Luk 1
PNG1 Nje hwe engo Tiyoufilos sohwosi, kɨko nje hungkuno upaênyo. Kɨlais kako olo hwaho lopo humamojo sohonta yoêmayo imoênɨmentiso somneêno aêamu piênɨngo engo sohwa hofɨko nakwo ifalifaliyo womtɨêmokano lontɨfi yamofo imentohofofoho. 2 Jisasɨye inomokomoyo sohwanji nomêne aêamu soênji hofɨko yoêmayo Jisas imentiso sɨmoêmtaêango somo tɨmo uhwonontɨfi aêamu nomêne somo ulahonɨngkofi hofɨko mtɨêmokumentohofofoho. 3 I, ngko huhwoêni Jisasɨye mpoyoso kikiyepono wolɨhwatɨmo lonji mtɨêmokalokweno. Sɨkuno piênɨngo engo ngko syoho yokumpohnênyo yonji hungkuno hisoêno itoêno yasiyoêne aêamu piênɨngo engo somo yoêmayo sɨmoêmtaêango somneêno ulohononji hungkuno hwapɨngo neso tɨpemanji hungkuno itoênohini kikineêno mtɨêmokalokweno. 4 Oseso yoêmayo hungkuno nto lokitɨhwawoênɨngkohofo somneêno nehopitɨkeno hwasyotɨkeno syafɨsyohojɨêmanji olo hungkuno kikineêno kumtɨêmokiyalokwe losomo atofo lohoji hungkuno neso wotɨpemaêmonnoho. 5 Nje mpoyo lomayoso olenoho. Hwe engo Helout sohwo kako hwaho Jutiya mokosyohumamentiso sohonta hwe fihwo kakoe yofe Sekolaiya sohwo kako nohumanto kako tajo ango syohoênjo hweho. Oso syoho imotofo huhwo sohwa hotitoêmentohofoso aêamu fehohnjoso Apaija mokosyohumamentisofoho. Sekolaiya hofɨkoênji syoho imojo hweho. Sekolaiyafe ape hiye temtitofo huhwa oso syoho imotofofoho. Kako Mousesɨye kolaêwehwo Elounɨye imuyoho. Aêmu hisi yofe Elisapetɨyoho. 6 Hisiyaêu siko Anɨtuye tɨmo sopo wonyohofiyo humamojiyeyaêuyoho. Siko Anɨtuye honɨngkano hungkuno itoênohino somo inɨngkawenji honɨngkano wonyo ane humamojiyeyaêuyoho. 7 Siko mehomi nɨhuêno ane yaswoho. Hwapɨngoso Elisapet kako hwonjo ape humanto siko aêmane imoênɨmentisiyeyaêuyoho. 8 Sekolaiyafe aêamu hotitoêmentohofo sohwa hofɨkoe sɨkuno Anɨtuye ango engo somo syoho iyoêne iêmofopahonɨngki hofɨko aêamu uhwosope yahinoso yontɨfi Sekolaiya sohumo Anɨtuye sɨmano sopo lohofoêne uhwosopoêmentohofofoho. Oseso kako oso ango ajwo soêmo Anɨtuye angofoho lɨwoênɨngkohofo sopo noswonto hwamno paênyo akino wopɨngoênjoso Anɨtumneêno tɨkayo usɨmokumentisofoho. 10 Sekolaiya kako oso tɨkayo usɨmokontanɨngki aêamu piênɨngo engo sohwa hofɨko mempo hohntaêni nohumantɨfi Mpohumo jomo ulɨmentohofofoho. Hofɨkoe yahino ose imotofofoho. 11 Sekolaiya osopo nohumanto uhwonɨmentisoso Anɨtuye aêamu ahwomomjo sohwo kako oso epohumayo tɨkayo usɨmokiyo aho anga sohohntaêni lohofontanɨngki uhwononto 12 yomo engo yonto iyoho unɨmentisofoho. 