Ngkolesiya 4

1 Oso pahnnɨmo hungkuno sɨmoêmo seloheso apaêno waselɨmonneêno yohono. Hwe fihwo poyo peênɨngkahonɨngki kakoe hoêyango hamniyoho yoêmayoso kakoe hwomu weêe sohumneêno aêamu nomêne sohwa hwomu weêe sohwoênji hoêyango soênji umokosyohumahonɨngkofi hwomu weêe sohwo kako syoho ulohofiyo paênyo hweho. 2 Hwapɨngoso weêe sohwo kako aêamu kakimo umokosyohumayo somo enjwaêmnoho. Kakoe hoêyango yoêmayo somo uhwontohumayo hwafoho. I tɨfi noêmo hwomu huhwo sohwo oso sɨkuno kanɨngkwohwo hoênahumentiso somo kakoe hoêyango yoêmayoso mokosyohumantɨhwone hweho. 3 Oso paênyo nakwo humamentɨhwonefoho. Jisas mape sohonta nakwo mehomi paênyo humentani nakwo honɨngkano hungkuno somo enjwaêmo humentani honɨngkano hungkuno hiso mekiloêmokonehumajɨêmentisofoho. 4 Oso sɨkuno Anɨtu kako hoênahumentiso somo kakoe Hwomu nakwoe hwahopo uhwatɨmentisofoho. Konaêwohi Jisasɨmo aswo mahonɨngki kako honɨngkano hungkuno somo enjwaêmo humamentisofoho. 5 Anɨtu kakoe hwomu uhwojahonɨngki kakoe hwomuso nakwo honɨngkano hungkuno somo enjwaêmo humalohwone hnênyumo isɨhuto nalohofonto Anɨtuye mehomi ne namokumentisofoho. 6 Nakwo kakoe mehomi ne imoênyo soêno netɨhwayoêneso Anɨtu kakoe hwomufe Towahuno nejopahonɨngki Towahuno sohwo ehuhnnaofonto Anɨtumo ulɨwoênɨngki, Mpohwo, Mpohwo. 7 Osoêno nakwo nomêne somo enjwaêmo mohumulohwono. Oêo, kakoe mehomiênwoho. Oseso nakwo kakoe mehomi hnênyumo yoêmayo Anɨtu kakoe mehomimneêno itoêno esyohumamentisoso wonejapmmontonoho. 8 Sekwo temtitofo kengo soku, hohonta sekwo Anɨtu ne sohumo huno maseimentiso sohonta sekwo hwahoponjo anɨtu hwasyo sofe syoho ulohofimentohofofoho. 9 I olohonta sekwo Anɨtu ne sohumo tɨpemalokwofo. I nomêne hungkuno ole, Olohonta Anɨtu kako sekumo tɨpesemalofoho. Osoêno sekwo honɨngkano hungkuno somo enjwaêmo wohumantɨfeêno liyalokwofo. Oso honɨngkano hungkunoso yokumpohnênyo ane hweho. 10 Sekwo ole lalokwofo, Nakwo yoêmayo sɨkuno fisomo u yoêmayo hamno fisomo soswo fisomo tɨmo uhwonɨwoênɨngkuhwone soêno Anɨtu kako wopɨngo kuyoho wonalono. Ose lalokwofo. Oso hunoso omomo hunofoho. 11 Osoêno ngko sekumneêno huno piênɨngo engo syofɨsyalokweno. Anɨtuye hungkuno losetɨhwamentohe soêno ngko syoho siki syoho kiyalokweno. Neêmaso imoênonetɨkeno. 12 Nje aêamu soku, nje hungkuno somo haloho popmno. Ngko honɨngkano hungkunomo enjwaêmo mohumunyo hwoênyoho. Oso paênyoso sekwo hmmoênɨmno. Sekwo hohonta aêamu Jutafe honɨngkano hungkuno somo enjwaêmo mohumammotofo kuyoho. Oso paênyoso ngko humaleno. Ngko sekwoênji nohumentanɨngko sekwo ngkimo wonyohofiyo ntohoêmentohofofoho. 