Luk 20
PNG1 Sɨkuno fihumo Jisas kako Anɨtuye tajo ango engo somo nohumanto hwe moyaêmi somo kako Anɨtumo uêmayo yahino soêno hungkuno lutɨhwamentisofoho. Aêamu tajo ango syohoênjo sohwanji aêamu honɨngkano hungkuno lutɨhwamentohofo hunoênjo sohwanji aêamu Jutafe hwe engo sohwanji hofɨko Jisasɨmo uêmaêmentohofofoho. 2 Uêmantɨfi ulɨmentohofi, Olo soêno fonaso. Kɨko olo syoho iwoênɨngkino loso tɨhwo kilɨmasoêno iwoênɨngkinoto. Yokumpohnênyoso tɨhwo kijapmmasoênji iwoênɨngkinoto. 3 Ose ulahonɨngkofi Jisas ulɨmento, Ngko huhwoêni hungkuno angaêno waselohonɨmonneêno yohono. Sekwo olo soêno ngkimo ntohonɨngkofo soêno ngko sekumo waselɨmonneêno yohono. 4 Joun kako aêamumo mijo kiyomaêmojo yokumpohnênyoso Anɨtu mtaêango maêmentisotaho. Hwahoponjo aêamu mtaêango maêmentisotaho. 5 Hofɨko ose upaênontɨfi ole hnnɨmentohofi, Joun kakoe yokumpohnênyo Anɨtu mtaêni maêmentisofoho ulasoêmanji ole wonalɨmontonoho. Oseêmanji sekwo Jounɨye hungkunomo sɨmeho hiêntnnono muyoênjo pehoêneto. 6 I Joun kakoe yokumpohnênyo hwahoponjo aêamu mtaêni maêmentisofoho ulasoêmanji hwe moyaêmi upaênɨngkuji hofɨko sojo wonefonjantɨfeho. Hwapɨngoso aêamu loso hofɨko huno ole syofɨsyalokwofo, Anɨtu kako Jounɨmo hungkuno uyahonɨngki nalɨmentisofoho. 7 Ose hnnontɨfi Jisasɨmo ole ulɨmentohofi, Nakwo huno monayofoho. Joun kako aêamumo mijo kiyomaêmojo yokumpohnênyoso ntɨêmtoêangotɨkeno. 8 Ose ulahonɨngkofi Jisas ulɨmento, Oseêmanji ngko huhwoêni nje yokumpohnênyo yoêmayo iwoênɨngkohe hwapɨngo soêno maselɨmnehono. 9 Ose ulonto kako olo pahnnɨmo hungkuno oso aêamu homo somo ulɨmento, Hwe fihwo kako ipisayo syoho hulɨmentisofoho. Oso syoho homo somo mokosyohumayoêne kako aêamu hamniyoho syoho emawoênɨngkohofo sohwafe ahomo hoênasyonto kako ango ikanopo nowento osopo kako neêno humamojofoho. 10 Osopo nohumanto oso syoho homo somjo ipisayo mayoêne sɨkuno iêmofape somo kako kakoe syoho ulohofiyo fihumo ipisayo fehohnjo mayoêneêento kako oso aêamu kakoe syoho mokosyohumayo sohwamo uêmahwosi ipisayo mayoêne lɨhwatɨmentisofoho. Oso aêamu syoho mokosyohumayo sohwa syoho ulohofiyo huhwo sohumo ikujoho fonjontɨfi ipisayo muyoênjo yontɨfi wae yaoêmentohofofoho. 11 Osohonta kakwoêyohwo sohwo kako nomêne syoho ulohofiyo fihumo lɨhwatɨmentisofoho. Osohumo hofɨko ikujoho fonjontɨfi yahino wonyo umtɨêmokontɨfi ipisayo muyoênjo yontɨfi wae yaoêmentohofofoho. 12 Kakwoêyohwo kako syoho ulohofiyo hufaêu sɨhune sohumo lɨhwojahonɨngki kako nowento aêamuênjopo iêmofowahonɨngki hofɨko osohumo ikujoho wonyo fonjimokontɨfi mempo hohntaêni swohoênofapmmentohofofoho. 13 Oseso syoho kakwoêyohwo sohwo ole hnnɨmento, Ngko pipi imnehono. Ngko nje hwomu lohuno ngko sɨmeho uyalokwe lohumo luhwatɨmeso hofɨko kakoe hungkunomo haloho upeentɨfetɨkeno. Ose syafɨsyonto hwomu huhwo sohumo lɨhwatɨmentisofoho. 