13 I osoêno aêamu ahwomomjo sohwo kakimo ulɨmento, Sekolaiya, kɨko iyoho yohotoho. Anɨtu kako jɨje jomo ujo somo nto kupaênɨmaho. Jɨje ape Elisapetɨsi kako hwomu womaêmontonoho. Notɨpemahosɨsi kɨko yofe ole muso Jounɨyoho. 14 Hwomu huhwo sohwo iêmofopahonɨngkuhwosi siko sɨmonyo engo uyanjiyoho. I aêamu piênɨngo engo hiênji sɨmonyo engo uyantɨfeho. 15 Hwomu huhwo sohumo Anɨtu kako yofe engo mulonefoho. Kako yoêmayo mijo yokumpohnênyoso nonɨngkuhwoloho. Kako konaêwohiye sɨmeho moêmo mnawentanɨngkuhwoso sohonta Anɨtuye Towahuno Wopɨngo uhulaêofonefoho. 16 Kako Anɨtuye hungkuno aêamu Juta somo ulɨhwosoêno hofɨko hofɨkoe honɨngkano wonyo somneêno hohujo ikinjaofɨkuji hofɨko hofɨkoe Hwe Engo Anɨtu sohumo apaêno unɨngkowantɨfeho. 17 Kako oso aêamu sohumo Ilaija hohonta Anɨtu hungkuno uyahonɨngki lɨmojo sohwoe yokumpohnênyo paênyo sohwo nohumahwosi kako oso hwe Anɨtu nakwoe hwahopo uhwatɨmonteêno yoso sohumneêno aêamufe honɨngkano itoêno esyohumayoêne hweho. Kako Anɨtuye hungkuno ulɨhwosoêno hwe sohwa upaênɨngkuji hofɨko hofɨkoe mehomi sɨmeho afa apaêno wepufisyantɨfeho. Aêamu sɨmeho afa minyoênjoso Anɨtuye hungkunomo hwotoho fewoênɨngkohofoso hofɨko aêamu honɨngkano wopɨngoênjo sofe huno apaêno wotɨpemantɨfeho. Oseso kako Hwe Engo sohumneêno aêamu itoêno wesyohumamontonoho. 18 Aêamu ahwomomjo sohwo ose ulahonɨngki Sekolaiya ulɨmento, I, pipineto. Ngko aêmane moiêwonoho. Nje ape hi aêmane moiêwonoho. Jɨje hungkuno ne imoênyoso ngko huno pipi wanimontolo. 19 Ose ulahonɨngki aêamu ahwomomjo sohwo ulɨmento, Ngko Ngkepɨliyel hwoênyoho. Ngko Anɨtuye sɨmanopo lohofɨwoênɨngkohe hwoênyoho. Olo hungkuno wopɨngoêne kilohe losoêno Anɨtu kako lonɨhwatɨmasoêno pmmale hwoêni kuêmahono. 20 I, kɨko upaênyo. Nje hungkuno hilo somo kɨko sɨmeho hiêntnnono mantape soêno jɨje mango pɨkuênnyo imoênɨngkohoji kɨko hungkuno majoênjo uyɨmonnoho. Oso hopa nohumentanɨngkohoji yoêmayo kiloheso ne umoênɨmontonoho. Yoêmayo nje hungkuno kiloheso kakoe sɨkuno somo ne imoênɨngkuhwosoêno kɨko hungkuno apaêno walɨmonnoho. 21 Oso hungkuno hiso hnnontanɨngki aêamu mempo hohntaêni uhwontohumantɨfi huno piênɨngo engo syafɨsyontɨfi ole hnnɨmentohofi, Peho uêmahonɨngki kiyalofoho. Sekolaiya kako Anɨtuênjopo nohumanto kuntoêno moswapeênjo yalofoho. Ose hnnɨmentohofofoho. 22 Hwangku kako noswaponto kako hungkuno hwe moyaêmi somo mujoênjo imentisofoho. Oêo kako iloênnyo hopa imoênonto kako kakoe ahoênjiênohini itɨhwahonɨngki uhwonontɨfi ole syafɨhuêmentohofi, Sekolaiya kako Anɨtuye ango weêe soêmo nohumanto yoêmayo wonyoangkafoso uhwonɨngkiso hwolɨkeno. Ose syafɨhuêmentohofofoho. 