Joun 9
PNG1 Jisas kako hano emoyonto hwe tɨmpiênyo fihumo uhwonɨmentisofoho. Oso hwe huhwo sohwo konaêwohi aswo mayoso tɨmpiênyo humomaêmentisofoho. 2 Jisas oso hwe huhwo sohumo uhwonɨngkahonɨngki Jisasɨye inomokomoyo sohwonaêni kakimo ulohonɨmentɨhwoni, Nakwoe Lonetɨhwayo sohwosi, oso hwe sohwo tɨmpiênyoso pehoêne imoênnyoto. Kako honɨngkano wonyo imofonto imoênɨmentisotaho. Kanɨngkwohwoêyaêu honɨngkano wonyo imoêmentisiyomo imoênnyotaho. 3 Inomokomoyo sohwonaêni ose ulahonɨngkuhwoni Jisas nalɨmento, Oêo, olo hwe lohwoe tɨmpiênyo imoênyo hwapɨngoso kakoe honɨngkano wonyo mtaêangoêmaho. Kanɨngkwohwoêyaêuye honɨngkano wonyo mtaêangoêmaho. Oêo, olo tɨmpiênyo imoênyo hwapɨngoso Anɨtu kako olo hwe lohumo kakoe yokumpohnênyo utɨhwaênyopo uyɨmo lɨmentisofoho. 4 Ose ulonto kako pahnnɨmo hungkuno ole ulɨmento, Mofehiênyo neêno lohofontanɨngkuhwosi nakwo yoêmayo syoho Anɨtu ngkimo nɨhwatɨmentiso sohwo nejapmmentisoso komoêno uyano. Sɨkuno mehwosoêno nakwo syoho miyanehwono. 5 Ngko olo hwaho lopo nohumentanɨêmo olo hwaho loponjo pomponaho paênyo hwoênyoho. 6 Ose nalonto kako hwaho weêeso nomanto memijo hwahomo uyatɨêmofonto yokoênyo imokonto tɨmpiênyo sohwoe tɨmopo ulohoêmentisofoho. 7 Ose ulohofonto ulɨmento, Kɨko nowehoji oso mijo ayo Silouam soponjo somo mijo fiyomaênyo. Ose ulɨmentisofoho. Oso mijo yofe Silouamɨyoso hwapɨngoso olenoho, Lɨhwajiyofeênefoho. Oseso oso hwe huhwo sohwo kako mijopo nowento mijomo yomaênonto asomo nosaponto kako tɨmo wopɨngo honɨmentisofoho. 8 Hohonta oso hwe huhwo sohwo kako tɨmpiênyo nohumanto honɨngkano momɨngo sopo nohumentanɨngki aêamu nopasontɨfi nopawentɨfi yontanɨngkofi kako hofɨkintaêni hamniyoho yoêmayo soêno jomo ulɨmojo hweho. Oso aêamu huhwo sohwanji oso aêamu hwe tɨmpiênyo sohwo kakoe ango afapontaêango sohwanji hofɨko hnnɨmentohofi, Pipilo. Olo hwe lohwo kako honɨngkano lopo nofosyohumanto nakumo hamniyoho yoêmayo soêno jomo nalɨwoênɨngkiso lohwolaho. 9 Ose hnnɨngkahonɨngkofi aêamu fehohnjoso ole lɨmentohofi, Ou, olo hwe lohwo sohwo olo huhweho. I nomênihwo ole lɨmentohofi, Oêo, awonoho. Oso hwe huhwo sohwo paênyo hwolɨkeno. Ose lahonɨngkofi oso hwe tɨmpiênyo wopɨngo umokumentiso huhwo sohwo ole ulɨmento, Ngko olo huhwoênyoho. 10 Ose ulahonɨngki hofɨko ulɨmentohofi, Jɨje tɨmo wopɨngo kumoênɨngkisoso pipi yohinoto. 