Ngkolesiya 6

1 Nje aêamu soku, aêamu fihwo kako yahino wonyomo apaêno yosoêmanji sekwo Anɨtuye Towahuno Wopɨngofe mampahomo tɨfi inɨngkawowoênɨngkohofoso sekwo oso hwe huhwo sohumo honɨngkano wopɨngo somo apaêno tɨpemayoêne ufoêmapmno. Yoka nulɨkutoho. Oêo, hungkuno wopɨngoênohini hofiyo ulɨfijoso Anɨtuye honɨngkanomo apaêno fɨpemotamno. Sekwo angaêno angaênohino soku sekwoe humayo somo itoêno uhwonɨmno. Seten kako yamofo selohofahonɨngkuhwosi sekwo wonyo ifitnnoho. Osoêno itoêno uhwontohumamno. 2 Sekwoe aêamu somo yoêmayo tango uêmasoso sekwo hofɨkimo ufoêmapmno. Ufoêmapijoêmanji sekwo Jisas Kɨlaisɨye hungkuno ne somo unɨngkowantɨfeho. 3 Hwe fihwo ole hnnalofi, Ngkimo pehoêno nɨfoêmapitnnehofo. Ngko itoênohino hwoênyoho. Ngko hoponoho. Ose hnnoso sohwo kako hwasyo hnnalofoho. 4 Aêamu angaêno angaênohino soku yoêmayo iwoênɨngkino somo kɨko itoêno uhwonyo. Wopɨngoênohino uhwonɨngkohoji jɨje sɨmeho wopɨngo wakumoênɨmontonoho. Nomêne aêamufe yoêmayo syoho iwoênɨngkiso somo uhwonɨngkohoji ole nosyafɨsyohotoho. Nomêne sofe yoêmayoso wonyofoho. Nje yoêmayoso wopɨngofoho. Ngko uyakolofohono. Ose nosyafɨsyohotoho. 5 Oêo, Anɨtu kako sekwo angaêno angaênohino sokuye syohomo sehonɨngkuhwosi yano noselofiyonefoho. Osoêno aêamu angaêno angaênohino soku sekwoe syoho soêno tango nomapitnnefoho. 6 Aêamu sekumo Anɨtuye hungkuno losetɨhwalokuso sohumo sekwoe wosopayo hwapɨfe hamniyoho yoêmayo fehohnjoso uyɨmno. 7 Hwe fihwo kako Anɨtumneêno hwasyoso mulonehoho. U hwe fihwo kako wopayo hulɨhwosi wopayo wofokaêmontonoho. U yoêmayo hulososo wofokaêmontonoho. Oso paênyo hwe fihwo Anɨtumneêno hwasyo inɨngkawoênɨngkiso sohwo ne ane umoênɨmontonoho. Oseso sekwo angaêno angaênohino soku hwasyo hnnɨngkutoho. 8 Aêamuso yoêmayo wonyo kakoe sɨmeho umoênyoso ose iwoênɨngkisoêmanji u kako nɨhuênahone tɨkanomo wene hweho. Aêamu nomêne sohwo yoêmayo Anɨtuye Towahuno Wopɨngo uloso somo inɨngkawesoêmanji u kako Anɨtuye Towahuno mtaêni songo humayoso nomane hweho. 9 Honɨngkano wopɨngo somo nohumentani Anɨtuye syoho wopɨngo soêno pisoêmoênyo namoênɨngkuhwoloho. Oêo, yoêmayo wopɨngo yasoêmanji yokumpohnênyo neêno mjɨmɨhwasi sɨkuno Anɨtu hoênahumentiso somo yoêmayo wopɨngo nomaneênwoho. 10 Osoêno sɨkuno huhwo huhwi nakwo aêamu hopiênonohino somo ufoêmayoêne honɨngkano tɨpemayoêmanji ufoêmano. I aêamu Jisasɨmo sɨmeho hiêntnnono uyɨwoênɨngkohofo somo neênohini ufoêmafɨkuno. 