Hipɨlu 2
PNG1 Oseso oso hungkuno neso Anɨtuye hwomu nejapmmentiso somneêno nakwo pisoêmoênyo ihwasi nusɨkwojɨhwaloho. Oêo, nakwo yokumpohnênyo kesyohumehwasi tɨfi unɨngkohwano. 2 Hohonta Anɨtuye hungkuno aêamu ahwomomjoso hofɨko hwahoponjo aêamu somo uyahonɨngkofi aêamu hwahoponjo hiso hofɨko hungkuno homo somo haloho maposoênjo yahonɨngkofi oso yahino wonyo somneêno Anɨtu hofɨkimo tohino engo uyɨmentisofoho. Osoêno nakwo huno nayohi, oso hungkuno hiso aêamu ahwomomjoso hofɨko aêamu hwahoponjo somo uyɨmentisoso hungkuno nehopeho. 3 Anɨtu nakumo asomo netɨmayoêne honɨngkano hwosampoêmentisoso wonyohofiyofoho. Oso homo somneêno nakwo hohujo ikinjaofɨhwasɨêmanji oso yahino wonyo somneêno nakwo tohino mayosoêno hiyaso ntɨêmte wanehwono. Honɨngkano nɨhuêno awonoho. Nakwoe Hwe Engo sohwo sɨmoêmo olo hilo soêno aêamu somo ulɨmentisofoho. Aêamu hiso nupaênontɨfi neênjofoho lontɨfi hungkuno homo somo inɨngkawentɨfi hungkuno homo somneêno nalɨmentohofofoho. 4 Hofɨko hungkuno hiso nolutɨhwentanɨngkofi Anɨtu kako hungkuno homo somo yokumpohnênyo sosofitofosyohumayoêneso kakoe yokumpohnênyo aêamu homo somo uyahonɨngki hofɨko yoêmayo wonyoangkafo iyo soêne aêamu somo yamofo itɨhwamentohofofoho. Anɨtu kako aêamu angaêno angaênohino homo somo kakoe Towahuno uhwojahonɨngki Towahuno sohwo aêamu somo Anɨtuye huno mtaêangoso yoêmayo yahino wonyoangkafoso uyɨmentisofoho. 5 Hwangku hwaho nomêne songo iêmofaponeêno lalokuhwono. Oso hwaho songo mokosyohumayo soêno Anɨtu kako aêamu ahwomomjo somo uhwosopoêmentisoêmaho. 6 Oêo, Anɨtuye hungkuno mtɨêmokumentohofo somo hwe fihwo ole mtɨêmokumento, U Anɨtu, nakwo aêamu hwahoponjo hnênɨmneêno kɨko huno pehoêne syonefɨsyalokuno. Nonemokosyohumanji nakwo aêamu wonyo hnênɨmneêno kɨko huno pehofo syonefɨsyalokuno. 7 Kɨko aêamu ahwomomjo soênjo sopo kakimo hofɨkoênjo enjwaêmo weêenehwo wohumanonji uhumatɨêmentohinofoho. Kɨko jɨje yokumpohnênyo uyonji yofe engo mulonji kakoe yofe engo hoênomaêmentohino. 8 Kɨko yoêmayo hopiênonohinoso kako mokosyohumayoêne kakimo enjwaêmo hoênohumentohinofoho. Ose mtɨêmokumentisofoho. Ou, Anɨtu yoêmayo hopiênonohinoso nakwo mokosyohumayoêne hoênahumentisofoho. I angaêno olopo siki weêne mohoênahummentono. Oêo, nɨhuêno hopiênono nakumo enjwaêmo weêne hoênahumentisofoho. I osoêno yoêmayo somo uhwonantaneso nakwo momokosyohumawoênɨngkoho yɨhwono. Oêo, nɨhuêno awonoho. 9 I osoêno hohonta Jisas kako aêamu ahwomomjo soênjo enjwaêmo weêenehwo humamentisofoho. Hwapɨngoso Anɨtu nakumneêno hitoho ulofahonɨngki Jisas kako nakwo aêamu hopiênonohino hnênwiye honɨngkano wonyomneêno tohino engo nomanto poyo peênɨmentisofoho. I kako ose imentiso soêno Anɨtu kako Jisasɨmo apaêno yokintahopo uhumajonto kakoe yokumpohnênyoênji yofe engo uyɨmentisofoho. Osohumo uhwonalokuhwono. 