11 Ose ulohonɨngkahonɨngkofi kako ulɨmento, Oso hwe Jisasɨyoho lɨwoênɨngkohofo sohwo kako hwahoênji memijoênji iwoloêmokonto kako nje tɨmopo ntohofisofoho. Kako nantohofonto ntohi. Kɨko nowehoji mijo ayo Silouam mtaêni mijo fiyomaênyo. Ose ntahonɨngki ngko nowenji mijo yomaênɨngkoheso nje tɨmo wopɨngo nɨmoênɨngkohoho. Tɨmo yoêmayo somo uhwonɨngkohono. 12 Ose ulahonɨngki hofɨko ulɨmentohofi, Oso hwe huhwo sohwo ntɨêmo humaho. Ose ulahonɨngkofi kako ulɨmento, Kakoe humayo soponeêno ngko huno maniyohoyohoho. 13 Ose ulahonɨngki hofɨko oso hwe tɨmpiênyo emmojo sohumo aêamu Falisi sohwafepono ipemotamentohofofoho. 14 Hwapɨngoso oso sɨkuno somo Jisas kako oso hwaho memijoênji iwoloêmokonto hwe sohwoe tɨmo wopɨngo umokumentisoso sɨkuno iyoho humayo somnoho. 15 Hofɨkoe ango sopo iêmofapontɨfi hofɨko kakimo apaêno ulohonɨmentohofi, Jɨje tɨmo wopɨngo imoênyoso pipi yonji honɨmahnnoto. Ose ulahonɨngkofi kako ulɨmento, Kako hwaho yokoênyoso nomanto nje tɨmopo ntohofahonɨngki ngko mijo yomaênɨmaleso ngko tɨmo honɨmalefoho. Ose ulɨmentisofoho. 16 Aêamu Falisi fehohnjo sohwa ole lɨmentohofi, Oso Jisas huhwo sohwo kako sɨkuno iyoho humayo somo syoho iwoênɨngkiso soêno nakwo huno ole nayohoho. Kako Anɨtu mtaêango hwoêmaho. Ose lahonɨngkofi nomênihwa ulɨmentohofi, I kako nakwoe honɨngkano wonyoêmtaêango hwoêmanji kako olo wonyoangkafo nakwo miyɨwoênɨngkuhwone loso pipi imasoto. Ose lontɨfi hofɨko hwasyopo hotitofontɨfi yoka hungkuno hnnɨmentohofofoho. 17 Oseso aêamu Falisi sohwa hofɨko oso hwe huhwo sohumo apaêno ulohonɨmentohofi, Oso hwe jɨje tɨmo wopɨngo kumokumaso sohumneêno kɨko huno pipi kiyohoho. Ose ulohonɨngkahonɨngkofi kako ulɨmento, Oso hwe huhwo sohumo Anɨtu hungkuno uyahonɨngki nalɨwoênɨngkiso hweho. Ose ulɨmentisofoho. 18 Oso aêamu Jutafe hwe engo sohwa hofɨko oso hwe tɨmpiênyo emmojo sohwoe hungkunomo sɨmeho hiêntnnono mummentohofo soêno hofɨko huno ole syafɨhuêmentohofi, Olo hwe lohwo kako tɨmpiênyo memmojo hweho. Oêo, nomêni hweho. Ose syafɨsyontɨfi kanɨngkwohwoêyaêumneêno joho ulɨmentohofofoho. 19 Joho ulontɨfi ulɨmentohofi, Oloso sikoe hwomutaho. Konaêwohi aswo maêmentiso sohonta tɨmpiênyo maêmentiso hwoêmanji i olohonta kakoe tɨmo wopɨngo pipi imoênɨngkohoho. 20 Ose ulohonɨngkahonɨngkofi kanɨngkwohwoêyaêu siko ulɨmentisiyo, Nekwo huno ole eyohoho. Oloso nekwoe hwomu hweho. Konaêwohi aswo maêmentiso sohonta kako tɨmpiênyo maêmentiso hweho. Osoêntnne nekwo huno eyohoho. 