Hipɨlu 6
PNG1 Osoêno nakwo Anɨtuye hungkuno wosopayo yokumpohnênyo paênyo soêno upoênantanoho. Hungkuno amno paênyoso sɨmoêmo upaênɨmentohofo osoênohino upaênɨngkuhwaloho. Oêo, hungkuno amno paênyoso olenoho. Nakwo hwahoponjo yahino wonyo somo hohujo ikinjaofɨhwasi Anɨtumo sɨmeho hiêntnnono uyano. Hwahoponjo yahino wonyoso ne anefoho. Monefoêmanehoho. 2 Nakwo honɨngkano songo tɨpemaêmalohwone soêno nomêne aêamu somo utɨhwayoêne mijo fɨkiyomapmno. Anɨtuye Towahunofe yokumpohnênyo mayoêne aho ulonjimokumno. Aêamu poyo peênyoso apaêno nolɨkapitnnefoho. Aêamu wonyo Anɨtuye hungkunomo haloho maposoênjoso hungkuno ikwolofɨkuji nɨhuênahone tɨkanomo neêno nohumantokutnnefoho. Oso hungkuno amno paênyoênohino upoênɨwoênɨngkuhwaloho. Oêo, oso hungkuno homo somo sɨmeho hiêntnnono uyɨhwasoêno 3 Anɨtu nefoêmasoêmanji nakwo hungkuno nomêne wosopayo yokumpohnênyo paênyoso upoênano. 4 Aêamu Anɨtuye hungkunomo upaênontɨfi huno wopɨngo tɨpemahonɨngkofi Anɨtu aêamu homo somo wopɨngo ulohofahonɨngki hofɨko Anɨtuye Towahuno Wopɨngo maêmentohofofoho. Oso aêamuso hofɨko Anɨtumneêno hohujo ikinjaofɨkuji hofɨko Anɨtuye honɨngkanomo inɨngkayoêneso apaêno pipi tɨpemapitnnehofo. Awonoho. 5 Hofɨko Anɨtuye hungkuno wopɨngo somo huno uyahonɨngki inɨngkawentɨfi hofɨko Anɨtuye yokumpohnênyo somo uhwonontɨfi yoêmayo tɨfi noêmo imoênone soêno huno uyɨmentisofoho. 6 Oso hohosohonta aêamu hiso Anɨtumneêno hohujo ikinjaoêmentohofoso hofɨko huno apaêno ikwesyafɨsiyoso honɨngkano anefoho. Awonoho. Aêamu Anɨtumneêno hohujo ikinjaoêmentohofoso paênyofoho. Hofɨko Jisasɨmo apaêno utɨhwaênyopo intoêofasyontɨfi aêamu hiso kakimo sitofo ulalokwofo. 7 Hwaho fipo ifoyo syonteso Anɨtu afofo uyoso sopo aêamu fihwa nonyo wosopayo hulɨfijoso wosopayo ne umoênɨmontonoho. 8 I osoêno wosopayo mofokafeênjo ihwosi hoja wonyo yongoênjo soênohini ne ane fokafo soêmanji hwaho wonyoponoho. Oso hwaho soponeêno Anɨtu kako hwaho wonyo nɨhuênahoneponoho walɨmontonoho. Toho wae weeoêmontonoho. Hwahoêneêmaho. Oêo, aêamumneêno mtɨêmokalokweno. 9 Nje aêamu soku, olo hungkuno tangoênjo selalokweno. I hungkuno tango loso aêamu Anɨtuye hungkunomo hwotoho fewoênɨngkiso somneênefoho. Sekwo Anɨtuye hungkunomo tɨfi inɨngkowahonɨngkuji Anɨtu sefoêmahwosoêno sekwo ne umoênantɨfeho. 