Joun 5
PNG1 Oso moiêwo imoênɨngkahonɨngki aêamu Jutafe Sɨkuno Engo iyoho humayoêne iêmofopahonɨngki Jisas Jelusalemneêno sɨmentisofoho. 2 Oso ango Jelusalem sokilojo kuso angaêno yahu sipsipmnefoho lɨmotofofoho. Oso hopo sopo mijo ayo weêe woênnyoponoho. Aêamu Jutafe hungkuno ole Mpetesɨta. Oso hopo sopo ango aho angaêno hopiênono swoho ane ikuêyoênohinomoênnyoso lohoênnyoponoho. 3 Oso ango hopo sopo aêamu piênɨngo engo mnokinoênjoso humamotofofoho. Fehohnjoso tɨmpiênyo fehohnjo sɨfe wonyoênjo fehohnjo aêapaho poyo peênnyoênjo oso aêamuso humamotofofoho. [Hofɨko oso mijo ayo weêe huhwo sohwo songo songo iyoêne hontohumamotofofoho. 4 Hwapɨngoso sɨkuno fehohnjo Anɨtuye aêamu ahwomomjo fihwo noponto mijo ajwomoêmo songo songo imokahonɨngki uhwonontɨfi aêamu mnokinoênjo sohwo kako oso mijo somo sɨmoêmo hoênɨmaêmentiso osohwo kakoe mnokinoso moiêwo imoênɨmentisofoho.] 5 Oso hopo sopo hwe mnokinoênjo fihwo nohumentanɨngki soswo teti-et (38) uyakoloêmojo hweho. 6 Jisas noponto oso hwe huhwo sohwo fosyowentanɨngki uhwononto huno ole umento, olo hwe lohwo mnokino hohonta umojo hweho. Ose syafɨsyonto ulɨmento, Kɨko nje aêapaho wopɨngo wanɨmoênono lakinɨngkohoho. 7 Ose ulohonɨngkahonɨngki aêamu mnokinoênjo sohwo ulɨmento, Ou, hwe engofo, oso mijo songo songo yahonjo sohonta ngko aêamu nontomafɨkuji mijomo menɨhumajone aêamuso ane hwoênyoho. Ngko wahoênuêmoêmo ko lontnneso nomêne aêamuso niyakolofɨwoênɨngkohofo hwoênyoho. 8 Ose ulahonɨngki Jisas ulɨmento, kɨko nolɨkafohoji jɨje ife hoêyango yoêmayoso huêmemahoji hano mpano. 9 Ose ulahonɨngki nɨhuêno komoêno oso hwe sohwoe aêapaho wopɨngo imoênɨngkahonɨngki kako nolɨkafonto kakoe ife yoêmayoso nohuêmemanto kako hano umentisofoho. Oso sɨkuno hiso sɨkuno iyoho humayomnoho. 10 Oseso aêamu Jutafe hwe engo sohwa hofɨko oso hwe wopɨngo umokumentiso sohumo ulɨmentohofi, Olo sɨkuno loso iyoho humayoênefoho. Jɨje ife yoêmayoso mokohoênaweêne sɨkuno mêmaho. Kɨko nakwoe honɨngkano hungkunomo mtɨhupeelokuno. 11 Ose ulahonɨngkofi kako ole ulɨmento, Oso hwe kako wopɨngo nɨmokonto ntohoho, Kɨko nolɨkafohoji jɨje ife yoêmayoso huêmemahoji hano mpano. Ose ntisoênefoho. 12 Ose ulahonɨngki hofɨko ulohonɨmentohofi, Tɨhwoe aêamuhwo kilisoto. Jɨje ife yoêmayoso mahoji mpano eso. 13 Ose ulahonɨngkofi oso hwe wopɨngo imoênɨmentiso sohwo kako Jisas kakoe yofeso huno muyo hweho. Hwapɨngoso oso hopo sopo Jisas kako oso hwe huhwo sohumo wopɨngo umokonto aêamu piênɨngo engo somo uhwononto kako komoêno ulɨkoêmaêmentisofoho. 