13 Honɨngkanopo hano lohoênawenji nomêne angopono wamonji ko imentoheso mnokino engo tɨpemanji sekuyepono asomo ponji Anɨtuye hungkuno losetɨhwamentohefoho. Sekwo inɨngo laseyohoho. 14 Oso mnokinoso sekumo tango engo ko seêmahonɨngki sekwo ngkineêno hohujo mikinjanɨmofeênjo imentohofofoho. Oêo, sekwo hofiyo ntohoêmentohofofoho. Aêamu ahwomomjo sohwanji Jisas Kɨlais sekumo seêmahonɨngkofi sekwo wopɨngo umokosyohumamentohofo paênyoso ngkimo nɨmokosyohumamentohofofoho. 15 Osohonta sekwo ngkineêno sɨmonyo imentohofofoho. I olohonta sekwo honɨngkano nomêne kengo soêno syafɨsyontɨfi sɨmeho wopɨngo lasemoênɨngkohoho. Hohonta oso mnokino nimentiso sohonta sekwo sɨmeho engo ntapmmentohofo soêno nɨfoêmayoêne sekwoe hoêyango yoêmayo hopiênono nontapɨkutnnesohilo. Ngko huno ole nɨyohoho, Sekwo ngkimo nɨfoêmayoêmanji ole wontantɨfeho. Nakwoe tɨmo wokitɨhwofiyano. Wonyoangkafo nɨmokosyohumamentohofofoho. 16 I olohonta sekwoe yahino kengo soêno hungkuno nehopi selahonɨngko ngkineêno nakwoe mango hweho lohnnalokwofo. 17 Aêamu hwasyo hungkunoênjo sohwa hofɨko sekumo afofo semokalokwofo. I hwapɨngoso sekwo hofɨkoe yofe hoênomayoênefoho. Hofɨko sekumo ajwoêmo maseêmofontɨfi ngkimo mempo hohntaêni womenɨhumojantɨfeêno yalokwofo. 18 Aêamu nomêne somo afofo hungkuno neênjo umokiyoso wonyoêmaho. Oêo, honɨngkano wopɨngomo mjɨmɨweneso afofo umokiyoso wonyoangkafofoho. Ngko anepo, ou sekwoênji nohumentanɨêmo hofɨko sekumo afofo semokiyoso wopɨngofoho. 19 U nje mehomi, sɨmeho sejopalokwe soku, sekwo tohino engo ntopalokwofo. Aêmusi kakoe mehomi aswo mayoêne tohino engo umnɨwoênɨngkiso paênyoso ngko sekumneêno apaêno nɨmnalofoho. Oso tohino mjanɨmnɨmɨhwosi sekwo sekwoe sɨmeho sekwoe huno sekwoe aêapaho hopiênonohinoso Jisas Kɨlaisɨmo nɨhuênahone uyɨkuji kako sekumo sehulaêafonefoho. 20 Ngko sekwoênji wohumamonneêno yalokweno. I ngko sekwoênji humayoêmanji hungkuno olo paênyo maselɨmnehono. I ngko ikanopo humale soêno pipi imnehono. Sekwoe omomo yahino soêno huno piênɨngo engo syofɨsyalokweno. 21 Sekwo njimno. Sekwo Mousesɨye honɨngkano hungkunomo enjwaêmo wohumantɨfeêno yalokwofo soku, oso honɨngkano hungkuno neso sekwo huno laseyohoho. 22 Hungkuno hiloso ole naliso, Apɨloham hwomu hufaêu tɨpemaêmentisofoho. Tisɨmaso sohwo Solafe syoho ulohofiyosi aswo maêmentisofoho. Apɨlohamɨye ape nesi aswo nomênehwo maêmentisofoho. Kakoe yofe Aisakɨyoho. 