Luk 7
PNG1 Jisas kako oso hungkuno hiso hwe moyaêmi somo moiêwo ulonto kako ango Koponeyamneêno umentisofoho. 2 Hwe fihwo kako aêamu itokusoênjo sohwamo mokosyohumayo sohwo kakoe syoho ulohofiyo fihwo kako mnokino engo tɨpemanto poyo mofonepo wopeênɨmonto imentisofoho. Oso hwe engo huhwo sohwo kako kakoe syoho ulohofiyo sohumneêno sɨmeho uyɨmojo hweho. 3 Kako Jisas mofonepo humaho upaênonto kako Jutafe hwe engo fehohnjo sohwamo Jisas aêamu mnokinoênjo sohumo wopɨngo umokiyoêno utɨmayoêne lɨhwatɨmentisofoho. 4 Lɨhwojahonɨngki hofɨko Jisasɨmo uêmantɨfi hungkuno yokumpohnênyo akweêno ulɨmentohofi, Olo hwe wopɨngoênohini lohwo kako honɨngkano itoênohino iwoênɨngkiso hweho. Oseso kɨko kakimo ufoêmaho. 5 Kako aêamu Loum ko huhwo kako nakwo aêamu Juta sohwonaênɨmneêno hitoho ulofɨwoênɨngkiso hweho. Kako nakuneêno Anɨtuye tajo ango weêeso molɨmentisofoho. 6 Ose ulahonɨngkofi Jisas hofɨkoênji umentohofofoho. Kako angoênjo tɨfonepo iêmofowahonɨngki hwe yofe engoênjo sohwo kako kakoe aêamu nomêne sohwamo Jisasɨyepono lɨhwatɨmentisofoho. Hofɨko Jisasɨmo uêmantɨfi hwe huhwo sohwoe hungkuno motapontɨfi ulɨmentohofi, Nje ango ne sopo nɨêmayo soêno syoho engo ihnnoho. Hwe Engofo, kɨko nje angomo ko swapihnneso ngko hwe wopɨngo hwoênnye angoêmêmaho. 7 Osoêno ngko kikiyepono ko pmneso ngko hwe wopɨngo hwonɨêmaho. I osoêno kɨko osopo nohumahoji hungkunoênohini lisoso nje syoho ntohofiyo sohwo wopɨngo umoênɨmontonoho. 8 Ihwoni. Ngko huhwoêni hwe engo sohwamo enjwaêmo humale soêno ngko hofɨkoe hungkunomo tɨfi itoêno inɨngkawoênɨngkohe hwoênyoho. U, hofɨko ngko huhwoênɨmo nomênihwa enjwaêmo humalofo. Oseso ngko hwe fihumo Mpano ulɨêmeêno kako wamtonoho. U, nomêne sohumo Oyomo ulɨêmeêno kako wapmmontonoho. U ngko nje syoho ntohofiyo fihumo, Olo syoho fiyo ulɨêmeêno kako syoho uyɨmontonoho. Oseso kɨko hungkunoênohini ulohojoêno ngko huno niyohoho. Nje syoho ntohofiyo sohwo wopɨngo umoênɨmontonoho. Ose ulɨmentohofofoho. 9 Jisas kako oso hungkuno hofɨko motapmmentohofo homo somo upaênonto kako yomo yonto kako oso hwe engo huhwo sohumneêno huno piênɨngo engo syafɨhuêmentisofoho. Oso hwe moyaêmi piênɨngo engo kakimo inɨngkamentohofo somneêno Jisas kako ikinjamo lohofonto pisopisaho lonto ulɨmento, Ngko oso hwe engo huhwo sohumneêno hungkuno waselɨmonneêno yohono. Ngko aêamu Isɨlael sofe sɨmeho hiêntnnono ntapinyo yahinoso oso hwe huhwo sohwoe paênyoso muhwonyoênjo hwoênyoho. 