21 I osoêno olohonta kako tɨmo pipi yonto honɨngkohoho. Osoêno nekwo huno meyohoyohoho. I oso aêamu kakoe tɨmo wopɨngo umokumaso sohuneêno osoêntnne nekwo huno meyohoyohoho. I sekwo nekwoe hwomu sohumo ulohonɨmno. Kako engo nto imoênɨmentono. Kako kakineêno sekumo hungkuno waselono. 22 Oso hungkuno kanɨngkwohwoêyaêu ulɨmentisiyo hwapɨngoso hofɨko Jutafe hwe engo sohwamneêno iyoho unɨmentisofoho. Hwapɨngoso oso hwe engo sohwa olo hungkuno nto kotɨkuêmentohofo, Aêamu fihwo kako Jisasɨmneêno kako Kɨlaisɨyoho. Anɨtu uhwatɨmentiso hweho lɨjwaofosoêmanji hofɨko oso aêamu huhwo sohumo tajo ango mtaêni wae yaopitnnefoho. 23 Oso hungkuno nto kotɨkuêmentohofo soêno kanɨngkwohwoêyaêu ulɨmentisiyo, Nekwoe hwomu engo nto imoênɨmentiso hweho. Kakimo ulohonɨmno. 24 Ose ulɨmentisiyo soêno hwe engo sohwa hofɨko oso hwe tɨmpiênyo emmojo sohuneêno apaêno joho ulontɨfi ulɨmentohofi, Olo wonyoangkafo imoênɨmaso soêno kɨko Anɨtuye yofeênohini fohoênomaho. Jisasɨye yofe nohoênomahotoho. Kako hwe honɨngkano wonyoênjo hweho. 25 Ose ulahonɨngkofi kako ulɨmento, Jisas kako honɨngkano wonyoênjo hwolɨkeno. Ngko huno maniyohoyohoho. I osoêno ngko oloênohini huno niyohoho. Hohonta ngko tɨmpiênyo humamote hwoênyoho. Olohonta ngko tɨmo ntoêno honalokweno. 26 Ose ulahonɨngki hofɨko ulɨmentohofi, Kako kikimo pipi kilohoêmasoto. Kako jɨje tɨmo wopɨngo pipi kumokumasoto. 27 Ose ulahonɨngkofi ulɨmento, Oso hungkuno hiso ngko nto selɨmalefoho. Sekwo nje hungkunomo haloho maposoênjo imalofɨhwasoho. Sekwo apaêno upoênantɨfiêno lolalokwofo. Sekwo kakoe inomokomoyo umoênantɨfiêno lolalokwofo. 28 Ose ulahonɨngki hofɨko hungkuno wonyo ulɨmentohofi, Kɨko kɨkoênohini kakoe inomokomoyo hwosoho. I osoêno nakwo Mousesɨye inomokomoyo hwonaênyoho. 29 Anɨtu kako Mousesɨmo hungkuno ulɨmentiso soêno nakwo huno nayohoho. I osoêno olo Jisas lohwo kako ntɨêmo iêmofapmmentiso hwolo. Nakwo huno monayohoyohoho. 30 Ose ulahonɨngkofi kako pisopisaho lonto ulɨmento, Oso hwe sohwo kako nje tɨmo wopɨngo nɨmokumaso lohuneêno sekwo kakoe hwapɨngo iêmofapmmentiso soêno sekwo huno maseyoho hwasoho. 31 I olo soêno nakwo huno nayohoho. Anɨtu kako aêamu honɨngkano wonyoênjo sohwafe hungkunoso mupoênalofiyoho. I osoêno aêamu fihwo kako Anɨtumo hwomtame ulofɨwoênɨngkiso sohwo kako Anɨtuye hungkunomo tɨfi inɨngkayo soêno kako Anɨtuye sɨmeho wopɨngo imokuwoênɨngkiso osohumo Anɨtu kakoe hungkunomo haloho upoênalofoho. 32 Sɨmoêmtaêango sɨkuno memjaoêmoponto mpoyo olo paênyoso mawoênnyoponoho. Hwe fihwo konaêwohi maêmentiso sohonta tɨmpiênyo meesyoso sohwoe tɨmoso hwangku hwe nomênihwo wopɨngo umokonefoho eso mupaênyofoho. 