14 Hwangku sohonta Jisas kako oso hwe huhwo sohumo Anɨtuye tajo ango engo somo tɨpɨhwononto ulɨmento, Kɨko upaênyo. Wopɨngo nto imoênɨngkino hwosoho. I kɨko honɨngkano wonyoso apaêno yohotoho. Nomêne tango engo mɨkunɨmposo kuêmanoho. 15 Ose ulahonɨngki oso hwe huhwo sohwo kako nowento aêamu Jutafe hwe engo sohwamo ulɨmento, Oso hwe ngkimo wopɨngo nɨmokumaso sohwo Jisasɨyoho. Ose ulɨmentisofoho. 16 Oso hohosohonta aêamu Jutaso hofɨko Jisasɨmneêno wonyo ulohofano lontɨfi oso hisoêno hungkuno lomaêmentohofofoho. Hwapɨngoso Jisas kako oso hwe wopɨngo umokumentisoso sɨkuno iyoho humayo somo imentisofoho. 17 Hofɨko Jisasɨmo yoka hungkuno ulahonɨngkofi Jisas ulɨmento, I nje Mpohwo kako sɨkuno huhwo huhwi aêamumo wopɨngoênohini neêno ulohofɨwoênɨngkiso hweho. Kako usijoêno mofosyohumayo hweho. Oso paênyo sɨkuno huhwo huhwi ngko huhwoêni aêamumo wopɨngo ulohofɨwoênɨngkohe hwoênyoho. Ose ulɨmentisofoho. 18 Jisas ose ulɨmentiso soêno aêamu Jutaso hofɨko Jisasɨmo wofonjosyano lontɨfi imentohofofoho. Hwapɨngoso hofɨko huno ole syafɨhuêmentohofi, Jisas kako sɨkuno iyoho humayo somo syoho iwoênɨngkiso hweho. Osoênohiniêmaho. Oêo, kako Anɨtu nje Mpohweho nalisoêmanji kako huno ole syofɨsyalofoho. Ngko Anɨtuênji afa hwoênyoho. Ose syafɨsyontɨfi hofɨko Jisasɨmo wofonjosyano lontɨfi imentohofofoho. 19 Jisas aêamu Juta huhwa sohwamo ulɨmento, Hungkuno nehopiênohini waselɨmonneêno yohono. Ngko Anɨtuye Hwomu sohwoêni nje huno mtaêni ngko yoêmayoso siki mimnehono. Oêo, yoêmayo nje Mpohwo yalokunjo somo uhwononji ngko yalokweno. Yoêmayo Mpohwo yonteso Hwomu sohwo kako iwoênɨngkohoho. 20 Nje Mpohwo kako sɨmeho engo mɨkunɨmposo Ngkimo ntapɨwoênɨngkiso soêno kako yoêmayo hopiênonohino yalokusoso ntɨhwawoênɨngkisofoho. Oseso yoêmayo ntɨwoênɨngkisoso ngko yalokweno. Olo syoho weêe imale somo sekwo tɨmo uhwonɨmalofo sohwasi hwangku Anɨtu kako syoho engo olo syoho weêe homo lomo hwofiloênnyoso ntapɨhwosoêno sekwo uhwonɨngkuji sekwo yomo uyantɨfeho. 21 Mpohwo kako aêamu poyo peênyo somo ulɨkafonte sohwo songo apaêno umokuwoênɨngkiso hweho. Oseso Ngko huhwoêni aêamu fehohnjo poyo peênyo somo ulɨkaêmo lɨmeso i ulɨkaêmonnoho. 22 Olohonta Mpohwo Anɨtu kako aêamufe honɨngkano somneêno wopɨngofoho wonyofoho mujo hweho. Oêo, kako oso syoho hiso kakoe Hwomu sohwoênɨmo ntapmmentisofoho. 23 Oseso hwe moyaêmi hopiênonohinoso hofɨko Mpohwoe yofe hoênomawoênɨngkohofo hopaso hofɨko kakoe Hwomu sohwoêniye yofe hi hoênonɨmapitnneêento syoho hiso ntapmmentisofoho. I osoêno aêamu nje yofe mohoênonɨmayoênjo hwoêmanji hofɨko nje Mpohwo nɨhwatɨmentiso sohwoe yofe hi mohoênomayoênjofoho. 