10 Ose ulahonɨngki oso aêamu hwe yofe engoênjo sohwo luhwatɨmentiso sohwa hofɨko hofɨkoe ango poneêno asomo nowentɨfi uhwonɨmentohofoso syoho ulohofiyo sohwo kako wopɨngo nohumentanɨngki uhwonɨmentohofofoho. 11 Sɨkuno fehohnjo memjaofahonɨngki Jisas kako ango Nain soponeêno umentisofoho. Kakoe inomokomoyo sohwanji nomêne hwe moyaêmi piênɨngo engo hiênji umentohofofoho. 12 Oso ango hopo soponjo kuso engo somo iêmofawentɨfi uhwonɨmentohofoso aêamu sohwa hofɨko aêamu poyo peênnyo sohwo itokwapmmentohofofoho. Poyo peênnyo sohwoe konaêwohisi kako oso hwomu huhwo sohumnohini maêmentisofoho. Kakoe hwehwo sohwo hohonta poyo peênɨmentisosiyoho. Oso ango hopo soponjo hwe moyaêmi piênɨngo engoso aêmusiênji nopontanɨngkofi Jisas uhwonɨmentisofoho. 13 Jisas uhwononto aêmu simneêno hitoho engo ulofahonɨngki aêmu simo ulɨmento, Kɨko humotaho lohotoho. 14 Ose ulonto mofonepo lohofawento aêamu poyo peênnyo sohwoe ijempoho sopo aho kisesyahonɨngki aêamu itokwapmmentohofo sohwa lohoêmentohofofoho. Jisas ulɨmento, Olo hwomo lohwosi, ngko wakilɨmonneêno yohono. Filɨkaho. 15 Ose ulahonɨngki oso hwomu huhwo sohwo songo lɨkafonto hungkuno lɨmentisofoho. Oseso Jisas kako konaêwohimo uyɨmentisofoho. 16 Ose uhwonontɨfi hwe moyaêmi hopiênono iyoho yontɨfi hofɨko Anɨtuye yofe hoênomaêmentohofofoho. Ole ulɨmentohofi, Hwe Engo lohumo Anɨtu hungkuno uyahonɨngki najoêne sohwo nto ifawotoho. Anɨtu kakoe aêamu ne somo ufoêmayoêne nto ifawotoho. 17 Oso Jisas imentiso soêno hwaho Jutiya osoêmo hoênomɨwento hwaho angoêmeemo hoênɨmentisofoho. 18 Yoêmayo hungkuno Jisasɨmneêno hoênɨngkiso soêno Jounɨye inomokomoyo sohwa upaênontɨfi Jounɨmo ulɨmentohofofoho. 19 Joun kako upaênonto kakoe inomokomoyo hufaêu hwaêumo Jisasɨyepono hungkuno lɨhwatɨmentisofoho. Hungkunoso olenoho. Hwe tɨfi wapmmontonoho hoênɨmentiso sohwosilaho. I, nakwo nomênihuneêno wohontohumantantaho. 20 Ose lɨhwojahonɨngki siko Jisasɨmo uêmanji ulɨmentisiyo, Joun Aêamumo Mijo Kiyomaêmojo sohwo kikimo ole kilahonɨngkohoho. Kɨko hwe tɨfi wapmmontonoho lɨmentohe sohwosilaho. I, nakwo nomênihuneêno wohontohumantantaho. Jounɨye hungkuno ose ulohonɨmentisiyefoho. 21 Oso hohosohonta Jisas kako hwe moyaêmi mnokino kengo kengoênjo somo wopɨngo umokumentisofoho. Aêamu towahuno wonyo ehuhnnamoênnyo somo wae yaoêmentisofoho. Aêamu tɨmpiênyoso apaêno tɨmo honɨmentohofofoho. 