10 Sekwo Anɨtumo sɨmeho wopɨngo engo uyalokwofo soêno yoêmayo syoho wopɨngoso ulɨkofalokwofo. Sekwo kakoe aêamu somo ufoêmawoênɨngkohofo somtaêangoso olohonta neêno ufoêmalokwofo. Oso syoho homo somneêno Anɨtu kako inɨngo momofalofiyoho. 11 Nakwo oleêno namoênɨngkohoho. Yoêmayo hontohumalofoso ne imoênyoêne soêno sekwo syoho engo ikuji sɨmeho Anɨtumo uyalokwofo somo aho yokumpohnênyo fɨkemokosyohumamno. 12 Sekwo pisoêmoênyo ikutoho. Oêo, sekwo aêamu Anɨtumo sɨmeho hiêntnnono yokumpohnênyo uyɨwoênɨngkohofo sofe yahinomo finɨngkamno. Hofɨko pisoêmoênyo miyoênjo yontɨfi yokumpohnênyo lohofontɨfi yoêmayo Anɨtu wosejapmmonnoho ulɨmentiso soêno hofɨko nomaneêentɨfi neêno hontohumawoênɨngkohofofoho. 13 Hohonta Anɨtu kakoe hungkuno yokumpohnênyo Apɨlohammo uyɨmentisofoho. Ngko Anɨtuêni olo hungkuno kijopalokwe loso ne umokumonnoho. Nje yofe kilohe soêno kɨko huno wakiyono. Hungkuno hiloso ne umoênɨmontonoho. 14 Anɨtu ose ulonto ulɨmento, Hungkuno ne umokumoneso olenoho. Ngko wopɨngo kilohohmêmo jɨje imuso piênɨngo engo wokijapmmonnoho. Ose ulɨmentisofoho. 15 Oseso Apɨloham kako neêno nohontohumanto Anɨtu ulɨmentiso soêno inɨngo mamoêmmentisofoho. Oêo, neêno hontohumanto kako kakoe hwomu maêmentisofoho. 16 Hwe fihwo kakoe hungkuno ne imoênyoêne aêamufe yofe hwofiloênnyo soêne aêamu nomêne somo ulɨmontonoho. Oso yofe engo ulososo kakoe hungkuno yokumpohnênyo imoênɨngkuhwosi nomêneso oso hungkuno homo somneêno yoka majoênjo ikuji hungkuno somo monje meehufitnnehofo. 17 Oso aêamu somo Anɨtu wopɨngo waselohoêmonnoho ulɨmentisoso hofɨko yoêmayoso nomapitnneêento huno uyoêneêento Anɨtu kako hungkuno yokumpohnênyo ulɨmentisofoho. Osoêno nakwo huno nayohoho. Kakoe hungkunoso mɨkwalonehoho. 18 Osoêno olo hufaêuyo losoêno nakwo huno nayohoho. Anɨtu kako nakumo wopɨngo waselohoêmonnoho nalɨmentisofoho. Anɨtu kakoe hungkunoso ne imoênonefoho. Oso hufaêuyo sofaêuneêno Anɨtu kako hwasyo malonehoho. Osoêno nakwo Jisas nemokosyohumaneêentani nakwo Anɨtuye hungkuno ne imoênɨmentiso soêno upoênontani oso hungkuno hiso yokumpohnênyo nesosofitofalofoho. Osoêno yoêmayo Anɨtu nalɨmentiso soêno aho yokumpohnênyo kemokosyohumalohwono. 19 Nakwo huno ole nayohoho. Anɨtuye hungkunoso ne imoênonefoho. Osoêno nakwo iyoho monanɨngkiyohoho. Anɨtumo uêmayoêne honɨngkano pɨkuênnyo somo Jisas kako hwosampoêmentisofoho. Kako nakumneêno sɨmoêmo napoêmentisofoho. Osopo nohumanto Jisas kako Anɨtumo motonefohiênalofoho. Oso syoho Melɨkisetek imentisoso Jisas kako neêno ihwonefoho.