14 Aêamu syoho homo somo mokosyohumayo sohwa hwomu huhwo sohumo uhwonɨtumantɨfi ole hnnɨmentohofi, Oso hwe sohwo kako hwangku sohonta kanɨngkwohwoe yoêmayoso nomane hweho. Komoênohino, nakwo kakimo poyo wofonjosyano. Ose fonjosyɨhwasi nakwo kakoe syohoso nɨhuênahone womantanoho. 15 Ose hnnontɨfi hofɨko hwomu huhwo sohumo nokentɨfi mempo hohntaêni ipisayo syoho sopo swohoênaofontɨfi osopo poyo nɨhuênahone fonjahumentohofofoho. Jisas ose ulonto kako aêamu homo somo ulohonɨmento, Ose imentohofo soêno ipisayo syoho kakwoêyohwo sohwo aêamu wonyo huhwo sohwamo pipi ulohoêmontolo. 16 Hwangku kako nopɨhwosi oso aêamu wonyo sohwamo nofonjasyɨhwosi kako nomêne aêamu sohwamo syoho hiso mokosyohumayoêne uyɨmontonoho. Jisas ose ulahonɨngki aêamuso upaênontɨfi ulɨmentohofi, U, kako oso hwolaho. 17 Ose ulahonɨngkofi Jisas hofɨkimo tɨmo uhwononto ulɨmento, Olo Anɨtuye hungkuno iyoswomo mtɨêmokumentohofo loso hwapɨngo neso huno pipi seyohoho. Olo sojo engkwosaho paênyo aêamu ango injuwoênɨngkohofo sohwa wae yaoêmentohofo loso olohontajo engkwosaho loso angomo sosofitofoêne hwapɨngohwo imoênɨngkohoho. Ose mtɨêmokumentohofofoho. 18 Nomênepo Anɨtuye hungkuno mtɨêmokumentohofoso olenoho. Aêamu hopiênono oso sojo engkwosaho paênyo homo somo entofomafɨkuji pɨwahupijoso hofɨko hofɨkoe aêapaho kempi mtɨêmtɨême lohofɨhwosi wohuêmehinawoêmontonoho. I osoêno oso engkwosaho huhwo sohwo kako aêamu fihwoe aêapahopo pɨwasyososo fonjomtɨhupeeofososo oso hwe huhwo sohwo kakoe aêapahoso hintalinyo paênɨngo umoênɨmontonoho. 19 Jisas oso pahnnɨmo hungkuno ulahonɨngki aêamu honɨngkano hungkuno lutɨhwawoênɨngkohofo hunoênjo sohwanji aêamu tajo ango syohoênjo yofe engoênjo sohwanji hofɨko huno ole uyɨmento, Jisas oso pahnnɨmo hungkuno nakumneêno lohoho. Nakwoe sɨmeho moêmo me hopa nafeêno nalohoho. Huno ose syafɨsyontɨfi oso hohosohonta hofɨko Jisasɨmo aho kehwasi wofonjosyano lontɨfi imentohofoso hofɨko hwe moyaêmi somneêno iyoho unɨmentisofoho. 20 Oseso hofɨko Jisasɨmo fonjasiyoêneêentɨfi honɨngkano wotɨpemano lontɨfi Jisasɨmo humuhwontohumantohofofoho. Hofɨko Jisasɨyepono aêamu fehohnjo sohwamo luhwojahonɨngkofi oso aêamu sohwa hofɨko aêamu Jisasɨye hungkunomo wopɨngo hwofoho wonalono lontɨfe hwasyo humupoênontohumantohofofoho. Ose ko imoênontɨfi hofɨko pojiyontɨfi hofɨko Jisasɨye hungkunomo yamofo ulohoêmentohofofoho. Ole hnnɨmentohofi, Jisas kako aêamu hwaho mokosyohumayo huhwo sohwamneêno hungkuno wonyo losoêmanji nakwo aho kehwasi oso aêamu hwaho mokosyohumayo sohwafe ahopo nohoênosyɨhwasoêno hofɨko Jisasɨmo tohino uyantɨfeho. Ose hnnontɨfi Jisasɨmo humuhwontohumantohofofoho. 