohumanto uhwonɨmentisoso, Pitaênji Jounênji woswanji yontanɨngki uhwononto ulɨmento hamniyoho weêe ntapinyo. 4 Ose ulahonɨngki Pitaênji Jounênji siko tɨmo yokumpohnênyo uhwononji ulɨmentisi, Kɨko tɨmo fehonyo. 5 Ose ulahonɨngki hwe huhwo sohwo hamniyoho wontopanjiyoêne fohonto uhwonɨmentisofoho. 6 Pita ulɨmento, Ngko hamniyoho ane hwoênyoho. Nomêneso wokijapmmo. Jisas Kɨlais Nasaletnntaêango sohwoe yokumpohnênyoênji wakilɨmonneêno yohono. Hano fiyo. 7 Ose ulonto kako kakoe aho nomanto ulɨkaêmentisofoho. Ose ulɨkofahonɨngki hwe huhwo sohwoe sɨfe yokumpohnênyo imoênonto noswolɨkofawento hano umentisofoho. 8 Sikoênji ango engo somo noswontɨfi hwe huhwo sohwo lɨkofahmênyo yonto Anɨtumo isamoyoka ulɨmentisofoho. 9 Aêamu ango engo somo nohumantɨfi uhwonɨmentohofoso, hwe huhwo sohwo lɨkofahmênyo yonto Anɨtumo isamoyoka ulahonɨngki uhwonontɨfi 10 ole syafɨhuêmentohofi, U olo hwe sɨfe kokatoênnyoênjo lohwo hokuêyopo humanto hamniyohoêno jomo lɨmojo hweho. Oso hunoso uyahonɨngki yomo yomo yontɨfi pisopisaho lɨmentohofofoho. 11 Hwe huhwo sohwo Pitaênji Jounênjimo aho kehonɨngkofi hwe moyaêmi hopiênono hano kunto kuntoêno wentɨfi kontolompoêango somo uhuêmokumentohofofoho. Oso kontolompoêango somo Soulomounɨyefoho lɨmotofofoho. 12 Osopo uhuêmokahonɨngkofi Pita nuhwononto ulɨmento, Sekwo aêamu Isɨlael soku, yomo yomo pehoêno yohofo. Nekumo tɨmo yokumpohnênyo pehoêno ehonalokwofo. Sekwo huno ole laseyohoho, Hikoe yokumpohnênyo mtaêni hwe lohwo wopɨngo imoênɨngkohoho. Huno ose laseyohoho. 13 Oêo, Apɨlohamja Aisakɨja Jekoupɨja nakwoe ajuyohwosafe Anɨtuyoho. Osohwo kako kakoe syoho ulohofiyoso Jisasɨye yofe hoênomayoênohinofoho. Oso huhwo sohumo sekwo nokentɨfi aêamu Loum sohwafepono ipemotosahonɨngkofi osopo Pailot usɨhutoêmto yahonɨngki sekwo nakwolaho ulɨmentohofofoho. 14 Oso Jisas huhwo sohwo honɨngkano wonyo ane hweho. Wopɨngoênohino hweho. Osohumo nakwolaho ulontɨfi hwe wonyo aêamumo fonjahumentiso sohuneêno Pailotɨmo jomo ulɨmentohofo kuyoho. 15 Ose ulontɨfi sekwo yoêmayo songo humayo hwapɨngo sohumo sekwo aêamu Loum somo uyahonɨngkofi hofɨko fonjahumentohofofoho. Nofonjosyahonɨngkofi Anɨtu apaêno ulɨkoêmentisofoho. Oso hisoêno nekwo nuhwonontayo olohonta hungkuno hisoêno selalokuhwoyo. 16 Nekwo Jisasɨmo sɨmeho hiêntnnono uyahonɨngkuhwoi Jisasɨye yokumpohnênyo olo hwe lohumo wopɨngo imokohoho. Sekwo olo hwe sɨfe kokatoênnyo lohumo huno moiêwonoho. Olo sɨmeho hiêntnnono Jisasɨmo uyalokuhwayo loso Jisas mtaêangofoho. Olo hiloso hwe sohumo wopɨngo umokahonɨngki uhwonalokwofo. 17 Nje aêamufo, sekwo sekwoe hwe engo sohwanji Jisasɨmo fonjahumentohofo sohonta huno itoêno mosyafɨsiyoênjo imentohofo kuyoho. Osoêno ngko huno nɨyohoho. 18 Hohonta aêamu Anɨtuye hungkuno lɨmotofo sohwamo Anɨtu ulɨmento, Hwe uhwosopoêmentohe sohwo tohino engo manefoho. Ose ulahonɨngki aêamu somo ulɨmentohofofoho. Sekwo Jisasɨmo fonjahumentohofo sohonta oso hungkuno hiso ne imoênɨmentisofoho. 19 I osoêno olohonta sekwo huno fɨkwesyafɨhupmno. Sekwoe sɨmeho yɨwoloêmo filohopmno. Sekwo sɨmeho yɨwoloêmokukujoêno Anɨtu sekwoe wonyo wae weesemoêmtonoho. 20 Wayo yasemofɨhwosi kakoe yokumpohnênyoênji sɨmeho wopɨngoênji wosejapmmontonoho. Hohonta Anɨtu nakuneêno fohuênɨmentisoso nefoêmayoêne kakoe hwomu Jisasɨmo uhwosopoêmentisofoho. Anɨtuye hungkuno lɨmotofo sohwa yoêmayo lɨmentohofo soêno itoêno imoênyoêne Jisas ahwomomo hontohumaho. Moiêwo imoênɨngkɨhwosi nopone hweho. 22 Hohonta Mouses seyakwosamo ulɨmento, Hwe Engo Anɨtu sekwoênjo mtaêango fihumo wamɨhwosopoêmtonoho. Anɨtuye hungkuno selohe sohwo ngko paênɨngo hweho. Oso hwe huhwo sohwoe mangomo sekwo haloho itoêno upaênɨngkuno. 23 Hohosohonta aêamu oso hwe huhwo sohwoe hungkunomo haloho maposoênjo ifijoso Anɨtu oso aêamu somo kengopo uhumajososo nɨhuênahone wae umontonoho. Mouses ose ulɨmentisofoho. 24 Anɨtuye hungkuno lɨmotofo sohwa Samuelɨjanji nomêne tɨfinjo sohwanji hofɨko olo sɨkuno lomneêno lɨmentohofofoho. 25 Oso aêamu Anɨtuye hungkuno lɨmotofo sohwa sekwo hofɨkoe imu kuyoho. Osoêno oso hungkuno Anɨtu seyakwosamo ulɨmentisoso sekumneênefoho. Anɨtu Apɨlohammo ulɨmento, Jɨje imu sohwa mtaêni hwe fihwo aêamu hopiênonohinomo wopɨngo ulohofonefoho. Ose ulɨmentisofoho. 26 Oseso Anɨtu kakoe hwomu Jisasɨmo uhwosopento sekumneêno wopɨngo selohofoêne kakiêno uhwatɨmentisofoho. Kako ole umoênalofoho, Sekwo aêamu angaêno angaêno honɨngkano wonyomo hohujo ikinjaofɨkujoêno ngko wopɨngo ulohoêmo. Ose lalofoho.