22 Jisas kako Jounɨye inomokomoyo sohwaêumo ole ulɨmento, Siko nuhusɨsi yoêmayo nuhwonalokusiyo soênji yoêmayo upoênalokusiyo soêntnneêno Jounɨmo ulohunyo. Aêamu tɨmpiênyoso tɨmo apaêno honalokwofo. Aêamu sɨfe wonyoênjoso apaêno hano itoêno walokwofo. Aêamu aêapaho uyo nɨhuêno wonyoênjoso (lepɨla) hofɨkoe aêapahoso wopɨngo imoênɨngkohoho. Aêamu haloho pɨkuênnyoso apaêno itoêno upoênalokwofo. Aêamu poyo peênnyoso apaêno songo lɨkofalokwofo. Aêamu yoêmayo soêno umofonyo iyoso Anɨtuye hungkuno wopɨngoso upoênalokwofo. 23 Aêamu ngkineêno hwahopontaêango hwolɨkeno, Anɨtuye hwolɨkeno, huno ose mosyafɨsiyoênjo yontɨfi hofɨko sɨmeho hiêntnnono kengaêno ntopantokwofoso hofɨko sɨmonyo uyɨfe. Siko nuhusɨsi oso hungkuno hiso Jounɨmo ulinyo. 24 Ose ulahonɨngki oso hwe Joun lɨhwatɨmentiso sohwaêu nto wahonɨngki Jisas kako hwe moyaêmi somo Jounɨmneêno hungkuno ulɨmentisofoho. Ole ulɨmento, Hohonta sekwo oso hwaho aêamu mohumunyo sopo umentohofo sohonta pehomo uhwonano lontɨfi umentohofoto. Sekwo hwe mohufiyo paênɨngo sohwo ifofo ilojaoêmentiso sohumo uhwonano lontɨfi umentohofotaho. Oêo, oseêmaho. 25 Pehohumo uhwonano lontɨfi umentohofoto. Hwe fihwo hwapɨfe yoêmayo wonyoangkafo huêmeesisyoso uhwonano lontɨfi umentohofotaho. Oêo, aêamu hwapɨfe yoêmayo wokosoênjo wonyoangkafo sohwa hofɨko hwe yofe engoênjo hwaho mokosyohumayo sohwoe angomo humawoênɨngkohofofoho. 26 I, osoêno sekwo pehohumo uhwonano lontɨfi, umentohofoto. Aêamumo Anɨtu hungkuno uyahonɨngki hungkuno najo sohumo uhwonano lontɨfi imentohofotaho. Ou, osohifoho. Upaênɨmno. Oso hwe sekwo uhwonɨmentohofo sohwo kako aêamu hopiênonohinomo Anɨtu hungkuno uyahonɨngki nalɨwoênɨngkohofo somo yakoloênnyo hweho. 27 Oso hwe huhwo sohumneêno Anɨtuye hungkuno kakoe hwomumo ole nalohi, Upaênyo. Ngko hwe fihumo nje hungkuno motaweêne wolɨhwatɨmonnoho. Oso huhwo sohwo kako kikimo sɨmoêmo kupe-eêne hweho. Kako jɨje honɨngkano itoêno esyohumayoêne hweho. Ose nalohoho. 28 Ngko hungkuno waselɨmonneêno yohono. Hwe moyaêmi hopiênono olo hwaho lopo humalofoso hofɨko Jounɨmo muyakolopitnnehofo. I, osoêno aêamu yofe engo ane sohwo Anɨtumo enjwaêmo humaso sohumo Joun kako osohumo muyakolofonefoho. Jisas ose ulɨmentisofoho. 29 Hwe moyaêmi piênɨngo soênji aêamu hamniyoho mayo syohoênjo sohwanji hofɨko Jounɨye hungkunomo upaênontɨfi hnnɨmentohofi, Anɨtuye yahino ntoênohino somo unɨngkowano lahonɨngkofi Joun hofɨkimo mijo kiyomaêmentisofoho. 30 I osoêno aêamu Falisi sohwanji aêamu Jutafe honɨngkano hungkuno lutɨhwamotofo sohwanji hofɨko Jounɨye mijo kiyomayo soêno nakwolaho lɨmentohofo soêno hofɨko oso honɨngkano wopɨngo Anɨtu utɨhwamentiso somneêno hohujo ikinjaoêmentohofofoho. 