10 Anɨtu kako yoêmayo hopiênonohinoso mtɨêmokumentiso hweho. Kako hwapɨngofoho. Anɨtu kako kakoe mehomi piênɨngo engo neênjoso ngkiyepono pɨkuji ngkoênjo lopo humafɨkuji nje yokumpohnênyoênji nje yofe engoênji mapitnneêento lɨmentisofoho. Anɨtu ose lɨkwato lohofonto kako huno ole syafɨhuêmento, Aêamuso hofɨko ngkiyepono sapɨfitnneêno nje hwomu kako hofɨkoe wonyo honɨngkanomneêno tohino mayoso wopɨngofoho. Anɨtu ose syofɨsyahonɨngki Jisas kako hwahoponjo aêamu hnênɨpaênyo imoênɨmentisofoho. Jisas nohumanto yoêmayo tango kakimo uêmahonjoso kako wonyo nɨhuêno miyo hweho. Kako nakwoe wonyomneêno tohino engo maêmentisofoho. Oso tohino maêmentiso soêno nakumo ahwomomneêno netɨmayoso Jisas huhwo sohwo hoponoho. 11 Osoêno Jisas wonyo ane sohwo kako nakumo nonemanto nakumo wonyo ane paênyo namokonto kakimo moneêmoênalofoho. Oseso Jisasɨjanji nakwoênji nanɨngkwohwo angaênohinoso Anɨtuyoho. Osoêno Jisas kako nje nɨngkwahwosafo nalonteso wonɨmango munalofiyohoho. 12 Jisas Anɨtumo ole ulɨmento, U Anɨtu ngko nje nɨngkwahwo nampohwosamo kikineêno ulɨmonneêno yohono. Hofɨko kikineêno uhuêmokukujoêno osopo humahmêmo ngko jɨje yofe hoênomayoêne ta walɨmonnoho. 13 Jisas kako apaêno ole lɨmento, Ngko Anɨtuneêno sɨmeho hiêntnnono uyɨmonnoho. Ose lonto nomêne hungkuno lɨmento, Ou kɨko ngkimo nohonyo. Nje mehomi Anɨtu ntapmmentiso soênji ngkoênji olopo humalohwono. Ose lɨmentisofoho. 14 Oso mehomi Anɨtu Jisasɨmo uyɨmentisoso hofɨko hwahoponjo aêamufoho. Osoêno Jisas kako hwahoponjo aêamu imoênɨmentisofoho. Olo nakwoe hwaho hopo lopo hwe wonyo Seten kakoe yokumpohnênyoênji nakumo poyo namokuwoênɨngkoho. Osoêno nakwo poyo peênɨwoênɨngkuhwone paênyoso Jisas poyo peênɨmentisofoho. I osoêno Jisas kako apaêno songo lɨkaêmentiso sohonta kako Setenɨye yokumpohnênyo somo hwotoho hmmentisofoho. 15 Nakwo mehomi weêe soênwi poyo peênyosoêno iyoho nanɨmentiso mtaêangoso olohonta engo hnênwi nenalofoho. Oso iyoho nenalokunjoso nakumo impe intofonesyohumaho. I Jisas poyo peênɨmentiso soêno kako oso impe homo somtaêni nasɨhutoêmentisofoho. 16 Jisas oso syoho imentisoso aêamu ahwomomjo somo ufoêmayoêneêmaho. Oêo, Apɨlohamɨye imu hnênyumo nefoêmayoêne imentisofoho. 17 Oseso Jisas kako aêamu hwahoponjo ne paênyo imoênɨmentisoso homnɨngkwaêwehwosafe yahinoso maêmentisofoho. I osoêno yoêmayo yamofo uêmanteso kako yokumpohnênyo lohofonto wonyo honɨngkanoso miyoênjo imentisofoho. I homnɨngkwaêwehwosamneêno hitoho ulofahonɨngki hofɨkoe wonyomneêno tohino manto wonyo hiso wae yaofoêne honɨngkano imoêmentisofoho. Osoêno kako ajwopo nohumanto nakumo Anɨtuênji ufohiênyoêne hulɨêmokomokonesyohumawoênɨngkiso hweho. 18 Olohonta yoêmayo hwahoponjo neêmahwosi honɨngkano wonyomo upenemotamo lɨhwosi yososo Jisas wonefoêmaêmontonoho. Hwapɨngoso Jisas nakwoe hwaho lopo humamentiso sohonta yoêmayo hwaho loponjo tangoso Jisasɨmo honɨngkano wonyomo upemotamo lɨmentisofoho. Oso tango uêmaêmentiso soêno yoêmayo nakumo yamofo nalohofo soêno Jisas kako huno uyɨhwosoêno nefoêmayoêneso Jisas kako hoponoho.