23 Syoho ulohofiyosi Hekal kako mehomi aswo mayoso aêamu mawoênɨngkohofo paênyofoho. I Apɨlohamɨye ape ne Sola hwonjo ape nɨhuêno aêmanesi Anɨtu hungkuno Apɨloham yaêumo ulɨmentiso soêno Sola mehomi maêmentisofoho. 24 Olo aêmu sofaêumneêno pahnnɨmo hungkuno waselɨmonneêno yohono. Ape sofahusi siko Anɨtuye hungkuno hufaêu paênyo faêuyoho. Sɨmoêmjosi Hekal kako hwofɨkiênyo Sainai paênyiyoho. Osopo Anɨtu kako Mousesɨmo honɨngkano hungkuno uyɨmentisofoho. Hekalɨye mehomiso syoho ulohofiyo aêamufoho. 25 Hwofɨkiênyo Sainai sopo hwaho Alepiya woênnyoponoho. Pone engo Jelusalem hwofɨkiênyo Sainai paênyofoho. Oso ango pone Jelusalem olo hwahoponjo aêamu osopo humalofoso hofɨko honɨngkano hungkuno somo inɨngkawowoênɨngkohofo soêno honɨngkano hungkuno hiso hofɨkimo mekiloêmokohumatnênyofoho. Osoêno hofɨko oso hungkuno somo syoho ulohofiyo hwafoho. Hekalɨye mehomi paênyofoho. 26 I Anɨtuye hungkuno nomêneso Apɨlohamɨye ape nesi paênyofoho. Sola kako syoho ulohofiêmaho. Oêo, ape nefoho. Kako Anɨtuye ahwomomjo ango nemokosyohumayo paênyiyoho. Ango Jelusalem songoponoho. Aêamu hnênɨmo momekiloêmokonehumajiyoêneponoho. Sola kako nakwoe nenaêwohiyoho. 27 Aisaiya oso ango pone Jelusalem hufaêuyo soêno Anɨtuye hungkunomo ole mtɨêmokumentisofoho. Ole nalɨmento, Kɨko ape hwonjo siki, sɨmonyo fiyo. Kɨko mehomi aswo momasoênjo ko yonji kɨko mango engoênji isamoyoka njo. Hwapɨngoso mehomi piênɨngo engo wosejapmmonnoho. Jɨje mehomiso ape syoho ulohofiyo siye mehomimo uyakolopitnnefoho. Aisaiya ose mtɨêmokumentisofoho. 28 Nje aêamu soku, sekwo Solafe hwomu Aisak paênyo kuyoho. Anɨtu sɨmoêmo Apɨlohammo hungkuno uyonto tɨfi noêmo kakoe hungkuno ne imoênyoêne Solamo hwomu uyɨmentisofoho. 29 Hohosohonta syoho ulohofiyo siye hwomu sohwo ape ne siye hwomumo tango uyɨmentisofoho. Oso paênyo olohonta Anɨtuye Towahuno nakumo Anɨtuye aêamu ne nemokahonɨngki nakwo tango malokuhwono. Aêamu honɨngkano hungkunomo enjwaêmo humalofoso oso tango hiso nejopalokwofo. 30 I osoêno aêamu Anɨtuye hungkuno mtɨêmokumentohofoso ole mtɨêmokumentohofi Anɨtu Apɨlohammo ulɨmento, Syoho kilohofiyo siênji kakoe hwomuênji wae fiyo. Syoho kilohofiyo siye hwomu sohwo kako jɨje hwaho yoêmayo hoêyangoso momanehoho. Oêo, jɨje ape ne siye hwomu ne sohwo kakoênohini nomane hweho. 31 Osoêno nje aêamu soku, nakwo syoho ulohofiyo siye mehomiêmaho. Nakwo honɨngkano hungkunomo enjwaêmo mohumayoênwoho. Honɨngkano hungkunoso nakumo momekiloêmokonehumajonehoho. Oêo, nakwo ape ne siye mehomiênwoho.