23 Kakoe syoho iyo soêno sɨkuno moiêwo imoênɨngkahonɨngki kako kakoe angopono asomo umentisofoho. 24 Tɨfi sohonta kakoe ape Elisapet sɨmeho ihnênonto kako hiyasoêmo humentanɨngki hamno aho fehohnjo hopiênono uyakoloêmentisofoho. Ilisapet kako sɨmehoênjo honɨngkanonto ole hnnɨmento, 25 Nje Hwe Engo Anɨtu kako ngkimo wopɨngo ntohokwoho. Ngko mehomi mmoênyo soêno wonɨmango nnontanjopo Anɨtu aêamufe tɨmopo oso tango hiso wae yanɨmokwoho. Ose hnnonto sɨmonyo imentisofoho. 26 Elisapet sɨmehoênjosi humentanɨngki hamno aho fehohnjo hopiênono nomêne mtaêni angaênohinoso uyokolofahonɨngki Anɨtu kako kakoe aêamu ahwomomjo Ngkepɨliyel sohumo hwaho Ngkalili ango weêe Nasalet soponeêno lɨhwatɨmentisofoho. 27 Oseso kako ape sijo siyepono umentisofoho. Oso aêmu hisimo kakoe hwehuneêno uhwojano lontɨfi hwosopeehiniyoho. Oso hwe huhwo sohwo kakoe yofeso Jousepɨyoho. Hofiyakwosa hwe engo Ntefitɨye temtitofo mtaêango hweho. Oso aêmu siye yofeso Maliyafoho. 28 Ngkepɨliyel kako oso hisiênjo sopo iêmofawento ulɨmento, Nje mupe mofehiênyoênjoho. Anɨtu kako wopɨngo kilohofalofoho. Kako kɨkoênji humaho. 29 Maliya oso hungkunoso nupaênonto kako huno piênɨngo engo syafɨhuêmentisofoho. Oso hungkuno njiso hiso hwapɨngo neso pipineto. 30 Ose syofɨsyahonɨngki aêamu ahwomomjo sohwo ulɨmento, Maliya, kɨko huno piênɨngo syafɨsyohotoho. Iyoho kinyoêeno. Anɨtu kako kikineêno sɨmeho wopɨngo umoênalofoho. 31 Upaênyo. Kɨko sɨmeho ihnênɨngkiji hwomu aswo womaêmonnoho. Hwomu huhwo sohumo kakoe yofeso Jisasɨyo muso. 32 Kako hwe engo umoênɨmontonoho. Aêamu kakineêno ole wolantɨfeho. Olo hwe lohwo yoêmayo hopiênonohino somo hwofiloênnyo Anɨtuye Hwomu hweho. Ose wolantɨfeho. Olo hwe lohumo kakoe ajuyohwo Ntefit yofe engoênjo hwaho mokosyohumamojo hopo sopo Anɨtu uhumatɨmontonoho. 33 Kako aêamu Juta somo neêno mokosyohumantɨhwone hweho. Kakoe sɨkuno mokosyohumayoêneso moiêwo mmoênonehoho. Engolopohamo wawoêmtonoho. 34 Ose ulahonɨngki Maliya ulɨmento, Oso hiso pipi umoênɨmontolo. Ngko hwehwo manɨmahnênyoho. 35 Ose ulahonɨngki aêamu ahwomomjo sohwo ulɨmento, Hwangku Anɨtuye Towahuno Wopɨngo kikiyepono pɨhwosi Anɨtu yoêmayo somo hwofiloênnyo sohwoe yokumpohnênyoso ufehuêmokakohumontonoho. Oseso hwangku oso hwomu aswo majo huhwo sohuneêno aêamu ole wolantɨfeho. Hwomu wopɨngo sohwo Anɨtuye Hwomu Ne hweho wolantɨfeho. 