Hipɨlu 8

1 Hungkuno lalokuhwone hwapɨngoso ole, Jisas kako nakwoênji Anɨtumo motonafohiênyoêne nakwoe wonyo wae enamofoêne nakwoe Hwe Engo hweho. Anɨtu kako ahwomomo humaso sohwoe aho angahohntaêni Jisas humanto yoêmayoso mokosyohumaho. 2 Osopo nohumanto Anɨtuye ango wopɨngo ne somo aêamu Anɨtumo motonafohiênyoêne syoho yalofoho. Oso ango neso aêamu molɨmentohofoêmaho. Oêo, Anɨtu kakoênohino molɨmentisofoho. 3 Aêamu hwahoponjo sohwa aêamufe wonyo wae yaofo syohoênjo sohwa hofɨkoe syoho olenoho. Hofɨko Anɨtumneêno yoêmayo yano uyontɨfi yahu fonjokisasyontɨfi yahuênji yoêmayo soênji Anɨtu uhwonyoêne kisahumotohofofoho. Osoêno nakwoe Hwe Engo Jisas Kɨlais kako huhwoênji Anɨtumo yoêmayo angaênohinoso yano uyɨmontonoho. 4 Jisas kako olohonta nakwoe hwaho lopo neêno humantontentesi kako olo syoho loênji miyɨhwonesohilo. Hwapɨngoso ole, aêamu hwahoponjoso olo syoho losoênji hofɨko hohontajo honɨngkano hungkunomo inɨngkawentɨfi yoêmayoso Anɨtu uhwonyoêne kisosyalokwofo. 5 I aêamu hwahoponjo olo syoho losoênjoso hofɨko aêamu Anɨtumo ufohiênyoêne syoho neso yamofo itɨhwalokwofo. Syoho neso Kɨlais kako Anɨtuye ango ahwomomjo ne somo yalofoho. Osopo kako Anɨtumo motonefohiênalofoho. Oso ango ahwomomjo soêno Anɨtu Mousesɨmo ulɨmentisofoho. Mouses kako Anɨtumneêno hwapɨfe ango wamolɨmonto yahonɨngki Anɨtu ole ulɨmento, Ngko ahwomomjo ango huyoêmango hwofɨkiênyopo utɨhwamentohe oso paênyoso hofiyo moso. 6 I osoêno oso syoho Jisas maêmentisoso aêamu hwahoponjoso aêamufe wonyo wae yaofo syohoênjo somo yakoloênnyofoho. Hwapɨngoso Jisas kako ahwomomo nohumanto nakwoênji Anɨtumo motonafohiênyoêne mokotɨjwonemokosyohumaho. Oso yahino songo Jisas yalokunjoso hohontajo yahino Anɨtumo ufohiênyoêne imotofo somo hwofiloênnyofoho. Jisasɨye yahino songoso neêno nowentɨhwonefoho. Hohontajo yahino yamofo itɨhwayo imotofoso moiêwo imoênonefoho. 7 Aêamufe wonyo wae yahino sɨmoêmjoso olenoho. Hofɨkoe wonyomneêno yahu fonjokisahumotofofoho. Oso yahino sɨmoêmjo hopantentesi Anɨtu kako nomêne yahino songoso monejapeênjo ihwonesohilo. 8 I osoêno Anɨtu kako aêamufe wonyo somo nuhwononto ole ulɨmento, Aêamu Isɨlael sɨkunonji, Juta sɨkunonji sekwo upaênɨmno. Ngko Anɨtu hwoênyoho. Sekwo ngkoênji mokotɨjwahinyo hungkuno songoso weêenepi waselɨmo. 9 Hungkuno songo loso hohontajo hungkuno seyakwosamo uyɨmentohe paênyoêmaho. Oêo, hohonta seyakwosa sohwamo Ijip mtaêni ipemotawenji hungkuno ngkoênji mokotɨjwahinyoso uyɨmentohefoho. I osoêno oso hungkuno homo somo hofɨko tɨfi minɨngkammentohofofoho. Osoêno ngko hofɨkimo hohujo ikinjɨmoêmentohefoho. 10 Olo hungkuno songo ngkoênji mokotɨjwahinyoso aêamu Isɨlael somo tɨfi noêmo uyɨmonneêno yohono. Hungkuno songo loso hofɨkoe hunomo, hofɨkoe sɨmehomo wohoênahumonneêno yohono. Hofɨko ngkimo wantɨfe, Kɨko nakwoe Anɨtu hwosoho. Ose wontantɨfeho. Ngko hofɨkimo ulɨmonnoho. Sekwo nje mehomi kuyoho. Ose ulɨmonnoho. 11 Oso hohosohonta aêamu angaêno angaêno ngko hungkuno songo hofɨkoe sɨmehomo hoênahumeso hofɨko homnɨngkwaêwehwosamo oso hungkuno hiso molutɨhwafitnnehofo. Sekwo Anɨtumneêno huno fɨsyafɨhupmno. Kakimo sɨmeho uyɨmno. Oso hungkunoso lutɨhwamentohofo oso hohosohonta molutɨhwafitnnehofo. Hwapɨngoso aêamu hopiênono engoênji weêeênji hofɨkoe hunoso ngkineêno huno ntoêno syafɨhupitnnefoho. 12 Osohonta ngko hofɨkineêno hitoho ntofahonɨngkuhwosi hofɨkoe wonyo wae umoêmonnoho. Ngko hofɨkoe wonyo homo somneêno apaêno huno mosyafɨhuêmnehono. Anɨtu ose lɨmentisofoho. 13 Anɨtu kako nakumo mokotɨjwonasiyoêne hungkuno songo nalɨmentiso soêno hohontajo honɨngkano hungkunoso yokumpohnênyo aneênjo imokumentisofoho. Oso hohontajo hungkunoso nɨhuênahone moiêwo umoênɨmonteêno yohoho.