21 Oseso hofɨko Jisasɨmo ole ulohonɨmentohofi, Nakwoe Lonetɨhwayo sohwosi, nakwo huno nayohoho. Kɨko hwe moyaêmimo Anɨtuye yahino soêno hungkuno lutɨhwawoênɨngkinoso nehopiênohini lutɨhwawoênɨngkino hwosoho. Kɨko aêamu yofe engoênjo sohwamneêno iyoho makinyoênjo hwosoho. Nakwo hopiênonohinoso afaponohinoho. Hungkuno itoênohino lɨwoênɨngkino hwosoho. 22 Oseso nakwo olo soêno wakilohonantaneêno yɨhwono. Kɨko huno pipi kiyohoho. Nakwo hwe engo Sisa sohuneêno hamniyoho wohoênosyano lakinɨngkohoho. Mohoênasiyoênjo uyano lakinɨngkohoho. 23 Ose ulahonɨngkofi Jisas kako hofɨko poji yamofo ulohofano lontɨfi imentohofo soêno hwasyo yahino soêno huno uyahonɨngki ole ulɨmento, 24 Hamniyoho angaêno ntɨhwaho. Olo hamniyoho losomjo huyoêmango soênji yofe soênji tɨhwoeto. Ose ulahonɨngki ulɨmentohofi, Sisafefoho. 25 Ose ulahonɨngkofi Jisas ulɨmento, Eêwano. Sisafe yoêmayo soêmanji Sisamo uyɨmno. I Anɨtuye yoêmayo soêmanji Anɨtumo uyɨmno. 26 Jisas ose ulahonɨngki aêamu huhwo sohwa hungkuno wopɨngo somneêno hofɨkoe sɨmeho moêmo pisopisaho lontɨfi mampiênyo humamentohofofoho. Oseso oso aêamu hofɨkimo lɨhwatɨmentohofo sohwa hofɨko Jisasɨye hungkuno somneêno hungkuno itoêno mɨhwajiyoêne hwe moyaêmife tɨmopo makekutnnesohilo. 27 Aêamu Satɨyusi fehohnjo sohwa Jisasɨmo uêmaêmentohofofoho. Aêamu Satɨyusi huhwo sohwa hofɨko huno ole uyɨwoênɨngkohi, Aêamu poyo peênyo sohwa hofɨko nɨhuênahone peênɨwoênɨngkohofo. Apaêno songo molɨkafeênefoho. Ose syafɨsyɨwoênɨngkohofofoho. 28 Hofɨko Jisasɨmo uêmantɨfi ole ulohonɨmentohofi, Nakwoe Lonetɨhwayo hwosi, Mouses nakumneêno hungkuno ole motɨêmokumentono. Hwe fihwo kako ape nomahwosi kako mehomi motɨpemayoênjo sohwo poyo peênɨngkuhwosoêno oso ape hisimo konɨngkwaêwehwo nomahwosi kolaêwehumneêno mehomi wotɨpemano. Mouses ose mtɨêmokumentisofoho. 29 Oseso hwe aho fehohnjo hopiênono nomêni mtaêni hufaêu sohwa humamotofofoho. Tisɨmaso sohwo kako ape manto mehomi motɨpemaso sohwo poyo peênɨmentisofoho. 30 Oseso konɨngkwaêwehwo akuêmu sohwo oso ape hisimo maêmentisoso kako huhwo mehomi aneênjo peênɨmentisofoho. 31 Oseso oso ape hisimo hinjo huhwa oseênohini maêmentohofoso mehomi ane peênɨmentohofofoho. 32 Hwangku oso ape hisi poyo peênɨmentono. 33 Oseso aêamu poyo peênyo sohwa lɨkapijo sohonta tɨhwoe ape umoênɨmontolo. Hofɨkoênɨkwehwa aho fehohnjo hopiênono nomêne mtaêni hufaêuyo sohwa ape hisimo nto maêmentohofofoho. 34 Ose ulohonɨngkahonɨngkofi Jisas ulɨmento, Hwe moyaêmi olohonta humalofoso hofɨko ape maênɨwoênɨngkohofo. 35 I osoêno oso hwe moyaêmi poyo peênɨfijoso apaêno songo lɨkapijo hopaso apaêno lɨkafɨkuji songo neênohino humafijo sohonta hofɨko apaêno ape momaênɨfitnnefoho. 