36 Ose ulɨkwato lohofonto ole ulɨmento, Upaênyo. Jɨje aêamu Elisapet aêmanesi kako sɨmehoênjoho. Aêamu kakineêno hwonjo apefoho lɨmotofosi kako sɨmeho ihnênɨngkahonɨngki hamno aho fehohnjo hopiênono nomêni mtaêni angaênohinoso uyakoloêmasofoho. 37 Yoêmayo hopiênono aêamu miyɨwoênɨngkiyohofoso Anɨtu kako yoêmayo hwapɨngo sohwo yososo ne umoênɨmontonoho. 38 Ose ulahonɨngki Maliya ulɨmento, Ihwoni, ngko Anɨtuye syoho ulohofiênyoho. Kɨko ngkimo hungkuno ntohinoso nolohino hopaso Anɨtu kako ngkimo wantohofono. Ose ulahonɨngki aêamu ahwomomjo sohwo kako Maliyamo ulɨkoêmaêmentisofoho. 39 Oso hohosohonta Maliya kako yoêmayoso itoêno esyohumanto nolɨkafonto kako hwofɨkiênyo poneêno komoêno sɨmentisofoho. Oso hwaho Jutiya ango weêe sopo sɨêmofapmmentisofoho. 40 Sɨêmofaponto Sekolaiya sohwoe angomo noswonto Elisapetɨmo nje aêamuyo ulonto hinjoho huênɨmentisofoho. 41 Elisapet Maliyafe mampaho upaênonto kakoe mehomi sɨmeho moêmo mnawoênnyo sohwo kako yomo imentisofoho. Oso hohosohonta Anɨtuye Towahuno Wopɨngo Elisapetɨmo uhulaêmoêmentisoso 42 Elisapet kako mango engo ole ulɨmento, Anɨtu kako moyaêmi hopiênonohino sofamo wopɨngo ulohofɨwoênɨngkiso somo kako kikimo wopɨngo kilohofoso yakoloênnyo kiyoho. Oso mehomi jɨje sɨmeho moêmo mnawojo sohumo Anɨtu kako wopɨngo ulohoênnyo hweho. 43 Nje Hwe Engofe naêu siki ngkiyepono pehoêno pohino. Ngko yoêmɨngiênɨêmaho. Anɨtu kako wonyoangkafo ntohofantofoho. 44 Upaênyo. Ngko jɨje mampaho ngkineêno ntohinoso upaênonji nje sɨmehomjo mehomi mnawojo sohwo nolɨkafonto sɨmonyo yohoho. 45 Oso hungkuno Anɨtu kilɨmaso somo kɨko sɨmeho hiêntnnono uyɨmahnno soêno sɨmonyo fiyo. Oseso Hwe Engo sohwo nokilɨmaso hopaso wakilohoêmontonoho. Elisapet ose ulɨmentisofoho. 46 Maliya ulɨmento, Nje mampahoso Anɨtuye yofe hoênomalokweno. 47 Nje huyoêmango Anɨtu nefoêmawoênɨngkiso sohuneêno sɨmonyo yalokwemo. 48 Ngko Anɨtuye syoho ulohofiyohnêni yoêmɨngiênɨêmaho. I osoêno kako ngkimo wonyoangkafo ntohofantofoho. Olohonta nɨhu hwangku noêmo nɨhu aêamu Anɨtu kako ngkimo sɨmeho wonyoangkafo ntape soêno wolantɨfeho. 49 Anɨtu kako Yokumpohnênyo Hwofiloênnyo sohwo kako ngkimo wopɨngo ntohofo soêno ngko kakoe yofe wopɨngoênohinoso wohoênɨmaêmo. 50 Anɨtu kako aêamumneêno hitoho ulofahonɨngki aêamu kakoe hungkunomo enjwaêmo humawoênɨngkohofoso hofɨko Anɨtu kakoe hitohomo humalofo. Hofɨkoênohinɨêmaho. Oêo, hofɨkoe imu hwanji neêno imu hwanjimo neênohini wentɨhwonefoho. 51 Anɨtuye yokumpohnênyo itɨhwahonɨngki aêamu kakineêno yokumpohnênyo imoênɨwoênɨngkohofo somo Anɨtu kakoe aho yokumpohnênyo engo soênji ilojaofososo hofɨko kengoêmo humpopitnnefoho. 