31 Oso aêamu huhwo sohwamneêno Jisas ole ulɨmento, Oso aêamu olohonta humalofo sohwa peho paênyo hwasimo waselɨmonnto. Aêamu peho hwalo. 32 Hofɨko olo paênyo hwafoho. Mehomiso hofɨko angopo humantɨfi nomêne mehomi somneêno joho ole lɨmofɨwoênɨngkohofo paênyo hwafoho. Nakwo hmpehmpe yoka sɨmonyoêne kulɨmokahonɨngkuhwoni sekwo sɨmonyo miyo kuyoho. Nakwo wosofe lahonɨngkuhwoni sekwo humotaho majofoho. 33 Ihwoni. Joun Aêamumo Mijo Kiyomaêmojo sohwo kako iêmofaponto wosopayoênji ipisayo mijo pompenjiyo soênji manyo humohumantiso hweho. Osohumo sekwo uhwonontɨfi lɨmentohofi, Towahuno wonyo ehuhnnamoênnyo hweho. 34 I, ngko Aêamufe Hwomu sohwoêni iêmofaponji ngko ahuêmo wosopayoênji ipisae mijo pompenjiyo soênji nɨwoênɨngkohe soêno sekwo ngkineêno ole lalokwofo. Uhwonɨmno. Hwe wopayo piênɨngo engo nyoênjo hweho. Ipisae mijo pomenjiyo piênɨngo engo nyoênjo hweho. Kako aêamu hamniyoho mayo syohoênjo sohwanji aêamu honɨngkano wonyoênjo soênjiye aêamu hweho. Oso ngkineêno lɨwoênɨngkohofɨhwasoho. 35 I osoêno hwe moyaêmi hofɨko Anɨtuye huno engo mawoênɨngkohofoso hofɨkoe honɨngkano wopɨngo somo hofɨkoe itoêno humayo somo aêamu uhwonɨngkuji neênjofoho wolantɨfeho. 36 Falisi fihwo kako ngkoênji wosopayo wonaho lonto Jisasɨmo joho ulɨmentisofoho. Jisas kako oso Falisi sohwoe angomo noswonto wosopayo nyoêne humohumantisofoho. 37 Oso hopo sopo aêmu honɨngkano wonyoênjosi humunyoponoho. Kako Jisas Falisiye angomo wosopayo nalofoho upaênonto kako ahwonte hofiyo hwone mijo akino wonyoangkafoênjoso nomanto Falisi huhwo sohwoe angomo humentisofoho. 38 Kako noswonto Jisasɨye hohujo hntaêni sɨfepo hwomtame ehumanto humotaho sulɨmentisofoho. Kakoe tɨmijoso Jisasɨye sɨfepo loênɨngkahonɨngki kako kakoe mijiyoênji Jisasɨye sɨfemjo yokoênyoso sosayo usɨpoêmentisofoho. Ose yonto aêmusi kako Jisasɨye sɨfemo hinjoho huênonto hwone mijo akino wopɨngoênjoso ehulohoêmentisofoho. 39 Oseso oso Falisi Jisasɨmneêno wapono lɨmentiso sohwo oso hisimo uhwononto Jisasɨmneêno huno ole syafɨhuêmento, Olo hwe lohumo Anɨtu hungkuno uyahonɨngki nalɨmojo ne hwoêmanji kako oso aêmu siye yahinoso huno uyɨhwonesohilo. Oso aêmusi nɨhuêno wonyiyoho. Oseso ngko huno niyohoho. Kakimo Anɨtu hungkuno uyahonɨngki nalɨmojo ne hwoêmaho. 