11 Olo hungkuno loso sɨmoêmo nomênehumo ulahonɨngko kako mtɨêmokohoho. I olopo nje ahoênji mtɨêmokalokweno. Sekwo uhwonɨmno. Ifalifaliyo loso mɨkunɨmposo mtɨêmokalokweno. 12 Aêamu fehohnjo hungkuno losetɨhwalokwofoso hofɨko sekwoe aêapaho sɨhu sekolofoêne umoênalofoho. Hwapɨngoso ole. Hofɨko aêamu aêapaho sɨhu kolofoso yahino somo inɨngkawoênɨngkohofo sofe sɨmeho wopɨngo umoênyoênefoho. I oso aêamu hungkuno losetɨhwalokwofoso hofɨko Jisas nakwoe wonyoêne peênɨmentiso soêno sɨmeho hiêntnnono ufijoêmanji Anɨtuye aêamu ne imoênɨfitnnefoho. Aêamu huhwo sohwa osoênohino losetɨhwantɨfijontentesi aêamu honɨngkano hungkunomo enjwaêmo humalofoso hofɨko aêamu nolosetɨhwalokwofo somo tango uyɨkutnnesohilo. Osoêno aêapaho sɨhu sekolofoêne umoênalofoho. 13 Aêamu aêapaho sɨhu koloênyoêne hungkuno losetɨhwalokwofo sohwa hofɨko honɨngkano hungkuno hopiênonohinomo minɨngkayoênjo yalokwofo. Oêo, sekwoe aêapaho sɨhu kolofoêne losetɨhwayo hwapɨngoso ole. Hofɨko aêamu Juta somo nakwoe inomokomoyo piênɨngo engo somo uhwonɨmno ulahonɨngkofi aêamu Jutaso hofɨkoe yofe hoênomalokwofo. 14 Nje yofeênji yoêmayo ntnneso mohoênomanyoênjo yalokweno. Oêo, oloênohino wohoênomaêmo. Jisas Kɨlais kako nje wonyomneêno iyo hwojiyafɨkuênnyo sopo poyo peênɨmentisofoho. Oso hisoêno wohoênomaêmo. Hwapɨngoso Jisas ngkineêno poyo peênɨmentiso soêno yoêmayo hwahoponjoso ngkimo yokumpohnênyo monɨmokosyohumanehoho. Oêo, Jisas hwahoponjo yokumpohnênyo somo hwotoho hmmentisofoho. Osoêno hwahoponjo yoêmayoso nɨhuênahone ngkilaho lalokweno. Oso hisoêno aêamu yoêmayo hwahoponjo somo inɨngkowalokwofoso hofɨko ngkineêno nakwolaho ntantɨkwofo. 15 Aêapaho sɨhu koloênyo yahinoso ne anefoho. Aêapaho sɨhu makolofoênjo yahinoso ne anefoho. Oêo, neso ole, Anɨtu nakumo aêamu songo paênyo namokiyo yahinoso hoponoho. 16 Aêamu hopiênono huno ose uyahonɨngki inɨngkawoênɨngkohofoso hofɨko Anɨtuye aêamu nefoho. Osomneêno Anɨtu kako hitoho ulofɨhwosoêno sɨmeho pompenjiyo uyono. 17 Yoêmayo semtɨêmokiyohe soêno sekwo nomêne tango ntapɨkutoho. Oêo, ngko Jisasɨye syoho ulohofiyo sohwoênɨmo aêamu tohino engo ntapontɨfeso nje aêapaho imeênohinofoho. 18 Nje aêamu soku, nakwoe Hwe Engo Jisas Kɨlais kako wosemokosyohumano. Yoêmayo wopɨngo waselohofono. Hungkuno nehopeho. Ngko Poulɨêni semtɨêmokiyohefoho. Osohopeho.