52 Anɨtu kako hwe yofe engo hwaho mokosyohumamotofo sohwamo monje yasyɨhwosi aêamu yofe engo ane somo hoênomawoênɨngkisofoho. 53 Aêamu mijoho unyo somo Anɨtu kako yoêmayo wopɨngo wonyoangkafo uyɨmontonoho. Aêamu yoêmayo hoêyango piênɨngoênjo somo kako nomêne wopɨngoso muyonehoho. 54 Kako kakoe aêamu Juta hnênɨmo hofiyo nefoêmawoênɨngkiso hweho. Oso hungkuno wopɨngo Anɨtu hitoho ulofoêne hofɨkimo uyɨmentiso soêno kako inɨngo momofalofiyoho. 55 Kako neyakwosamo Apɨloham sohwoênji kakoe imu sohwatnneêno hitoho ulofahonɨngki oso hitoho hiso engolopohamo neêno nowentɨhwonefoho. Maliya ose lɨmentisofoho. 56 Maliya kako Elisapetɨênji nohumentanɨngki hamno hufaêu sɨhune memjaofahonɨngki kakoe angopo neêno asomo umentisofoho. 57 Elisapet kakoe sɨkuno moiêwo imoênɨngkahonɨngki kako hwomu aswo maêmentisofoho. 58 Anɨtu kako oso wopɨngo hiso Elisapetɨmo ulohoêmentiso soêno hoênɨngkahonɨngki aêamu ango afaponjo soênji Elisapetɨye temtitofo soênji hofɨko Elisapetɨênji sɨmonyo imentohofofoho. 59 Sɨkuno aho fehohnjo hopiênono fehohntaêni hufaêu sɨhune memjaofahonɨngki aêamu huhwo sohwa hofɨko hwomu sohwoe aêapahomo sɨhu kolofoêneêentɨfi uhuêmokumentohofofoho. Hofɨko kanɨngkwohwoe yofe Sekolaiyafeso womelompulano lontɨfi imentohofofoho. 60 Ose yahonɨngkofi konaêwohi ulɨmento, Oêo, awonoho. Nakwo kakoe yofeso ole womulano. Jounɨyoho. 61 Ose ulahonɨngki hofɨko ulɨmentohofi, I, sikoe aêamu sohwa oso yofe Jounɨyo eso hiênjo hwaêmaho. Nɨhuêno awonoho. 62 Ose ulontɨfi hofɨko kanɨngkwohumo hungkuno mujoênjo mehomife yofeêno ahoênohini upiyoêmentohofofoho. 63 Upiyofahonɨngkofi Sekolaiya kako iyo feejo soêno ipiyofahonɨngki umentohofoso kako ole mtɨêmokumento, Kakoe yofeso Jounɨyoho. Aêamuso ose uhwonontɨfi hofɨko yomo yontɨfi huno piênɨngo engo syafɨhuêmentohofofoho. 64 Oso hohosohonta Sekolaiyafe mango hwosampo lohofonto melanyo itoêno imoênɨngkahonɨngki kako hungkuno lonto kako Anɨtuye yofe hoênomaêmentisofoho. 65 Oso aêamu ango afaponjoso hofɨko yoêmayo homo somo uhwonontɨfi yomo yontɨfi iyoho unɨngkahonɨngki pisopisaho lɨmentohofofoho. Oso yoêmayo imoênɨmentiso hisoêno oso hwaho Jutiya hwofɨkiênyoêmeemjo ango somo hoênomɨmentisofoho. 66 Aêamu hopiênonohino oso hungkuno homo somo upaênontɨfi huno piênɨngo engo syafɨsyontɨfi hofɨkoe sɨmeho moêmo ole hnnɨmentohofi, Oso hwomu huhwo sohwo kako hwangku pipi wehumamontehwolo. Ose hnnontɨfi huno ole umento, Anɨtuye yokumpohnênyoso kakimo umokosyohumaho. Huno ose umentisofoho. 