24 Ose ulɨkwato lohofonto ole ulɨmento, Ngko nehopiênohino waselɨmonneêno yohono. Aêamu hofɨko nje hungkunomo upaênɨngkuji Anɨtu nɨhwatɨmentiso sohumo sɨmeho hiêntnnono uyɨkuji hofɨko songo neêno wopɨngo humayoêne hiênjofoho. Hwangku hofɨkoe yahino somneêno hungkuno ikwolofo angkuhwafo sopo mêmofapitnnefoho. Hofɨko poyo peênyo yahino somo hwotoho fentɨfi songo neêno humayo yahinoso nto tɨpemaêmentohofofoho. 25 Hungkuno nehopiênohini selalokweno. Oso sɨkuno uêmofapmmonto imentiso sohwi nto iêmofapohoho. Osoêno olohonta aêamu poyo peênɨmentohofoso hofɨko Anɨtuye Hwomu sohwoêniye mango mtaêni nje hungkuno upoênantɨfeho. Oso aêamu hiso oso hungkuno homo somo sɨmeho uyɨkujiêmanji hofɨko songo neêno nohumantokutnnefoho. 26 Nje Mpohwo kako songo humayo hwapɨngo sohwo kako kakoe Hwomu sohwoênnonji songo fosyohumayoêne hwapɨngo nɨmokumentisofoho. 27 Oseso Anɨtu kakoe Hwomu sohwoênɨmo oso syoho aêamufe yahino somneêno wopɨngofoho wonyofoho ujoso ntapmmentisofoho. Hwapɨngoso Ngko Aêamufe Hwomu nɨhwosopoêmentiso hwoênyoho. 28 Sekwo olo hungkuno lomneêno yomo ikutoho. Hwangku nomêne sɨkuno imoênyo sohwi iêmofapɨhwosoêno aêamu poyo nto peênontɨfi piênɨmomo wotofoso hofɨko nje mampaho wonupoênantɨfeho. 29 Hofɨko nupaênɨngkuji apaêno songo wolɨkofantɨfeho. Aêamu yahino wopɨngo imotofoso songo neêno nohumantokutnnefoho. Aêamu yahino wonyo imotofoso tohino engo tɨpemapitnnefoho. 30 Ngko aêamufe yahino somneêno yano milofɨhwajiyo syoho imeso nje huno mtaêni mimnehono. Oêo, ngko nje Mpohwoe hungkunomo upaênɨêmo osomnohini ngko tɨfi inɨngkaêmo ngko aêamumo yano milofɨhwajiyoso ntoênohino uyɨmonnoho. Hwapɨngoso ngko nje huno mtaêni uyɨmonjiêmaho. Oêo, nɨhwatɨmentiso sohwo yoêmayo umoênososo uyɨmonnoho. 31 Ngko sekumo ngkineêno hungkuno selɨêmeêno sekwo huno ole wosyofɨsyantɨfeho. Kakoe hungkuno nehopitɨkeno. Hwasyo kolalofoho. Ose wosyofɨsyantɨfeho. 32 I osoêno nomênihwo nje Mpohwo oso hungkuno ngkineêno selokweso kako huhwo nje hwapɨngo soêno setɨhwalofoho. Oso ngkineêno setɨhwalokusoso ngko huno niyohoho, nehopeho. 33 I nomêne hungkuno upaênyo. Oso hwe Joun Aêamumo Mijo Kiyomaêmojo sohwoe hungkunomo sekwo upoênaneêentɨfi kakiyepono sekwoe aêamumo uhwatɨmentohofofoho. Oso hwe huhwoênji nje hwapɨngo soêno hungkuno nehopi nto selɨmojofoho. 34 Ngko hwaho loponjo hwe sohwoe hungkuno ngkineêno nje hwapɨngo soêno selɨmentiso soêno ngko huno piênɨngo maniyantofiyoho. I osoêno sekwo ngkimo sɨmeho ntapɨfitnneêno sekwoe wonyomjo tohino somtaêni isɨhutofosemayoêne Jounɨye hungkunoso huno sefohotofoêne selalokweno. 35 Joun sohwo kako sikiloho hopo imoênonto sekumneêno pomponaho losesiyoêne hweho. Sekwo kakoe pomponahopo weêenepi wohumano lontɨfi sɨmonyo imentohofofoho. 