36 Hofɨko aêamu ahwomomjo paênyo nohumafɨkuji apaêno poyo mapeênɨfitnnehofo. Anɨtu hofɨkimo poyo peênyo somtaêni ulɨkafoso soêno hofɨko kakoe mehomi umoênantɨfeho. 37 Mouses huhwo kako aêamu poyo peênyo sohwa apaêno songo lɨkafoso soêne huno nafohotoêmentisofoho. Mouses kako oso iyo weêe toho ko nɨmentisoso yofoho miyo lohoênnyo somo uhwononto ulɨmento, Hwe Engo hwofiloênnyo ne sohwo kako Apɨlohamɨye Anɨtuyoho. Kako Aisakɨye Anɨtuyoho. Kako Jekoupɨye Anɨtuyoho. 38 Ihwoni. Mouses kako ole syafɨhuêmento, Apɨlohamja Aisakɨja Jekoupɨja hofɨko hohonta poyo ko peênɨmentohofo sohwa songo humalofo soêno syafɨsyonto oso hungkuno hiso lɨmentisofoho. Anɨtu kako poyo peênyo sofe Anɨtu hwoêmaho. Oêo, songo humalofo sofe Anɨtuyoho. Anɨtu kakoe tɨmopo aêamu hopiênonohinoso songo humalofo. 39 Jisas ose ulahonɨngki aêamu fehohnjo honɨngkano hungkuno lɨwoênɨngkohofo hunoênjo sohwa Jisasɨmo ulɨmentohofi, Nakwoe Lonetɨhwayo sohwosi, hungkuno wopɨngo nalohino. 40 Ose ulontɨfi hofɨko nomêne hungkuno Jisasɨmo ulohonyo soêno iyoho imentohofofoho. 41 Jisas aêamu Falisi sohwamo ulɨmento, Aêamu ole lɨwoênɨngkohofo Kɨlais kako oso aêamu Anɨtu nakwoe hwahopo uhwatɨêmentiso sohwo Ntefit hwe yofe engoênjo hohonta hwaho mokosyohumamojo sohwoe imu hweho. Oseso pipi lɨwoênɨngkohofo. 42 Oso Taênjo Iyoswo somo Ntefit ole lɨmento, Anɨtu kako nje Hwe Engo Kɨlais, Anɨtu nakwoe hwahopo uhwatɨêmentiso sohumo ole ulɨmento, Kɨko nje aho anga sohohntaêni fosyohumaho. 43 Osopo kɨko nohumahoji ngko jɨje mango sohwamo jɨje sɨfɨkiênyoêmo enjwaêmo wakuhumotɨêmonnoho. Ntefit ose lɨmentisofoho. 44 Oseso Ntefit kako oso hwe Anɨtu nakwoe hwahopo uhwatɨêmentiso Kɨlais sohuneêno nje Hwe Engo hweho lɨmentiso soêno Kɨlais sohwo kako Ntefitɨye imuhwo imoênyoso pipilo. 45 Hwe moyaêmi hopiênonohinoso hofɨko Jisasɨye hungkuno upaênontɨfi nohumentanɨngkofi Jisas kakoe inomokomoyo sohwamo ole ulɨmento, 46 Sekwo aêamu honɨngkano hungkuno lutɨhwawoênɨngkohofo hunoênjo sohwafe yahino somneêno iêwaho itoêno fiyɨmno. Hofɨko hofɨkoe yofe engo somneêno hwapɨfe sawemo yontɨfi honɨngkanopo emoyɨwoênɨngkohofofoho. Osopo emoyontanɨngkofi hwe moyaêmi hofɨkimo uhwonontɨfi nakwoe hwe engo hwasoho ulɨwoênɨngkohofo soêno umoênɨwoênɨngkisofoho. Osoênji hofɨko tajo ango somo aêamufe sɨmanopo humayoêno umoênɨwoênɨngkisofoho. Osoênji hofɨko aêamu wopayo engo iloho yano sohonta epohumayo sɨmoêmjo soêno umoênɨwoênɨngkiso hwafoho. 47 Hofɨko Anɨtumo hungkuno sawemo engo jomo ko ulontɨfi hofɨko apɨwojo sofafe ango yoêmayo soêno wosemokosyohumano poji ulontɨfi ango hiso hofɨkoêne nɨhuênahone emawoênɨngkohofɨhwafoho. Hwangku oso hwe huhwo sohwo tohino engo notɨpemapitnnefoho.