33 I Anɨtu oso hwe huhwo sohumo mɨhwatɨmentisoêmanji kako oso wonyoangkafo ntohoêmasoso miyɨhwonesohilo. 34 Ose ulahonɨngki hofɨko ulɨmentohofi, Kɨko tohwoênanjwo mehomi hwosoho. Nɨhuêno wonyo hwosoho. Kɨko Anɨtuye hungkuno wolonetɨhwamonntaho. Mpano. Ose yokumpohnênyo ulontɨfi kakimo wae yaoêmentohofofoho. 35 Oso hwe tɨmpiênyo emmojo sohumo hwe engo sohwa tajo ango somtaêni wae yaoêmentohofo soêno Jisas upaênonto oso hwe sohumneêno tɨpɨhwononto ulɨmento, Kɨko Aêamufe Hwomu sohumo sɨmeho hiêntnnono luyalokuno. 36 Ose ulahonɨngki ulɨmento, U, Hwe Engofo, oso Aêamufe Hwomu sohwo tɨhwolo. Kɨko yoloho ntohojoêno ngko kakimo sɨmeho hiêntnnono uyɨmonnoho. 37 Ose ulahonɨngki Jisas ulɨmento, Kɨko nto nohonɨngkohino. Ngko olo huhwoêni kilalokweno. 38 Ose ulahonɨngki kako Jisasɨmo ulɨmento, Hwe Engofo, ngko sɨmeho hiêntnnono kijopalokweno. Ose ulonto kako hwomtame ehumanto Jisasɨye yofe hoênomaêmentisofoho. 39 Oseso Jisas nohumanto aêamu hopiênonohino somo ulɨmento, Ngko olo hwaho lopo pmmentoheso aêamu olo hwaho loponjofe yahino somo yano ilofoêne pmmentohe hwoênyoho. Oseso aêamu Anɨtuye yahino yoêmayo soêno nto tɨpemaêmentɨhwone soêno nakwo huno hwapɨngoênjɨênwoho. Nomêne huno songo tɨpemayoêne syoho engo pehoêne yanehwono. Nakwo tɨmpiênyoênɨêmaho. Ose lɨwoênɨngkohofoso hofɨko tɨmpiênyo hwafoho. Hofɨkoe tɨmpiênyo hisomo ujo wehontojwahumonji pmmentohono. I aêamu Anɨtuye yahino yoêmayo soêno nakwo hunoênjɨêmaho lontɨfe oso aêamu hofɨko tɨmpiênyo paênyo ko huhwo hofɨko huno wopɨngo tɨpemayoêne syoho engo yalokwofo. I ngko honɨngkano itoênohino somo hofɨkimo utɨhwamonji pmmentoho soêno hofɨko huno wopɨngo tɨpemayoêne syoho engo yalokwofo soêno hofɨko tɨmo honyofoho. 40 Ose ulahonɨngkofi aêamu Falisi fehohnjo sohwa Jisasɨênjo mofonepo humamentohofo sohwa oso hungkuno hisomo upaênontɨfi Jisasɨmo ulɨmentohofi, Nakwo sohwonaêni tɨmpiênyo hwonaêntaho. Ose lolalokuno. 41 Ose ulahonɨngkofi Jisas ulɨmento, Sekwo ole lontɨfijontentesi, Nakwo Anɨtumneêno huno ntoênohino nainyo hwonaênɨêmaho. Oêo, nakwo aêamu tɨmpiênyo paênyo hwonaênyoho. Ose lontɨfijontentesi sekwo sekwoe honɨngkano wonyo somneêno tohino momapitnnesohilo. I osoêno sekwo ole lalokwofo. Nakwo Anɨtuye yahino somneêno huno hwapɨngoênjo hwonaênyoho. Nakwo tɨmo honyo hwonaênyoho. Oseso sekwoe honɨngkano wonyo somneêno tohino nomapitnne hwasoho. Ose ulɨmentisofoho.