40 Oso hwe huhwo sohwoe hunomjo Jisas kako huno uyahonɨngki ulɨmento, Saimoun, ngko kikineêno hungkuno wakilɨmonneêno yohono. Ose ulahonɨngki Saimoun ulɨmento, Nakwoe Lonetɨhwayo sohwosi, Nohonjo. Ose ulahonɨngki 41 Jisas ulɨmento, Hwe fihwo hamniyoho mokosyohumayo sohwo kako hwe hufaêu hwaêumo hamniyoho aku mayoêne nokiso uyɨmentisofoho. Hwe fihumo kako faif hantɨlet (500) kina uyonto nomênehumo fifɨti (50) kina uyɨmentisofoho. 42 Oso hwe hufaêu huhwo sohwaêu siko aku uyoso hopoêmaho. Oseso hwe hamniyoho mokosyohumayo sohwo kako hamniyoho hiso aku mayosoêno sikoe syohofoho lonto sikoêne nɨhuênahonefoho, ulɨmentisofoho. Ose ulɨmentiso soêno oso hwe hufaêuyo huhwo sohwaêu siko oso hwe hamniyoho mokosyohumayo sohumneêno sɨmeho umoênyo engoso tɨhwolo. 43 Ose ulohonɨngkahonɨngki Saimoun ulɨmento, Ngko huno ole syofɨsyalokweno. Oso hwe faif hantɨlet (500) kina maêmentiso sohwo kako hwe sohumneêno sɨmeho umoênyoso engo umoênɨmentisofoho. I oso hwe fifɨti (50) kinaênohini maêmentiso sohwo kako sɨmeho weêeênohoni uyɨmentisofoho. Ose ulahonɨngki Jisas ulɨmento, Jɨje huno nehopi kiyohoho. 44 Ose ulonto kako aêmu simneêno ikinjamo lohofonto Saimounɨmo ulɨmento, Kɨko olo aêmu losimo uhwonyo. Ngko jɨje angomo swapohe sohonta kɨko nje sɨfemo mijo yatɨkuênyoêneso montapefoho. I osoêno olo aêmu losi kako kakoe tɨmijoênji nje sɨfemo nɨyotɨjwantofoho. Kakoe mijiyoênji sosayo nisɨpeentofoho. 45 Ngko noswopahonɨngko kɨko ngkimo hinjoho manɨhuênyofoho. I ngko kahopi swapohe sohonta olo aêmu losi kako nje sɨfemo hinjoho neênohini nɨhuênɨngkohoho. 46 Ngko noswopahonɨngko kɨko nje mnokinopo hwone mijo mehantohofefoho. I osoêno olo aêmu losi kako nje sɨfemo hwone mijo akino wopɨngoênjoso ehontohokwoho. 47 Osoêno Saimounɨkimo, ngko ole wakilɨmonneêno yohono. Olo aêmu losi kako ose ntohofantokuso soêno kɨko huno ole wakiyono. Kakoe honɨngkano wonyo piênɨngo engoênjo ko hisi olohonta ngko wae nto yaofohono. Oseso kako ngkineêno sɨmeho mɨkunɨmposo engo umoênalofoho. U hwe fihwo kako kakoe yokumpohnênyo soênji honɨngkano wopɨngo iwoênɨngkiso sohumo Anɨtu kakoe wonyo weêeso wae yaofososo oso hwe huhwo sohwo kako Anɨtumo sɨmeho weêene uyɨmontonoho. 48 Ose ulonto Jisas kako aêmu simo ulɨmento, Ngko jɨje wonyoso wae nto yakumofohono. 49 Ose ulahonɨngki oso aêamu kakoênji humohumantohofoso hofɨko hofɨkoe hungkuno ole hnnɨêmentohofi, Olo hwe lohwo aêamufe wonyo wae yaofɨwoênɨngkiso lohwo sohwo tɨhwolo. Ose hnnɨmentohofofoho. 50 Jisas kako aêmu simo ulɨmento, Kɨko ngkimo sɨmeho hiêntnnono ntapohino soêno kɨko Anɨtuye aêamu ne imoênɨngkohino. Oseso kɨko sɨmeho wopɨngoênji fosyohumantono.