36 I osoêno olohonta nomêne wopɨngo Jounɨmo hwofiloênnyoso nje hwapɨngo soêno losetɨhwalofoho. Oso hiso nje syoho wopɨngo Mpohwo ntapmmentiso aêamu miyɨwoênɨngkiyohofoso yalokweno. Oso syoho hiso sekwo uhwonɨngkuji nje hwapɨngo soêno huno waseyono. Mpohwo Anɨtu lɨhwatɨmentiso hweho waseyono. 37 Nje Mpohwo nɨhwatɨmentiso sohwo sekwo kakimo muhwonyoênjo ko yontɨfi kakoe mampaho somo mupaênyoênjo ko yahonɨngkofi kako huhwo nje hwapɨngo soêno nto setɨhwamentisofoho. 38 Kakoe hungkunoso sekwoe sɨmeho moêmo maseuyoho. Hwapɨngoso sekwo Anɨtu nɨhwatɨmentiso sohwoênɨmo sɨmeho hiêntnnono montape kuyoho. 39 Sekwo huno ole syofɨsyalokwofo. Nakwo Anɨtuye hungkunomo sɨkuno huhwo huhwi atofo lɨwoênasoso nakwo songo neêno humayoêne wotɨpemantanoho. Ose syafɨsyontɨfi sekwo oso hungkuno homo somo hafɨhafe tɨpewoênɨngkohofofoho. I osoêno oso hungkuno hiso nje hwapɨngo soêno ko lɨjwaofɨwoênɨngkisoso 40 sekwo ngko songo neêno wonyoangkafo humayo hwapɨngo sohwoênɨmo nɨêmayo soêno nakwolaho lɨwoênɨngkohofofoho. Osoêno sekwo songo neêno humayoso matɨpmmopiyo hwasoho. 41 Olo hungkuno loso sekwo nje yofe wohoênonɨmantɨfeêno maselalokuyohono. 42 Oêo, ngko sekwoe yahino somneêno huno niyohoho. Sekwo Anɨtumneêno Nakwolaho lalokwofo. 43 Ngko nje Mpohwoe yokumpohnênyoênji noponji seêmaêmentoheso, Ngko Anɨtu mtaêango hwoênyoho selɨmentohefoho. I osoêno sekwo nje hungkunomo mohoênonɨmaso hwasoho. I hwe nomênehwo kakoe huno mtaêni seêmahwosi kakoe yokumpohnênyoênji yoêmayoso ihwosoêno sekwo kakoe hungkunomo wohoênomantɨfeho. 44 Sekwo sekwoe yofe hoênomaênɨwoênɨngkohofofoho. I osoêno sekwo sekwoe yahino somneêno Anɨtu kako huno pipi kuyalofoho eso huno mosyafɨsiyoênjo liyalokwofo. Oêo, kakoe syohofoho lalokwofo. Oso hisoêno sekwo Anɨtu ne angaênohino sohumo sɨmeho hiêntnnono muyɨfitnnehofo. 45 Tɨfi noêmo sekwoe honɨngkano somneêno hungkuno ikwolofoêne sopo ngko nje Mpohumo sekumneêno mulɨmnehono. Oêo, Mouses sekwoe hungkuno ikwolofoêne sopo sekwoe wonyo somneêno Mpohumo ulonefoho. Hwapɨngoso sekwo huno ole syofɨsyalokwofo. Nakwo Mousesɨye honɨngkano hungkunomo itoêno inɨngkowalokuhwono. Osoêno nakwo songo neêno wonyoangkafo humayo soêno wotɨpemantanoho. Ose syofɨsyalokwofo. 46 I osoêno sekwo Mousesɨye hungkunomo sɨmeho hiêntnnono nehopi uyontɨfijontentesi sekwo nje hungkuno homo somo sɨmeho hiêntnnono nontapɨkutnnesohilo. Hwapɨngoso Mouses kako ngkineêno hungkuno mtɨêmokumentisofoho. 47 Oso hungkuno Mouses ifalifaliyo mtɨtmokumentiso somo sekwo ntoêno minɨngkayo hwasɨêmanji sekwo nje hungkunomo sɨmeho hiêntnnono pipi wotɨpeentɨfito. Awonoho. Jisas ose ulɨmentisofoho.