67 Jounɨye kanɨngkwohwo Sekolaiya sohumo Anɨtuye Towahuno Wopɨngo ehuhnnaofahonɨngki Sekolaiya kako hungkuno Anɨtu uyɨmentisoso ulɨmentisofoho. 68 Ole ulɨmento, Nakwo aêamu Isɨlael hnênwiye Hwe Engo Anɨtu sohwoe yofe wohoênomano. Kako kakoe aêamu hnênwiyepono nefoêmayoêne neêmanto kako honɨngkano wonyo somtaêni isɨhutofonemalofoho. 69 Kako kakoe syoho ulohofiyo Ntefitɨye temtitofo mtaêango hwe yokumpohnênyo engo nefoêmayoêne nejapohoho. 70 Olo hilo soêno Anɨtu hohonta kakoe aêamumo hungkuno uyahonɨngki lɨmotofo sohwa nakumo nalɨmotofofoho. 71 Ole nalɨmentohofi, Hwangku kako nakwoe mango sohwafe aho mtaêni wonetɨmaêmontonoho. Aêamu nakumneêno sɨmeho wonyo umoênɨwoênɨngkiso sofe aho mtaêni wonetɨmaêmontonoho. 72 Ose nalonto nomênepo ole nalɨmento, Kako neyakwosamneêno hitoho engo neêno ulofɨwoênalofoho. Oso hungkuno yokumpohnênyo hohonta neyakwosamo uyɨmentiso somneêno kako huno akweêno syafɨsyɨwoênɨngkiso hweho. 73 Anɨtu neyakwo Apɨloham sohumo ulɨmento, Ngko hungkuno nehopiênohini yokintahoponeêno wakilɨmonneêno yohono. 74 Ngko sekwoe mango sohwafe aho somtaêni nosetɨmahmêmo sekwo iyoho masenyoênjo nje syoho wontohofiyantɨfeho 75 Sekwo sɨkuno huhwo huhwi songo nohumafɨkuji sekwo nje tɨmopo sekwo honɨngkano wonyo aneênjo wopɨngoênohini fohumantokuno. Ose ulɨmentisofoho. 76 Nje hwomu sohwosi, aêamuso ole kilɨfitnnefoho. Kɨko Anɨtu yokumpohnênyo hwofiloênnyo sohwoe hungkuno lutɨhwayoêne hwosoho. Oso hwe Anɨtu nakuyepono uhwatɨmonteêno yalokuso sohumneêno kɨko aêamu somo itoêno wesyohumamonnoho. 77 Kɨko Anɨtuye hungkuno aêamu somo ulohojoêno hofɨko huno ole uyɨmtonoho. Anɨtu kako nakwoe wonyo wae enaofɨhwosi asomo wonetɨmaêmonteêne yohoho. Huno ose uyɨmontonoho. 78 Anɨtu nakumneêno hitoho engo ulofɨwoênɨngkiso sohwo sɨmeho neênjo nejapɨwoênɨngkiso soêno pomponaho ahwomo mtaêni iyoho longkonɨwoênɨngkiso hopaso nejapososo nakumo wonalongkonɨmontonoho. 79 Oso pomponaho hiso kako aêamu sɨkwoêmjohoêmo humalofo soênji aêamu hofɨko poyo peênyo soêno iyoho unyo somo wolahumontonoho. Oso pomponaho hiso honɨngkano wopɨngoênohini itoêno humayoêne somo womikinjonehwatɨmontonoho. Sekolaiya ose ulɨmentisofoho. 80 Oso hwomu Joun huhwo sohwo kako engo wento Anɨtumneêno sɨmeho uyonto kako hwaho aêamu mohumunyo sopo neêno humamojoso kako aêamu Isɨlael somneêno Anɨtuye hungkuno lutɨhwamneêento Anɨtuye syoho wemaêmo lonto hofɨkoênjopo utɨhwaênyopo iêmofapmmentisofoho.